ພີ່ນ້ອງ​ຍິງ​ຄົນ​ໜຶ່ງ​ຈາກ​ນິວ​ຊີ​ແລນ​ໄດ້​ເບິ່ງ​ວິດີໂອ​ໃນ​ເວັບໄຊ jw.org ເຊິ່ງ​ອະທິບາຍ​ວ່າ​ພະ​ເຢໂຫວາ​ບໍ່​ພຽງ​ແຕ່​ຮູ້ສຶກ​ເຫັນອົກເຫັນໃຈ​ເທົ່າ​ນັ້ນ ແຕ່​ເພິ່ນ​ຊ່ວຍ​ເຮົາ​ແທ້​ໆ. (ອຊຢ. 63:7-9) ລາວ​ຈຶ່ງ​ຕັ້ງໃຈ​ທີ່​ຈະ​ຮຽນ​ແບບ​ພະເຢໂຫວາ. ໃນ​ມື້​ດຽວ​ກັນນັ້ນ ຫຼັງ​ຈາກ​ທີ່​ລາວ​ເບິ່ງ​ວິດີໂອ​ແລ້ວ ລາວ​ໄດ້​ອອກ​ໄປ​ຊື້​ເຄື່ອງ​ແລ້ວ​ກໍ​ເຈິ​ຜູ້​ຍິງ​ຄົນ​ໜຶ່ງ​ທີ່​ບໍ່​ມີ​ບ່ອນ​ຢູ່. ລາວ​ຈຶ່ງ​ຊື້​ຂອງກິນ​ໃຫ້​ຜູ້​ຍິງ​ຄົນ​ນັ້ນ. ຕອນ​ທີ່​ເອົາ​ຂອງກິນ​ໃຫ້ ລາວ​ໄດ້​ປະກາດ​ກັບ​ຜູ້​ຍິງ​ຄົນ​ນັ້ນ​ໂດຍ​ໃຊ້​ແຜ່ນພັບ​ທີ່​ຊື່​ວ່າ​ຄວາມ​ທຸກ​ລຳບາກ​ຈະ​ມີ​ມື້​ໝົດ​ໄປ​ບໍ?

ຜູ້​ຍິງ​ຄົນ​ນັ້ນ​ຈຶ່ງ​ຮ້ອງໄຫ້​ແລະ​ເລົ່າ​ວ່າ ລາວ​ໃຫຍ່​ມາ​ໃນ​ຄອບຄົວ​ທີ່​ເປັນ​ພະຍານ​ພະ​ເຢໂຫວາ ແຕ່​ກໍ​ອອກ​ຈາກ​ຄວາມ​ຈິງ​ໄປ​ເມື່ອ​ຫຼາຍ​ປີ​ກ່ອນ. ຫວ່າງ​ບໍ່​ດົນ​ມາ​ນີ້​ລາວ​ໄດ້​ອະທິດຖານ​ຫາ​ພະ​ເຢໂຫວາ​ເພື່ອ​ຊ່ວຍ​ລາວ​ໃຫ້​ກັບ​ມາ​ຫາ​ເພິ່ນ. ພີ່ນ້ອງ​ຍິງ​ໄດ້​ເອົາ​ຄຳພີ​ໄບເບິນ​ໃຫ້​ລາວ​ແລະ​ເຂົາເຈົ້າ​ກໍ​ສຶກສາ​ຄຳພີ​ໄບເບິນ​ນຳ​ກັນ. a

ເຮົາ​ສາມາດ​ຮຽນ​ແບບ​ພະ​ເຢໂຫວາ​ໄດ້​ໂດຍ​ສະແດງ​ຄວາມ​ເຫັນອົກເຫັນໃຈ​ຄົນ​ອື່ນ​ເຊັ່ນ: ຍາດ​ຕິ​ພີ່ນ້ອງ​ແລະ​ພີ່ນ້ອງ​ໃນ​ປະຊາຄົມ. ນອກ​ຈາກນັ້ນ ເຮົາ​ຍັງ​ສາມາດ​ສະແດງ​ຄວາມ​ເຫັນອົກເຫັນໃຈ​ໄດ້​ໂດຍ​ຊອກ​ຫາ​ໂອກາດ​ທີ່​ຈະ​ປະກາດ​ກັບ​ທຸກ​ຄົນ.