ບົດຮຽນ 6
ອຸທິຍານໃກ້ເຂົ້າມາແລ້ວ!
ສິ່ງຊົ່ວຮ້າຍທີ່ພວມເກີດຂຶ້ນຢູ່ເທິງແຜ່ນດິນໂລກດຽວນີ້ສະແດງໃຫ້ເຫັນວ່າອຸທິຍານໃກ້ເຂົ້າມາແລ້ວ. ຄຳພີໄບເບິນກ່າວວ່າເຮົາຈະເຫັນຍຸກສະໄໝອັນໜ້າຢ້ານກົວເມື່ອອຸທິຍານໃກ້ຈະມາເຖິງ. ເຮົາພວມມີຊີວິດຢູ່ໃນຍຸກສະໄໝດັ່ງກ່າວ! ນີ້ແມ່ນບາງສິ່ງທີ່ຄຳພີໄບເບິນບອກວ່າຈະເກີດຂຶ້ນ:
ສົງຄາມໃຫຍ່. “ຊາດຈະລຸກຂຶ້ນຕໍ່ສູ້ຊາດ ແລະອານາຈັກຕໍ່ສູ້ອານາຈັກ.” (ມັດທາຍ 24:7, ລ.ມ.) ຄຳພະຍາກອນນີ້ໄດ້ເກີດຂຶ້ນເປັນຈິງ. ນັບແຕ່ປີ 1914 ເປັນຕົ້ນມາ ມີສົງຄາມໂລກສອງຄັ້ງແລະສົງຄາມທີ່ນ້ອຍກວ່າອີກຫຼາຍຄັ້ງ. ມີຄົນເປັນຈຳນວນລ້ານໆຄົນໄດ້ເສຍຊີວິດໃນສົງຄາມເຫຼົ່ານັ້ນ.
ການແພ່ລະບາດຂອງພະຍາດ. ຈະມີ “ໂລກລະບາດໃນບ່ອນຕ່າງໆ.” (ລຶກາ 21:11, ລ.ມ.) ເຫດການນີ້ໄດ້ເກີດຂຶ້ນຈິງບໍ? ແມ່ນແລ້ວ. ມະເຮັງ, ໂລກຫົວໃຈ, ວັນນະໂລກ, ໄຂ້ມາເລເລຍ, ໂລກເອດ ແລະພະຍາດອື່ນໆໄດ້ສັງຫານຄົນເປັນລ້ານໆ.
ການຂາດແຄນອາຫານ. ທຸກໆແຫ່ງຂອງແຜ່ນດິນໂລກມີຜູ້ຄົນມີອາຫານກິນບໍ່ພຽງພໍ. ທຸກໆປີຄົນເປັນຈຳນວນລ້ານໆເສຍຊີວິດຍ້ອນຄວາມອຶດຢາກ. ອັນນີ້ແມ່ນສັນຍະລັກອີກປະການໜຶ່ງທີ່ສະແດງວ່າອຸທິຍານໃກ້ຈະຮອດແລ້ວ. ຄຳພີໄບເບິນກ່າວວ່າ “ຄວາມອຶດຢາກຈະບັງເກີດມາດ້ວຍ.”—ມາລະໂກ 13:8.
ມັດທາຍ 24:7) ເຫດການນີ້ໄດ້ເກີດຂຶ້ນແທ້ໃນສະໄໝຂອງເຮົາເຊັ່ນດຽວກັນ. ມີຫຼາຍກວ່າໜຶ່ງລ້ານຄົນໄດ້ເສຍຊີວິດຍ້ອນແຜ່ນດິນໄຫວນັບຕັ້ງແຕ່ປີ 1914 ເປັນຕົ້ນມາ.
ແຜ່ນດິນໄຫວ. “ຈະບັງເກີດ ... ແຜ່ນດິນຫວັ່ນໄຫວຢູ່ບ່ອນຕ່າງໆ.” (ຜູ້ຄົນຊົ່ວຮ້າຍ. ຜູ້ຄົນຈະ “ມັກເງິນຄຳ” ແລະ “ຮັກແຕ່ຕົວເອງ.” ພວກເຂົາຈະ “ຮັກການສະຫນຸກສະໜານຫຼາຍກວ່າຮັກພະເຈົ້າ.” ເດັກນ້ອຍຈະ “ບໍ່ຟັງພໍ່ແມ່.” (2 ຕີໂມເຕ 3:1-5) ທ່ານເຫັນດີນຳບໍວ່າ ມີຄົນຈຳນວນຫຼວງຫຼາຍທີ່ເປັນແບບນີ້ໃນປັດຈຸບັນ? ພວກເຂົາບໍ່ມີຄວາມນັບຖືຕໍ່ພະເຈົ້າ ແລະພວກເຂົາສ້າງຄວາມຫຍຸ້ງຍາກໃຫ້ແກ່ຄົນເຫຼົ່ານັ້ນຜູ້ທີ່ພະຍາຍາມຮຽນຮູ້ກ່ຽວກັບພະເຈົ້າ.
ອາດຊະຍາກຳ. ພ້ອມກັນນັ້ນ “ການລະເມີດກົດໝາຍຈະທະວີຂຶ້ນ.” (ມັດທາຍ 24:12, ລ.ມ.) ທ່ານຄົງຈະເຫັນດີນຳວ່າອາດຊະຍາກຳແມ່ນຮຸນແຮງຂຶ້ນເມື່ອທຽບກັບຫຼາຍປີຜ່ານມາ. ປະຊາຊົນຢູ່ທຸກແຫ່ງແມ່ນສ່ຽງຕໍ່ການຖືກປຸ້ນ, ຖືກໂກງ, ຫຼືຖືກທຳຮ້າຍ.
ສິ່ງເຫຼົ່ານີ້ທັງໝົດສະແດງໃຫ້ເຫັນວ່າລາຊະອານາຈັກຂອງພະເຈົ້າໃກ້ເຂົ້າມາແລ້ວ. ຄຳພີໄບເບິນກ່າວວ່າ “ເມື່ອທ່ານທັງຫຼາຍຈະເຫັນສິ່ງທັງຫຼາຍນັ້ນພວມບັງເກີດມາ ຈົ່ງຮູ້ຈັກວ່າແຜ່ນດິນຂອງພະເຈົ້າ [“ລາຊະອານາຈັກຂອງພະເຈົ້າ,” ລ.ມ.] ມາໃກ້ແລ້ວ.” (ລຶກາ 21:31) ລາຊະອານາຈັກຂອງພະເຈົ້າແມ່ນຫຍັງ? ລາຊະອານາຈັກຂອງພະເຈົ້າແມ່ນລັດຖະບານທາງພາກສະຫວັນທີ່ຈະນຳອຸທິຍານມາສູ່ແຜ່ນດິນໂລກ. ລາຊະອານາຈັກຂອງພະເຈົ້າຈະເຂົ້າມາແທນທີ່ລັດຖະບານຂອງມະນຸດ.—ດານຽນ 2:44.