ອະທິບາຍຂໍ້ຄຳພີ
ຍົກໂທດຄວາມຜິດແລະບາບກ່ອນຈະມີຄ່າໄຖ່
ຄວາມຜິດຂອງເຮົາຈະໄດ້ຮັບການຍົກໂທດໂດຍທາງຄ່າໄຖ່ຂອງພະເຢຊູເທົ່ານັ້ນ. (ອຟຊ. 1:7) ແຕ່ຄຳພີໄບເບິນບອກວ່າ: “[ພະເຈົ້າ] ອົດທົນແລະຍົກໂທດຄວາມຜິດທີ່ຄົນເຄີຍເຮັດໃນອະດີດ” ນັ້ນຄືຕັ້ງແຕ່ກ່ອນທີ່ພະເຢຊູຕາຍເປັນຄ່າໄຖ່. (ຣມ. 3:25) ພະເຢໂຫວາເຮັດແບບນັ້ນໄດ້ແນວໃດໂດຍທີ່ບໍ່ຂັດກັບມາດຕະຖານເລື່ອງຄວາມຍຸຕິທຳຂອງເພິ່ນ?
ສຳລັບພະເຢໂຫວາ ຕອນທີ່ເພິ່ນຕັດສິນໃຈວ່າຈະໃຫ້ມີ “ເຊື້ອສາຍ” ທີ່ຈະມາຊ່ວຍມະນຸດໃຫ້ລອດ ມັນກໍສ່ຳກັບວ່າເພິ່ນໄດ້ຈ່າຍຄ່າໄຖ່ແລ້ວ. (ປຖກ. 3:15; 22:18) ພະເຢໂຫວາໝັ້ນໃຈວ່າ ເມື່ອຮອດເວລາລູກຊາຍຄົນດຽວຂອງເພິ່ນຈະເຕັມໃຈຕາຍເປັນຄ່າໄຖ່. (ຄລຕ. 4:4; ຮຣ. 10:7-10) ຕອນທີ່ພະເຢຊູຢູ່ໃນໂລກຖານະເປັນຕົວແທນຂອງພະເຢໂຫວາ ພະເຢຊູໄດ້ຮັບອຳນາດທີ່ຈະຍົກໂທດບາບກ່ອນທີ່ເພິ່ນຈະຕາຍເປັນຄ່າໄຖ່ຊ້ຳ. ພະເຢຊູເຮັດແບບນັ້ນໄດ້ຍ້ອນເພິ່ນຮູ້ວ່າຄ່າໄຖ່ທີ່ເພິ່ນຈະສະລະໃນອະນາຄົດສາມາດລົບລ້າງບາບຂອງຄົນທີ່ມີຄວາມເຊື່ອໄດ້.—ມທ. 9:2-6
