ເຄັດລັບການຄົ້ນຄວ້າ
ຊອກບ່ອນທີ່ດີສຳລັບສຶກສາສ່ວນໂຕ
ເຈົ້າຢາກສຶກສາສ່ວນໂຕແບບທີ່ໄດ້ຮັບປະໂຫຍດຫຼາຍຂຶ້ນບໍ? ລອງເຮັດຕາມເຄັດລັບຕໍ່ໄປນີ້ເພື່ອຊ່ວຍເຈົ້າໃຫ້ຊອກບ່ອນທີ່ດີສຳລັບສຶກສາສ່ວນໂຕ:
-
ເລືອກບ່ອນທີ່ເໝາະສົມ. ຖ້າເປັນໄປໄດ້ ໃຫ້ຊອກບ່ອນທີ່ສະອາດແລະມີແສງພຽງພໍ. ເຈົ້າອາດນັ່ງຢູ່ໂຕະໃນເຮືອນ ຫຼືນັ່ງຢູ່ບ່ອນໂລ່ງໆຢູ່ນອກເຮືອນກໍໄດ້.
-
ຊອກບ່ອນທີ່ເປັນສ່ວນໂຕ. ພະເຢຊູເລືອກທີ່ຈະອະທິດຖານ “ຕອນເຊົ້າໆ” ໃນ “ບ່ອນທີ່ບໍ່ມີຄົນຢູ່.” (ມຣກ. 1:35) ຖ້າເຈົ້າບໍ່ມີບ່ອນທີ່ເປັນສ່ວນໂຕ ໃຫ້ບອກຄົນໃນເຮືອນຫຼືໝູ່ທີ່ຢູ່ນຳກັນວ່າເຈົ້າສຶກສາສ່ວນໂຕຕອນໃດແລະຂໍເຂົາເຈົ້າບໍ່ໃຫ້ລົບກວນ.
-
ຫຼີກລ່ຽງສິ່ງທີ່ລົບກວນ. ຖ້າເຈົ້າສຶກສາສ່ວນໂຕໂດຍໃຊ້ໂທລະສັບມືຖືຫຼືແທັບເລັດ ໃຫ້ປິດການແຈ້ງເຕືອນຫຼືຕັ້ງຄ່າເປັນໂໝດຍົນເພື່ອບໍ່ໃຫ້ມີຫຍັງມາລົບກວນຕອນທີ່ເຈົ້າສຶກສາ. ຕອນທີ່ກຳລັງສຶກສາ ຖ້າເຈົ້າຄິດພໍ້ວ່າມີບາງຢ່າງທີ່ຕ້ອງເຮັດ ໃຫ້ຈົດໄວ້ແລ້ວຈຶ່ງເຮັດຫຼັງຈາກສຶກສາສ່ວນໂຕແລ້ວ. ຖ້າເຈົ້າບໍ່ມີສະມາທິ ໃຫ້ຢຸດບຶດໜຶ່ງເພື່ອໄປຍ່າງຫຼິ້ນຫຼືຍືດເສັ້ນຍືດສາຍ.
