ເຈົ້າຈະເສີມສ້າງຄວາມກົມກຽວກັນຂອງຄລິດສະຕຽນໄດ້ແນວໃດ?
‘ເນື່ອງຈາກພະອົງ ທຸກສ່ວນຂອງຮ່າງກາຍຈຶ່ງຕິດສະໜິດກັນແລະຜູກມັດພັນກັນ.’—ເອເຟດ 4:16
ເພງ: 53, 107
1. ຕັ້ງແຕ່ເລີ່ມຕົ້ນຂອງການສ້າງ ມີຫຍັງທີ່ເປັນລັກສະນະເດັ່ນໃນວຽກຂອງພະເຢໂຫວາ?
ຕັ້ງແຕ່ຕອນເລີ່ມຕົ້ນຂອງການສ້າງທັງພະເຢໂຫວາແລະພະເຍຊູໄດ້ຮ່ວມມືກັນ. ພະເຢໂຫວາສ້າງພະເຍຊູກ່ອນສິ່ງອື່ນໆທັງໝົດ. ຈາກນັ້ນ ພະເຍຊູກໍໄດ້ເຮັດວຽກຮ່ວມກັບພະເຢໂຫວາ ແລະ ‘ຢູ່ຄຽງຂ້າງພະອົງເປັນນາຍຊ່າງຂອງພະອົງ.’ (ສຸພາສິດ 8:30) ຜູ້ຮັບໃຊ້ຂອງພະເຢໂຫວາຍັງຮ່ວມມືກັນເຮັດວຽກທີ່ເຂົາເຈົ້າໄດ້ຮັບມອບໝາຍ. ຕົວຢ່າງເຊັ່ນ: ໂນເອແລະຄອບຄົວໄດ້ຊ່ວຍກັນສ້າງເຮືອໃຫຍ່. ຕໍ່ມາ ຊາວອິດສະລາແອນໄດ້ເຮັດວຽກຮ່ວມກັນເພື່ອສ້າງທັບອາໄສ ຮື້ທັບອາໄສແລະເຄື່ອນຍ້າຍຈາກບ່ອນໜຶ່ງໄປອີກບ່ອນໜຶ່ງ. ຢູ່ທີ່ວິຫານ ຊາວອິດສະລາແອນໄດ້ຮ່ວມກັນຮ້ອງເພງແລະຫຼິ້ນດົນຕີນຳກັນເພື່ອສັນລະເສີນພະເຢໂຫວາດ້ວຍສຽງດົນຕີທີ່ມ່ວນ. ປະຊາຊົນຂອງພະເຢໂຫວາສາມາດເຮັດສິ່ງທັງໝົດນີ້ໄດ້ກໍຍ້ອນວ່າເຂົາເຈົ້າຮ່ວມມືກັນ.—ຕົ້ນເດີມ 6:14-16, 22; ຈົດເຊັນບັນຊີ 4:4-32; 1 ຂ່າວຄາວ 25:1-8
2. (ກ) ຄລິດສະຕຽນໃນສະຕະວັດທຳອິດມີລັກສະນະສຳຄັນອັນໃດ? (ຂ) ເຮົາຈະພິຈາລະນາຄຳຖາມຫຍັງ?
1 ໂກລິນໂທ 12:4-6, 12) ພວກເຮົາໃນທຸກມື້ນີ້ເດເປັນແນວໃດ? ເຮົາຈະຮ່ວມມືກັນແນວໃດໃນວຽກປະກາດ ໃນປະຊາຄົມ ແລະໃນຄອບຄົວ?
2 ຄລິດສະຕຽນໃນສະຕະວັດທຳອິດກໍໄດ້ຮ່ວມມືກັນ. ອັກຄະສາວົກໂປໂລອະທິບາຍວ່າ ເຖິງວ່າມີຄວາມສາມາດແລະມີວຽກມອບໝາຍທີ່ແຕກຕ່າງກັນ ແຕ່ເຂົາເຈົ້າກໍມີຄວາມກົມກຽວກັນ. ຄລິດສະຕຽນເຫຼົ່ານັ້ນຕິດຕາມພະເຍຊູຄລິດຜູ້ນຳຂອງເຂົາເຈົ້າ. ໂປໂລສົມທຽບເຂົາເຈົ້າວ່າເປັນຄືກັບຮ່າງກາຍທີ່ປະກອບດ້ວຍອະໄວຍະວະຫຼາຍພາກສ່ວນເຊິ່ງລ້ວນແຕ່ເຮັດວຽກຮ່ວມກັນ. (ອ່ານຮ່ວມມືກັນໃນວຽກປະກາດ
3. ອັກຄະສາວົກໂຢຮັນໄດ້ຮັບນິມິດຫຍັງ?
3 ໃນສະຕະວັດທຳອິດ ອັກຄະສາວົກໂຢຮັນໄດ້ເຫັນນິມິດກ່ຽວກັບທູດສະຫວັນເຈັດອົງທີ່ກຳລັງເປົ່າແກ. ເມື່ອທູດສະຫວັນອົງທີຫ້າເປົ່າແກ ໂຢຮັນໄດ້ເຫັນ “ດາວດວງໜຶ່ງຕົກແລ້ວຈາກຟ້າລົງມາເທິງແຜ່ນດິນໂລກ.” ດາວດວງນັ້ນໄດ້ໃຊ້ລູກກະແຈລູກໜຶ່ງເພື່ອເປີດປະຕູເຫວທີ່ເລິກແລະມືດ. ທຳອິດມີຄວັນທີ່ໜາໆໄດ້ອອກມາຈາກເຫວນັ້ນ ແລະຕໍ່ມາກໍມີຝູງກແຕນບິນອອກມາຈາກຄວັນນັ້ນ. ແທນທີ່ມັນຈະທຳລາຍຕົ້ນໄມ້ແລະພືດ ຕັກແຕນເຫຼົ່ານັ້ນໄດ້ໂຈມຕີຜູ້ທີ່ “ບໍ່ມີຕາປະທັບຂອງພະເຈົ້າໝາຍໄວ້ທີ່ໜ້າຜາກ.” (ຄຳປາກົດ 9:1-4) ໂຢຮັນຮູ້ວ່າຝູງຕັກແຕນສາມາດກໍ່ຄວາມເສຍຫາຍຢ່າງຫຼວງຫຼາຍ ຄືກັບທີ່ພວກມັນໄດ້ເຮັດຢູ່ປະເທດເອຢິບໃນສະໄໝຂອງໂມເຊ. (ອົບພະຍົບ 10:12-15) ຝູງຕັກແຕນທີ່ໂຢຮັນເຫັນເປັນພາບສະແດງເຖິງຄລິດສະຕຽນຜູ້ຖືກເຈີມເຊິ່ງໄດ້ປະກາດຂ່າວສານອັນມີພະລັງເພື່ອຕໍ່ຕ້ານສາສະໜາທີ່ສອນບໍ່ຖືກຕ້ອງ. ມີຫຼາຍລ້ານຄົນເຊິ່ງຄອຍຖ້າທີ່ຈະມີຊີວິດຢູ່ໃນໂລກນີ້ໄດ້ເຮັດວຽກປະກາດຮ່ວມກັບຜູ້ຖືກເຈີມ. ທັງສອງກຸ່ມນີ້ກົມກຽວກັນໃນວຽກປະກາດ. ວຽກນີ້ໄດ້ຊ່ວຍຫຼາຍຄົນໃຫ້ອອກຈາກສາສະໜາທີ່ສອນບໍ່ຖືກຕ້ອງແລະໃຫ້ຫຼຸດພົ້ນຈາກການຄວບຄຸມຂອງຊາຕານ.
ພວກເຮົາສາມາດປະກາດໄປທົ່ວໂລກຍ້ອນວ່າພວກເຮົາຮ່ວມມືກັນ
4. ປະຊາຊົນຂອງພະເຢໂຫວາມີວຽກຫຍັງທີ່ຕ້ອງເຮັດ ແລະອັນໃດຄືວິທີດຽວເທົ່ານັ້ນທີ່ເຂົາເຈົ້າສາມາດເຮັດໄດ້?
4 ກ່ອນທີ່ອະວະສານຈະມາເຖິງ ເຮົາໄດ້ຮັບວຽກມອບໝາຍໃຫ້ປະກາດ ‘ຂ່າວດີ’ ກັບຜູ້ຄົນຢູ່ທົ່ວໂລກ. ນີ້ເປັນວຽກທີ່ໃຫຍ່ຫຼາຍ! (ມັດທາຍ 24:14; 28:19, 20) ເຮົາຕ້ອງເຊີນທຸກຄົນທີ່ “ຢາກກິນນໍ້າ” ໃຫ້ມາດື່ມ “ນໍ້າແຫ່ງຊີວິດ” ນັ້ນໝາຍຄວາມວ່າເຮົາຕ້ອງສອນຄວາມຈິງໃນຄຳພີໄບເບິນໃຫ້ກັບທຸກຄົນທີ່ຕ້ອງການເຂົ້າໃຈຄວາມຈິງ. (ຄຳປາກົດ 22:17) ເຮົາສາມາດເຮັດວຽກນີ້ໄດ້ສະເພາະແຕ່ເມື່ອເຮົາ “ຕິດສະໜິດກັນ” ແລະຮ່ວມມືກັນໃນປະຊາຄົມເທົ່ານັ້ນ.—ເອເຟດ 4:16
5, 6. ພວກເຮົາກົມກຽວກັນແນວໃດໃນຂະນະທີ່ເຮົາປະກາດຂ່າວດີ?
5 ເພື່ອເຂົ້າເຖິງຜູ້ຄົນໃຫ້ຫຼາຍເທົ່າທີ່ຈະເປັນໄປໄດ້ ເຮົາຕ້ອງມີການຈັດວຽກປະກາດຢ່າງເປັນລະບົບ. ເຮົາເຮັດເຊັ່ນນີ້ໄດ້ກໍໂດຍການເຮັດຕາມການຊີ້ນຳທີ່ໃຫ້ຜ່ານທາງປະຊາຄົມ. ຫຼັງຈາກທີ່ພົບກັນຢູ່ການປະຊຸມເພື່ອການປະກາດ ເຮົາກໍອອກໄປເວົ້າກັບຜູ້ຄົນກ່ຽວກັບຂ່າວດີເລື່ອງລາຊະອານາຈັກ. ນອກຈາກນັ້ນ ເຮົາຍັງສະເໜີໜັງສືຕ່າງໆກ່ຽວກັບຄຳພີໄບເບິນໃຫ້ກັບຜູ້ຄົນ. ທີ່ຈິງ ເຮົາໄດ້ແຈກຄຳປາກົດ 14:6
ຢາຍໜັງສືຕ່າງໆເຫຼົ່ານີ້ເປັນຈຳນວນຫຼາຍລ້ານເຫຼັ້ມໃນທົ່ວໂລກ. ບາງຄັ້ງມີການຂໍໃຫ້ເຮົາເຂົ້າຮ່ວມໃນໂຄງການປະກາດແບບພິເສດ. ເມື່ອເຮັດວຽກນີ້ ເຈົ້າກໍມີຄວາມກົມກຽວກັບອີກຫຼາຍລ້ານຄົນໃນທົ່ວໂລກທີ່ກຳລັງປະກາດຂ່າວສານດຽວກັນນີ້! ບໍ່ພຽງແຕ່ເທົ່ານັ້ນ ເຈົ້າຍັງເຮັດວຽກຮ່ວມກັບພວກທູດສະຫວັນທີ່ກຳລັງຊ່ວຍປະຊາຊົນຂອງພະເຈົ້າເພື່ອປະກາດຂ່າວດີ.—6 ເຮົາຕື່ນເຕັ້ນແທ້ໆເມື່ອອ່ານປຶ້ມປະຈຳປີແລະໄດ້ຮູ້ວ່າວຽກປະກາດໃນທົ່ວໂລກເກີດຜົນດີຫຼາຍຢ່າງ! ນອກຈາກນັ້ນ ໃຫ້ຄິດກ່ຽວກັບວິທີທີ່ພວກເຮົາມີຄວາມກົມກຽວກັນໃນທົ່ວໂລກໃນຂະນະທີ່ເຮົາເຊີນຜູ້ຄົນໃຫ້ມາຮ່ວມການປະຊຸມໃຫຍ່ຕ່າງໆຂອງເຮົາ. ຢູ່ທີ່ນັ້ນພວກເຮົາທຸກຄົນໄດ້ຟັງຂໍ້ມູນແບບດຽວກັນ. ຄຳບັນລະຍາຍ ລະຄອນ ແລະການສາທິດຕ່າງໆໄດ້ກະຕຸ້ນເຮົາໃຫ້ຮັບໃຊ້ພະເຢໂຫວາຈົນສຸດຄວາມສາມາດຂອງເຮົາ. ພວກເຮົາຍັງມີຄວາມກົມກຽວກັນກັບພີ່ນ້ອງຊາຍຍິງໃນທົ່ວໂລກເມື່ອເຮົາເຂົ້າຮ່ວມການປະຊຸມອະນຸສອນໃນທຸກໆປີ. (1 ໂກລິນໂທ 11:23-26) ພວກເຮົາເຕົ້າໂຮມກັນໃນວັນທີດຽວກັນເຊິ່ງແມ່ນວັນທີ 14 ເດືອນນີຊານ ຫຼັງຈາກຕາເວັນຕົກດິນເພື່ອສະແດງຄວາມຮູ້ຄຸນຄ່າຕໍ່ສິ່ງທີ່ພະເຢໂຫວາໄດ້ເຮັດສຳລັບເຮົາແລະເພື່ອເຊື່ອຟັງຄຳສັ່ງຂອງພະເຍຊູ. ໃນຫຼາຍອາທິດກ່ອນການປະຊຸມອະນຸສອນ ພວກເຮົາເຮັດວຽກນຳກັນເພື່ອເຊີນຫຼາຍຄົນເທົ່າທີ່ເປັນໄປໄດ້ໃຫ້ມາເຂົ້າຮ່ວມກັບພວກເຮົາໃນເຫດການທີ່ສຳຄັນນີ້.
7. ເມື່ອເຮັດວຽກນຳກັນ ເຮົາສາມາດເຮັດຫຍັງໄດ້ແດ່?
7 ດ້ວຍກຳລັງຂອງຕັກແຕນພຽງໂຕດຽວບໍ່ສາມາດກໍ່ຄວາມເສຍຫາຍຢ່າງຫຼວງຫຼາຍໄດ້ ຄ້າຍຄືກັນ ດ້ວຍກຳລັງຂອງຄົນພຽງຄົນດຽວກໍບໍ່ສາມາດປະກາດກັບທຸກຄົນໄດ້. ແຕ່ຍ້ອນວ່າພວກເຮົາເຮັດວຽກນຳກັນ ພວກເຮົາຈຶ່ງສາມາດບອກຫຼາຍລ້ານຄົນໃຫ້ຮູ້ກ່ຽວກັບພະເຢໂຫວາແລະຊ່ວຍໃຫ້ບາງຄົນເຂົ້າມາສັນລະເສີນແລະຍົກຍ້ອງພະອົງ.
ຮ່ວມມືກັນໃນປະຊາຄົມ
8, 9. (ກ) ໂປໂລໃຊ້ຕົວຢ່າງອັນໃດເພື່ອສອນຄລິດສະຕຽນໃຫ້ຮັກສາຄວາມກົມກຽວກັນ? (ຂ) ເຮົາຈະຮ່ວມມືກັນແນວໃດໃນປະຊາຄົມ?
8 ໂປໂລໄດ້ອະທິບາຍກັບພີ່ນ້ອງໃນເມືອງເອເຟດກ່ຽວກັບວິທີທີ່ປະຊາຄົມໄດ້ຮັບການຈັດຕັ້ງ ແລະລາວເວົ້າວ່າທຸກຄົນໃນປະຊາຄົມຈຳເປັນຕ້ອງ “ໃຫຍ່ຂຶ້ນໝົດສິ້ນ [ທຸກດ້ານ].” (ອ່ານເອເຟດ 4:15, 16) ໂປໂລໄດ້ໃຊ້ຕົວຢ່າງຂອງຮ່າງກາຍເພື່ອອະທິບາຍວ່າຄລິດສະຕຽນແຕ່ລະຄົນສາມາດຊ່ວຍປະຊາຄົມໃຫ້ກົມກຽວກັນຢູ່ສະເໝີແລະໃຫ້ຕິດຕາມພະເຍຊູຜູ້ນຳຂອງປະຊາຄົມ. ລາວເວົ້າວ່າທຸກພາກສ່ວນຂອງຮ່າງກາຍປະສານງານກັນໂດຍທີ່ ‘ທຸກຂໍ້ຕໍ່ໃຫ້ສິ່ງຈຳເປັນຕາມຂະໜາດທີ່ເໝາະສົມ.’ ດັ່ງນັ້ນ ບໍ່ວ່າເຮົາຈະເປັນຄົນໜຸ່ມຫຼືຄົນສູງອາຍຸ ມີສຸຂະພາບທີ່ດີຫຼືມີສຸຂະພາບທີ່ບໍ່ດີກໍຕາມ ເຮົາແຕ່ລະຄົນຄວນເຮັດຫຍັງ?
ເຈົ້າສາມາດຊ່ວຍປະຊາຄົມໃຫ້ມີຄວາມກົມກຽວກັນຢູ່ສະເໝີໄດ້ແນວໃດ?
9 ພະເຍຊູໄດ້ແຕ່ງຕັ້ງຜູ້ເຖົ້າແກ່ໃຫ້ນຳໜ້າໃນປະຊາຄົມ ແລະພະອົງຕ້ອງການໃຫ້ເຮົາສະແດງຄວາມນັບຖືແລະເຮັດຕາມການຊີ້ນຳຂອງເຂົາເຈົ້າ. (ເຫບເລີ 13:7, 17) ການເຮັດແນວນີ້ບໍ່ແມ່ນເລື່ອງງ່າຍສະເໝີໄປ ແຕ່ເຮົາສາມາດຂໍໃຫ້ພະເຢໂຫວາຊ່ວຍເຮົາ. ພະລັງບໍລິສຸດຂອງພະອົງສາມາດຊ່ວຍເຮົາໃຫ້ເຊື່ອຟັງການຊີ້ນຳຕ່າງໆທີ່ໃຫ້ຜ່ານທາງຜູ້ເຖົ້າແກ່. ລອງຄິດເບິ່ງວ່າເຮົາຈະຊ່ວຍປະຊາຄົມ ໄດ້ຫຼາຍແທ້ໆຖ້າເຮົາຖ່ອມຕົວແລະຮ່ວມມືກັບຜູ້ເຖົ້າແກ່. ນອກຈາກນັ້ນ ເຮົາຈະມີຄວາມກົມກຽວກັນໃນປະຊາຄົມ ແລະຄວາມຮັກທີ່ມີຕໍ່ກັນກໍຈະແໜ້ນແຟ້ນຫຼາຍຂຶ້ນ.
10. ຜູ້ຊ່ວຍງານຮັບໃຊ້ຊ່ວຍແນວໃດເພື່ອປະຊາຄົມມີຄວາມກົມກຽວກັນ?
10 ນອກຈາກນັ້ນ ຜູ້ຊ່ວຍງານຮັບໃຊ້ກໍສາມາດຊ່ວຍໃຫ້ປະຊາຄົມມີຄວາມກົມກຽວກັນ. ເຂົາເຈົ້າເຮັດວຽກໜັກເພື່ອຊ່ວຍຜູ້ເຖົ້າແກ່ ແລະພວກເຮົາຮູ້ຄຸນຄ່າສຳລັບທຸກສິ່ງທີ່ເຂົາເຈົ້າເຮັດ. ຕົວຢ່າງເຊັ່ນ: ຜູ້ຊ່ວຍງານຮັບໃຊ້ຕ້ອງໄດ້ຈັດໃຫ້ມີໜັງສືຕ່າງໆຢ່າງພຽງພໍເພື່ອໃຊ້ໃນວຽກປະກາດ ແລະເຂົາເຈົ້າຕ້ອນຮັບຄົນໃໝ່ໆທີ່ເຂົ້າມາຮ່ວມການປະຊຸມຕ່າງໆຂອງເຮົາ. ນອກຈາກນັ້ນ ເຂົາເຈົ້າກໍຍັງເຮັດວຽກໜັກເພື່ອສ້ອມແປງແລະຮັກສາຫໍປະຊຸມໃຫ້ສະອາດຢູ່ສະເໝີ. ເມື່ອເຮົາຮ່ວມມືກັບພີ່ນ້ອງເຫຼົ່ານີ້ ເຮົາກໍມີຄວາມກົມກຽວກັນແລະຮັບໃຊ້ພະເຢໂຫວາຢ່າງເປັນລະບຽບ.—ສົມທຽບກັບກິດຈະການ 6:3-6
11. ພີ່ນ້ອງທີ່ຍັງໜຸ່ມອາດເຮັດຫຍັງເພື່ອຊ່ວຍປະຊາຄົມໃຫ້ກົມກຽວກັນ?
11 ຜູ້ເຖົ້າແກ່ບາງຄົນເຮັດວຽກໜັກເປັນເວລາຫຼາຍປີແລ້ວໃນປະຊາຄົມ. ແຕ່ບາງທີເຂົາເຈົ້າບໍ່ສາມາດເຮັດໄດ້ຫຼາຍເທົ່າກັບທີ່ຜ່ານມາເນື່ອງຈາກມີອາຍຸຫຼາຍຂຶ້ນ ດັ່ງນັ້ນ ພີ່ນ້ອງທີ່ຍັງໜຸ່ມສາມາດຊ່ວຍໄດ້. ຖ້າເຂົາເຈົ້າໄດ້ຮັບການຝຶກອົບຮົມ ເຂົາເຈົ້າສາມາດເຮັດໜ້າທີ່ຮັບຜິດຊອບໃນປະຊາຄົມໄດ້ຫຼາຍຂຶ້ນ. ເມື່ອຜູ້ຊ່ວຍງານຮັບໃຊ້ເຮັດວຽກໜັກ ເຂົາເຈົ້າອາດຈະສາມາດຮັບໃຊ້ເປັນຜູ້ເຖົ້າແກ່ໄດ້ໃນອະນາຄົດ. (1 ຕີໂມເຕ 3:1, 10) ຜູ້ເຖົ້າແກ່ບາງຄົນທີ່ຍັງໜຸ່ມຢູ່ໄດ້ທຳຄວາມກ້າວໜ້າຕື່ມອີກ. ຕອນນີ້ເຂົາເຈົ້າຮັບໃຊ້ເປັນຜູ້ດູແລໝວດແລະກຳລັງຊ່ວຍພີ່ນ້ອງຊາຍຍິງໃນຫຼາຍໆປະຊາຄົມ. ເຮົາຮູ້ສຶກຂອບໃຈເມື່ອຄົນທີ່ຍັງໜຸ່ມເຕັມໃຈຮັບໃຊ້ພີ່ນ້ອງຊາຍຍິງ.—ອ່ານຄຳເພງ 110:3; ຜູ້ເທສະໜາປ່າວປະກາດ 12:1
ຮ່ວມມືກັນພາຍໃນຄອບຄົວ
12, 13. ສິ່ງໃດສາມາດຊ່ວຍທຸກຄົນໃນຄອບຄົວໃຫ້ຮ່ວມມືກັນແລະກັນ?
12 ເຮົາສາມາດຊ່ວຍຄົນໃນຄອບຄົວຂອງເຮົາແນວໃດໃຫ້ຮ່ວມມືກັນ? ການນະມັດສະການປະຈຳຄອບຄົວໃນແຕ່ລະອາທິດສາມາດຊ່ວຍເຮົາໄດ້. ເມື່ອພໍ່ແມ່ແລະລູກໃຊ້ເວລານຳກັນເພື່ອຮຽນຮູ້ກ່ຽວກັບພະເຢໂຫວາ ຄວາມຮັກທີ່ມີຕໍ່ກັນກໍຈະແໜ້ນແຟ້ນຫຼາຍຂຶ້ນ. ໃນໂອກາດນັ້ນ ເຂົາເຈົ້າສາມາດຝຶກຊ້ອມສິ່ງທີ່ຈະເວົ້າໃນການປະກາດເພື່ອຊ່ວຍກັນແລະກັນໃຫ້ກຽມຕົວໄດ້ດີຂຶ້ນ. ເມື່ອໄດ້ຍິນແຕ່ລະຄົນເວົ້າກ່ຽວກັບຄວາມຈິງແລະເຫັນວ່າທຸກຄົນຮັກພະເຢໂຫວາແລະຕ້ອງການເຮັດໃຫ້ພະອົງພໍໃຈ ດັ່ງນັ້ນ ເຂົາເຈົ້າກໍຈະຍິ່ງໃກ້ຊິດກັນຫຼາຍຂຶ້ນ.
ເມື່ອຜົວແລະເມຍຮັກແລະຮັບໃຊ້ພະເຢໂຫວານຳກັນ ເຂົາເຈົ້າກໍຈະມີຄວາມສຸກແລະມີຄວາມກົມກຽວກັນໃນສາຍສົມລົດ
13 ຜົວແລະເມຍຈະຮ່ວມມືກັນແນວໃດ? (ມັດທາຍ 19:6) ເມື່ອເຂົາເຈົ້າທັງສອງຄົນຮັກແລະຮັບໃຊ້ພະເຢໂຫວານຳກັນ ເຂົາເຈົ້າກໍຈະມີຄວາມສຸກແລະມີຄວາມກົມກຽວກັນໃນສາຍສົມລົດ. ນອກຈາກນັ້ນ ເຂົາເຈົ້າຄວນຈະສະແດງຄວາມຮັກທີ່ເລິກເຊິ່ງຕໍ່ກັນຄືກັບທີ່ອັບລາຫາມກັບຊາລາ ອີຊາກກັບເລເບກາ ແລະເອນການາກັບອານາໄດ້ສະແດງຕໍ່ກັນ. (ຕົ້ນເດີມ 26:8; 1 ຊາເມືອນ 1:5, 8; 1 ເປໂຕ 3:5, 6) ເມື່ອຜົວແລະເມຍເຮັດແບບນີ້ ເຂົາເຈົ້າກໍຈະ ມີຄວາມກົມກຽວກັນແລະໃກ້ຊິດກັບພະເຢໂຫວາຫຼາຍຂຶ້ນ.—ອ່ານຜູ້ເທສະໜາປ່າວປະກາດ 4:12
ການນະມັດສະການປະຈຳຄອບຄົວສາມາດຊ່ວຍຄົນໜຸ່ມແລະຄົນສູງອາຍຸໃຫ້ໃກ້ຊິດກັນຫຼາຍຂຶ້ນ (ເບິ່ງຂໍ້ 12, 15)
14. ຖ້າຜົວຫຼືເມຍຂອງເຈົ້າບໍ່ໄດ້ຮັບໃຊ້ພະເຢໂຫວາ ເຈົ້າສາມາດເຮັດຫຍັງແດ່ເພື່ອຮັກສາຊີວິດສົມລົດໃຫ້ເຂັ້ມແຂງ?
14 ຄຳພີໄບເບິນບອກໄວ້ຢ່າງຊັດເຈນວ່າເຮົາບໍ່ຄວນແຕ່ງດອງກັບຄົນທີ່ບໍ່ໄດ້ຮັບໃຊ້ພະເຢໂຫວາ. (2 ໂກລິນໂທ 6:14) ແຕ່ກໍມີພີ່ນ້ອງຊາຍຍິງບາງຄົນແຕ່ງດອງກັບຄົນທີ່ບໍ່ໄດ້ເປັນພະຍານພະເຢໂຫວາ. ບາງຄົນໄດ້ຮຽນຮູ້ຄວາມຈິງຫຼັງຈາກທີ່ແຕ່ງດອງແລ້ວ ແລະຄູ່ຂອງເຂົາເຈົ້າບໍ່ໄດ້ເຂົ້າມາເປັນພີ່ນ້ອງ. ບາງຄົນໄດ້ແຕ່ງດອງກັບຜູ້ທີ່ເປັນພີ່ນ້ອງ ແຕ່ຫຼັງຈາກນັ້ນຜົວຫຼືເມຍຂອງເຂົາເຈົ້າກໍໄດ້ອອກຈາກປະຊາຄົມ. ໃນສະຖານະການເຫຼົ່ານີ້ ຄລິດສະຕຽນຈະເຮັດສຸດຄວາມສາມາດເພື່ອຮັກສາສາຍສົມລົດໃຫ້ໝັ້ນຄົງໂດຍການເຊື່ອຟັງຄຳແນະນຳໃນຄຳພີໄບເບິນ. ແຕ່ກໍບໍ່ງ່າຍສະເໝີໄປທີ່ຈະເຮັດເຊັ່ນນີ້. ຕົວຢ່າງເຊັ່ນ: ພີ່ນ້ອງມາຣີແລະດາວິດຜົວຂອງລາວໄດ້ຮັບໃຊ້ພະເຢໂຫວານຳກັນ. ຕໍ່ມາດາວິດກໍເຊົາໄປປະຊຸມ. ແຕ່ພີ່ນ້ອງມາຣີຍັງພະຍາຍາມເປັນເມຍທີ່ດີແລະສະແດງຄຸນລັກສະນະຕ່າງໆຂອງຄລິດສະຕຽນ. ນອກຈາກນັ້ນ ລາວຍັງສອນລູກທັງຫົກຄົນໃຫ້ຮູ້ກ່ຽວກັບພະເຢໂຫວາ ແລະລາວໄດ້ໄປການປະຊຸມປະຈຳທ້ອງຖິ່ນແລະການປະຊຸມໃຫຍ່ຕໍ່ໆໄປ. ຫຼາຍປີຕໍ່ມາ ເມື່ອລູກໃຫຍ່ແລ້ວແລະທຸກຄົນໄດ້ຍ້າຍອອກຈາກເຮືອນ ມາຣີຍັງຮັບໃຊ້ພະເຢໂຫວາຕໍ່ໆໄປເຖິງແມ່ນວ່າສະພາບການຈະຍາກກວ່າເກົ່າສຳລັບລາວ. ຕໍ່ມາ ດາວິດເລີ່ມອ່ານວາລະສານທີ່ມາຣີວາງໄວ້ໃຫ້ລາວ. ໃນທີ່ສຸດ ດາວິດກໍເລີ່ມເຂົ້າຮ່ວມການປະຊຸມບາງລາຍການອີກຄັ້ງໜຶ່ງ. ຫຼານຊາຍທີ່ມີອາຍຸຫົກປີໄດ້ຈອງບ່ອນນັ່ງໄວ້ໃຫ້ດາວິດເປັນປະຈຳ ແລະຖ້າລາວບໍ່ໄດ້ໄປ ຫຼານຊາຍກໍຈະເວົ້າວ່າ: “ຢູ່ທີ່ການປະຊຸມມື້ນີ້ ຫຼານຄິດຮອດພໍ່ຕູ້ເດີ.” ດາວິດກັບມາຫາພະເຢໂຫວາຫຼັງຈາກ 25 ປີຜ່ານໄປ ແລະລາວກັບເມຍມີຄວາມສຸກທີ່ຕອນນີ້ເຂົາເຈົ້າສາມາດຮັບໃຊ້ພະເຢໂຫວານຳກັນອີກຄັ້ງໜຶ່ງ.
15. ຄູ່ຜົວເມຍທີ່ມີອາຍຸສູງແລ້ວສາມາດຊ່ວຍຄູ່ຜົວເມຍທີ່ຍັງໜຸ່ມໂດຍວິທີໃດ?
15 ຊາຕານໂຈມຕີຄອບຄົວຕ່າງໆໃນທຸກມື້ນີ້. ນັ້ນຈຶ່ງເປັນເຫດຜົນທີ່ຜົວແລະເມຍທີ່ເປັນຜູ້ຮັບໃຊ້ພະເຢໂຫວາຈຳເປັນຕ້ອງຮ່ວມມືກັນ. ເຖິງວ່າຈະແຕ່ງດອງກັນມາດົນແລ້ວກໍຕາມ ໃຫ້ຄິດກ່ຽວກັບສິ່ງທີ່ເຈົ້າສາມາດເວົ້າຫຼືເຮັດຕິໂຕ 2:3-7
ເພື່ອເສີມສ້າງສາຍສົມລົດຂອງເຈົ້າໃຫ້ເຂັ້ມແຂງຂຶ້ນ. ຖ້າເຈົ້າເປັນຄູ່ຜົວເມຍທີ່ມີອາຍຸສູງແລ້ວ ເຈົ້າສາມາດເປັນຕົວຢ່າງທີ່ດີໃຫ້ກັບຄູ່ຜົວເມຍທີ່ຍັງໜຸ່ມ. ບາງທີເຈົ້າສາມາດເຊີນຄູ່ຜົວເມຍທີ່ຍັງໜຸ່ມໃຫ້ມາຮ່ວມການນະມັດສະການປະຈຳຄອບຄົວຂອງເຈົ້າ. ເມື່ອເຮັດແນວນັ້ນ ເຂົາເຈົ້າກໍຈະເຫັນວ່າເຖິງວ່າຈະແຕ່ງດອງກັນມາດົນແລ້ວກໍຕາມ ເຂົາເຈົ້າຕ້ອງສະແດງຄວາມຮັກທີ່ເລິກເຊິ່ງຕໍ່ກັນແລະມີຄວາມກົມກຽວກັນ.—“ຈົ່ງພາກັນໄປແລະຂຶ້ນໄປເທິງພູຂອງພະເຢໂຫວາ”
16, 17. ຜູ້ຮັບໃຊ້ຂອງພະເຢໂຫວາທີ່ກົມກຽວກັນຄອຍຖ້າສິ່ງໃດ?
16 ເມື່ອຊາວອິດສະລາແອນໄປສະຫຼອງເທດສະການຕ່າງໆໃນເມືອງເຢຣຶຊາເລມ ເຂົາເຈົ້າໄດ້ຮ່ວມມືກັນ. ເຂົາເຈົ້າໄດ້ກະກຽມທຸກສິ່ງທີ່ຈຳເປັນໃນການເດີນທາງ. ຈາກນັ້ນ ເຂົາເຈົ້າກໍເດີນທາງໄປນຳກັນແລະຊ່ວຍເຫຼືອກັນ. ຢູ່ທີ່ວິຫານ ເຂົາເຈົ້າທຸກຄົນໄດ້ສັນລະເສີນແລະນະມັດສະການພະເຢໂຫວາຮ່ວມກັນ. (ລືກາ 2:41-44) ໃນທຸກມື້ນີ້ ໃນຂະນະທີ່ພວກເຮົາກຽມຕົວເພື່ອຈະມີຊີວິດໃນໂລກໃໝ່ ເຮົາຈຳເປັນຕ້ອງມີຄວາມກົມກຽວກັນແລະເຮັດສຸດຄວາມສາມາດຂອງເຮົາເພື່ອຈະຮ່ວມມືກັນ. ເຈົ້າສາມາດຄິດເຖິງວິທີຕ່າງໆທີ່ເຈົ້າສາມາດເຮັດເຊັ່ນນີ້ໃຫ້ຫຼາຍຂຶ້ນໄດ້ບໍ?
17 ຜູ້ຄົນທີ່ຢູ່ໃນໂລກທຸກມື້ນີ້ຂັດແຍ່ງກັນແລະເຖິງຂັ້ນຕໍ່ສູ້ກັນກ່ຽວກັບຫຼາຍໆເລື່ອງ. ແຕ່ເຮົາຮູ້ສຶກຂອບໃຈທີ່ພະເຢໂຫວາໄດ້ຊ່ວຍເຮົາໃຫ້ມີສັນຕິສຸກແລະເຂົ້າໃຈຄວາມຈິງ! ປະຊາຊົນຂອງພະເຢໂຫວາໃນທົ່ວໂລກກຳລັງນະມັດສະການພະອົງໃນແບບທີ່ພະອົງຕ້ອງການ. ໂດຍສະເພາະແລ້ວໃນສະໄໝສຸດທ້າຍນີ້ ປະຊາຊົນຂອງພະເຢໂຫວາແຮ່ງຕ້ອງກົມກຽວກັນຫຼາຍກວ່າແຕ່ກ່ອນ. ຄືກັບທີ່ເອຊາອີແລະມີເກໄດ້ບອກໄວ້ລ່ວງໜ້າ ພວກເຮົາກຳລັງຂຶ້ນໄປເທິງ “ພູຂອງພະເຢໂຫວາ” ນຳກັນ. (ເອຊາອີ 2:2-4; ອ່ານມີເກ 4:2-4) ໃນອະນາຄົດ ເຮົາຈະມີຄວາມສຸກຫຼາຍແທ້ໆເມື່ອທຸກຄົນທີ່ຢູ່ໃນໂລກນີ້ “ຕິດສະໜິດກັນ” ແລະຮ່ວມມືກັນເພື່ອນະມັດສະການພະເຢໂຫວາ!