ພາກທີ 9
ເມື່ອໃດໂລກນີ້ຈະເປັນອຸທິຍານ?
ຄວາມຫຍຸ້ງຍາກທີ່ເກີດຂຶ້ນຢູ່ເທິງແຜ່ນດິນໂລກນີ້ພິສູດວ່າອີກບໍ່ດົນລາຊະອານາຈັກຂອງພະເຈົ້າຈະດຳເນີນການ. ລືກາ 21:10, 11; 2 ຕີໂມເຕ 3:1-5
ຄຳພີໄບເບິນບອກລ່ວງໜ້າເຖິງຫຼາຍສິ່ງທີ່ເກີດຂຶ້ນໃນທຸກມື້ນີ້. ຄຳພີໄບເບິນໄດ້ກ່າວໄວ້ວ່າຜູ້ຄົນຈະເປັນຄົນຮັກເງິນຄຳ ລູກຈະບໍ່ເຊື່ອຟັງພໍ່ແມ່ ໂຫດຮ້າຍແລະຮັກຄວາມສະໜຸກສະໜານ.
ຈະມີແຜ່ນດິນໄຫວຮຸນແຮງໃນສ່ວນຕ່າງໆຂອງໂລກ ການສູ້ຮົບກັນ ການຂາດແຄນອາຫານ ແລະໂລກລະບາດ. ສິ່ງຕ່າງໆເຫຼົ່ານີ້ກຳລັງເກີດຂຶ້ນໃນສະໄໝນີ້.
ພະເຍຊູຍັງບອກວ່າຈະມີການປະກາດຂ່າວດີເລື່ອງລາຊະອານາຈັກໄປທົ່ວໂລກ.—ມັດທາຍ 24:14.
ລາຊະອານາຈັກຈະກຳຈັດຄົນຊົ່ວທັງໝົດໃຫ້ສາບສູນໄປ. 2 ເປໂຕ 3:13
ອີກບໍ່ດົນພະເຢໂຫວາຈະທຳລາຍຄົນຊົ່ວທັງໝົດ.
ຊາຕານແລະພວກຜີປີສາດຈະຖືກລົງໂທດ.
ຄົນເຫຼົ່ານັ້ນທີ່ເຊື່ອຟັງພະເຈົ້າຈະລອດຊີວິດເຂົ້າໄປໃນໂລກທີ່ຊອບທຳ ທີ່ນັ້ນຈະບໍ່ມີຄວາມຢ້ານອີກ ເປັນໂລກທີ່ຜູ້ຄົນໄວ້ວາງໃຈກັນແລະຮັກກັນແລະກັນ.
ເລື່ອງທີ່ເຈົ້າອາດຈະມັກ
ປຶ້ມແລະຈຸນລະສານ
ການປົກຄອງຂອງພະເຈົ້າແມ່ນຫຍັງ?
ເມື່ອພະເຍຊູຢູ່ເທິງແຜ່ນດິນໂລກພະອົງເຮັດໃຫ້ເຫັນລ່ວງໜ້າວ່າການປົກຄອງຂອງພະເຈົ້າຈະເຮັດຫຍັງ
ປຶ້ມແລະຈຸນລະສານ
ຄວາມທຸກລຳບາກຈະມີມື້ໝົດໄປບໍ?
ຄຳພີໄບເບິນເວົ້າວ່າພະເຈົ້າຮັກຄວາມຍຸຕິທຳແລະເປັນຫ່ວງມະນຸດແທ້ໆ ນັ້ນໝາຍຄວາມວ່າແນວໃດຕໍ່ທ່ານ?
