ບົດຄວາມສຶກສາທີ 24
“ຂໍຊ່ວຍໃຫ້ຂ້ອຍຢຳເກງຊື່ຂອງພະອົງໝົດຫົວໃຈ”
“ຂໍຊ່ວຍໃຫ້ຂ້ອຍຢຳເກງຊື່ຂອງພະອົງໝົດຫົວໃຈ. ພະເຢໂຫວາພະເຈົ້າຂອງຂ້ອຍ ຂ້ອຍສັນລະເສີນພະອົງສຸດຫົວໃຈ.”—ເພງ. 86:11, 12, ລ.ມ.
ເພງ 7 ພະເຢໂຫວາເປັນກຳລັງຂອງເຮົາ
ໃຈຄວາມສຳຄັນ *
1. ການຢ້ານຢຳພະເຈົ້າແມ່ນຫຍັງ ແລະເປັນຫຍັງຈຶ່ງສຳຄັນຕໍ່ຄົນທີ່ຮັກພະເຢໂຫວາ?
ຄລິດສະຕຽນທຸກຄົນຮັກພະເຈົ້າແລະຢຳເກງພະອົງນຳ. ໃນບົດຄວາມນີ້ເຮົາຈະມາຮຽນຮູ້ວ່າການຢຳເກງພະເຈົ້າເປັນເລື່ອງສຳຄັນ. ແຕ່ການຢຳເກງພະເຈົ້າແມ່ນຫຍັງ? ຄົນທີ່ຢຳເກງພະເຈົ້າຈະເຄົາລົບນັບຖືພະອົງຢ່າງເລິກເຊິ່ງ. ເຂົາເຈົ້າບໍ່ຢາກເຮັດໃຫ້ພະເຈົ້າເສຍໃຈເພາະເຂົາເຈົ້າຢາກເປັນໝູ່ກັບພະອົງຕໍ່ໄປ.—ເພງ. 111:10; ສຸພາ. 8:13
2. ຕາມຄຳເວົ້າຂອງດາວິດທີ່ຂຽນໃນຄຳເພງ 86:11 ເຮົາຈະມາເບິ່ງສອງຢ່າງຫຍັງແດ່?
2 ອ່ານຄຳເພງ 86:11, ລ.ມ. * ເມື່ອອ່ານຂໍ້ນີ້ ເຮົາກໍຈະເຫັນວ່າກະສັດດາວິດເຂົ້າໃຈວ່າການຢຳເກງພະເຈົ້າເປັນເລື່ອງສຳຄັນ. ຕອນນີ້ໃຫ້ເຮົາມາເບິ່ງວ່າເຮົາຈະໃຊ້ສິ່ງທີ່ດາວິດເວົ້າໃນຄຳອະທິດຖານແນວໃດ. ທຳອິດ ເຮົາຈະເບິ່ງບາງເຫດຜົນວ່າເປັນຫຍັງເຮົາຄວນຢຳເກງຊື່ຂອງພະເຢໂຫວາ. ສອງ ເຮົາຈະສະແດງໃຫ້ເຫັນແນວໃດວ່າເຮົາຢຳເກງຊື່ຂອງພະເຢໂຫວາໃນແຕ່ລະມື້.
ເປັນຫຍັງເຮົາຄວນຢຳເກງຊື່ຂອງພະເຢໂຫວາ?
3. ເຫດການຫຍັງທີ່ອາດເຮັດໃຫ້ໂມເຊຢຳເກງຊື່ຂອງພະເຢໂຫວາສະເໝີ?
3 ລອງຄິດເບິ່ງວ່າໂມເຊຈະຮູ້ສຶກແນວໃດຕອນທີ່ລາວໄປລີ້ຢູ່ໃນໂກນຫີນດານແລະເຫັນລັດສະໝີຂອງພະເຢໂຫວາກາຍໄປ. ນີ້ເປັນເຫດການທີ່ໜ້າຕື່ນເຕັ້ນທີ່ສຸດໃນປະຫວັດສາດຂອງມະນຸດກ່ອນທີ່ພະເຢຊູຈະມາໃນໂລກ. ໂມເຊໄດ້ຍິນສຽງຂອງທູດສະຫວັນທີ່ບອກວ່າ: “ພະເຢໂຫວາ ພະເຢໂຫວາ ພະເຈົ້າທີ່ເມດຕາ ສົງສານ ບໍ່ຄຽດງ່າຍ ຮັກໃຜກໍຮັກໝັ້ນຄົງ ແລະຮັກສາຄຳເວົ້າສະເໝີ ພະອົງມີຄວາມຮັກທີ່ໝັ້ນຄົງບໍ່ວ່າຈະຜ່ານໄປຫຼາຍພັນຊົ່ວເຊັ່ນອົບ. 33:17-23; 34:5-7, ລ.ມ.) ທຸກຄັ້ງທີ່ໃຊ້ຊື່ຂອງພະເຢໂຫວາ ໂມເຊອາດຄິດເຖິງເຫດການນີ້. ນັ້ນຈຶ່ງເປັນເຫດຜົນທີ່ລາວເຕືອນຊາວອິດສະຣາເອນໃຫ້ “ຢຳເກງຊື່ຂອງພະເຢໂຫວາພະເຈົ້າຂອງເຈົ້າເຊິ່ງເປັນຊື່ທີ່ສູງສົ່ງແລະໜ້າເກງຂາມ.”—ບັນຍັດ. 28:58, ລ.ມ.
ຄົນ ພະອົງໃຫ້ອະໄພຄວາມຜິດແລະບາບ.” (4. ເພື່ອຈະຢຳເກງພະເຢໂຫວາຫຼາຍຂຶ້ນເຮົາຄວນຄິດເຖິງຄຸນລັກສະນະຫຍັງແດ່?
4 ເມື່ອຄິດເຖິງຊື່ຂອງພະເຢໂຫວາເຮົາຄວນຄິດວ່າພະອົງເປັນພະເຈົ້າແບບໃດ ແລະເຮົາຍັງຈະຄິດເຖິງຄຸນລັກສະນະຕ່າງໆຂອງພະອົງເຊັ່ນ ລິດອຳນາດ ສະຕິປັນຍາ ຄວາມຍຸຕິທຳແລະຄວາມຮັກ. ເມື່ອເຮົາຄິດຕຶກຕອງເຖິງຄຸນລັກສະນະເຫຼົ່ານີ້ແລະຄຸນສະນະອື່ນໆກໍຈະຊ່ວຍເຮົາໃຫ້ຢຳເກງພະເຢໂຫວາຫຼາຍຂຶ້ນ.—ເພງ. 77:11-15
5-6. (ກ) ຊື່ຂອງພະເຈົ້າໝາຍຄວາມວ່າແນວໃດ? (ຂ) ຕາມອົບພະຍົບ 3:13, 14 ແລະເອຊາອີ 64:8 ພະເຢໂຫວາສາມາດເຮັດສິ່ງຕ່າງໆຕາມທີ່ພະອົງຕ້ອງການແນວໃດ?
5 ຊື່ຂອງພະເຈົ້າໝາຍຄວາມວ່າແນວໃດ ນັກວິຊາການຫຼາຍຄົນບອກວ່າຊື່ເຢໂຫວາອາດຈະແປວ່າ “ເຮົາເປັນທຸກຢ່າງທີ່ເຮົາຕ້ອງການຈະເປັນ.” ຄວາມໝາຍນີ້ເຮັດໃຫ້ເຮົາຮູ້ວ່າບໍ່ມີຫຍັງທີ່ຈະຂັດຂວາງພະເຢໂຫວາບໍ່ໃຫ້ເຮັດສິ່ງຕ່າງໆທີ່ພະອົງຕ້ອງການໄດ້. ແລ້ວຈະເປັນໄປໄດ້ແນວໃດ?
6 ກໍເພາະວ່າພະເຢໂຫວາເຮັດຫຍັງກໍໄດ້ເພື່ອເຮັດໃຫ້ຄວາມຕ້ອງການຂອງພະອົງສຳເລັດ. (ອ່ານອົບພະຍົບ 3:13, 14) ປຶ້ມຕ່າງໆຂອງອົງການໄດ້ຊ່ວຍໃຫ້ເຮົາຄິດເຖິງຄວາມສາມາດນີ້ຂອງພະເຢໂຫວາເລື້ອຍໆ. ພະເຢໂຫວາຍັງຊ່ວຍໃຫ້ມະນຸດທີ່ບໍ່ສົມບູນແບບສາມາດຮັບໃຊ້ພະອົງແລະເຮັດໃຫ້ຄວາມຕ້ອງການຂອງພະອົງສຳເລັດ. (ອ່ານເອຊາອີ 64:8) ໂດຍວິທີນີ້ພະເຢໂຫວາຈຶ່ງສາມາດເຮັດຫຍັງກໍໄດ້ແລະບໍ່ມີຫຍັງທີ່ຈະຂັດຂວາງພະອົງບໍ່ໃຫ້ເຮັດສິ່ງທີ່ພະອົງຕ້ອງການໄດ້ສຳເລັດ.—ເອຊາ. 46:10, 11
7. ເຮົາຈະສຳນຶກບຸນຄຸນພະເຢໂຫວາຫຼາຍຂຶ້ນໄດ້ແນວໃດ?
7 ເຮົາຈະສຳນຶກບຸນຄຸນພະເຢໂຫວາຫຼາຍຂຶ້ນເມື່ອເຮົາຄິດຕຶກຕອງເຖິງສິ່ງທີ່ພະອົງໄດ້ເຮັດແລະຄວາມເພງ. 8:3, 4) ແລະເມື່ອເຮົາຄິດຕຶກຕອງເຖິງວິທີທີ່ພະເຢໂຫວາຊ່ວຍເຮົາໃຫ້ເຮັດຕາມຄວາມຕ້ອງການຂອງພະອົງ ເຮົາກໍຈະຮູ້ສຶກສຳນຶກບຸນຄຸນພະອົງຫຼາຍຂຶ້ນ. ຊື່ເຢໂຫວາເປັນຕາໜ້າຢຳເກງແທ້ໆເພາະຊື່ນີ້ລວມເຖິງທຸກສິ່ງທີ່ພະອົງເປັນ ທຸກສິ່ງທີ່ພະອົງເຄີຍເຮັດ ແລະທຸກສິ່ງທີ່ພະອົງຈະເຮັດໃນອະນາຄົດ.—ເພງ. 89:7, 8
ສາມາດທີ່ພະອົງໄດ້ໃຫ້ເຮົາ ເຊັ່ນ ເມື່ອເຮົາຄິດຕຶກຕອງເຖິງສິ່ງທີ່ພະເຢໂຫວາສ້າງ ເຮົາກໍຈະຮູ້ສຶກປະທັບໃຈທີ່ພະອົງໄດ້ເຮັດສິ່ງເຫຼົ່ານີ້ເພື່ອເຮົາ. (“ເຮົາຈະປ່າວປະກາດນາມຊື່ແຫ່ງພະເຢໂຫວາ”
ສິ່ງທີ່ໂມເຊສອນໄດ້ໃຫ້ກຳລັງໃຈປະຊາຊົນເພາະສິ່ງນັ້ນບອກໃຫ້ຮູ້ຊື່ຂອງພະເຢໂຫວາແລະບອກວ່າພະອົງເປັນພະເຈົ້າແບບໃດ (ເບິ່ງຂໍ້ 8) *
8. ຕາມພະບັນຍັດ 32:2, 3 ພະເຢໂຫວາຢາກໃຫ້ເຮົາເຮັດແນວໃດກັບຊື່ຂອງພະອົງ?
8 ກ່ອນຊາວອິດສະຣາເອນຈະເຂົ້າໄປໃນແຜ່ນດິນຕາມຄຳສັນຍາ ພະເຢໂຫວາໄດ້ບອກໂມເຊໃຫ້ຂຽນເນື້ອເພງ. (ບັນຍັດ. 31:19) ຈາກນັ້ນໂມເຊກໍສອນປະຊາຊົນໃຫ້ຮູ້ເພງນີ້. ເມື່ອເຮົາອ່ານພະບັນຍັດ 32:2, 3 (ອ່ານ) ເຮົາກໍຈະເຫັນວ່າພະເຢໂຫວາບໍ່ໄດ້ຖືວ່າຊື່ຂອງພະອົງສັກສິດໂພດຈົນບໍ່ຢາກໃຫ້ໃຜເອີ້ນຊື່ຂອງພະອົງ ແຕ່ພະເຢໂຫວາຢາກໃຫ້ທຸກຄົນຮູ້ຈັກຊື່ຂອງພະອົງ! ເປັນສິດທິພິເສດຫຼາຍແທ້ໆທີ່ຊາວອິດສະຣາເອນໄດ້ຟັງໂມເຊສອນກ່ຽວກັບພະເຢໂຫວາແລະຊື່ອັນສັກສິດຂອງພະອົງ. ສິ່ງທີ່ໂມເຊສອນໄດ້ໃຫ້ກຳລັງໃຈແລະເຮັດໃຫ້ເຂົາເຈົ້າມີຄວາມເຊື່ອເຂັ້ມແຂງຂຶ້ນຄືກັບນ້ຳຝົນທີ່ຄ່ອຍໆຕົກໃສ່ພືດແລະເຮັດໃຫ້ມັນໃຫຍ່ຂຶ້ນ. ແລ້ວເຮົາຈະໝັ້ນໃຈໄດ້ແນວໃດວ່າການສອນຂອງເຮົາເປັນແບບນັ້ນ?
9. ເຮົາຈະຊ່ວຍໃຫ້ຊື່ຂອງພະເຢໂຫວາເປັນທີ່ເຄົາລົບນັບຖືໄດ້ແນວໃດ?
9 ເມື່ອເຮົາໄປປະກາດເຮົາຈະໃຊ້ຄຳພີໄບເບິນເພື່ອຊ່ວຍຜູ້ຄົນໃຫ້ຮູ້ຈັກຊື່ຂອງພະເຢໂຫວາ. ເຮົາສາມາດໃຊ້ປຶ້ມ ວິດີໂອແລະສິ່ງອື່ນໆໃນເວັບໄຊເພື່ອຍົກຍ້ອງຊື່ຂອງພະເຢໂຫວາ. ບໍ່ວ່າຈະຢູ່ໂຮງຮຽນ ຢູ່ບ່ອນເຮັດວຽກຫຼືຕອນໄປທ່ຽວເຮົາກໍມີໂອກາດທີ່ຈະລົມເລື່ອງພະເຢໂຫວາແລະບອກວ່າພະອົງເປັນພະເຈົ້າແບບໃດ? ເມື່ອເຮົາບອກເຂົາເຈົ້າກ່ຽວກັບສິ່ງທີ່ດີຕ່າງໆທີ່ພະເຢໂຫວາຈະເຮັດເພື່ອມະນຸດແລະໂລກ ເຂົາເຈົ້າກໍອາດຈະເຂົ້າໃຈຕັ້ງແຕ່ຕອນທຳອິດເລີຍວ່າພະເຢໂຫວາຮັກມະນຸດທຸກຄົນຫຼາຍສ່ຳໃດ. ເມື່ອເຮົາບອກຄົນອື່ນໃຫ້ຮູ້ຄວາມຈິງກ່ຽວກັບພະເຢໂຫວາ ເຮົາກໍກຳລັງຊ່ວຍໃຫ້ຊື່ຂອງພະອົງເປັນທີ່ເຄົາລົບນັບຖືແລະລົບລ້າງຄຳຕົວະແລະການໃສ່ຮ້າຍກ່ຽວກັບພະອົງທີ່ເຂົາເຈົ້າເຄີຍຮູ້. ສິ່ງທີ່ເຮົາສອນຈາກຄຳພີໄບເບິນເປັນສິ່ງທີ່ເຮັດໃຫ້ເຂົາເຈົ້າມີກຳລັງໃຈແລະມີຄວາມສຸກຫຼາຍແທ້ໆ.—ເອຊາ. 65:13, 14
10. ເປັນຫຍັງການສອນນັກສຶກສາໃຫ້ຮູ້ກົດໝາຍແລະມາດຕະຖານຂອງພະເຈົ້າຍັງບໍ່ພໍ?
10 ເມື່ອເຮົານຳການສຶກສາ ເຮົາຢາກຊ່ວຍນັກສຶກສາໃຫ້ມາຮູ້ຈັກພະເຢໂຫວາແລະໃຊ້ຊື່ຂອງພະອົງ. ນອກຈາກນັ້ນ ເຮົາຍັງຢາກຊ່ວຍເຂົາເຈົ້າໃຫ້ຮູ້ວ່າພະເຢໂຫວາເປັນພະເຈົ້າແບບໃດແທ້ໆ. ຖ້າເຮົາພຽງແຕ່ສອນຄຳແນະນຳ ມາດຕະຖານ ແລະກົດໝາຍຂອງພະເຢໂຫວາ ນີ້ຈະເຮັດໃຫ້ລາວຮູ້ຈັກພະເຢໂຫວາແທ້ໆບໍ? ລາວອາດຮູ້ຈັກກົດໝາຍຂອງພະເຈົ້າແລະເຖິງຂັ້ນຍອມຮັບກົດໝາຍນັ້ນ. ແຕ່ລາວຈະເຊື່ອຟັງຍ້ອນວ່າຮັກພະອົງແທ້ໆບໍ? ຂໍໃຫ້ຈື່ໄວ້ວ່າ ເອວາກໍຮູ້ຈັກກົດໝາຍຂອງພະເຈົ້າ ແຕ່ລາວບໍ່ໄດ້ຮັກພະອົງແທ້ໆແລະອາດາມກໍບໍ່ໄດ້ຮັກພະອົງຄືກັນ. (ຕົ້ນ. 3:1-6) ດັ່ງນັ້ນ ເຮົາຕ້ອງບໍ່ພຽງແຕ່ສອນນັກສຶກສາໃຫ້ຮູ້ກົດໝາຍແລະມາດຕະຖານຂອງພະເຈົ້າ ແຕ່ເຮົາຕ້ອງເຮັດຫຼາຍກວ່ານັ້ນ.
11. ເມື່ອເຮົາສອນນັກສຶກສາໃຫ້ຮູ້ກົດໝາຍແລະມາດຕະຖານຂອງພະເຢໂຫວາ ເຮົາອາດຊ່ວຍເຂົາເຈົ້າໃຫ້ຮັກພະອົງໄດ້ແນວໃດ?
11 ກົດໝາຍແລະມາດຕະຖານຂອງພະເຢໂຫວາເປັນປະໂຫຍດຕໍ່ເຮົາສະເໝີ. (ເພງ. 119:97, 111, 112) ແຕ່ນັກສຶກສາຂອງເຮົາອາດບໍ່ໄດ້ຄິດແບບນັ້ນຖ້າເຂົາ ເຈົ້າບໍ່ເຂົ້າໃຈວ່າພະເຢໂຫວາໃຫ້ກົດໝາຍນີ້ຍ້ອນຮັກເຮົາ. ດັ່ງນັ້ນ ເຮົາອາດຖາມນັກສຶກສາວ່າ: “ເປັນຫຍັງພະເຢໂຫວາຈຶ່ງຂໍໃຫ້ເຮົາເຮັດແບບນີ້ ຫຼືຫ້າມບໍ່ໃຫ້ເຮົາເຮັດແບບນັ້ນ? ແລະນີ້ເຮັດໃຫ້ເຮົາຮູ້ວ່າພະເຢໂຫວາເປັນພະເຈົ້າແບບໃດ?” ຖ້າເຮົາຊ່ວຍນັກສຶກສາໃຫ້ຄິດກ່ຽວກັບພະເຢໂຫວາແລະເຄົາລົບນັບຖືຊື່ຂອງພະອົງ ເຮົາກໍຈະຊ່ວຍເຂົາເຈົ້າໃຫ້ຮູ້ວ່າພະເຢໂຫວາເປັນພະເຈົ້າແບບໃດແທ້ໆ. ແລ້ວເຂົາເຈົ້າກໍຈະບໍ່ພຽງແຕ່ມັກກົດໝາຍ ແຕ່ຈະຮັກຜູ້ທີ່ຕັ້ງກົດໝາຍເຊິ່ງກໍຄືພະເຢໂຫວາ. (ເພງ. 119:68) ຈາກນັ້ນເຂົາເຈົ້າກໍຈະມີຄວາມເຊື່ອທີ່ເຂັ້ມແຂງຂຶ້ນເຊິ່ງຈະຊ່ວຍໃຫ້ອົດທົນຕໍ່ການທົດລອງໄດ້ໃນອະນາຄົດ.—1 ກຣ. 3:12-15
“ເຮົາຈະທຽວໄປໃນນາມຊື່ແຫ່ງພະເຢໂຫວາ”
ມີເທື່ອໜຶ່ງທີ່ດາວິດໄດ້ແບ່ງໃຈ (ເບິ່ງຂໍ້ 12)
12. ດາວິດໄດ້ແບ່ງໃຈແນວໃດແລະຜົນເປັນແນວໃດ?
12 ໃນຄຳເພງ 86:11, ລ.ມ. ຄຳວ່າ “ໝົດຫົວໃຈ” ທີ່ກະສັດດາວິດຂຽນເປັນຄຳເວົ້າທີ່ສຳຄັນຫຼາຍ. ໃນຊີວິດຂອງດາວິດ ລາວເຫັນວ່າເປັນເລື່ອງງ່າຍທີ່ຈະແບ່ງໃຈຕົວເອງ. ມີເທື່ອໜຶ່ງຕອນທີ່ດາວິດຢູ່ເທິງດາດຟ້າ ລາວເຫັນຜູ້ຍິງຄົນໜຶ່ງກຳລັງອາບນ້ຳ ຕອນນັ້ນໃຈຂອງລາວເລີ່ມເປັນແນວໃດ? ລາວຮູ້ຈັກກົດໝາຍຂອງພະເຢໂຫວາທີ່ບອກວ່າ: “ຢ່າຄຶດຢາກໄດ້ເມຍແຫ່ງເພື່ອນບ້ານຂອງເຈົ້າ.” (ອົບ. 20:17) ແຕ່ດາວິດຍັງຈ້ອງເບິ່ງຜູ້ຍິງຄົນນັ້ນຢູ່ ນີ້ໄດ້ເຮັດໃຫ້ລາວເລີ່ມແບ່ງໃຈ ໃຈໜຶ່ງກໍຢາກເຮັດໃຫ້ພະເຢໂຫວາພໍໃຈແລະອີກໃຈໜຶ່ງກໍຢາກໄດ້ບາດເຊບາ. ເຖິງວ່າດາວິດຈະຮັກແລະຢຳເກງພະເຢໂຫວາມາຕະຫຼອດ ແຕ່ໃນທີ່ສຸດລາວກໍເຮັດຕາມຄວາມຕ້ອງການທີ່ເຫັນແກ່ຕົວ. ຍ້ອນແນວນັ້ນດາວິດຈຶ່ງເຮັດສິ່ງທີ່ບໍ່ດີຫຼາຍຢ່າງ ເຮັດໃຫ້ພະເຢໂຫວາເສຍຊື່ສຽງແລະຍັງເຮັດໃຫ້ຄົນບໍລິສຸດແລະຄອບຄົວຂອງຕົວເອງເຈິຄວາມເສຍຫາຍຫຼາຍຢ່າງ.—2 ຊາມ. 11:1-5, 14-17; 12:7-12
13. ເຮົາຮູ້ໄດ້ແນວໃດວ່າດາວິດກັບມາຮັບໃຊ້ພະເຢໂຫວາສຸດຫົວໃຈ?
13 ຫຼັງຈາກທີ່ພະເຢໂຫວາໄດ້ສັ່ງສອນດາວິດ ລາວກໍກັບມາເປັນໝູ່ຂອງພະເຢໂຫວາອີກ. (2 ຊາມ. 12:13; ເພງ. 51:2-4, 17) ດາວິດໄດ້ຮູ້ວ່າການແບ່ງໃຈໄດ້ເຮັດໃຫ້ເກີດບັນຫາແລະຄວາມເສຍຫາຍຫຼາຍຢ່າງ. ດັ່ງນັ້ນ ສິ່ງທີ່ດາວິດຂຽນໄວ້ໃນຄຳເພງ 86:11, ລ.ມ. (ໄຂເງື່ອນ) ສາມາດແປໄດ້ວ່າ: “ຂໍຊ່ວຍລູກບໍ່ໃຫ້ແບ່ງໃຈ.” ພະເຢໂຫວາໄດ້ຊ່ວຍດາວິດບໍ່ໃຫ້ແບ່ງໃຈບໍ? ພະອົງໄດ້ຊ່ວຍລາວແທ້ ເພາະຕໍ່ມາຄຳພີໄບເບິນບອກວ່າດາວິດເປັນຄົນທີ່ “ຮັບໃຊ້ພະເຢໂຫວາສຸດຫົວໃຈ.”—1 ກະ. 11:4; 15:3, ລ.ມ.
14. ເຮົາຄວນຖາມຕົວເອງແນວໃດ ແລະຍ້ອນຫຍັງ?
14 ຕົວຢ່າງຂອງດາວິດທັງໃຫ້ກຳລັງໃຈແລະເຕືອນໃຈເຮົາ. ການທີ່ດາວິດເຮັດຜິດຮ້າຍແຮງເຕືອນໃຈເຮົາທຸກຄົນໃນທຸກມື້ນີ້. ບໍ່ວ່າເຮົາຫາກໍເລີ່ມຮັບໃຊ້ພະເຢໂຫວາຫຼືຮັບໃຊ້ພະອົງມາຫຼາຍປີແລ້ວ ເຮົາຕ້ອງຖາມຕົວ
ເອງວ່າ: ‘ຂ້ອຍກຳລັງຕ້ານທານການລໍ້ໃຈຂອງຊາຕານທີ່ຢາກໃຫ້ຂ້ອຍແບ່ງໃຈບໍ?’ຊາຕານຈະພະຍາຍາມເຮັດທຸກຢ່າງເພື່ອຈະແບ່ງໃຈເຈົ້າ. ແຕ່ຂໍໃຫ້ເຈົ້າຢ່າຍອມແພ້ (ເບິ່ງຂໍ້ 15-16) *
15. ການຢຳເກງພະເຈົ້າຈະຊ່ວຍເຮົາແນວໃດ ເມື່ອເຫັນຮູບທີ່ກະຕຸ້ນຄວາມຕ້ອງການທາງເພດ?
15 ຕົວຢ່າງເຊັ່ນ ຖ້າເຈົ້າເຫັນຮູບທີ່ກະຕຸ້ນຄວາມຕ້ອງການທາງເພດຢູ່ໂທລະທັດຫຼືອິນເຕີເນັດ ເຈົ້າຈະເຮັດແນວໃດ? ເຈົ້າອາດຈະຄິດເອົາເອງວ່າຮູບຫຼືໜັງນັ້ນກໍເບິ່ງຄືວ່າບໍ່ໄດ້ລາມົກ. ແຕ່ສິ່ງນັ້ນອາດເປັນສິ່ງທີ່ຊາຕານໃຊ້ເພື່ອແບ່ງໃຈເຈົ້າບໍ? (2 ກຣ. 2:11) ຮູບເຫຼົ່ານັ້ນປຽບຄືກັບຂວານທີ່ຜູ້ຊາຍຄົນໜຶ່ງໃຊ້ຜ່າທ່ອນໄມ້ໃຫຍ່. ຕອນທຳອິດລາວກໍຈະຄ່ອຍໆຜ່າໃຫ້ມັນເປັນຮອຍ ແຕ່ພໍຜ່າລົງເລິກເຂົ້າໄປອີກ ໃນທີ່ສຸດມັນກໍຍະອອກຈາກກັນ. ເປັນໄປໄດ້ບໍທີ່ຮູບຫຼືໜັງທີ່ກະຕຸ້ນຄວາມຕ້ອງການທາງເພດຈະເຮັດໃຫ້ເຮົາແບ່ງໃຈຄືກັບປາຍແຫຼມນ້ອຍໆຂອງຂວານທີ່ແບ່ງທ່ອນໄມ້ອອກເປັນສອງທ່ອນ? ການເບິ່ງສິ່ງນ້ອຍໆທີ່ເບິ່ງຄືວ່າຈະບໍ່ເປັນອັນຕະລາຍ ອາດເຮັດໃຫ້ຄົນນັ້ນເຮັດຜິດຮ້າຍແຮງຕໍ່ພະເຢໂຫວາໄດ້. ດັ່ງນັ້ນ ຢ່າຍອມໃຫ້ສິ່ງທີ່ບໍ່ດີເຂົ້າໄປໃນຫົວໃຈຂອງເຈົ້າ! ແຕ່ໃຫ້ຢຳເກງພະເຢໂຫວາສຸດຫົວໃຈສະເໝີ!
16. ເມື່ອຖືກລໍ້ໃຈໃຫ້ເຮັດຜິດ ເຮົາຄວນຖາມຕົວເອງແນວໃດ?
16 ນອກຈາກຮູບທີ່ກະຕຸ້ນຄວາມຕ້ອງການທາງເພດແລ້ວ ຊາຕານຍັງໃຊ້ວິທີອື່ນໆອີກເພື່ອຈະລໍ້ໃຈໃຫ້ເຮົາເຮັດຜິດ. ເມື່ອເປັນແບບນັ້ນ ເຮົາຈະເຮັດແນວໃດ? ເຮົາອາດຈະຄິດເຂົ້າຂ້າງຕົວເອງວ່າມັນກໍບໍ່ໄດ້ເປັນເລື່ອງຮ້າຍແຮງ ເຊັ່ນ ເຮົາອາດຈະຄິດວ່າ: ‘ຖ້າຂ້ອຍເຮັດແບບນີ້ ຂ້ອຍຄືຊິບໍ່ຖືກຕັດສຳພັນດອກເພາະມັນບໍ່ແມ່ນເລື່ອງຮ້າຍແຮງ.’ ການຄິດແບບນີ້ອັນຕະລາຍຫຼາຍ. ດັ່ງນັ້ນເມື່ອຖືກລໍ້ໃຈ ດີບໍທີ່ເຮົາຈະຖາມຕົວເອງວ່າ: ‘ຊາຕານກຳລັງພະຍາຍາມໃຊ້ເລື່ອງນີ້ເພື່ອເຮັດໃຫ້ຂ້ອຍແບ່ງໃຈບໍ? ຖ້າຂ້ອຍຍອມເຮັດຕາມຄວາມຕ້ອງການທີ່ຜິດໆ ຂ້ອຍຈະເຮັດໃຫ້ພະເຢໂຫວາຢກບ. 1:5) ການເຮັດແບບນີ້ຈະຊ່ວຍປົກປ້ອງເຮົາແທ້ໆແລະຊ່ວຍເຮົາໃຫ້ປະຕິເສດການລໍ້ໃຈຂອງຊາຕານຢ່າງໜັກແໜ້ນຄືກັບພະເຢຊູຕອນທີ່ເພິ່ນບອກວ່າ: “ໜີໄປໄກໆຊາຕານ!”—ມທ. 4:10
ເສຍຊື່ສຽງບໍ? ການເຮັດແບບນີ້ຈະເຮັດໃຫ້ຂ້ອຍສະໜິດກັບພະເຢໂຫວາຫຼາຍຂຶ້ນບໍຫຼືຈະທຳລາຍການເປັນໝູ່ກັບພະອົງ?’ ຂໍໃຫ້ຄິດເຖິງຄຳຖາມເຫຼົ່ານີ້. ອະທິດຖານຂໍຄວາມຊ່ວຍເຫຼືອຈາກພະເຢໂຫວາເພື່ອຈະຕອບຄຳຖາມເຫຼົ່ານີ້ຢ່າງສັດຊື່. (17. ເປັນຫຍັງຈຶ່ງບໍ່ດີທີ່ຈະແບ່ງໃຈ? ຂໍໃຫ້ຍົກຕົວຢ່າງ.
17 ເປັນເລື່ອງທີ່ບໍ່ດີທີ່ເຮົາຈະແບ່ງໃຈ. ລອງຄິດເຖິງທີມເຕະບານທີ່ສະມາຊິກໃນທີມບໍ່ສາມັກຄີກັນ. ບາງຄົນຢາກຫຼິ້ນຄົນດຽວ ບາງຄົນກໍບໍ່ຢາກຫຼິ້ນຕາມກົດ ແລະບາງຄົນກໍບໍ່ຢາກຟັງຄວາມຄູຝຶກ ທີມແບບນີ້ຄືຊິບໍ່ຊະນະທີມອື່ນຈັກເທື່ອ. ແຕ່ຖ້າທີມສາມັກຄີກັນ ກໍມີໂອກາດທີ່ຈະຊະນະຫຼາຍກວ່າ. ຫົວໃຈຂອງເຈົ້າຈະເປັນຄືທີມທີ່ຊະນະຖ້າເຈົ້າໃຫ້ຄວາມຄິດ ຄວາມຮູ້ສຶກ ແລະຄວາມຕ້ອງການໃຫ້ກັບພະເຢໂຫວາທັງໝົດ. ຂໍໃຫ້ຈື່ໄວ້ວ່າຊາຕານຢາກແບ່ງໃຈເຈົ້າ ມັນຢາກເຮັດໃຫ້ຄວາມຄິດ ຄວາມຮູ້ສຶກ ແລະຄວາມຕ້ອງການຂອງເຈົ້າຂັດກັບມາດຕະຖານຂອງພະເຢໂຫວາ. ແຕ່ເຈົ້າຕ້ອງຮັບໃຊ້ພະເຢໂຫວາໝົດຫົວໃຈ. (ມທ. 22:36-38) ຢ່າໃຫ້ຊາຕານແບ່ງໃຈຂອງເຈົ້າ!
18. ຕາມມີເກ 4:5 ເຈົ້າຕັ້ງໃຈທີ່ຈະເຮັດຫຍັງ?
18 ຂໍໃຫ້ອະທິດຖານເຖິງພະເຢໂຫວາຄືກັບດາວິດທີ່ບອກວ່າ: “ຂໍຊ່ວຍໃຫ້ຂ້ອຍຢຳເກງຊື່ຂອງພະອົງໝົດຫົວໃຈ.” ໃຫ້ພະຍາຍາມໃຊ້ຊີວິດຕາມທີ່ໄດ້ອະທິດຖານ. ໃຫ້ການຕັດສິນໃຈທີ່ເຈົ້າເຮັດໃນແຕ່ລະມື້ຕັ້ງແຕ່ເລື່ອງນ້ອຍໆຈົນເຖິງເລື່ອງໃຫຍ່ສະແດງໃຫ້ເຫັນວ່າເຈົ້າຢຳເກງຊື່ຂອງພະເຢໂຫວາ. ເມື່ອເຮັດແບບນັ້ນ ເຮົາກໍສະແດງໃຫ້ເຫັນວ່າເຮົາເປັນພະຍານຂອງພະເຢໂຫວາ. (ສຸພາ. 27:11) ແລະເຮົາທຸກຄົນກໍຈະເວົ້າຄືກັບຜູ້ພະຍາກອນມິເກວ່າ: “ພວກເຮົາຈະທຽວໄປໃນນາມຊື່ແຫ່ງພະເຢໂຫວາພະເຈົ້າຂອງພວກເຮົາສືບໆໄປເປັນນິດ.”—ມີເກ 4:5
ເພງ 41 ຂໍຟັງຄຳອະທິດຖານຂອງເຮົາ
^ ຂໍ້ 5 ໃນບົດຄວາມນີ້ເຮົາຈະມາຮຽນກ່ຽວກັບຄຳອະທິດຖານສ່ວນໜຶ່ງຂອງກະສັດດາວິດທີ່ຂຽນໄວ້ໃນຄຳເພງ 86:11, 12. ການຢຳເກງຊື່ຂອງພະເຢໂຫວາໝາຍຄວາມວ່າແນວໃດ? ເປັນຫຍັງເຮົາຄວນຢຳເກງຊື່ຂອງພະອົງ? ແລະການຢຳເກງພະເຢໂຫວາຈະປົກປ້ອງເຮົາບໍ່ໃຫ້ເຮັດຜິດໄດ້ແນວໃດ?
^ ຂໍ້ 2 ຄຳເພງ 86:11 (ລ.ມ.): “ພະເຢໂຫວາ ຂໍສອນຂ້ອຍໃຫ້ຮູ້ຈັກທາງຂອງພະອົງ. ຂ້ອຍຈະໃຊ້ຊີວິດຕາມແນວທາງແຫ່ງຄວາມຈິງຂອງພະອົງ. ຂໍຊ່ວຍໃຫ້ຂ້ອຍຢຳເກງຊື່ຂອງພະອົງໝົດຫົວໃຈ.”