ບົດຄວາມສຶກສາທີ 1
“ຢ່າຊູ່ອຸກໃຈ ເຫດວ່າຝ່າຍເຮົາເຮົາເປັນພະເຈົ້າຂອງເຈົ້າ”
“ຢ່າຊູ່ຢ້ານ ເຫດວ່າເຮົາຢູ່ນຳເຈົ້າ. ຢ່າຊູ່ອຸກໃຈ ເຫດວ່າຝ່າຍເຮົາເຮົາເປັນພະເຈົ້າຂອງເຈົ້າ. ເຮົາຈະໃຫ້ເຈົ້າມີແຮງຂຶ້ນ. ຈິງຢູ່ເຮົາຈະຊ່ອຍເຈົ້າ.”—ເອຊາ. 41:10
ເພງ 7 ພະເຢໂຫວາເປັນກຳລັງຂອງເຮົາ
ໃຈຄວາມສຳຄັນ *
1-2. (ກ) ສິ່ງທີ່ຂຽນໄວ້ໃນເອຊາອີ 41:10 ສົ່ງຜົນຕໍ່ພີ່ນ້ອງໂຢຊິໂກະແນວໃດ? (ຂ) ພະເຢໂຫວາໄດ້ຮັກສາຂໍ້ຄວາມເຫຼົ່ານັ້ນໄວ້ເພື່ອປະໂຫຍດຂອງໃຜ?
ໂຢຊິໂກະເຊິ່ງເປັນພີ່ນ້ອງຍິງທີ່ສັດຊື່ໄດ້ຮັບຂ່າວຮ້າຍ. ທ່ານໝໍບອກວ່າລາວຈະມີຊີວິດຢູ່ອີກບໍ່ເທົ່າໃດເດືອນ. ລາວເຮັດແນວໃດ? ໂຢຊິໂກະນຶກເຖິງຂໍ້ຄຳພີໜຶ່ງທີ່ລາວມັກຄືເອຊາອີ 41:10 (ອ່ານ) ແລ້ວລາວກໍຮູ້ສຶກສະຫງົບໃຈແລະບອກທ່ານໝໍວ່າລາວບໍ່ຢ້ານ ເພາະພະເຢໂຫວາຈັບມືລາວໄວ້. * ຂໍ້ຄຳພີທີ່ໃຫ້ກຳລັງໃຈນີ້ຊ່ວຍໃຫ້ລາວໄວ້ວາງໃຈພະເຢໂຫວາຢ່າງສຸດຫົວໃຈ ແລະຂໍ້ຄຳພີນີ້ກໍຈະຊ່ວຍເຮົາໃຫ້ສະຫງົບໃຈໄດ້ຄືກັນເມື່ອຕ້ອງຮັບມືກັບບັນຫາທີ່ໜັກໜ່ວງ.
2 ທຳອິດ ພະເຢໂຫວາໃຫ້ເອຊາອີຂຽນຄຳເວົ້າເຫຼົ່ານັ້ນເພື່ອໃຫ້ກຳລັງໃຈຊາວອິດສະລາແອນເຊິ່ງຕໍ່ມາກໍຈະຖືກຈັບໄປເປັນຊະເລີຍຢູ່ບາບີໂລນ. ແຕ່ພະອົງເກັບຮັກສາຂໍ້ຄວາມເຫຼົ່ານັ້ນໄວ້ເພື່ອປະໂຫຍດຂອງປະຊາຊົນຂອງພະອົງທຸກຄົນຈົນເຖິງທຸກມື້ນີ້ ບໍ່ພຽງແຕ່ຊາວຢິວເທົ່ານັ້ນ. (ເອຊາ. 40:8; ໂລມ 15:4) ທຸກມື້ນີ້ເຮົາຢູ່ໃນ “ຊ່ວງເວລາວິກິດທີ່ມີແຕ່ຄວາມຫຍຸ້ງຍາກລຳບາກ” ເຮົາກໍແຮ່ງຕ້ອງການກຳລັງໃຈຈາກສິ່ງທີ່ຂຽນໄວ້ໃນພະທຳເອຊາອີ.—2 ຕີໂມ. 3:1, ລ.ມ.
3. (ກ) ເອຊາອີ 41:10 ທີ່ເປັນຂໍ້ຄຳພີປະຈຳປີ 2019 ມີຄຳສັນຍາຫຍັງແດ່? (ຂ) ເປັນຫຍັງເຮົາຈຳເປັນຕ້ອງມີຄຳຮັບຮອງເຫຼົ່ານີ້?
3 ໃນບົດຄວາມນີ້ ເຮົາຈະສຶກສາຄຳສັນຍາ 3 ຢ່າງຂອງພະເຢໂຫວາທີ່ເສີມຄວາມເຊື່ອເຮົາເຊິ່ງຂຽນໄວ້ໃນເອຊາອີ 41:10 ນັ້ນຄື: (1) ພະເຢໂຫວາຈະຢູ່ນຳເຮົາ (2) ພະອົງເປັນພະເຈົ້າຂອງເຮົາ (3) ພະອົງຈະຊ່ວຍເຮົາ. ເຮົາຈຳເປັນ ຕ້ອງມີຄຳຮັບຮອງທີ່ໃຫ້ກຳລັງໃຈເຫຼົ່ານີ້ * ເພາະຄືກັນກັບໂຢຊິໂກະ ເຮົາບໍ່ພຽງແຕ່ມີບັນຫາໃນຊີວິດ ແຕ່ເຮົາຍັງຕ້ອງຮັບມືກັບບັນຫາຈາກສິ່ງທີ່ບໍ່ດີໃນໂລກນີ້. ພວກເຮົາບາງຄົນຍັງຕ້ອງອົດທົນກັບການຖືກຂົ່ມເຫງຈາກລັດຖະບານ. ໃຫ້ເຮົາມາເບິ່ງ 3 ຄຳຮັບຮອງນີ້ເທື່ອລະຢ່າງນຳກັນ.
“ເຮົາຢູ່ນຳເຈົ້າ”
4. (ກ) ຄຳຮັບຮອງທຳອິດທີ່ເຮົາຈະພິຈາລະນາແມ່ນຫຍັງ? (ເບິ່ງໄຂເງື່ອນ) (ຂ) ພະເຢໂຫວາສະແດງຄວາມຮູ້ສຶກຕໍ່ເຮົາໂດຍວິທີໃດແດ່? (ຄ) ຄຳເວົ້າຂອງພະເຈົ້າເຮັດໃຫ້ເຈົ້າຮູ້ສຶກແນວໃດ?
4 ຄຳຮັບຮອງທຳອິດທີ່ພະເຢໂຫວາໃຫ້ເຮົາແມ່ນ “ຢ່າຊູ່ຢ້ານ ເຫດວ່າເຮົາຢູ່ນຳເຈົ້າ.” * ພະອົງສະແດງໃຫ້ເຫັນວ່າຢູ່ນຳເຮົາໂດຍສົນໃຈແລະຮັກເຮົາແທ້ໆ. ຂໍສັງເກດວິທີພະເຢໂຫວາສະແດງຄວາມຮູ້ສຶກທີ່ອົບອຸ່ນແລະເລິກເຊິ່ງຕໍ່ເຮົາ. ພະອົງບອກວ່າ: “ພວກເຈົ້າມີຄ່າສຳລັບເຮົາ” “ເຮົາໃຫ້ກຽດພວກເຈົ້າແລະຮັກພວກເຈົ້າສະເໝີມາ.” (ເອຊາ. 43:4, ລ.ມ.) ບໍ່ມີສິ່ງໃດໃນໂລກທີ່ຈະເຮັດໃຫ້ພະເຢໂຫວາເຊົາຮັກຜູ້ຮັບໃຊ້ພະອົງແລະພະອົງກໍພັກດີຕໍ່ເຮົາສະເໝີ. (ເອຊາ. 54:10) ຄວາມຮັກແລະຄວາມເປັນມິດຂອງພະອົງເຮັດໃຫ້ເຮົາມີຄວາມກ້າຫານ. ພະອົງຈະປົກປ້ອງເຮົາໃນປັດຈຸບັນຄືກັບທີ່ເຄີຍປົກປ້ອງອັບລາມ (ອັບລາຫາມ) ໝູ່ຂອງພະອົງ. ພະອົງບອກລາວວ່າ: “ອັບລາມເອີຍ ເຈົ້າຢ່າຊູ່ຢ້ານກົວ ຝ່າຍເຮົາເຮົາເປັນໂລ້ [“ເປັນຜູ້ຄຸ້ມຄອງເຈົ້າ,” ລ.ມ.]”—ຕົ້ນ. 15:1
ດ້ວຍຄວາມຊ່ວຍເຫຼືອຈາກພະເຢໂຫວາ ເຮົາສາມາດຜ່ານບັນຫາຕ່າງໆທີ່ເຮົາເຈິເຊິ່ງປຽບຄືກັບ “ແມ່ນ້ຳ” ແລະ “ໄຟ” ໄດ້ (ເບິ່ງຂໍ້ 5-6) *
5-6. (ກ) ເຮົາຮູ້ໄດ້ແນວໃດວ່າພະເຢໂຫວາສົນໃຈທີ່ຈະຊ່ວຍເຮົາເປັນສ່ວນຕົວເມື່ອປະສົບກັບບັນຫາ? (ຂ) ເຮົາໄດ້ຮຽນຫຍັງຈາກຕົວຢ່າງຂອງພີ່ນ້ອງໂຢຊິໂກະ?
5 ເຮົາຮູ້ວ່າພະເຢໂຫວາຢາກຊ່ວຍໃນເລື່ອງບັນຫາສ່ວນຕົວຂອງເຮົາ ເພາະພະອົງສັນຍາກັບຜູ້ຮັບໃຊ້ຂອງພະອົງວ່າ: “ເມື່ອເຈົ້າຈະຂວ້າມນ້ຳທັງຫຼາຍເຮົາຈະໄປນຳເຈົ້າ ແລະເມື່ອຂວ້າມແມ່ນ້ຳທັງຫຼາຍນ້ຳຈະບໍ່ຖ້ວມເຈົ້າ. ເມື່ອເຈົ້າຈະທຽວໄປໃນໄຟໄຟຈະບໍ່ໄໝ້ເຈົ້າແລະແປວໄຟຈະບໍ່ຈູດເຈົ້າ.” (ເອຊາ. 43:2) ຄຳເວົ້ານີ້ໝາຍເຖິງຫຍັງ?
6 ພະເຢໂຫວາບໍ່ໄດ້ສັນຍາວ່າຈະເອົາບັນຫາຫຍຸ້ງຍາກໃນຊີວິດຂອງເຮົາອອກໄປ ແຕ່ພະອົງຈະບໍ່ຍອມໃຫ້ “ແມ່ນ້ຳ” ຫຼື “ໄຟ” ເຊິ່ງປຽບຄືກັບບັນຫາໃນຊີວິດເອຊາ. 41:13) ໂຢຊິໂກະທີ່ເວົ້າເຖິງກ່ອນໜ້ານີ້ກໍປະສົບເລື່ອງນີ້ດ້ວຍຕົວເອງ. ລູກສາວຂອງລາວບອກວ່າ: “ເຮົາຮູ້ສຶກປະທັບໃຈຫຼາຍທີ່ແມ່ມີຄວາມສະຫງົບໃຈປານນັ້ນ. ເຮົາເຫັນວ່າພະເຢໂຫວາໄດ້ຊ່ວຍແມ່ໃຫ້ສະຫງົບໃຈແທ້ໆ. ແມ່ຍັງປະກາດກັບພະຍາບານແລະຄົນເຈັບເລື່ອງພະເຢໂຫວາແລະຄຳສັນຍາຂອງພະອົງຈົນເຖິງມື້ທີ່ແມ່ຕາຍ.” ເຮົາໄດ້ຮຽນຫຍັງຈາກຕົວຢ່າງຂອງໂຢຊິໂກະ? ຖ້າເຮົາວາງໃຈຄຳສັນຍາຂອງພະເຢໂຫວາທີ່ວ່າ: “ເຮົາຈະໄປນຳເຈົ້າ” ເຮົາກໍຈະກ້າຫານແລະເຂັ້ມແຂງຕອນທີ່ເຮົາກຳລັງປະສົບກັບບັນຫາ.
ເຮັດໃຫ້ເຮົາມີຄວາມເສຍຫາຍຖາວອນ ແລະເຊົາຮັບໃຊ້ພະອົງ. ພະອົງຮັບຮອງວ່າຈະຢູ່ກັບເຮົາແລະຊ່ວຍເຮົາໃຫ້ “ຂວ້າມ” ຜ່ານບັນຫາຕ່າງໆເຫຼົ່ານັ້ນ. ພະເຢໂຫວາຈະເຮັດແນວໃດ? ພະອົງຈະຊ່ວຍເຮົາບໍ່ໃຫ້ຢ້ານເກີນໄປເພື່ອເຮົາຈະຮັກສາຄວາມສັດຊື່ຕໍ່ພະອົງເຖິງວ່າອາດຈະຕ້ອງຕາຍ. (“ເຮົາເປັນພະເຈົ້າຂອງເຈົ້າ”
7-8. (ກ) ຄຳຮັບຮອງທີສອງທີ່ເຮົາຈະພິຈາລະນາແມ່ນຫຍັງ ແລະຄຳຮັບຮອງນີ້ມີຄວາມໝາຍແນວໃດ? (ຂ) ເປັນຫຍັງພະເຢໂຫວາບອກຊາວຢິວທີ່ເປັນຊະເລີຍວ່າ “ຢ່າຊູ່ອຸກໃຈ”? (ຄ) ຄຳເວົ້າຫຍັງໃນເອຊາອີ 46:3, 4 ໄດ້ຊ່ວຍປະຊາຊົນຂອງພະເຈົ້າບໍ່ໃຫ້ຢ້ານ?
7 ຂໍໃຫ້ສັງເກດຄຳຮັບຮອງທີ 2 ທີ່ເອຊາອີບອກວ່າ: “ຢ່າຊູ່ອຸກໃຈ ເຫດວ່າຝ່າຍເຮົາເຮົາເປັນພະເຈົ້າຂອງເຈົ້າ.” ຄຳວ່າອຸກໃຈໃນຂໍ້ນີ້ໝາຍເຖິງຫຍັງ? ໃນພາສາເດີມຄຳວ່າອຸກໃຈໝາຍເຖິງ “ການມັກຫຼຽວຫຼັງເພາະຢ້ານວ່າຈະມີໃຜຫຼືສິ່ງໃດມາທຳຮ້າຍ” ຫຼື “ຕົກໃຈຢ້ານຄືກັບຄົນທີ່ເຈິສະຖານະການທີ່ອັນຕະລາຍ.”
8 ເປັນຫຍັງພະເຢໂຫວາບອກຊາວຢິວທີ່ຈະເປັນຊະເລີຍຢູ່ບາບີໂລນວ່າ “ຢ່າຊູ່ອຸກໃຈ”? ເພາະພະອົງຮູ້ວ່າທຸກຄົນທີ່ຢູ່ໃນບາບີໂລນຈະຢ້ານ. ເປັນຫຍັງເຂົາເຈົ້າຈຶ່ງຈະຢ້ານ? ເພາະຫຼັງຈາກຊາວຢິວເປັນຊະເລີຍຢູ່ບາບີໂລນເກືອບ 70 ປີແລ້ວ ເມືອງນີ້ກໍຈະຖືກກອງທັບທີ່ເກັ່ງກ້າຂອງພວກແມດ-ເປເລເຊມາໂຈມຕີ. ພະເຢໂຫວາຈະໃຊ້ກອງທັບນີ້ປົດປ່ອຍປະຊາຊົນຂອງພະອົງອອກຈາກການເປັນຊະເລີຍໃນບາບີໂລນ. (ເອຊາ. 41:2-4) ເມື່ອຊາວບາບີໂລນແລະຄົນທີ່ມາຈາກຊາດອື່ນໃນສະໄໝນັ້ນຮູ້ວ່າສັດຕູກຳລັງມາ ເຂົາເຈົ້າໄດ້ພະຍາຍາມໃຫ້ກຳລັງໃຈກັນໂດຍບອກວ່າ: “ຈົ່ງມີແຮງເຖີ້ນ.” ເຂົາເຈົ້າຍັງໄດ້ສ້າງພະປອມເພີ່ມຫຼາຍຂຶ້ນ ເພາະຫວັງວ່າມັນຈະປົກປ້ອງຄຸ້ມຄອງເຂົາເຈົ້າ. (ເອຊາ. 41:5-7) ໃນຕອນນັ້ນ ພະເຢໂຫວາໄດ້ເຮັດໃຫ້ຊາວຢິວທີ່ເປັນຊະເລີຍມີຄວາມສະຫງົບໃຈໂດຍບອກວ່າ: “ຝ່າຍເຈົ້າຍິດສະລາເອນຜູ້ຂ້າໃຊ້ຂອງເຮົາ [ເຊິ່ງຊາດອື່ນກໍບໍ່ໄດ້ເປັນຂ້າໃຊ້] . . . ຢ່າຊູ່ອຸກໃຈ ເຫດວ່າຝ່າຍເຮົາເຮົາເປັນພະເຈົ້າຂອງເຈົ້າ.” (ເອຊາ. 41:8-10) ຂໍໃຫ້ສັງເກດວ່າພະເຢໂຫວາບອກວ່າ: “ເຮົາເປັນພະເຈົ້າຂອງເຈົ້າ.” ຈາກຄຳເວົ້າເຫຼົ່ານີ້ ພະເຢໂຫວາໄດ້ຮັບຮອງວ່າພະອົງບໍ່ໄດ້ລືມຜູ້ນະມັດສະການທີ່ພັກດີຂອງພະອົງ. ພະອົງຍັງເປັນພະເຈົ້າຂອງເຂົາເຈົ້າ ແລະເຂົາເຈົ້າກໍຍັງເປັນປະຊາຊົນຂອງພະອົງ. ພະອົງບອກວ່າ: “ເຮົາຈະອູ້ມ . . . ແລະຊ່ອຍ [ພວກເຈົ້າ] ໃຫ້ພົ້ນ.” ແນ່ນອນ ຄຳເວົ້າເຫຼົ່ານີ້ໄດ້ໃຫ້ກຳລັງໃຈຊາວຢິວທີ່ເປັນຊະເລີຍຫຼາຍແທ້ໆ.—ອ່ານເອຊາອີ 46:3, 4
9-10. ເປັນຫຍັງເຮົາບໍ່ຈຳເປັນຕ້ອງຢ້ານ? ຂໍໃຫ້ຍົກຕົວຢ່າງ.
9 ໃນສະໄໝນີ້ ຜູ້ຄົນມີຄວາມອຸກໃຈຫຼາຍກວ່າສະໄໝກ່ອນຍ້ອນວ່າສະພາບການຂອງໂລກເສື່ອມລົງເລື້ອຍໆ. ແນ່ນອນ ເຮົາກໍເຈິບັນຫາດຽວກັນກັບເຂົາເຈົ້າ. ແຕ່ເຮົາບໍ່ຕ້ອງຢ້ານ ເພາະພະເຢໂຫວາບອກວ່າ: “ເຮົາເປັນພະເຈົ້າຂອງເຈົ້າ.” ເປັນຫຍັງຄຳເວົ້ານີ້ມີເຫດຜົນທີ່ຈະເຮັດໃຫ້ເຮົາສະຫງົບໃຈ?
10 ຂໍໃຫ້ພິຈາລະນາຕົວຢ່າງນີ້: ຈິມກັບເບັນເປັນຜູ້ໂດຍສານທີ່ນັ່ງຢູ່ໃນຍົນເຊິ່ງກຳລັງປະສົບກັບສະພາບອາກາດທີ່ປັ່ນປ່ວນຫຼາຍ. ໃນຂະນະທີ່ຍົນສັ່ນສະເທືອນກໍມີສຽງປະກາດຂອງນັກບິນຈາກລຳໂພງວ່າ: “ຂໍໃຫ້ທ່ານນັ່ງກັບບ່ອນແລະໃສ່ສາຍແອວນິລະໄພ. ພວກເຮົາກຳລັງບິນຜ່ານສະພາບອາກາດທີ່ປັ່ນປ່ວນ.” ຈິມຮູ້ສຶກກັງວົນຫຼາຍ. ຈາກນັ້ນ ນັກບິນກໍເວົ້າຕໍ່ວ່າ: “ບໍ່ຕ້ອງຢ້ານເດີ້.
ຂ້ອຍແມ່ນນັກບິນທີ່ກຳລັງເວົ້າ.” ເມື່ອໄດ້ຍິນແບບນັ້ນ ຈິມກໍແກວ່ງຫົວແລະເວົ້າວ່າ: “ຈະເຊື່ອໄດ້ບໍນິ!” ລາວສັງເກດເຫັນວ່າເບັນບໍ່ໄດ້ກັງວົນເລີຍ. ລາວຈຶ່ງຖາມເບັນວ່າ: “ເຈົ້າບໍ່ຢ້ານຫວາ?” ເບັນຍິ້ມແລະຕອບວ່າ: “ບໍ່ຢ້ານ ເພາະຂ້ອຍຮູ້ຈັກນັກບິນຄົນນັ້ນດີ. ລາວເປັນພໍ່ຂ້ອຍ!” ແລະເບັນກໍເວົ້າຕໍ່ວ່າ: “ຂ້ອຍຈະເລົ່າເລື່ອງພໍ່ຂ້ອຍໃຫ້ຟັງ. ຖ້າເຈົ້າຮູ້ຈັກພໍ່ຂອງຂ້ອຍ ແລະຮູ້ວ່າລາວເປັນນັກບິນທີ່ເກັ່ງຫຼາຍສ່ຳໃດ ເຈົ້າກໍຈະບໍ່ຢ້ານຄືກັນ.”11. ເຮົາໄດ້ບົດຮຽນຫຍັງຈາກຕົວຢ່າງກ່ຽວກັບຜູ້ໂດຍສານສອງຄົນນີ້?
11 ເຮົາໄດ້ຮຽນຮູ້ຫຍັງຈາກຕົວຢ່າງນີ້? ເຮົາສາມາດສະຫງົບໃຈຄືກັບເບັນໄດ້ ເພາະເຮົາຮູ້ຈັກພະເຢໂຫວາພໍ່ຂອງເຮົາຜູ້ຢູ່ໃນສະຫວັນເປັນຢ່າງດີ. ເຮົາຮູ້ວ່າພະອົງຈະຊ່ວຍເຮົາໃຫ້ຜ່ານບັນຫາຕ່າງໆໄດ້ຢ່າງປອດໄພ ເຊິ່ງບັນຫານັ້ນປຽບຄືກັບພາຍຸທີ່ເຮົາປະສົບໃນສະໄໝສຸດທ້າຍນີ້. (ເອຊາ. 35:4) ເຖິງວ່າຜູ້ຄົນໃນໂລກຈະຢ້ານຫຼາຍ ແຕ່ເຮົາຈະມີຄວາມສະຫງົບໃຈເພາະເຮົາໄວ້ວາງໃຈພະເຢໂຫວາ. (ເອຊາ. 30:15) ນອກຈາກນັ້ນ ເຮົາເຮັດຄືກັບເບັນເມື່ອເຮົາບອກຄົນອື່ນວ່າເປັນຫຍັງເຮົາໝັ້ນໃຈໃນພະເຢໂຫວາ ແລ້ວເຂົາເຈົ້າກໍຈະໝັ້ນໃຈຄືກັນວ່າບໍ່ວ່າຈະປະສົບກັບບັນຫາຫຍັງ ພະອົງຈະຊ່ວຍເຂົາເຈົ້າໄດ້.
‘ເຮົາຈະໃຫ້ເຈົ້າມີແຮງຂຶ້ນແລະເຮົາຈະຊ່ອຍເຈົ້າ’
12. (ກ) ຄຳຮັບຮອງທີສາມທີ່ເຮົາຈະພິຈາລະນາແມ່ນຫຍັງ? (ຂ) ຄຳວ່າ “ແຂນ” ຂອງພະເຢໂຫວາເຮັດໃຫ້ເຮົາຄິດເຖິງຫຍັງ?
12 ໃຫ້ເຮົາມາພິຈາລະນາຄຳຮັບຮອງທີ 3 ນຳກັນ ເອຊາອີຂຽນວ່າ: “ເຮົາຈະໃຫ້ເຈົ້າມີແຮງຂຶ້ນ. ຈິງຢູ່ເຮົາຈະຊ່ອຍເຈົ້າ.” ເອຊາອີໄດ້ອະທິບາຍແລ້ວວ່າພະເຢໂຫວາໄດ້ເຮັດຫຍັງເພື່ອຊ່ວຍປະຊາຊົນຂອງພະອົງໃຫ້ເຂັ້ມແຂງຂຶ້ນເມື່ອລາວຂຽນວ່າ: “ພະເຢໂຫວາຈະມາດ້ວຍລິດເດດ ແລະແຂນຂອງພະອົງຈະຄຸ້ມຄອງສຳລັບພະອົງ.” (ເອຊາ. 40:10) ຄຳພີໄບເບິນມັກໃຊ້ຄຳວ່າ “ແຂນ” ໝາຍເຖິງພະລັງອຳນາດ. ດັ່ງນັ້ນ ຄຳວ່າ “ແຂນຂອງ ພະອົງຈະຄຸ້ມຄອງ” ເຮັດໃຫ້ເຮົາຄິດເຖິງພະເຢໂຫວາວ່າເປັນກະສັດທີ່ມີພະລັງອຳນາດຫຼາຍ. ພະອົງເຄີຍໃຊ້ພະລັງທີ່ບໍ່ມີໃຜສູ້ໄດ້ເພື່ອຊ່ວຍແລະປົກປ້ອງຜູ້ຮັບໃຊ້ຂອງພະອົງໃນອະດີດ ແລະພະອົງກໍຍັງປົກປ້ອງຄົນທີ່ໄວ້ວາງໃຈພະອົງໃນທຸກມື້ນີ້ຄືກັນແລະຊ່ວຍໃຫ້ເຂົາເຈົ້າເຂັ້ມແຂງ.—ບັນຍັດ. 1:30, 31; ເອຊາ. 43:10
ບໍ່ມີອາວຸດໃດສູ້ແຂນອັນແຂງແຮງຂອງພະເຢໂຫວາທີ່ປົກປ້ອງເຮົາ (ເບິ່ງຂໍ້ 12-16) *
13. (ກ) ພະເຢໂຫວາສັນຍາວ່າຈະໃຫ້ເຮົາມີແຮງຂຶ້ນເປັນພິເສດຕອນໃດ? (ຂ) ຄຳສັນຍາຫຍັງທີ່ເຮັດໃຫ້ເຮົາໃຫ້ເຂັ້ມແຂງແລະໝັ້ນໃຈ?
13 ພະເຢໂຫວາຈະເຮັດຕາມສັນຍາຂອງພະອົງທີ່ວ່າ “ເຮົາຈະໃຫ້ເຈົ້າມີແຮງຂຶ້ນ” ເປັນພິເສດຕອນທີ່ພວກສັດຕູມາຂົ່ມເຫງເຮົາ. ບາງປະເທດໃນທຸກມື້ນີ້ ສັດຕູໄດ້ພະຍາຍາມຢ່າງສຸດຂີດເພື່ອຢຸດວຽກປະກາດແລະສັ່ງຫ້າມບໍ່ໃຫ້ອົງການຂອງເຮົາມີການເຄື່ອນໄຫວ. ເຖິງວ່າຈະມີການໂຈມຕີແບບນັ້ນ ແຕ່ເຮົາກໍບໍ່ໄດ້ຢ້ານເກີນໄປ. ພະອົງຮັບປະກັນກັບເຮົາວ່າຈະຊ່ວຍເຮົາໃຫ້ເຂັ້ມແຂງແລະໝັ້ນໃຈຫຼາຍຂຶ້ນ. ພະອົງສັນຍາວ່າ: “ບໍ່ມີອາວຸດໃດທີ່ສ້າງຂຶ້ນມາຕໍ່ສູ້ເຈົ້າຈະທຳຮ້າຍເຈົ້າໄດ້.” (ເອຊາ. 54:17, ລ.ມ.) ຄຳສັນຍານີ້ເຮັດໃຫ້ເຮົາຄິດເຖິງຄວາມຈິງສຳຄັນ 3 ຢ່າງ.
14. ເປັນຫຍັງເຮົາບໍ່ແປກໃຈທີ່ສັດຕູຂອງພະເຈົ້າມາໂຈມຕີເຮົາ?
14 ຄວາມຈິງຢ່າງທຳອິດຄື ໃນຖານະເປັນຜູ້ຕິດຕາມພະຄລິດ ເຮົາຄາດໝາຍໄດ້ເລີຍວ່າຈະຖືກກຽດຊັງ. (ມັດ. 10:22) ພະເຍຊູບອກລ່ວງໜ້າວ່າລູກສິດຂອງເພິ່ນຈະຖືກຂົ່ມເຫງຢ່າງໜັກໃນສະໄໝສຸດທ້າຍນີ້. (ມັດ. 24:9; ໂຢ. 15:20) ຄວາມຈິງຢ່າງທີສອງຄື ຄຳພະຍາກອນຂອງເອຊາອີເຕືອນລ່ວງໜ້າວ່າ ພວກສັດຕູຈະບໍ່ພຽງແຕ່ກຽດຊັງເຮົາ ແຕ່ຍັງຈະໃຊ້ອາວຸດຫຼາຍຢ່າງມາໂຈມຕີເຮົາ. ອາວຸດເຫຼົ່ານັ້ນມີທັງການຫຼອກລວງແບບແນບນຽນ ການຕົວະທີ່ບໍ່ມີມູນຄວາມຈິງ ແລະການຂົ່ມເຫງທີ່ໂຫດຫ້ຽມ. (ມັດ. 5:11) ພະເຢໂຫວາຈະບໍ່ຂັດຂວາງສັດຕູບໍ່ໃຫ້ໃຊ້ອາວຸດເຫຼົ່ານີ້ໃນການໂຈມຕີເຮົາ. (ເອເຟ. 6:12; ຄຳປ. 12:17) ແຕ່ເຮົາບໍ່ຕ້ອງຢ້ານ. ຍ້ອນຫຍັງ?
15-16. (ກ) ຄວາມຈິງຢ່າງທີ 3 ທີ່ເຮົາຕ້ອງຈື່ໄວ້ແມ່ນຫຍັງ ແລະເອຊາອີ 25:4, 5 ສະໜັບສະໜູນເລື່ອງນີ້ແນວໃດ? (ຂ) ໃນເອຊາອີ 41:11, 12 ບອກວ່າສຸດທ້າຍຄົນທີ່ມາໂຈມຕີເຮົາຈະເປັນແນວໃດ?
ເອຊາອີ 25:4, 5) ພວກສັດຕູຈະບໍ່ມີທາງເຮັດໃຫ້ເຮົາເສຍຫາຍຖາວອນໄດ້.—ເອຊາ. 65:17
15 ຂໍໃຫ້ຄິດເຖິງຄວາມຈິງຢ່າງທີ 3 ທີ່ເຮົາຕ້ອງຈື່ໄວ້. ພະເຢໂຫວາບອກວ່າ: “ບໍ່ມີອາວຸດໃດທີ່ສ້າງຂຶ້ນມາຕໍ່ສູ້ເຈົ້າຈະທຳຮ້າຍເຈົ້າໄດ້.” ຄືກັບກຳແພງທີ່ປົກປ້ອງເຮົາຈາກລົມພາຍຸ ພະອົງກໍຈະປົກປ້ອງເຮົາຈາກ “ລົມແດງພັດຂອງພວກຜູ້ຂົ່ມເຫງ.” (ອ່ານ16 ພະເຢໂຫວາຍັງເຮັດໃຫ້ເຮົາໄວ້ວາງໃຈພະອົງຫຼາຍຂຶ້ນໂດຍບອກຢ່າງຈະແຈ້ງວ່າຈະເກີດຫຍັງຂຶ້ນກັບ “ຄົນທັງປວງທີ່ຮ້າຍຕໍ່ສູ້” ເຮົາ. (ອ່ານເອຊາອີ 41:11, 12) ບໍ່ວ່າພວກສັດຕູຈະໂຈມຕີເຮົາໜັກຫຼາຍສ່ຳໃດ ຫຼືສົງຄາມຈະດຸເດືອດຫຼາຍສ່ຳໃດ ຜົນສຸດທ້າຍກໍຄື: ພວກສັດຕູທຸກຄົນຂອງປະຊາຊົນພະເຈົ້າ “ຈະຈິບຫາຍໄປ” ໝົດ.
ເຮົາຈະໄວ້ວາງໃຈພະເຢໂຫວາຫຼາຍຂຶ້ນໄດ້ແນວໃດ
ເຮົາຈະໄວ້ວາງໃຈພະເຢໂຫວາຫຼາຍຂຶ້ນໂດຍອ່ານກ່ຽວກັບເລື່ອງຂອງພະອົງໃນຄຳພີໄບເບິນເປັນປະຈຳ (ເບິ່ງຂໍ້ 17-18) *
17-18. (ກ) ການອ່ານຄຳພີໄບເບິນຈະເຮັດໃຫ້ເຮົາໄວ້ວາງໃຈພະເຢໂຫວາຫຼາຍຂຶ້ນໄດ້ແນວໃດ? ຂໍໃຫ້ຍົກຕົວຢ່າງ. (ຂ) ການຄິດຕຶກຕອງກ່ຽວກັບຂໍ້ຄຳພີປະຈຳປີ 2019 ຈະຊ່ວຍເຮົາແນວໃດ?
17 ເຮົາຈະໄວ້ວາງໃຈພະເຢໂຫວາຫຼາຍຂຶ້ນໄດ້ໂດຍຮູ້ຈັກພະອົງໃຫ້ຫຼາຍຂຶ້ນ. ມີທາງດຽວເທົ່ານັ້ນທີ່ເຮົາຈະຮູ້ຈັກພະອົງໄດ້ດີຄື ອ່ານຄຳພີໄບເບິນຢ່າງລະອຽດແລະຄິດຕຶກຕອງໃນສິ່ງທີ່ອ່ານ. ຄຳພີໄບເບິນມີບັນທຶກທີ່ເຊື່ອຖືໄດ້ກ່ຽວກັບວິທີທີ່ພະອົງປົກປ້ອງປະຊາຊົນຂອງພະອົງໃນອະດີດ. ບັນທຶກນັ້ນເຮັດໃຫ້ເຮົາໝັ້ນໃຈວ່າພະອົງຈະເບິ່ງແຍງເຮົາໃນປັດຈຸບັນຄືກັນ.
18 ຂໍໃຫ້ພິຈາລະນາຕົວຢ່າງປຽບທຽບອັນໜ້າປະທັບໃຈຂອງເອຊາອີ ທີ່ໃຫ້ພາບກ່ຽວກັບວິທີທີ່ພະເຢໂຫວາປົກປ້ອງເຮົາ. ເອຊາອີບອກວ່າພະເຢໂຫວາເປັນຜູ້ລ້ຽງແກະ ແລະຜູ້ຮັບໃຊ້ຂອງພະອົງເປັນລູກແກະ. ລາວບອກວ່າ: “ພະອົງຈະໂຮມເອົາຝູງລູກແກະອູ້ມໄວ້ດ້ວຍແຂນ.” (ເອຊາ. 40:11) ເມື່ອເຮົາຮູ້ສຶກວ່າພະອົງກອດເຮົາດ້ວຍແຂນທີ່ແຂງແຮງຂອງພະອົງ ເຮົາກໍຮູ້ສຶກປອດໄພແລະບໍ່ຢ້ານ. ເພື່ອຈະຊ່ວຍເຮົາໃຫ້ມີຄວາມສະຫງົບໃຈເນື່ອງຈາກປະສົບກັບບັນຫາຫຼາຍຢ່າງ ທາດສັດຊື່ແລະສຸຂຸມໄດ້ເລືອກເອຊາອີ 41:10 ໃຫ້ເປັນຂໍ້ຄຳພີປະຈຳປີ 2019 ທີ່ວ່າ: “ຢ່າຊູ່ອຸກໃຈ ເຫດວ່າຝ່າຍເຮົາເຮົາເປັນພະເຈົ້າຂອງເຈົ້າ.” ຂໍໃຫ້ຄິດຕຶກຕອງຄຳຮັບຮອງທີ່ໃຫ້ກຳລັງໃຈນີ້. ຄຳຮັບຮອງນີ້ຈະຊ່ວຍໃຫ້ເຈົ້າເຂັ້ມແຂງຂຶ້ນເພື່ອຮັບມືກັບບັນຫາໃນວັນຂ້າງໜ້າ.
ເພງ 38 ພະອົງຈະເຮັດໃຫ້ເຈົ້າເຂັ້ມແຂງ
^ ຂໍ້ 5 ຂໍ້ຄຳພີປະຈຳປີ 2019 ທີ່ເລືອກໄວ້ໃຫ້ເຫດຜົນ 3 ຢ່າງກັບເຮົາວ່າເປັນຫຍັງເຮົາຍັງສາມາດມີຄວາມສະຫງົບໃຈໄດ້ເຖິງວ່າຈະມີສິ່ງທີ່ບໍ່ດີຫຼາຍຢ່າງເກີດຂຶ້ນໃນໂລກຫຼືໃນຊີວິດເຮົາ. ບົດຄວາມນີ້ຈະພິຈາລະນາເຫດຜົນເຫຼົ່ານັ້ນ ແລະຈະຊ່ວຍໃຫ້ເຮົາອຸກໃຈໜ້ອຍລົງແລະໄວ້ວາງໃຈພະເຢໂຫວາຫຼາຍຂຶ້ນ. ຂໍໃຫ້ເຈົ້າຄິດຕຶກຕອງເຖິງຂໍ້ຄຳພີປະຈຳປີແລະພະຍາຍາມຈື່ໃຫ້ໄດ້. ການເຮັດແບບນີ້ຈະຊ່ວຍເຈົ້າໃຫ້ເຂັ້ມແຂງຫຼາຍຂຶ້ນເພື່ອຈະຮັບມືກັບບັນຫາໃນອະນາຄົດ.
^ ຂໍ້ 1 ເບິ່ງຫໍສັງເກດການ ເດືອນກໍລະກົດ 2016 ໜ້າ 28
^ ຂໍ້ 3 ການອະທິບາຍບາງສຳນວນ: ຄຳຮັບຮອງແມ່ນຄຳເວົ້າທີ່ເປັນຄວາມຈິງຫຼືຄຳສັນຍາທີ່ວ່າບາງສິ່ງຈະເກີດຂຶ້ນແທ້. ຄຳຮັບຮອງທີ່ພະເຢໂຫວາໃຫ້ເຮົາ ຊ່ວຍເຮົາໃຫ້ອຸກໃຈໜ້ອຍລົງກ່ຽວກັບບັນຫາທີ່ອາດຈະເກີດຂຶ້ນໃນຊີວິດ.
^ ຂໍ້ 4 ເອຊາອີ 41:10, 13 ແລະ 14 ຍົກສຳນວນ “ຢ່າຊູ່ຢ້ານ” ມາ 3 ເທື່ອ. ຂໍ້ເຫຼົ່ານີ້ຍັງໃຊ້ຄຳວ່າ “ເຮົາ” (ໝາຍເຖິງພະເຢໂຫວາ) ຫຼາຍເທື່ອ. ເປັນຫຍັງພະອົງຈຶ່ງດົນໃຈໃຫ້ເອຊາອີໃຊ້ຄຳວ່າ “ເຮົາ” ຫຼາຍເທື່ອ? ເພາະພະອົງຢາກເນັ້ນຈຸດສຳຄັນທີ່ວ່າ ເມື່ອເຮົາໄວ້ວາງໃຈພະອົງ ເຮົາກໍຈະບໍ່ຢ້ານຫຼາຍເກີນໄປ.
^ ຂໍ້ 52 ຄຳອະທິບາຍຮູບພາບ: ແຕ່ລະຄົນໃນຄອບຄົວເຈິບັນຫາຢູ່ບ່ອນເຮັດວຽກ ບັນຫາສຸຂະພາບ ໃນເຂດປະກາດ ແລະຢູ່ໂຮງຮຽນ.
^ ຂໍ້ 54 ຄຳອະທິບາຍຮູບພາບ: ຕຳຫຼວດບຸກເຂົ້າການປະຊຸມເຊິ່ງຈັດຢູ່ເຮືອນພີ່ນ້ອງ ແຕ່ພີ່ນ້ອງກໍບໍ່ໄດ້ຢ້ານຫຼາຍເກີນໄປ.
^ ຂໍ້ 56 ຄຳອະທິບາຍຮູບພາບ: ການນະມັດສະການປະຈຳຄອບຄົວເປັນປະຈຳຊ່ວຍເຮົາໃຫ້ເຂັ້ມແຂງເພື່ອຈະອົດທົນໄດ້.