ອະທິບາຍຂໍ້ຄຳພີ
ເຈົ້າມີຄວາມເຊື່ອບໍ?
ເຮົາຕ້ອງມີຄວາມເຊື່ອເພື່ອຈະເຮັດໃຫ້ພະເຢໂຫວາພໍໃຈ. ແຕ່ຄຳພີໄບເບິນບອກວ່າ: “ບໍ່ແມ່ນທຸກຄົນຈະມີຄວາມເຊື່ອ.” (2ທຊ. 3:2) ຕອນທີ່ໂປໂລເວົ້າເລື່ອງນີ້ ລາວກຳລັງໝາຍເຖິງ “ຄົນຊົ່ວທີ່ມັກທຳຮ້າຍຄົນອື່ນ” ທີ່ຂົ່ມເຫງລາວ. ແຕ່ຄຳເວົ້າຂອງໂປໂລຍັງໝາຍເຖິງຄົນກຸ່ມອື່ນນຳ ເຊັ່ນ: ບາງຄົນບໍ່ເຊື່ອວ່າມີພະເຈົ້າທີ່ເປັນຜູ້ສ້າງທຸກສິ່ງຍ້ອນເຂົາເຈົ້າບໍ່ສົນໃຈຫຼັກຖານທີ່ພິສູດວ່າເພິ່ນມີຢູ່ແທ້. (ຣມ. 1:20) ສ່ວນບາງຄົນກໍອ້າງວ່າເຊື່ອໃນສິ່ງສັກສິດ ແຕ່ຄວາມເຊື່ອແບບນັ້ນບໍ່ໄດ້ເຮັດໃຫ້ພະເຢໂຫວາພໍໃຈ.
ເຮົາຕ້ອງເຊື່ອວ່າພະເຢໂຫວາມີຢູ່ແທ້ແລະເພິ່ນຈະໃຫ້ “ລາງວັນ” ຄົນທີ່ມີຄວາມເຊື່ອແທ້. (ຮຣ. 11:6) ຄວາມເຊື່ອເປັນຜົນທີ່ເກີດຈາກພະລັງບໍລິສຸດຂອງພະເຈົ້າ. ເຮົາສາມາດອະທິດຖານຂໍພະລັງບໍລິສຸດຈາກເພິ່ນໄດ້. (ລກ. 11:9, 10, 13) ອີກວິທີໜຶ່ງທີ່ສຳຄັນທີ່ເຮົາຈະໄດ້ຮັບພະລັງບໍລິສຸດຈາກພະເຈົ້າແມ່ນການອ່ານຄຳພີໄບເບິນທີ່ໄດ້ຮັບການດົນໃຈຈາກພະເຈົ້າ. ເມື່ອເຮົາອ່ານຄຳພີໄບເບິນ ຄິດຕຶກຕອງ ແລະເອົາສິ່ງທີ່ໄດ້ຮຽນໄປໃຊ້ ພະເຢໂຫວາກໍຈະໃຫ້ພະລັງບໍລິສຸດກັບເຮົາເພື່ອຊ່ວຍເຮົາໃຫ້ໃຊ້ຊິວິດໃນແບບທີ່ສະແດງວ່າເຮົາມີຄວາມເຊື່ອເຊິ່ງຈະເຮັດໃຫ້ເພິ່ນພໍໃຈ.
