ບົດຄວາມສຶກສາທີ 52
ພໍ່ແມ່ ສອນລູກຂອງເຈົ້າໃຫ້ຮັກພະເຢໂຫວາ
‘ລູກທັງຫຼາຍເປັນມູນມາແຕ່ພະເຢໂຫວາ.’—ເພງ. 127:3
ເພງ 134 ລູກເປັນຂອງຂວັນຈາກພະເຈົ້າ
ໃຈຄວາມສຳຄັນ *
1. ພະເຢໂຫວາໃຫ້ພໍ່ແມ່ມີໜ້າທີ່ຮັບຜິດຊອບຫຍັງ?
ພະເຢໂຫວາສ້າງຜົວເມຍຄູ່ທຳອິດໃຫ້ມີຄວາມຕ້ອງການທີ່ຈະມີລູກ. ຄຳພີໄບເບິນບອກວ່າ: ‘ລູກທັງຫຼາຍເປັນມູນມາແຕ່ພະເຢໂຫວາ.’ (ເພງ. 127:3) ນັ້ນໝາຍຄວາມວ່າແນວໃດ? ລອງນຶກພາບວ່າໝູ່ສະໜິດເອົາເງິນຈຳນວນຫຼວງຫຼາຍມາຝາກໄວ້ນຳເຈົ້າ. ເຈົ້າຮູ້ສຶກແນວໃດ? ເຈົ້າຄືຊິຮູ້ສຶກເປັນກຽດທີ່ລາວໄວ້ໃຈເຈົ້າ ແຕ່ເຈົ້າກໍອາດກັງວົນວ່າຈະຮັກສາມັນແນວໃດ. ພະເຢໂຫວາໝູ່ສະໜິດຂອງເຮົາໄດ້ໃຫ້ຜູ້ທີ່ເປັນພໍ່ແມ່ເບິ່ງແຍງສິ່ງທີ່ມີຄ່າຫຼາຍກວ່າເງິນ. ພະອົງໃຫ້ພໍ່ແມ່ມີໜ້າທີ່ຮັບຜິດຊອບໃນການເບິ່ງແຍງລູກຢ່າງດີແລະມີຄວາມສຸກ.
2. ເຮົາຈະພິຈາລະນາຄຳຖາມຫຍັງແດ່?
2 ໃຜຄວນຕັດສິນໃຈວ່າຈະມີລູກ ແລະຈະມີຕອນໃດ? ແລະພໍ່ແມ່ຈະເຮັດຫຍັງແດ່ເພື່ອຊ່ວຍລູກໃຫ້ມີຊີວິດທີ່ມີຄວາມສຸກ? ໃຫ້ເຮົາມາພິຈາລະນາບາງຫຼັກການໃນຄຳພີໄບເບິນທີ່ຈະຊ່ວຍໃຫ້ຜົວເມຍຄລິດສະຕຽນຕັດສິນໃຈໄດ້ຢ່າງສະຫຼາດ.
ນັບຖືການຕັດສິນໃຈຂອງຄູ່ແຕ່ງດອງ
3. (ກ) ໃຜຄວນຕັດສິນໃຈຖ້າຄູ່ຜົວເມຍຈະມີລູກ? (ຂ) ໝູ່ເພື່ອນແລະຄອບຄົວຂອງຄູ່ຜົວເມຍຄວນຄິດເຖິງຫຼັກການຫຍັງໃນຄຳພີໄບເບິນ?
3 ໃນບາງວັດທະນະທຳ ຜູ້ຄົນຄິດວ່າຄູ່ແຕ່ງດອງໃໝ່ຄວນຈະມີລູກໃຫ້ໄວເທົ່າທີ່ເປັນໄປໄດ້. ຄູ່ຜົວເມຍອາດຖືກກົດດັນຈາກຄອບຄົວແລະຄົນໄອື່ນໆຄລຕ. 6:5) ແນ່ນອນວ່າໝູ່ເພື່ອນແລະຄອບຄົວຢາກໃຫ້ຄູ່ແຕ່ງດອງໃໝ່ມີຄວາມສຸກ ແຕ່ພວກເຂົາຕ້ອງຈື່ໄວ້ວ່າການເລືອກທີ່ຈະມີລູກຫຼືບໍ່ນັ້ນແມ່ນຂຶ້ນກັບຄູ່ຜົວເມຍເປັນຄົນຕັດສິນໃຈ.—1 ທຊ. 4:11
ໃຫ້ເຮັດຕາມທຳນຽມ. ພີ່ນ້ອງຊາຍຄົນໜຶ່ງຊື່ ເຈດໂຣທີ່ຢູ່ໃນອາຊີບອກວ່າ: “ໃນປະຊາຄົມ ບາງຄົນທີ່ມີລູກມັກກົດດັນຄູ່ທີ່ບໍ່ມີລູກໃຫ້ມີລູກ.” ພີ່ນ້ອງອີກຄົນໜຶ່ງໃນອາຊີຊື່ ເຈບຟຣີບອກວ່າ: “ບາງຄົນບອກຄູ່ຜົວເມຍທີ່ບໍ່ມີລູກວ່າ ຖ້າເຈົ້າບໍ່ມີລູກໃຜຈະມາລ້ຽງເຈົ້າຍາມເຖົ້າ.” ເຖິງຢ່າງໃດກໍຕາມ ຜົວເມຍແຕ່ລະຄູ່ຄວນຕັດສິນໃຈເອົາເອງວ່າຈະມີລູກຫຼືບໍ່. ນີ້ເປັນໜ້າທີ່ຮັບຜິດຊອບຂອງພວກເຂົາ. (4-5. ຄູ່ຜົວເມຍຕ້ອງພິຈາລະນາສອງຄຳຖາມຫຍັງແດ່ ແລະຕອນໃດຈຶ່ງດີທີ່ສຸດທີ່ຄູ່ຜົວເມຍຈະລົມກັນເລື່ອງນີ້? ຂໍໃຫ້ອະທິບາຍ.
4 ຄູ່ຜົວເມຍທີ່ຕັດສິນໃຈວ່າຈະມີລູກຄວນພິຈາລະນາ 2 ຄຳຖາມທີ່ສຳຄັນຄື: ທຳອິດ ພວກເຂົາຈະເອົາລູກເມື່ອໃດ? ທີສອງ ພວກເຂົາຢາກມີລູກຈັກຄົນ? ເວລາໃດດີທີ່ສຸດທີ່ຄູ່ຜົວເມຍຈະລົມກັນເລື່ອງນີ້? ແລະເປັນຫຍັງສອງຄຳຖາມນີ້ຈຶ່ງສຳຄັນ?
5 ສ່ວນຫຼາຍແລ້ວ ກ່ອນແຕ່ງດອງຄູ່ຜົວເມຍຄວນຈະລົມກັນເລື່ອງການມີລູກ. ຍ້ອນຫຍັງ? ກໍຍ້ອນວ່າເປັນສິ່ງສຳຄັນທີ່ພວກເຂົາທັງສອງຈະຄິດຄືກັນໃນເລື່ອງນີ້. ນອກຈາກນັ້ນ ພວກເຂົາຈະຕ້ອງລົມກັນນຳວ່າພ້ອມທີ່ຈະຮັບເອົາໜ້າທີ່ຮັບຜິດຊອບນີ້ຫຼືບໍ່. ບາງຄູ່ໄດ້ຕັດສິນໃຈທີ່ຈະລໍຖ້າຢ່າງໜ້ອຍໜຶ່ງຫຼືສອງປີຫຼັງຈາກທີ່ແຕ່ງດອງກ່ອນຈະມີລູກເພາະເມື່ອມີລູກພວກເຂົາຈະຕ້ອງໃຊ້ເວລາແລະກຳລັງເພື່ອເບິ່ງແຍງລູກ. ພວກເຂົາມີເຫດຜົນທີ່ຈະລໍຖ້າໜ້ອຍໜຶ່ງເພາະຈະຊ່ວຍໃຫ້ພວກເຂົາປັບເຂົ້າຫາກັນແລະຊ່ວຍໃຫ້ໃກ້ຊິດກັນຫຼາຍຂຶ້ນ.—ອຟຊ. 5:33
6. ໃນໄລຍະທີ່ມີແຕ່ຄວາມຫຍຸ້ງຍາກບາງຄູ່ໄດ້ຕັດສິນໃຈແນວໃດ?
6 ສ່ວນຄລິດສະຕຽນຄົນອື່ນມັກຮຽນແບບຕົວຢ່າງຂອງລູກຊາຍສາມຄົນຂອງໂນອາແລະລູກໃພ້ຂອງລາວ ເພາະທັງສາມຄູ່ນີ້ບໍ່ໄດ້ມີລູກທັນທີ. (ຕົ້ນ. 6:18; 9:18, 19; 10:1; 2 ປຕ. 2:5) ພະເຢຊູປຽບທຽບສະໄໝຂອງເຮົາຄືກັບ “ສະໄໝຂອງໂນອາ” ແລະແນ່ນອນວ່າເຮົາກຳລັງຢູ່ໃນ “ໄລຍະທີ່ມີແຕ່ຄວາມຫຍຸ້ງຍາກລຳບາກ.” (ມທ. 24:37; 2 ຕມ. 3:1) ດ້ວຍເຫດຜົນເຫຼົ່ານີ້ ບາງຄູ່ຈຶ່ງຕັດສິນໃຈທີ່ຈະບໍ່ຟ້າວເອົາລູກເພື່ອພວກເຂົາຈະສາມາດຮັບໃຊ້ພະເຢໂຫວາຫຼາຍຂຶ້ນ.
7. ຫຼັກການໃນລູກາ 14:28, 29 ແລະສຸພາສິດ 21:5 ຈະຊ່ວຍຄູ່ຜົວເມຍແນວໃດ?
ລູກາ 14:28, 29) ຜົວເມຍທີ່ມີປະສົບການຄູ່ໜຶ່ງບອກວ່າ ການລ້ຽງລູກບໍ່ພຽງແຕ່ຕ້ອງໃຊ້ເງິນ ແຕ່ຍັງຕ້ອງໃຊ້ເວລາແລະກຳລັງຫຼາຍ. ດັ່ງນັ້ນ ເປັນເລື່ອງສຳຄັນທີ່ຜົວເມຍຄວນລົມກັນກ່ຽວກັບຄຳຖາມຕໍ່ໄປນີ້: ‘ເຮົາຕ້ອງເຮັດວຽກທັງສອງຄົນບໍເພື່ອຈະມີເງິນພໍຊື້ສິ່ງຈຳເປັນໃນຄອບຄົວ? ເຮົາທັງສອງເຂົ້າໃຈກົງກັນບໍວ່າຕ້ອງມີສິ່ງຈຳເປັນຫຍັງແດ່? ຖ້າເຮົາທັງສອງເຮັດວຽກແລ້ວໃຜຈະເບິ່ງແຍງລູກ? ເຮົາຢາກໃຫ້ໃຜມີຜົນຕໍ່ຄວາມຄິດແລະການກະທຳຂອງລູກ?’ ເມື່ອຜົວເມຍລົມກັນກ່ຽວກັບຄຳຖາມເຫຼົ່ານີ້ພວກເຂົາກໍກຳລັງໃຊ້ຫຼັກການໃນສຸພາສິດ 21:5.—ອ່ານ.
7 ຕອນທີ່ຕັດສິນໃຈວ່າຈະມີລູກແລະຈະມີຈັກຄົນ ຄູ່ຜົວເມຍທີ່ສະຫຼາດຈະ “ຄິດໄລ່ເບິ່ງຄ່າໃຊ້ຈ່າຍ.” (ອ່ານ8. ຄູ່ຜົວເມຍຄວນຄິດເຖິງຄວາມຫຍຸ້ງຍາກຫຍັງແດ່ຖ້າມີລູກ ແລະຜົວທີ່ສະແດງຄວາມຮັກຈະເຮັດຫຍັງແດ່?
8 ພໍ່ແລະແມ່ຕ່າງກໍຕ້ອງໄດ້ໃຊ້ເວລາແລະກຳລັງຫຼາຍກັບລູກແຕ່ລະຄົນ ດັ່ງນັ້ນ ຖ້າຄູ່ຜົວເມຍມີລູກຫຼາຍຄົນທີ່ອາຍຸໄລ່ເລ່ຍກັນ ມັນກໍຍາກທີ່ຈະເອົາໃຈໃສ່ລູກແຕ່ລະຄົນຕາມທີ່ຈຳເປັນ. ບາງຄູ່ທີ່ມີລູກນ້ອຍຫຼາຍຄົນບອກວ່າພວກເຂົາຮູ້ສຶກໜັກໃຈ. ສ່ວນຜູ້ເປັນແມ່ເດລາວມີແຮງທາງຮ່າງກາຍແລະຈິດໃຈພໍທີ່ຈະສຶກສາສ່ວນຕົວ ອະທິດຖານ ແລະໄປປະກາດເປັນປະຈຳບໍ? ແລະມັນຍັງອາດຍາກທີ່ລາວຈະເຂົ້າຮ່ວມການປະຊຸມແລະຮັບປະໂຫຍດຢ່າງເຕັມທີ. ຜົວທີ່ສະແດງຄວາມຮັກຈະເຮັດທຸກສິ່ງທີ່ເຮັດໄດ້ເພື່ອຊ່ວຍເມຍເບິ່ງແຍງລູກຕອນທີ່ໄປປະຊຸມແລະຢູ່ເຮືອນ ເຊັ່ນ: ລາວອາດຊ່ວຍເມຍເຮັດວຽກເຮືອນ. ລາວຈະເຮັດວຽກໜັກເພື່ອໃຫ້ແນ່ໃຈວ່າທຸກຄົນໄດ້ຮັບປະໂຫຍດຈາກການນະມັດສະການປະຈຳຄອບຄົວ ແລະພາຄອບຄົວໄປປະກາດເປັນປະຈຳ.
ສອນລູກໃຫ້ຮັກພະເຢໂຫວາ
9-10. ພໍ່ແມ່ຕ້ອງເຮັດຫຍັງເພື່ອຈະຊ່ວຍລູກ?
9 ພໍ່ແມ່ສາມາດເຮັດຫຍັງໄດ້ແດ່ເພື່ອຊ່ວຍລູກໃຫ້ຮັກພະເຢໂຫວາ? ພວກເຂົາຈະປົກປ້ອງລູກຈາກອັນຕະລາຍຂອງໂລກຊົ່ວນີ້ໄດ້ແນວໃດ? ເຮົາຈະພິຈາລະນາບາງສິ່ງທີ່ພໍ່ແມ່ສາມາດເຮັດໄດ້.
10 ອະທິດຖານຂໍໃຫ້ພະເຢໂຫວາຊ່ວຍ. ຂໍໃຫ້ເບິ່ງຕົວຢ່າງຂອງມາໂນອາກັບເມຍທີ່ມີລູກຊາຍຊື່ ຊາມຊອນ. ຕອນທີ່ມາໂນອາກັບເມຍຮູ້ວ່າກຳລັງຈະມີລູກ ລາວໄດ້ອະທິດຖານເຖິງພະເຢໂຫວາເພື່ອຂໍຄຳແນະນຳໃນການລ້ຽງລູກ.
11. ຕາມທີ່ຂຽນໄວ້ໃນຜູ້ຕັດສິນ 13:8 ພໍ່ແມ່ຈະຮຽນແບບຕົວຢ່າງຂອງມາໂນອາແນວໃດ?
11 ນິຮາດແລະອາລ໌ມາ ຈາກປະເທດບົດສະນີ-ແຮກເຊໂກວິນາໄດ້ຮຽນແບບຕົວຢ່າງຂອງມາໂນອາ. ພວກຜູ້ຕັດສິນ 13:8
ເຂົາບອກວ່າ: “ຄືກັບມາໂນອາ ພວກເຮົາອ້ອນວອນຂໍພະເຢໂຫວາສອນແລະຊ່ວຍເຮົາໃຫ້ເປັນພໍ່ແມ່ທີ່ດີ. ແລະພະເຢໂຫວາກໍຕອບຄຳອະທິດຖານຂອງພວກເຮົາໂດຍທາງຄຳພີໄບເບິນ ສິ່ງພິມຕ່າງໆຂອງອົງການ ການປະຊຸມປະຈຳປະຊາຄົມແລະການປະຊຸມໃຫຍ່.”—ອ່ານ12. ໂຢເຊັບແລະມາຣີໄດ້ວາງຕົວຢ່າງທີ່ດີໃຫ້ລູກແນວໃດ?
12 ສອນໂດຍວາງຕົວຢ່າງ. ສິ່ງທີ່ເຈົ້າເວົ້າກໍສຳຄັນ ແຕ່ສິ່ງທີ່ເຈົ້າເຮັດຈະມີຜົນຕໍ່ລູກຂອງເຈົ້າຫຼາຍກວ່າ. ເຮົາສາມາດໝັ້ນໃຈໄດ້ວ່າມາຣີແລະໂຢເຊັບໄດ້ວາງຕົວຢ່າງທີ່ດີໃຫ້ກັບລູກໆ ເຊິ່ງລວມທັງພະເຢຊູ. ໂຢເຊັບເຮັດວຽກໜັກເພື່ອຫາລ້ຽງຄອບຄົວ. ນອກຈາກນັ້ນ ໂຢເຊັບຍັງສະໜັບສະໜູນຄອບຄົວໃຫ້ຮັກການນະມັດສະການພະເຢໂຫວາ. (ບັນຍັດ. 4:9, 10) ເຖິງວ່າກົດໝາຍຈະບໍ່ໄດ້ກຳນົດໃຫ້ໂຢເຊັບພາຄອບຄົວໄປເຢຣູຊາເລັມ “ເປັນປະຈຳທຸກປີ” ເພື່ອສະຫຼອງປັດສະຄາ ແຕ່ລາວກໍເຮັດແບບນັ້ນ. (ລກ. 2:41, 42) ພໍ່ບາງຄົນໃນສະໄໝຂອງລາວອາດຄິດວ່າການເດີນທາງເປັນຄອບຄົວມີຄວາມຫຍຸ້ງຍາກ ເສຍເວລາ ແລະກໍເປືອງເງິນ. ແຕ່ໂຢເຊັບເຫັນຄຸນຄ່າສິ່ງທີ່ເສີມສ້າງຄວາມເຊື່ອແລະສອນລູກໃຫ້ເຮັດແບບນັ້ນຄືກັນ ແລະມາຣີກໍຮູ້ຈັກຂໍ້ຄຳພີເປັນຢ່າງດີ. ເຮົາໝັ້ນໃຈໄດ້ວ່າມາຣີສອນລູກໃຫ້ຮັກຄຳສອນຂອງພະເຈົ້າໂດຍທາງຄຳເວົ້າແລະການກະທຳຂອງລາວ.
13. ພໍ່ແມ່ຄູ່ໜຶ່ງໄດ້ເຮັດຕາມຕົວຢ່າງຂອງໂຢເຊັບແລະມາຣີແນວໃດ?
13 ນິຮາດແລະອາລ໌ມາທີ່ເວົ້າເຖິງກ່ອນໜ້ານີ້ໄດ້ຮຽນແບບຕົວຢ່າງຂອງໂຢເຊັບແລະມາຣີ. ຕົວຢ່າງນັ້ນຊ່ວຍພວກເຂົາໃຫ້ສອນລູກຊາຍໃຫ້ຮັກແລະຮັບໃຊ້ພະເຈົ້າໄດ້ແນວໃດ? ພວກເຂົາບອກວ່າ: “ໃນການໃຊ້ຊີວິດ ພວກເຮົາພະຍາຍາມສະແດງໃຫ້ລູກເຫັນວ່າມັນດີສ່ຳໃດທີ່ຈະເຮັດຕາມຫຼັກການຂອງພະເຢໂຫວາ.” ນິຮາດບອກຕື່ມວ່າ: “ຖ້າເຈົ້າຢາກໃຫ້ລູກເປັນແບບໃດ ເຈົ້າກໍຕ້ອງເປັນແບບນັ້ນ.”
14. ເປັນຫຍັງພໍ່ແມ່ຕ້ອງຮູ້ຈັກໝູ່ຂອງລູກ?
14 ຊ່ວຍລູກໃຫ້ເລືອກໝູ່ທີ່ດີ. ທັງພໍ່ແລະແມ່ຈຳເປັນຕ້ອງຮູ້ວ່າໝູ່ຂອງລູກແມ່ນໃຜແລະພວກເຂົາກຳລັງເຮັດຫຍັງຢູ່. ນັ້ນລວມເຖິງການທີ່ພໍ່ແມ່ຕ້ອງຮູ້ວ່າລູກກຳລັງຕິດຕໍ່ກັບໃຜໃນສື່ສັງຄົມອອນລາຍແລະໂທລົມກັບໃຜ ເພາະການຄົບຫາເຫຼົ່ານັ້ນສາມາດສົ່ງຜົນຕໍ່ຄວາມຄິດແລະການກະທຳຂອງລູກ.—1 ກຣ. 15:33
15. ພໍ່ແມ່ສາມາດຮຽນຮູ້ຫຍັງໄດ້ຈາກຕົວຢ່າງຂອງເຈດຊີ້?
15 ພໍ່ແມ່ສາມາດເຮັດຫຍັງໄດ້ແດ່ຖ້າພວກເຂົາບໍ່ລຶ້ງເຄີຍກັບການໃຊ້ຄອມພິວເຕີ ແທັບເລັດຫຼືມືຖື? ພໍ່ຄົນໜຶ່ງຊື່ ເຈດຊີ້ທີ່ຢູ່ປະເທດຟີລິບປິນບອກວ່າ: “ພວກເຮົາບໍ່ຄ່ອຍຮູ້ກ່ຽວກັບເລື່ອງເຕັກໂນໂລຊີ ແຕ່ພວກເຮົາກໍຍັງສອນລູກໃຫ້ຮູ້ຈັກອັນຕະລາຍຈາກການໃຊ້ເຄື່ອງເອເລັກໂຕຣນິກ.” ເຈດຊີ້ບໍ່ໄດ້ຫ້າມລູກບໍ່ໃຫ້ຫຼິ້ນເຄື່ອງເຫຼົ່ານັ້ນຍ້ອນລາວເອງບໍ່ລຶ້ງເຄີຍ. ລາວບອກວ່າ: “ຂ້ອຍສະໜັບສະໜູນລູກໃຫ້ໃຊ້ເຄື່ອງເອເລັກໂຕຣນິກເພື່ອຮຽນພາສາໃໝ່ ກຽມສຳລັບການປະຊຸມ ແລະອ່ານຄຳພີໄບເບິນທຸກມື້.” ຖ້າເຈົ້າເປັນພໍ່ແມ່ ເຈົ້າເຄີຍອ່ານແລະລົມກັບລູກກ່ຽວກັບຄຳແນະນຳທີ່ເໝາະສົມໃນການສົ່ງຂໍ້ຄວາມແລະການເອົາຮູບລົງອິນເຕີເນັດບໍເຊິ່ງເຈົ້າສາມາດຊອກຫາຂໍ້ມູນໃນເວັບໄຊ jw.org® ສ່ວນຂອງ “ໄວລຸ້ນ”? ເຈົ້າເຄີຍເບິ່ງວິດີໂອກັບລູກແລ້ວບໍເລື່ອງໃຜຄຸມໃຜ—ເຈົ້າຫຼືເຄື່ອງ? ແລະເລື່ອງໃຊ້ໂຊຊຽວເນັດເວີກຢ່າງສະຫຼາດ? * (ພາສາໄທ). ວິດີໂອເຫຼົ່ານັ້ນສາມາດຊ່ວຍລູກໃນການໃຊ້ເຄື່ອງເອເລັກໂຕຣນິກຢ່າງສະຫຼາດສຸຂຸມ.—ສຸພາ. 13:20
16. ພໍ່ແມ່ຫຼາຍຄົນໄດ້ເຮັດຫຍັງ ແລະຜົນເປັນແນວໃດ?
16 ພໍ່ແມ່ຫຼາຍຄົນຈັດຫາໂອກາດໃຫ້ລູກໄດ້ຄົບຫາກັບຜູ້ທີ່ເປັນຕົວຢ່າງທີ່ດີໃນການຮັບໃຊ້ພະເຢໂຫວາ. ຕົວຢ່າງ: ພໍ່ແມ່ຄູ່ໜຶ່ງຊື່ ເນນີແລະໂບມີນຢູ່ໃນປະເທດ
ກົດດີວົວມັກເຊີນຜູ້ດູແລໝວດມາພັກຢູ່ເຮືອນ. ເນນີບອກວ່າ: “ນີ້ສົ່ງຜົນດີຕໍ່ລູກຊາຍກົກຂອງເຮົາຫຼາຍ. ລາວເລີ່ມເປັນໄພໂອເນຍ ແລະຕອນນີ້ກໍເປັນຜູ້ດູແລໝວດສົມທົບ.” ເຈົ້າສາມາດຈັດໂອກາດໃຫ້ມີການຄົບຫາແບບນີ້ບໍ?17-18. ພໍ່ແມ່ຄວນເລີ່ມສອນລູກຕັ້ງແຕ່ຕອນໃດ?
17 ໃຫ້ເລີ່ມສອນລູກຕັ້ງແຕ່ຍັງນ້ອຍໆ. ຖ້າພໍ່ແມ່ສອນລູກຕັ້ງແຕ່ອາຍຸນ້ອຍກໍແຮ່ງດີ. (ສຸພາ. 22:6) ຂໍໃຫ້ຄິດເຖິງຕີໂມທຽວ ເຊິ່ງຕອນທີ່ໃຫຍ່ແລ້ວກໍໄດ້ເດີນທາງໄປກັບອັກຄະສາວົກໂປໂລ. ຢູນິເກແມ່ຂອງຕີໂມທຽວ ແລະໂລອີແມ່ຕູ້ຂອງລາວໄດ້ສອນລາວ “ຕັ້ງແຕ່ເປັນແອນ້ອຍ.”—2 ຕມ. 1:5; 3:15
18 ພໍ່ແມ່ອີກຄູ່ໜຶ່ງໃນປະເທດກົດດີວົວຊື່ ຈອນ-ຄລອດ ແລະພີດສ໌ໄດ້ລ້ຽງລູກ 6 ຄົນໃຫ້ເປັນຜູ້ທີ່ຮັກແລະຮັບໃຊ້ພະເຢໂຫວາ. ສິ່ງໃດຊ່ວຍພວກເຂົາໃຫ້ປະສົບຜົນສຳເລັດແບບນີ້? ພວກເຂົາໄດ້ເຮັດຕາມແບບຢ່າງຂອງຢູນິເກ ແລະໂລອີ. ພວກເຂົາບອກວ່າ “ເຮົາສອນຄຳພີໄບເບິນໃຫ້ລູກຕັ້ງແຕ່ເປັນແອນ້ອຍ ບໍ່ດົນຫຼັງຈາກລູກເກີດ.”—ບັນຍັດ. 6:6, 7
19. ຄຳວ່າ “ສອນ” ລູກໃນຄຳພີໄບເບິນໝາຍຄວາມວ່າແນວໃດ?
19 ຄຳວ່າ “ສອນ” ລູກໃນຄຳພີໄບເບິນໝາຍຄວາມວ່າແນວໃດ? ໃນພະບັນຍັດ 6:7 ຄຳພາສາເຮັບເຣີທີ່ແປວ່າ “ສອນ” ໝາຍເຖິງ “ການສອນຫຼາຍໆເທື່ອເພື່ອໃຫ້ເຂົ້າໃຈ” ດັ່ງນັ້ນ ພໍ່ແມ່ຕ້ອງໃຊ້ເວລາກັບລູກເປັນປະຈຳ. ບາງຄັ້ງ ພໍ່ແມ່ອາດຮູ້ສຶກທໍ້ໃຈທີ່ສອນລູກເລື່ອງເກົ່າໆຫຼາຍເທື່ອ ແຕ່ພໍ່ແມ່ຈະເຫັນວ່ານີ້ເປັນວິທີທີ່ຈະຊ່ວຍລູກໃຫ້ເຂົ້າໃຈຄຳພີໄບເບິນແລະເອົາໄປນຳໃຊ້ໃນຊີວິດໄດ້.
20. ຄຳເພງ 127:4 ຊ່ວຍພໍ່ແມ່ໃນການສອນລູກແນວໃດ?
20 ຮູ້ຈັກລູກເປັນຢ່າງດີ. ຄຳເພງ 127 ສົມທຽບລູກເປັນຄືກັບລູກທະນູ. (ອ່ານຄຳເພງ 127:4) ຄືກັບລູກທະນູທີ່ເຮັດຈາກວັດຖຸທີ່ແຕກຕ່າງກັນແລະມີຂະໜາດຕ່າງກັນ ລູກແຕ່ລະຄົນຈຶ່ງບໍ່ຄືກັນ. ສະນັ້ນ ພໍ່ແມ່ຕ້ອງເລືອກວິທີສອນລູກແຕ່ລະຄົນ. ປັດຈຸບັນ ພໍ່ແມ່ຄູ່ໜຶ່ງໃນປະເທດອິດສະຣາເອນທີ່ປະສົບຜົນສຳເລັດໃນການລ້ຽງລູກສອງຄົນໃຫ້ຮັບໃຊ້ພະເຢໂຫວາບອກເຖິງສິ່ງທີ່ຊ່ວຍພວກເຂົາວ່າ: “ເຮົາໄດ້ແຍກສຶກສາກັບລູກແຕ່ລະຄົນ.” ເຖິງຢ່າງໃດກໍຕາມ ຫົວໜ້າຄອບຄົວ ແຕ່ລະຄົນຈະຕັດສິນໃຈເອງວ່າຈະແຍກສຶກສາກັບລູກຫຼືບໍ່.
ພະເຢໂຫວາຈະຊ່ວຍເຈົ້າ
21. ພໍ່ແມ່ສາມາດຄາດໝາຍວ່າພະເຢໂຫວາພ້ອມທີ່ຈະເຮັດຫຍັງ?
21 ພໍ່ແມ່ອາດຮູ້ສຶກວ່າເປັນເລື່ອງຍາກຫຼາຍທີ່ຈະສອນລູກ ແຕ່ລູກເປັນຂອງຂວັນຈາກພະເຢໂຫວາ. ພະອົງພ້ອມທີ່ຈະຊ່ວຍພໍ່ແມ່ສະເໝີ. ພະອົງເຕັມໃຈຟັງຄຳອະທິດຖານຂອງພໍ່ແມ່ ແລະພະອົງຕອບຄຳອະທິດຖານເຫຼົ່ານັ້ນໂດຍທາງຄຳພີໄບເບິນ ສື່ແລະສິ່ງພິມຕ່າງໆຂອງອົງການ ຕົວຢ່າງແລະຄຳແນະນຳຂອງພໍ່ແມ່ທີ່ມີປະສົບການໃນປະຊາຄົມ.
22. ໃນບັນດາສິ່ງທີ່ດີທີ່ສຸດທີ່ພໍ່ແມ່ຈະໃຫ້ລູກແມ່ນຫຍັງ?
22 ມີຄຳເວົ້າທີ່ບອກວ່າການລ້ຽງລູກເປັນໂຄງການດຳເນີນ 20 ປີ ແຕ່ພໍ່ແມ່ບໍ່ເຄີຍເຊົາທີ່ຈະເປັນພໍ່ແມ່. ໃນບັນດາສິ່ງທີ່ດີທີ່ສຸດທີ່ພໍ່ແມ່ຈະໃຫ້ລູກຄືຄວາມຮັກ ເວລາ ແລະຄຳສອນໃນຄຳພີໄບເບິນ. ລູກແຕ່ລະຄົນຈະເຮັດຕາມການສອນໃນແບບທີ່ແຕກຕ່າງກັນ. ແຕ່ຫຼາຍຄົນທີ່ເຕີບໃຫຍ່ໃນຄອບຄົວທີ່ພໍ່ແມ່ຮັກພະເຢໂຫວາກໍຮູ້ສຶກຄືກັບພີ່ນ້ອງຍິງຄົນໜຶ່ງຊື່ ໂຈແອນນາທີ່ຢູ່ໃນອາຊີເຊິ່ງບອກວ່າ: “ເມື່ອຄິດຄືນຫຼັງເຖິງຄຳສອນທີ່ພໍ່ແມ່ສອນຂ້ອຍ ຂ້ອຍຢາກຂອບໃຈພໍ່ແມ່ຫຼາຍແທ້ໆທີ່ຝຶກແລະສອນຂ້ອຍໃຫ້ຮັກພະເຢໂຫວາ. ພໍ່ແມ່ບໍ່ພຽງແຕ່ໃຫ້ຂ້ອຍເກີດມາ ແຕ່ໄດ້ເຮັດໃຫ້ຂ້ອຍມີຊີວິດທີ່ມີຄວາມໝາຍ.” (ສຸພາ. 23:24, 25) ຄລິດສະຕຽນຫຼາຍລ້ານຄົນກໍຮູ້ສຶກແບບນີ້ຄືກັນ.
ເພງ 59 ມາສັນລະເສີນພະເຢໂຫວາຮ່ວມກັນ
^ ຂໍ້ 5 ຄູ່ຜົວເມຍຄວນມີລູກບໍ? ຖ້າພວກເຂົາຢາກມີ ແລ້ວຈະເອົາລູກຈັກຄົນ? ແລະພວກເຂົາຈະສອນລູກໃຫ້ຮັກແລະຮັບໃຊ້ພະເຢໂຫວາໄດ້ແນວໃດ? ບົດຄວາມນີ້ຈະພິຈາລະນາຕົວຢ່າງຂອງພໍ່ແມ່ໃນປັດຈຸບັນ ແລະຈະເບິ່ງຫຼັກການໃນຄຳພີໄບເບິນທີ່ສາມາດຊ່ວຍເຮົາໃຫ້ຕອບຄຳຖາມເຫຼົ່ານັ້ນ.
^ ຂໍ້ 15 ເບິ່ງປຶ້ມຄຳຖາມທີ່ໜຸ່ມສາວຖາມ—ຄຳຕອບທີ່ໃຊ້ໄດ້ຜົນ ເຫຼັ້ມ 1 ບົດທີ 36 ແລະຄຳຖາມທີ່ໜຸ່ມສາວຖາມ—ຄຳຕອບທີ່ໃຊ້ໄດ້ຜົນ ເຫຼັ້ມ 2 ບົດທີ 11 (ພາສາໄທ).