ຄຳຖາມຈາກຜູ້ອ່ານ
ຖ້າຜູ້ຊາຍແລະຜູ້ຍິງທີ່ຍັງບໍ່ໄດ້ແຕ່ງດອງກັນໄປຄ້າງຄືນນຳກັນສອງຕໍ່ສອງໂດຍບໍ່ມີເຫດຜົນພຽງພໍ ນີ້ເປັນຫຼັກຖານວ່າເຂົາເຈົ້າໄດ້ເຮັດຜິດບໍແລະສົມຄວນທີ່ຈະຕັ້ງຄະນະກຳມະການຕັດສິນຄວາມບໍ?
ແມ່ນແລ້ວ ການໄປຄ້າງຄືນນຳກັນສອງຄົນໂດຍບໍ່ມີເຫດຜົນພຽງພໍເປັນຫຼັກຖານຢ່າງຊັດເຈນວ່າເຂົາເຈົ້າໄດ້ໄປເຮັດຜິດສິນລະທຳທາງເພດ. ດັ່ງນັ້ນຈຶ່ງມີເຫດຜົນທີ່ຈະຕ້ອງຕັ້ງຄະນະກຳມະການຕັດສິນຄວາມ.—1 ໂກລິນໂທ 6:18
ຄະນະຜູ້ເຖົ້າແກ່ຕ້ອງຄິດຢ່າງລະອຽດຮອບຄອບໃນແຕ່ລະສະຖານະການວ່າຈຳເປັນຕ້ອງຕັ້ງຄະນະກຳມະການຕັດສິນຄວາມຫຼືບໍ່. ຕົວຢ່າງ: ເຂົາເຈົ້າເປັນແຟນກັນບໍ? ຜູ້ເຖົ້າແກ່ເຄີຍໃຫ້ຄຳແນະນຳເຂົາເຈົ້າມາກ່ອນບໍໃນວິທີທີ່ເຂົາເຈົ້າປະຕິບັດຕໍ່ກັນ? ເປັນຫຍັງເຂົາເຈົ້າຕ້ອງໄປຄ້າງຄືນນຳກັນສອງຄົນ? ເຂົາເຈົ້າຕັ້ງໃຈວາງແຜນເຮັດແບບນັ້ນບໍ? ເຂົາເຈົ້າມີທາງເລືອກອື່ນບໍ ຫຼືມີບາງສິ່ງເກີດຂຶ້ນທີ່ເຮັດໃຫ້ເຂົາເຈົ້າຄວບຄຸມສະຖານະການບໍ່ໄດ້ ເຊັ່ນ: ເຫດການທີ່ບໍ່ໄດ້ຄາດຄິດ ຫຼືມີກໍລະນີສຸກເສີນທີ່ເຮັດໃຫ້ເຂົາເຈົ້າຕ້ອງຄ້າງຄືນນຳກັນໂດຍບໍ່ມີທາງເລືອກ? (ຜູ້ເທສະໜາປ່າວປະກາດ 9:11) ເຂົາເຈົ້ານອນຢູ່ໃສ? ແຕ່ລະສະຖານະການແມ່ນແຕກຕ່າງກັນ ດັ່ງນັ້ນຈຶ່ງອາດມີຂໍ້ມູນອື່ນທີ່ຈະສົ່ງຜົນຕໍ່ການຕັດສິນໃຈຂອງຜູ້ເຖົ້າແກ່ໄດ້.
ຫຼັງຈາກທີ່ຄະນະຜູ້ເຖົ້າແກ່ເບິ່ງຂໍ້ມູນທັງໝົດທີ່ມີແລ້ວ ນີ້ຈະຊ່ວຍໃຫ້ເຂົາເຈົ້າສາມາດຕັດສິນໃຈໄດ້ວ່າຄວນຕັ້ງຄະນະກຳມະການຕັດສິນຄວາມຫຼືບໍ່.