ຄຳຖາມທີ 10
ຄຳພີໄບເບິນຈະຊ່ວຍຂ້ອຍໄດ້ແນວໃດ?
ເຈົ້າ ຈະເຮັດແນວໃດ?
ໃຫ້ນຶກພາບເຫດການນີ້: ເດວິດກຳລັງຂັບລົດໃນບ່ອນທີ່ລາວບໍ່ຄຸ້ນເຄີຍ. ປ້າຍຕາມຫົນທາງແລະຈຸດສຳຄັນຕ່າງໆບອກໃຫ້ຮູ້ວ່າລາວມາຜິດທາງແລ້ວ. ເດວິດຮູ້ທັນທີວ່າຕົວເອງຫຼົງທາງ ລາວຕ້ອງລ້ຽວຜິດບ່ອນຕອນທີ່ຂັບລົດຢູ່.
ຖ້າເຈົ້າເປັນເດວິດ ເຈົ້າຈະເຮັດແນວໃດ?
ຢຸດແລະຄິດ!
ເຈົ້າມີຫຼາຍທາງເລືອກເຊັ່ນ:
-
ກ ຖາມທາງ.
-
ຂ ເບິ່ງແຜນທີ່ ຫຼືໃຊ້ຈີພີເອັດສ.
-
ຄ ຂັບລົດໄປເລື້ອຍໆ ໂດຍຫວັງວ່າເຈົ້າຈະພົບເສັ້ນທາງທີ່ເຈົ້າຢາກໄປ.
ເຫັນໄດ້ແຈ້ງວ່າທາງເລືອກ ຄ ເກີດຜົນໜ້ອຍທີ່ສຸດ.
ທາງເລືອກ ຂ ໄດ້ປຽບທາງເລືອກ ກ ເພາະໃນທີ່ສຸດແຜນທີ່ຫຼືຈີພີເອັດສຈະຊ່ວຍໄດ້ຕະຫຼອດການເດີນທາງ ນັ້ນຄືຊ່ວຍຊີ້ນຳທາງໃຫ້ເຈົ້າ.
ຄຳພີໄບເບິນກໍສາມາດຊ່ວຍເຈົ້າຄ້າຍໆກັນນັ້ນ!
ປຶ້ມທີ່ຂາຍດີທີ່ສຸດໃນໂລກຫົວນີ້ຈະ
-
ຊ່ວຍຊີ້ນຳເຈົ້າໃຫ້ຜ່ານຜ່າບັນຫາໃນຊີວິດ
-
ຊ່ວຍເຈົ້າໃຫ້ຮຽນຮູ້ກ່ຽວກັບຕົວເອງແລະເປັນຄົນທີ່ດີຂຶ້ນ
-
ຊ່ວຍເຈົ້າໃຫ້ຮູ້ວິທີທີ່ຈະມີຊີວິດທີ່ດີທີ່ສຸດເທົ່າທີ່ຈະມີໄດ້
ຄຳຕອບສຳລັບຄຳຖາມທີ່ສຳຄັນໃນຊີວິດ
ນັບຕັ້ງແຕ່ເຮົາເວົ້າເປັນ ເຮົາກໍມີຄຳຖາມຕ່າງໆເຊັ່ນ:
-
ເປັນຫຍັງທ້ອງຟ້າຈຶ່ງເປັນສີຟ້າ?
-
ດາວເກີດມາຈາກໃສ?
ຫຼັງຈາກນັ້ນເຮົາກໍຖາມຄຳຖາມກ່ຽວກັບຕົວເຮົາເຊັ່ນ:
-
ເປັນຫຍັງຄົນເຮົາຈຶ່ງຕາຍ?
ແຕ່ຈະວ່າແນວໃດຖ້າຄຳພີໄບເບິນມີຄຳຕອບເຫຼົ່ານີ້ມາດົນແລ້ວ?
ຫຼາຍຄົນເວົ້າວ່າຄຳພີໄບເບິນເປັນພຽງປຶ້ມນິທານແລະເທບນິຍາຍ ຫຼ້າສະໄໝ ແລະເຂົ້າໃຈຍາກໂພດ. ແຕ່ບັນຫາແທ້ໆແມ່ນຢູ່ທີ່ຄຳພີໄບເບິນບໍ ຫຼືຍ້ອນສິ່ງທີ່ຜູ້ຄົນໄດ້ຍິນກ່ຽວກັບຄຳພີໄບເບິນ? ເຂົາເຈົ້າອາດເຂົ້າໃຈຜິດບໍ?
ຕົວຢ່າງເຊັ່ນ: ຫຼາຍຄົນຄິດວ່າຄຳພີໄບເບິນບອກວ່າພະເຈົ້າຄວບຄຸມໂລກນີ້ ແຕ່ຈະເປັນເຊັ່ນນັ້ນໄດ້ແນວໃດ? ໂລກນີ້ຢູ່ໃນສະພາບທີ່ຄວບຄຸມບໍ່ໄດ້ ມີແຕ່ຄວາມວຸ່ນວາຍ ຄວາມທຸກ ຄວາມເຈັບປ່ວຍ ຄວາມຕາຍ ຄວາມທຸກຍາກແລະໄພພິບັດ ຖ້າໂລກເປັນແບບນີ້ຈະບອກໄດ້ແນວໃດວ່າພະເຈົ້າທີ່ມີຄວາມຮັກຈະເປັນຜູ້ຄວບຄຸມໂລກນີ້.
ເຈົ້າຢາກຮູ້ຄຳຕອບບໍ? ສິ່ງທີ່ຄຳພີໄບເບິນບອກກ່ຽວກັບຜູ້ທີ່ຄວບຄຸມໂລກນີ້ອາດເຮັດໃຫ້ເຈົ້າແປກໃຈກໍໄດ້!
ເຈົ້າອາດສັງເກດເຫັນວ່າຄຳແນະນຳທີ່ຢູ່ໃນຈຸນລະສານນີ້ແມ່ນມາຈາກຄຳພີໄບເບິນ. ພະຍານພະເຢໂຫວາເຊື່ອວ່າຄຳພີໄບເບິນເປັນແຫຼ່ງຂອງການຊີ້ນຳທີ່ໄວ້ໃຈໄດ້ ຍ້ອນຄຳພີໄບເບິນ “ມີປະໂຫຍດສຳລັບສອນ ວ່າກ່າວຕັກເຕືອນ ແກ້ໄຂສິ່ງຕ່າງໆໃຫ້ຮຽບຮ້ອຍ.” (2 ຕີໂມເຕ 3:16, 17, ລ.ມ.) ເຈົ້າໜ້າຈະລອງອ່ານເບິ່ງຄຳແນະນຳທີ່ເປັນປະໂຫຍດຈາກປຶ້ມຫົວນີ້ທີ່ຂຽນມາດົນແລ້ວແຕ່ກໍຍັງທັນສະໄໝຢູ່.
ເລື່ອງທີ່ເຈົ້າອາດຈະມັກ
ກ່ຽວກັບເຮົາ
ພວກເຮົາສຶກສາຄຳພີໄບເບິນແນວໃດ?
ເປັນທີ່ຮູ້ຈັກກັນທົ່ວໂລກວ່າພະຍານພະເຢໂຫວາຈັດລະບົບການສອນຄຳພີໄບເບິນໂດຍບໍ່ເສຍຄ່າ. ເຊີນມາເບິ່ງວ່າໄດ້ຜົນແນວໃດ?
ກ່ຽວກັບເຮົາ
ຂໍໃຫ້ມີຄົນມາສອນ
ເບິ່ງວ່າຄຳພີໄບເບິນສອນຫຍັງ ຫຼືມາຮູ້ຈັກພະຍານພະເຢໂຫວາຫຼາຍຂຶ້ນ.
ປຶ້ມແລະຈຸນລະສານ
ເຮົາຈະຮູ້ຄຳຕອບກ່ຽວກັບຊີວິດໄດ້ຈາກໃສ?
ທ່ານຈະເລືອກຜູ້ເຖົ້າຜູ້ແກ່ ຜູ້ທີ່ມີການສຶກສາ ຫຼືຄຳພີໄບເບິນ?
