ພາກທີ 4
ເຂົາເຈົ້າໄດ້ເຊື່ອຟັງຊາຕານ—ແລ້ວຜົນເປັນແນວໃດ?
ອາດາມແລະເອວາບໍ່ເຊື່ອຟັງພະເຈົ້າແລະເຂົາເຈົ້າຈຶ່ງຕາຍ. ຕົ້ນເດີມ 3:6, 23
ເອວາເຊື່ອຟັງງູແລ້ວກິນໝາກໄມ້. ຫຼັງຈາກນັ້ນ ລາວໄດ້ຍື່ນໝາກໄມ້ໃຫ້ອາດາມ ແລ້ວອາດາມໄດ້ກິນ.
ສິ່ງທີ່ເຂົາເຈົ້າເຮັດນັ້ນຜິດ—ເປັນຄວາມຜິດບາບ. ພະເຈົ້າໄດ້ຂັບໄລ່ເຂົາເຈົ້າໃຫ້ອອກຈາກບ້ານທີ່ເປັນອຸທິຍານ.
ອາດາມ ເອວາແລະລູກຫຼານມີຊີວິດທີ່ຍາກລຳບາກ. ເຂົາເຈົ້າເຖົ້າແກ່ລົງແລ້ວກໍຕາຍໄປ. ເມື່ອຕາຍເຂົາເຈົ້າບໍ່ໄດ້ໄປໃນໂລກວິນຍານ; ເຂົາເຈົ້າພຽງແຕ່ບໍ່ມີຊີວິດອີກຕໍ່ໄປ.
ຄົນຕາຍບໍ່ມີຊີວິດຄືກັນກັບຂີ້ຝຸ່ນດິນ. ຕົ້ນເດີມ 3:19
ເຮົາຕາຍເພາະວ່າເຮົາທຸກຄົນມາຈາກອາດາມແລະເອວາ. ຄົນຕາຍແລ້ວເບິ່ງບໍ່ເຫັນ ບໍ່ໄດ້ຍິນຫຼືເຮັດສິ່ງໃດກໍບໍ່ໄດ້.—ຜູ້ເທສະໜາປ່າວປະກາດ 9:5, 10.
ພະເຢໂຫວາບໍ່ໄດ້ມຸ່ງໝາຍໃຫ້ມະນຸດຕາຍ. ອີກບໍ່ດົນພະອົງຈະປຸກຄົນທີ່ຕາຍໃຫ້ຟື້ນຄືນມາ. ຖ້າຄົນທີ່ຖືກປຸກຄືນມາຈາກຕາຍເຊື່ອຟັງພະອົງ ເຂົາເຈົ້າກໍຈະມີຊີວິດຢູ່ຕະຫຼອດໄປ.
ເລື່ອງທີ່ເຈົ້າອາດຈະມັກ
ຄຳສອນ
ຄົນຕາຍແລ້ວເປັນແນວໃດ?
ຄຳພີໄບເບິນສັນຍາວ່າຈະມີຄົນຈຳນວນຫຼາຍໄດ້ຮັບການປຸກໃຫ້ຟື້ນຄືນມາຈາກຕາຍຄືກັບລາຊະໂລ.
ຄຳສອນ
ເປັນຫຍັງພະເຈົ້າຈຶ່ງຍອມໃຫ້ມີຄວາມທຸກ?
ຄຳພີໄບເບິນໃຫ້ຄຳຕອບທີ່ໜ້າພໍໃຈແລະໃຫ້ກຳລັງໃຈເຮົາ.
ຄຳພີໄບເບິນ—ບອກເລື່ອງຫຍັງ?
ອຸທິຍານໄດ້ສູນເສຍໄປ
ເມື່ອພະເຈົ້າໄດ້ແຈ້ງໂທດຕໍ່ອາດາມແລະເອວາຕາມການກະທຳຂອງເຂົາເຈົ້າ ພະອົງຈັດໃຫ້ມີພື້ນຖານຂອງຄວາມຫວັງແນວໃດ?
