ເຄັດລັບການຄົ້ນຄວ້າ
ການແຕ້ມຮູບຊ່ວຍໃຫ້ຈື່ໄດ້ງ່າຍຂຶ້ນ
ບາງເທື່ອເຈົ້າຮູ້ສຶກວ່າຍາກບໍທີ່ຈະພະຍາຍາມຈື່ເລື່ອງທີ່ໄດ້ຮຽນ? ພວກເຮົາຫຼາຍຄົນຮູ້ສຶກແບບນັ້ນ. ແຕ່ເຈົ້າເຄີຍສັງເກດບໍວ່າເລື່ອງທີ່ພະເຢຊູສອນເຮົາພັດຈື່ໄດ້ງ່າຍ? ເປັນແບບນັ້ນກໍຍ້ອນເພິ່ນໃຊ້ຕົວຢ່າງປຽບທຽບໃນການສອນເຊິ່ງຊ່ວຍເຮົາໃຫ້ນຶກພາບອອກໄດ້. ສະນັ້ນ ເຈົ້າຈະຈື່ໄດ້ງ່າຍຂຶ້ນຖ້າເຈົ້າຮຽນແລ້ວພະຍາຍາມນຶກພາບໄປນຳ. ອັນໃດຈະຊ່ວຍເຈົ້າໃຫ້ເຮັດແບບນັ້ນໄດ້? ການແຕ້ມສິ່ງທີ່ເຈົ້າຮຽນ.
ຜູ້ທີ່ແຕ້ມຮູບເລື່ອງໃໝ່ໆທີ່ໄດ້ຮຽນມັກຈະຈື່ເລື່ອງນັ້ນໄດ້ງ່າຍກວ່າ. ການແຕ້ມຮູບບໍ່ພຽງແຕ່ຊ່ວຍໃຫ້ຈື່ຄຳສັບທີ່ໄດ້ຮຽນ ແຕ່ຍັງຊ່ວຍໃຫ້ຈື່ແນວຄິດຫຼືຈຸດສຳຄັນຂອງເລື່ອງທີ່ໄດ້ຮຽນນຳ. ບໍ່ຈຳເປັນຕ້ອງແຕ້ມໃຫ້ງາມ ແຕ່ແຕ້ມງ່າຍໆຫຼືແຕ້ມພໍເປັນຮູບເປັນຮ່າງກໍໄດ້. ການຄົ້ນຄວ້າໜຶ່ງບອກວ່າການແຕ້ມຮູບຊ່ວຍໃຫ້ຜູ້ສູງອາຍຸຈື່ສິ່ງທີ່ກຳລັງຮຽນໄດ້.
ສະນັ້ນ ຖ້າເຈົ້າສຶກສາສ່ວນໂຕເທື່ອໜ້າໃຫ້ລອງແຕ້ມຮູບເບິ່ງ ເຈົ້າອາດຈະແປກໃຈກໍໄດ້ທີ່ມັນຊ່ວຍເຈົ້າໃຫ້ຈື່ໄດ້ດີຂຶ້ນ!