ຫໍສັງເກດການສະບັບສຶກສາ ມິຖຸນາ 2020
ສະບັບນີ້ມີບົດຄວາມສຶກສາສຳລັບວັນທີ 3-30 ສິງຫາ 2020.
“ຂໍໃຫ້ຊື່ຂອງພະອົງເປັນທີ່ເຄົາລົບນັບຖືຢູ່ສະເໝີ”
ບົດຄວາມສຶກສາທີ 23: ວັນທີ 3-9 ສິງຫາ 2020. ທັງມະນຸດແລະທູດສະຫວັນກຳລັງປະເຊີນໜ້າກັບປະເດັນຫຍັງ? ເປັນຫຍັງປະເດັນນີ້ຈຶ່ງສຳຄັນ? ແລະເຮົາແຕ່ລະຄົນມີສ່ວນແນວໃດໃນການແກ້ໄຂປະເດັນນີ້? ການຮູ້ຄຳຕອບສຳລັບຄຳຖາມນີ້ແລະຄຳຖາມອື່ນໆຈະຊ່ວຍເຮົາໃຫ້ໃກ້ຊິດກັບພະເຢໂຫວາຫຼາຍຂຶ້ນ.
“ຂໍຊ່ວຍໃຫ້ຂ້ອຍຢຳເກງຊື່ຂອງພະອົງໝົດຫົວໃຈ”
ບົດຄວາມສຶກສາທີ 24: ວັນທີ 10-16 ສິງຫາ 2020. ໃນບົດຄວາມນີ້ເຮົາຈະມາຮຽນກ່ຽວກັບຄຳອະທິດຖານສ່ວນໜຶ່ງຂອງກະສັດດາວິດທີ່ຂຽນໄວ້ໃນຄຳເພງ 86:11, 12. ການຢຳເກງຊື່ຂອງພະເຢໂຫວາໝາຍຄວາມວ່າແນວໃດ? ເປັນຫຍັງເຮົາຄວນຢຳເກງຊື່ຂອງພະອົງ? ແລະການຢຳເກງພະເຢໂຫວາຈະປົກປ້ອງເຮົາບໍ່ໃຫ້ເຮັດຜິດໄດ້ແນວໃດ?
ຄຳຖາມຈາກຜູ້ອ່ານ
ຄຸນລັກສະນະຕ່າງໆເຊິ່ງເປັນ “ຜົນທີ່ເກີດຈາກພະລັງຂອງພະເຈົ້າ” ມີແຕ່ຢູ່ໃນຄາລາເຕຍ 5:22, 23 ເທົ່ານັ້ນບໍ?
“ເຮົາຈະຊອກຫາຝູງແກະຂອງເຮົາ”
ບົດຄວາມສຶກສາທີ 25: ວັນທີ 17-23 ສິງຫາ 2020. ເປັນຫຍັງບາງຄົນທີ່ຮັບໃຊ້ພະເຢໂຫວາມາຫຼາຍປີໄດ້ຫຼົງອອກໄປຈາກປະຊາຄົມ? ແລະພະເຢໂຫວາຮູ້ສຶກແນວໃດຕໍ່ເຂົາເຈົ້າ? ເຮົາຈະຕອບຄຳຖາມເຫຼົ່ານີ້ໃນບົດຄວາມນີ້. ນອກຈາກນັ້ນ ເຮົາຍັງຈະມາເບິ່ງວ່າເຮົາໄດ້ຮຽນຫຍັງຈາກວິທີທີ່ພະເຢໂຫວາຊ່ວຍບາງຄົນໃນສະໄໝກ່ອນທີ່ເຄີຍຫຼົງອອກໄປຈາກພະອົງ.
‘ກັບມາຫາເຮົາ’
ບົດຄວາມສຶກສາທີ 26: ວັນທີ 24-30 ສິງຫາ 2020. ພະເຢໂຫວາຢາກໃຫ້ຄົນທີ່ເຊົາຄົບຫາກັບປະຊາຄົມກັບມາຫາພະອົງ. ເຮົາສາມາດຊ່ວຍຄົນເຫຼົ່ານັ້ນໃຫ້ຮັບເອົາຄຳເຊີນຂອງພະເຢໂຫວາທີ່ວ່າ: “ກັບມາຫາເຮົາ.” ໃນບົດຄວາມນີ້ເຮົາຈະມາເບິ່ງວ່າເຮົາຈະເຮັດຫຍັງໄດ້ແດ່ເພື່ອຊ່ວຍເຂົາເຈົ້າ.