ສັນຕິສຸກ—ເຮົາຈະມີໄດ້ແນວໃດ?
ເຮົາຢູ່ໃນໂລກທີ່ເຄັ່ງຕຶງ ດັ່ງນັ້ນຈຶ່ງເປັນເລື່ອງຍາກທີ່ຈະມີສັນຕິສຸກ. ເຖິງວ່າເຮົາຈະມີສັນຕິສຸກຢູ່ແດ່ ແຕ່ເຮົາກໍອາດສູນເສຍມັນໄດ້ງ່າຍໆ. ຄຳພີໄບເບິນມີຄຳແນະນຳຫຍັງທີ່ຊ່ວຍເຮົາໃຫ້ມີສັນຕິສຸກແທ້ແລະໝັ້ນຄົງ? ແລະເຮົາຈະຊ່ວຍຄົນອື່ນໃຫ້ມີສັນຕິສຸກໄດ້ແນວໃດ?
ເຮົາຕ້ອງເຮັດຫຍັງເພື່ອຈະມີສັນຕິສຸກແທ້?
ເພື່ອຈະມີສັນຕິສຸກແທ້ ເຮົາຕ້ອງຮູ້ສຶກປອດໄພແລະໄດ້ຮັບການປົກປ້ອງ. ຕ້ອງມີໝູ່ທີ່ດີແລະສຳຄັນທີ່ສຸດຄື ຕ້ອງມີສາຍສຳພັນທີ່ໃກ້ຊິດກັບພະເຈົ້າ. ເຮົາຈະເຮັດໄດ້ແນວໃດ?
ກົດໝາຍແລະຫຼັກການຂອງພະເຈົ້າເປັນປະໂຫຍດຕໍ່ເຮົາສະເໝີ. ຖ້າເຮົາເຊື່ອຟັງແລະເຮັດຕາມກໍສະແດງວ່າເຮົາວາງໃຈພະເຢໂຫວາແລະຢາກມີສາຍສຳພັນທີ່ດີກັບພະອົງ. (ເຢເຣມີ 17:7, 8; ຢາໂກໂບ 2:22, 23) ແລ້ວພະເຢໂຫວາກໍຈະໃກ້ຊິດກັບເຮົາ ແລະເຮັດໃຫ້ເຮົາມີຄວາມສະຫງົບໃຈ. ເອຊາອີ 32:17 (ລ.ມ.) ບອກວ່າ: “ຄວາມຖືກຕ້ອງຊອບທຳທີ່ແທ້ຈິງຈະເຮັດໃຫ້ເກີດສັນຕິສຸກ ແລະຄວາມຖືກຕ້ອງຊອບທຳນັ້ນຈະເຮັດໃຫ້ມີຄວາມສະຫງົບສຸກແລະຄວາມປອດໄພຕະຫຼອດໄປ.” ເຮົາມີສັນຕິສຸກແທ້ໄດ້ເມື່ອເຮົາເຕັມໃຈເຊື່ອຟັງພະອົງ.—ເອຊາອີ 48:18, 19
ຄວາມອຸກໃຈເຮັດໃຫ້ບໍ່ມີສັນຕິສຸກ
ພະເຢໂຫວາຍັງໃຫ້ຂອງຂວັນທີ່ມີຄ່າເພື່ອຊ່ວຍເຮົາໃຫ້ມີສັນຕິສຸກຫຼາຍຂຶ້ນ ນັ້ນກໍຄືພະລັງບໍລິສຸດຂອງພະອົງ.—ກິດຈະການ 9:31
ພະລັງຂອງພະເຈົ້າຊ່ວຍເຮົາໃຫ້ມີສັນຕິສຸກ
ອັກຄະສາວົກໂປໂລບອກວ່າສັນຕິສຸກເປັນສ່ວນໜຶ່ງຂອງ “ຜົນທີ່ເກີດຈາກພະລັງຂອງພະເຈົ້າ.” (ຄາລາຊີ 5:22, 23, ລ.ມ.) ພະລັງຂອງພະເຈົ້າເຮັດໃຫ້ເກີດສັນຕິສຸກ ຖ້າເຮົາຢາກມີສັນຕິສຸກ ເຮົາຕ້ອງໃຫ້ພະລັງບໍລິສຸດຂອງພະເຈົ້າຊີ້ນຳ. ເຮົາຈະເຮັດໄດ້ແນວໃດ?
ທຳອິດ ເຮົາຕ້ອງອ່ານຄຳພີໄບເບິນເປັນປະຈຳ. (ຄຳເພງ 1:2, 3) ເມື່ອເຮົາຄິດຢ່າງເລິກເຊິ່ງໃນສິ່ງທີ່ອ່ານ ພະລັງບໍລິສຸດຈະຊ່ວຍເຮົາໃຫ້ເຂົ້າໃຈວ່າພະເຢໂຫວາຄິດແນວໃດໃນເລື່ອງຕ່າງໆ. ຕົວຢ່າງ: ເຮົາໄດ້ເຂົ້າໃຈວ່າພະເຢໂຫວາຮັກສາສັນຕິສຸກແນວໃດ ແລະເປັນຫຍັງສັນຕິສຸກຈຶ່ງສຳຄັນຫຼາຍກັບພະອົງ. ເມື່ອເຮົາໃຊ້ສິ່ງທີ່ໄດ້ຮຽນຈາກຄຳພີໄບເບິນ ເຮົາຈະມີສັນຕິສຸກຫຼາຍຂຶ້ນໃນຊີວິດ.—ສຸພາສິດ 3:1, 2
ສອງ ເຮົາຕ້ອງອະທິດຖານຂໍພະລັງບໍລິສຸດຈາກພະເຈົ້າ. (ລືກາ 11:13) ພະເຢໂຫວາສັນຍາວ່າຖ້າເຮົາຂໍໃຫ້ພະອົງຊ່ວຍ ‘ຄວາມສຸກສຳລານ [“ສັນຕິສຸກ,” ລ.ມ.] ແຫ່ງພະເຈົ້າອັນເຫຼືອລົ້ນທີ່ຈະເຂົ້າໃຈກໍຈະຮັກສາໃຈແລະຄວາມຄຶດທັງຫຼາຍຂອງເຮົາໄວ້ໃນພະຄລິດເຍຊູ.’ (ຟີລິບ 4:6, 7) ເມື່ອເຮົາໃກ້ຊິດກັບພະເຢໂຫວາແລະເພິ່ງພະລັງຂອງພະອົງສະເໝີ ພະອົງຈະໃຫ້ເຮົາສະຫງົບໃຈແທ້ໆ.—ໂລມ 15:13
ຄຳພີໄບເບິນໄດ້ຊ່ວຍໃຫ້ຫຼາຍຄົນສາມາດປ່ຽນແປງຊີວິດຂອງຕົວເອງໄດ້ແລະຕອນນີ້ເຂົາເຈົ້າກໍມີສັນຕິສຸກກັບພະເຢໂຫວາ ກັບຄົນອື່ນ ແລະມີຄວາມສະຫງົບໃຈ. ເຂົາເຈົ້າເຮັດໄດ້ແນວໃດ?
ບາງຄົນມີສັນຕິສຸກແທ້ໄດ້ແນວໃດ?
ກ່ອນຈະມາເປັນພະຍານພະເຢໂຫວາ ບາງຄົນເປັນຄົນໃຈຮ້າຍແລະໃຊ້ຄວາມຮຸນແຮງ. ແຕ່ເຂົາເຈົ້າພະຍາຍາມຢ່າງໜັກເພື່ອປ່ຽນແປງຕົວເອງ ຕອນນີ້ເຂົາເຈົ້າເປັນຄົນທີ່ກະລຸນາ ອົດທົນ ແລະມີສັນຕິສຸກກັບຄົນອື່ນ. * (ເບິ່ງໄຂເງື່ອນ) (ສຸພາສິດ 29:22) ຂໍເບິ່ງຕົວຢ່າງຂອງດາວິດແລະຣາເຊວທີ່ໄດ້ປ່ຽນແປງນິດໄສຕົວເອງ.
ເຮົາສາມາດມີສັນຕິສຸກໄດ້ເມື່ອເຮົາໃຊ້ຫຼັກການໃນຄຳພີໄບເບິນແລະອະທິດຖານຂໍພະລັງບໍລິສຸດຂອງພະເຈົ້າ
ກ່ອນດາວິດຈະເຂົ້າມາເປັນພະຍານພະເຢໂຫວາ ລາວມັກວິຈານຄົນອື່ນແລະໃຊ້ຄຳເວົ້າທີ່ຮຸນແຮງກັບຄອບຄົວ. ແຕ່ຕໍ່ມາລາວຮູ້ວ່າຕ້ອງປ່ຽນແປງຕົວເອງ. ລາວມີສັນຕິສຸກໄດ້ແນວໃດ? ດາວິດເວົ້າວ່າ: “ຂ້ອຍເລີ່ມໃຊ້ຫຼັກການໃນຄຳພີໄບເບິນ ຜົນກໍຄື ທັງຂ້ອຍແລະຄອບຄົວນັບຖືກັນຫຼາຍຂຶ້ນ.”
ສະພາບແວດລ້ອມທີ່ຣາເຊວອາໄສຢູ່ມີຜົນຕໍ່ລາວ. ລາວບອກວ່າ: “ຕອນນີ້ຂ້ອຍກໍຍັງຕໍ່ສູ້ກັບຄວາມຮູ້ສຶກໃຈຮ້າຍ ເພາະຂ້ອຍໃຫຍ່ມາໃນຄອບຄົວທີ່ມັກຜິດຖຽງກັນ.” ອັນໃດຊ່ວຍໃຫ້ຣາເຊວມີສັນຕິສຸກ? ລາວບອກວ່າ: “ຂ້ອຍເພິ່ງພະເຢໂຫວາໂດຍການອະທິດຖານ.”
ດາວິດແລະຣາເຊວເປັນພຽງສອງຕົວຢ່າງຂອງຄົນທີ່ມີສັນຕິສຸກຍ້ອນໃຊ້ຫຼັກການໃນຄຳພີໄບເບິນແລະເພິ່ງພະລັງບໍລິສຸດຂອງພະເຈົ້າ. ເຖິງວ່າເຮົາມີຊີວິດຢູ່ໃນໂລກທີ່ເຄັ່ງຕຶງ ແຕ່ເຮົາກໍມີຄວາມສະຫງົບໃຈໄດ້. ສັນຕິສຸກຈະຊ່ວຍເຮົາໃຫ້ຢູ່ຮ່ວມກັບຄົນໃນຄອບຄົວແລະພີ່ນ້ອງໃນປະຊາຄົມໄດ້ງ່າຍຂຶ້ນ ແລະພະເຢໂຫວາຍັງບອກໃຫ້ເຮົາ “ຢູ່ຢ່າງສະຫງົບສຸກກັບທຸກໆຄົນ.” (ໂລມ 12:18, ທ.ປ.) ເປັນໄປໄດ້ແທ້ໆບໍ? ແລະເປັນຫຍັງເຮົາຄວນພະຍາຍາມມີສັນຕິສຸກກັບຄົນອື່ນ?
ພະຍາຍາມມີສັນຕິສຸກກັບຄົນອື່ນ
ໃນເຂດປະກາດ ເຮົາປະກາດຂ່າວສານເລື່ອງສັນຕິສຸກທີ່ມາຈາກລັດຖະບານຂອງພະເຢໂຫວາ. (ເອຊາອີ 9:6, 7; ມັດທາຍ 24:14) ຫຼາຍຄົນມັກແລະຕອບຮັບຂ່າວສານນີ້. ຜົນກໍຄື ເຂົາເຈົ້າຮູ້ສຶກບໍ່ທໍ້ໃຈຫຼືບໍ່ໃຈຮ້າຍໃຫ້ກັບສິ່ງທີ່ບໍ່ດີທີ່ເກີດຂຶ້ນໃນໂລກ. ຕອນນີ້ເຂົາເຈົ້າມີຄວາມຫວັງແທ້ໃນອະນາຄົດ ເຂົາເຈົ້າຈຶ່ງຢາກ “ສ້າງສັນຕິ.”—ຄຳເພງ 34:14, ລ.ມ.
ແຕ່ບໍ່ແມ່ນທຸກຄົນມັກຂ່າວສານຂອງເຮົາ ຢ່າງໜ້ອຍກໍບໍ່ມັກຕອນທຳອິດ. (ໂຢຮັນ 3:19) ບໍ່ສຳຄັນວ່າຜູ້ຄົນຈະຕອບຮັບຫຼືບໍ່ກໍຕາມ ພະເຈົ້າກໍຍັງໃຫ້ພະລັງກັບເຮົາ. ພະລັງນີ້ຊ່ວຍເຮົາໃຫ້ສະຫງົບໃຈແລະສະແດງຄວາມນັບຖືຄົນອື່ນເມື່ອເຮົາປະກາດ. ການເຮັດແບບນີ້ເປັນການເຮັດຕາມຄຳແນະນຳຂອງພະເຍຊູທີ່ວ່າ: “ເມື່ອເຈົ້າເຂົ້າໄປບ້ານໃດ ໃຫ້ທັກທາຍຄົນໃນບ້ານນັ້ນແລະອວຍພອນເຂົາໃຫ້ຢູ່ເຢັນເປັນສຸກ ຖ້າບ້ານນັ້ນສົນໃຈຟັງ ເຂົາກໍຈະໄດ້ຮັບຄວາມສະຫງົບສຸກ ແຕ່ຖ້າບ້ານນັ້ນບໍສົນໃຈ ຄວາມສະຫງົບສຸກກໍຍັງຢູ່ກັບເຈົ້າ.” (ມັດທາຍ 10:11-13, ລ.ມ.) ເມື່ອເຮົາເຮັດແບບນີ້ ເຮົາກໍສະຫງົບໃຈໄດ້ບໍ່ວ່າຄົນອື່ນຈະເວົ້າຫຼືເຮັດຫຍັງກໍຕາມ ແລະຈື່ໄວ້ວ່າເຮົາຍັງມີໂອກາດຈະຊ່ວຍເຂົາເຈົ້າໃນອະນາຄົດໄດ້.
ເຮົາຍັງເຮັດໃຫ້ເກີດສັນຕິສຸກໄດ້ໂດຍສະແດງຄວາມນັບຖືເມື່ອເຮົາລົມກັບເຈົ້າໜ້າທີ່ບ້ານເມືອງ ເຖິງວ່າເຂົາເຈົ້າຈະຕໍ່ຕ້ານວຽກຂອງເຮົາ. ຕົວຢ່າງ: ປະເທດໜຶ່ງໃນອາຝຼິກກາ ລັດຖະບານບໍ່ອະນຸຍາດໃຫ້ເຮົາສ້າງຫໍປະຊຸມ. ພີ່ນ້ອງຂອງເຮົາຮູ້ວ່າຕ້ອງພະຍາຍາມແກ້ບັນຫາແບບສັນຕິ. ເຂົາເຈົ້າຈຶ່ງສົ່ງພີ່ນ້ອງຄົນໜຶ່ງທີ່ເຄີຍເປັນມິດຊັນນາລີໃນປະເທດນັ້ນໃຫ້ໄປພົບກັບເອກອັກຄະລາຊະທູດໃນລອນດອນ ປະເທດອັງກິດ ເພື່ອລົມວ່າພະຍານພະເຢໂຫວາເຮັດວຽກຢ່າງສະຫງົບແນວໃດ.
ພີ່ນ້ອງເລົ່າວ່າ: “ເມື່ອຂ້ອຍໄປຮອດພະແນກຕ້ອນຮັບຂອງສະຖານທູດ ຂ້ອຍກໍສັງເກດວ່າມີພະນັກງານຄົນໜຶ່ງໃສ່ຊຸດຂອງຊົນເຜົ່າໜຶ່ງເຊິ່ງເປັນຊົນເຜົ່າທີ່ຂ້ອຍເຄີຍຮຽນພາສາຊົນເຜົ່າຂອງເຂົາເຈົ້າມາກ່ອນ. ຂ້ອຍເລີຍທັກທາຍລາວໃນພາສານັ້ນ. ລາວແປກໃຈຫຼາຍແລະຖາມຂ້ອຍວ່າ: ‘ມາພົວພັນວຽກຫຍັງ?’ ຂ້ອຍຕອບແບບສຸພາບວ່າຢາກຂໍພົບທ່ານທູດ. ລາວກໍໂທໄປແຈ້ງທ່ານທູດ ແລ້ວເພິ່ນກໍອອກມາແລະທັກທາຍຂ້ອຍດ້ວຍພາສາທ້ອງຖິ່ນ. ຫຼັງຈາກນັ້ນ ຂ້ອຍກໍອະທິບາຍວ່າພະຍານພະເຢໂຫວາເຮັດວຽກຢ່າງສະຫງົບແນວໃດໃນປະເທດນັ້ນ ເພິ່ນກໍຕັ້ງໃຈຟັງແທ້ໆ.”
ຫຼັງຈາກທ່ານທູດໄດ້ຟັງຄຳອະທິບາຍ ເພິ່ນກໍເຂົ້າໃຈວຽກຂອງເຮົາຫຼາຍຂຶ້ນແລະບໍ່ມີອະຄະຕິກັບເຮົາອີກ. ຕໍ່ມາ ລັດຖະບານປ່ຽນການຕັດສິນໃຈໃໝ່ແລະອະນຸຍາດໃຫ້ສ້າງຫໍປະຊຸມໄດ້. ພີ່ນ້ອງກໍພາກັນດີໃຈຫຼາຍແທ້ໆ! ເຫັນໄດ້ແຈ້ງວ່າ ເມື່ອເຮົານັບຖືຄົນອື່ນ ເຮົາກໍເຮັດໃຫ້ເກີດສັນຕິສຸກ.
ມີສັນຕິສຸກຕະຫຼອດໄປ
ໃນທຸກມື້ນີ້ ພະຍານພະເຢໂຫວາໄດ້ຢູ່ໃນອຸທິຍານໂດຍໄນແລະໄດ້ນະມັດສະການພະເຢໂຫວາໃນສະພາບແວດລ້ອມທີ່ມີສັນຕິສຸກ. ເຮົາທຸກຄົນຊ່ວຍໃຫ້ມີສັນຕິສຸກຫຼາຍຂຶ້ນໄດ້ໂດຍພະຍາຍາມສ້າງສັນຕິສຸກໃນຊີວິດ. ຖ້າເຮັດແບບນີ້ເຮົາກໍໝັ້ນໃຈໄດ້ວ່າພະອົງຈະພໍໃຈເຮົາ. ໃນໂລກໃໝ່ພະອົງຈະໃຫ້ເຮົາມີສັນຕິສຸກແທ້ຕະຫຼອດໄປ.—2 ເປໂຕ 3:13, 14
^ ຂໍ້ 13 ໃນອະນາຄົດເຮົາຈະເວົ້າເຖິງຄວາມກະລຸນາໃນບົດຄວາມຊຸດຜົນທີ່ເກີດຈາກພະລັງຂອງພະເຈົ້າ.
ເລື່ອງທີ່ເຈົ້າອາດຈະມັກ
ຫໍສັງເກດການສະບັບສຶກສາ
ຄວາມຮັກ—ຄຸນລັກສະນະທີ່ມີຄ່າຫຼາຍ
ຄຳພີໄບເບິນຊ່ວຍໃຫ້ເຫັນແຈ້ງຄວາມຮັກເປັນຜົນຈາກພະລັງບໍລິສຸດຂອງພະເຢໂຫວາ. ແຕ່ຄວາມຮັກແມ່ນຫຍັງ? ເຮົາຈະພັດທະນາມັນໄດ້ແນວໃດ? ແລະເຮົາຈະສະແດງອອກທຸກໆມື້ໄດ້ແນວໃດ?
ຫໍສັງເກດການສະບັບສຶກສາ
ຄວາມຍິນດີ—ຄຸນລັກສະນະທີ່ເຮົາໄດ້ຮັບຈາກພະເຈົ້າ
ຖ້າເຈົ້າປະສົບການທົດສອບທຸກມື້ເຊິ່ງເຮັດໃຫ້ເຈົ້າໝົດຄວາມຍິນດີ ເຈົ້າຈະກັບມາມີຄວາມຍິນດີອີກໄດ້ແນວໃດ?
ຫໍສັງເກດການສະບັບສຶກສາ
ຄວາມອົດທົນອົດກັ້ນ—ອົດທົນຢ່າງມີຄວາມຫວັງ
ຮຽນຮູ້ວ່າຄວາມອົດທົນອົດກັ້ນຂອງພະເຈົ້າໝາຍເຖິງຫຍັງ, ຈະພັດທະນາແນວໃດ, ແລະການເຮັດແບບນັ້ນຈະໄດ້ປະໂຫຍດແນວໃດ.
ຫໍສັງເກດການສະບັບສຶກສາ
ຄວາມກະລຸນາ—ຄຸນລັກສະນະທີ່ສະແດງອອກໂດຍທາງຄຳເວົ້າແລະການກະທຳ
ຄວາມກະລຸນາເປັນສ່ວນໜຶ່ງຂອງຜົນທີ່ເກີດຈາກພະລັງຂອງພະເຈົ້າ. ເຮົາຈະມີຄຸນລັກສະນະທີ່ດີງາມນີ້ໄດ້ແນວໃດ?
