ເຈົ້າຈື່ໄດ້ບໍ?
ເຈົ້າໄດ້ອ່ານຫໍສັງເກດການຂອງປີນີ້ຢ່າງລະອຽດບໍ? ລອງເບິ່ງວ່າເຈົ້າຕອບຄຳຖາມຕໍ່ໄປນີ້ໄດ້ບໍ?
“ການປ່ຽນຄວາມຄິດຂອງພວກເຈົ້າໃໝ່” ໝາຍຄວາມວ່າແນວໃດ? (ຣມ. 12:2)
ການປ່ຽນຄວາມຄິດຂອງພວກເຈົ້າໃໝ່ບໍ່ແມ່ນແຕ່ການເຮັດສິ່ງທີ່ດີບາງຢ່າງເທົ່ານັ້ນ ແຕ່ເຮົາຍັງຕ້ອງກວດເບິ່ງໂຕເອງນຳວ່າແທ້ໆແລ້ວເຮົາເປັນຄົນແນວໃດ ຈາກນັ້ນ ກໍປ່ຽນແປງໂຕເອງເພື່ອໃຫ້ເຂົ້າກັບມາດຕະຖານຂອງພະເຢໂຫວາໃຫ້ຫຼາຍທີ່ສຸດເທົ່າທີ່ຈະເປັນໄປໄດ້.—ຫ23.01 ໜ້າ 8-9
ເຮົາຈະມີສະຕິຢູ່ສະເໝີໄດ້ແນວໃດເມື່ອເບິ່ງເຫດການຕ່າງໆໃນໂລກ?
ເຮົາສົນໃຈເຫດການຕ່າງໆທີ່ເກີດຂຶ້ນໃນໂລກທຸກມື້ນີ້ເພື່ອຈະຮູ້ວ່າມັນເປັນໄປຕາມຄຳພະຍາກອນທີ່ບອກໄວ້ໃນຄຳພີໄບເບິນແນວໃດ. ແທນທີ່ເຮົາຈະຄາດເດົາເຊິ່ງອາດເຮັດໃຫ້ປະຊາຄົມແຕກແຍກ ເຮົາຄວນລົມກັນໂດຍໃຊ້ຂໍ້ມູນທີ່ມາຈາກອົງການ. (1ກຣ. 1:10)—ຫ23.02 ໜ້າ 16
ການຮັບບັບເຕມາຂອງພະເຢຊູແລະການຮັບບັບເຕມາຂອງພວກລູກສິດຕ່າງກັນແນວໃດ?
ພະເຢຊູບໍ່ຈຳເປັນຕ້ອງອຸທິດຕົວໃຫ້ພະເຢໂຫວາຍ້ອນເພິ່ນເກີດໃນຊາດອິດສະຣາເອນທີ່ໄດ້ອຸທິດຕົວໃຫ້ພະເຢໂຫວາແລ້ວ. ເພິ່ນບໍ່ຈຳເປັນຕ້ອງກັບໃຈຈາກບາບຍ້ອນເພິ່ນເປັນມະນຸດທີ່ສົມບູນແບບແລະບໍ່ມີບາບ.—ຫ23.03 ໜ້າ 5
ເຮົາຈະເຮັດຫຍັງໄດ້ແດ່ເພື່ອໃຫ້ພີ່ນ້ອງຄົນອື່ນມີໂອກາດອອກຄວາມຄິດເຫັນຫຼາຍຂຶ້ນ?
ເຮົາຄວນພະຍາຍາມອອກຄວາມຄິດເຫັນແບບສັ້ນໆເພື່ອຈະໃຫ້ຄົນອື່ນມີໂອກາດໄດ້ອອກຄວາມຄິດເຫັນຫຼາຍຂຶ້ນ. ເຮົາຈະບໍ່ຕອບຫຼາຍຈຸດເກີນໄປເພື່ອໃຫ້ຄົນອື່ນຕອບຈຸດທີ່ຍັງບໍ່ໄດ້ເວົ້າເຖິງ.—ຫ23.04 ໜ້າ 23
“ທາງບໍລິສຸດ” ທີ່ເວົ້າເຖິງໃນເອຊາຢາ 35:8 ໝາຍເຖິງຫຍັງ?
ໃນອະດີດທາງນີ້ໝາຍເຖິງທາງຫຼັກທີ່ຄົນອິດສະຣາເອນໃຊ້ເພື່ອເດີນທາງຈາກບາບີໂລນກັບໄປອິດສະຣາເອນເຊິ່ງເປັນບ້ານເກີດຂອງເຂົາເຈົ້າ. ແລ້ວ “ທາງບໍລິສຸດ” ໃນທຸກມື້ນີ້ໝາຍເຖິງຫຍັງ? ຫຼາຍຮ້ອຍປີກ່ອນປີ 1919 ມີການກຽມທາງນີ້ໄວ້ຫຼາຍວິທີເຊັ່ນ: ການແປແລະການພິມຄຳພີໄບເບິນ. ນອກຈາກນັ້ນ ໃນທຸກມື້ນີ້ຄົນຂອງພະເຢໂຫວາກຳລັງຍ່າງໃນ “ທາງບໍລິສຸດ” ທີ່ຊ່ວຍເຂົາເຈົ້າໃຫ້ນະມັດສະການພະເຢໂຫວາໄດ້ຕໍ່ໆໄປທັງໃນຕອນນີ້ແລະໃນອະນາຄົດ ເຊິ່ງຕອນນັ້ນການປົກຄອງຂອງພະເຈົ້າຈະເຮັດໃຫ້ໂລກມີສິ່ງດີໆຫຼາຍຢ່າງ.—ຫ23.05 ໜ້າ 15-19
ໃນສຸພາສິດບົດ 9 ໃຊ້ພາບປຽບທຽບຂອງຜູ້ຍິງ 2 ຄົນເພື່ອແນະນຳເຮົາໃນເລື່ອງຫຍັງ?
ປຶ້ມສຸພາສິດບອກວ່າຄົນທີ່ເຮັດຕາມຄຳເຊີນຂອງ “ຜູ້ຍິງໂງ່” ຈະຢູ່ໃນ “ຫຼຸມສົບ” ສ່ວນຄົນທີ່ເຮັດຕາມຄຳເຊີນຂອງຜູ້ຍິງທີ່ເປັນຕົວແທນຂອງ “ສະຕິປັນຍາແທ້” ຈະຢູ່ໃນ “ທາງແຫ່ງຄວາມຄວາມເຂົ້າໃຈ” ເຊິ່ງເຮັດໃຫ້ໄດ້ຊີວິດ. (ສຸພາ. 9:1, 6, 13, 18)—ຫ23.06 ໜ້າ 22-24
ພະເຢໂຫວາສະແດງຄວາມຖ່ອມໃຈແລະມີເຫດຜົນກັບໂລດແນວໃດ?
ພະເຢໂຫວາສັ່ງໂລດໃຫ້ໜີຈາກເມືອງໂຊໂດມໄປທີ່ເຂດພູເຂົາ. ແຕ່ເມື່ອໂລດຂໍພະເຢໂຫວາວ່າໃຫ້ລາວໄປເມືອງໂຊອາ ພະເຢໂຫວາກໍຍອມເຮັດຕາມທີ່ລາວຂໍ.—ຫ23.07 ໜ້າ 21
ຖ້າຜົວເບິ່ງສິ່ງລາມົກ ເມຍຄວນເຮັດແນວໃດ?
ລາວບໍ່ຕ້ອງໂທດໂຕເອງ ແຕ່ຄວນສົນໃຈຄວາມສຳພັນທີ່ລາວມີກັບພະເຢໂຫວາ ອ່ານແລະຄິດຕຶກຕອງເລື່ອງຂອງຜູ້ຍິງທີ່ທຸກໃຈທີ່ຢູ່ໃນຄຳພີໄບເບິນທີ່ອະທິດຖານຫາພະເຢໂຫວາແລ້ວຮູ້ສຶກສະບາຍໃຈຂຶ້ນ. ລາວສາມາດຊ່ວຍຜົວບໍ່ໃຫ້ຕົກຢູ່ໃນສະຖານະການທີ່ລໍ້ໃຈໃຫ້ກັບມາເບິ່ງສິ່ງລາມົກອີກ.—ຫ23.08 ໜ້າ 14-17
ເມື່ອມີຄົນເວົ້າບໍ່ດີກ່ຽວກັບຄວາມເຊື່ອຂອງເຮົາ ຄວາມເຂົ້າໃຈຊ່ວຍໃຫ້ເຮົາເປັນຄົນອ່ອນໂຍນໄດ້ແນວໃດ?
ເຮົາອາດເບິ່ງວ່າຄຳເວົ້າຫຼືຄຳຖາມຂອງລາວຈະຊ່ວຍໃຫ້ເຮົາຮູ້ວ່າລາວຄິດແນວໃດແລະສົນໃຈເລື່ອງຫຍັງ ເຊິ່ງຈະຊ່ວຍໃຫ້ເຮົາຕອບລາວແບບອ່ອນໂຍນໄດ້.—ຫ23.09 ໜ້າ 17
ເຮົາໄດ້ຮຽນຫຍັງຈາກມາຣີກ່ຽວກັບການໄດ້ຮັບຄວາມຊ່ວຍເຫຼືອເພື່ອຈະເຂັ້ມແຂງ?
ເມື່ອມາຣີຮູ້ວ່າຈະໄດ້ເປັນແມ່ຂອງເມຊີອາ ລາວກໍຂໍຄວາມຊ່ວຍເຫຼືອຈາກຄົນອື່ນ. ທູດສະຫວັນຄັບຣີເອນກັບເອລີຊາເບັດເວົ້າເຖິງຂໍ້ຄຳພີເພື່ອຈະໃຫ້ກຳລັງໃຈມາຣີ. ພີ່ນ້ອງຮ່ວມຄວາມເຊື່ອກໍສາມາດຊ່ວຍເຈົ້າໃຫ້ເຂັ້ມແຂງໄດ້ຄືກັນ.—ຫ23.10 ໜ້າ 15
ພະເຢໂຫວາອາດຕອບຄຳອະທິດຖານຂອງເຮົາແນວໃດ?
ພະເຢໂຫວາສັນຍາວ່າຈະຟັງຄຳອະທິດຖານຂອງເຮົາ ແລະຕອນທີ່ເພິ່ນຟັງ ເພິ່ນຈະເບິ່ງວ່າສິ່ງທີ່ເຮົາຂໍກ່ຽວຂ້ອງກັບຄວາມຕ້ອງການຂອງເພິ່ນແນວໃດ. (ຢເຣ. 29:12) ເພິ່ນອາດຕອບຄຳອະທິດຖານຂອງແຕ່ລະຄົນບໍ່ຄືກັນ ແຕ່ບໍ່ວ່າຈະແນວໃດ ເຮົາກໍໝັ້ນໃຈວ່າເພິ່ນຈະຊ່ວຍເຮົາສະເໝີ.—ຫ23.11 ໜ້າ 21-22
ໂຣມ 5:2 ເວົ້າເຖິງ “ຄວາມຫວັງ” ໄປແລ້ວ ເປັນຫຍັງຈຶ່ງມີການເວົ້າເຖິງເລື່ອງນີ້ອີກໃນຂໍ້ 4?
ເມື່ອຄົນໜຶ່ງໄດ້ຮຽນຄຳພີໄບເບິນ ລາວກໍອາດມີຄວາມຫວັງທີ່ຈະມີຊີວິດຕະຫຼອດໄປໃນໂລກທີ່ເປັນສວນງາມໆ. ເມື່ອລາວເຈິຄວາມຍາກລຳບາກ ລາວກໍຍັງອົດທົນໄດ້ ແລະເມື່ອລາວຮູ້ວ່າພະເຈົ້າພໍໃຈໃນໂຕລາວ ກໍແຮ່ງເຮັດໃຫ້ລາວໝັ້ນໃຈໃນຄວາມຫວັງຫຼາຍຂຶ້ນແລະເຊື່ອວ່າພະເຈົ້າຢາກເຮັດສິ່ງດີໆເພື່ອລາວ.—ຫ23.12 ໜ້າ 12-13
