ບົດຄວາມສຶກສາທີ 38
ໃຊ້ປະໂຫຍດຈາກເວລາທີ່ຍັງສະຫງົບສຸກ
“ແຜ່ນດິນສະຫງົບງຽບບໍ່ມີໃຜມາຮຸກຮານຕະຫຼອດໄລຍະນັ້ນ ເພາະພະເຢໂຫວາຊ່ອຍໃຫ້ລາວມີຄວາມສະຫງົບສຸກ.”—2 ຂ່າວ 14:6, ລ.ມ.
ເພງ 60 ນີ້ໝາຍເຖິງຊີວິດຂອງເຂົາເຈົ້າ
ໃຈຄວາມສຳຄັນ *
1. ຕອນໃດທີ່ອາດຍາກສຳລັບເຮົາທີ່ຈະຮັບໃຊ້ພະເຢໂຫວາ?
ຕອນໃດທີ່ເຈົ້າຄິດວ່າອາດຍາກສຸດທີ່ຈະຮັບໃຊ້ພະເຢໂຫວາ ຕອນທີ່ເຈົ້າມີບັນຫາຫຼາຍໆຫຼືຕອນທີ່ເຈົ້າບໍ່ມີບັນຫາປານໃດ? ເມື່ອເຈິບັນຫາເຮົາພ້ອມທີ່ຈະເພິ່ງພະເຢໂຫວາ ແຕ່ເຮົາເຮັດແນວໃດເມື່ອຊີວິດຂອງເຮົາສະຫງົບສຸກແລະບໍ່ມີບັນຫາ? ເຮົາອາດຈະລືມວ່າການຮັບໃຊ້ພະເຢໂຫວາເປັນເລື່ອງສຳຄັນຫຼາຍ. ພະເຢໂຫວາເຕືອນພວກອິດສະຣາເອນວ່າເລື່ອງແບບນີ້ອາດເກີດຂຶ້ນໄດ້.—ບັນຍັດ. 6:10-12
2. ກະສັດອາຊາວາງຕົວຢ່າງທີ່ດີແນວໃດ?
2 ກະສັດອາຊາເປັນຕົວຢ່າງທີ່ດີຫຼາຍໃນການເພິ່ງພະເຢໂຫວາຢ່າງເຕັມທີ. ລາວຮັບໃຊ້ພະເຢໂຫວາບໍ່ແມ່ນແຕ່ໃນຍາມທີ່ລຳບາກເທົ່ານັ້ນ ແຕ່ໃນຍາມທີ່ສະຫງົບສຸກນຳ. ຕັ້ງແຕ່ຍັງນ້ອຍ “ອາຊາກໍຮັບໃຊ້ພະເຢໂຫວາສຸດຫົວໃຈຕະຫຼອດຊີວິດ.” (1 ກະ. 15:14, ລ.ມ.) ວິທີໜຶ່ງທີ່ອາຊາສະແດງໃຫ້ເຫັນວ່າລາວຮັບໃຊ້ພະເຢໂຫວາຢ່າງສຸດຫົວໃຈແມ່ນໂດຍກຳຈັດການນະມັດສະການປອມອອກຈາກຢູດາ. ຄຳພີໄບເບິນບອກວ່າ “ລາວກຳຈັດແທ່ນບູຊາຂອງພະຕ່າງຊາດແລະບ່ອນບູຊາເທິງບ່ອນສູງ ທຸບທຳລາຍແທ່ນຫີນສັກສິດ ແລະບັກເສົາສັກສິດ.” (2 ຂ່າວ. 14:5, ລ.ມ.) ລາວຍັງໄດ້ປົດມາອາກາຍ່າຂອງລາວອອກຈາກຕຳແໜ່ງທີ່ສຳຄັນໃນການປົກຄອງ. ຍ້ອນຫຍັງ? ຍ້ອນມາອາກາສົ່ງເສີມປະຊາຊົນໃຫ້ນະມັດສະການຮູບບູຊາ.—1 ກະ. 15:11-13
3. ເຮົາຈະຮຽນຫຍັງໃນບົດນີ້?
3 ອາຊາບໍ່ພຽງແຕ່ທຳລາຍຮູບບູຊາເທົ່ານັ້ນ ແຕ່ລາວຍັງຊ່ອຍປະຊາຊົນໃນຢູດາໃຫ້ກັບມານະມັດສະການພະເຢໂຫວາຄືນອີກ. ພະເຢໂຫວາໄດ້ອວຍພອນອາຊາແລະພວກຢູດາໃຫ້ມີເວລາທີ່ສະຫງົບສຸກ. ໃນໄລຍະ 10 ປີ2 ຂ່າວ. 14:1, 4, 6, ລ.ມ.) ໃນບົດນີ້ເຮົາຈະເບິ່ງວ່າອາຊາໃຊ້ປະໂຫຍດແນວໃດຈາກເວລາທີ່ສະຫງົບສຸກນັ້ນ ແລ້ວເຮົາຈະເບິ່ງຕົວຢ່າງຂອງຄລິດສະຕຽນໃນຍຸກທຳອິດທີ່ເຮັດຄືກັບອາຊາ ເຂົາເຈົ້າໄດ້ໃຊ້ປະໂຫຍດຈາກເວລາທີ່ສະຫງົບສຸກ. ສຸດທ້າຍເຮົາຈະເບິ່ງຄຳຕອບຂອງຄຳຖາມທີ່ວ່າ: ຖ້າເຈົ້າຢູ່ໃນປະເທດທີ່ສາມາດປະກາດໄດ້ຢ່າງເສລີແລະບໍ່ມີຫຍັງຂັດຂວາງ ເຈົ້າຈະໃຊ້ປະໂຫຍດແນວໃດຈາກເວລາທີ່ສະຫງົບສຸກນັ້ນ?
ທີ່ອາຊາປົກຄອງ “ແຜ່ນດິນມີຄວາມສະຫງົບສຸກ.” (ອາຊາເຮັດຫຍັງໃນເວລາທີ່ສະຫງົບສຸກ?
4. ຕາມ 2 ຂ່າວຄາວ 14:2, 6, 7 ອາຊາໃຊ້ປະໂຫຍດແນວໃດຈາກເວລາທີ່ສະຫງົບສຸກ?
4 ອ່ານ 2 ຂ່າວຄາວ 14:2, 6, 7. * ອາຊາບອກວ່າພະເຢໂຫວາເປັນຜູ້ທີ່ “ຊ່ອຍ [ເຂົາເຈົ້າ] ໃຫ້ມີຄວາມສະຫງົບສຸກຮອບດ້ານ.” ອາຊາບໍ່ໄດ້ຄິດວ່າເວລາທີ່ສະຫງົບສຸກນັ້ນເປັນເວລາທີ່ຈະພັກຜ່ອນແລະຢູ່ແບບສະບາຍໆ. ກົງກັນຂ້າມ ລາວສ້າງເມືອງຕ່າງໆໃຫ້ມີກຳແພງອ້ອມ ມີຫໍຄອຍ ແລະປະຕູເມືອງ. ລາວບອກພວກຢູດາວ່າ: “ແຜ່ນດິນຍັງເປັນຂອງພວກເຮົາຢູ່.” ລາວໝາຍຄວາມວ່າແນວໃດ? ລາວໝາຍຄວາມວ່າເຂົາເຈົ້າສາມາດໄປມາຢ່າງເສລີໃນແຜ່ນດິນທີ່ພະເຈົ້າມອບໃຫ້ເຂົາເຈົ້າ ແລະບໍ່ມີສັດຕູຂັດຂວາງໃນການກໍ່ສ້າງ. ລາວກະຕຸ້ນປະຊາຊົນໃຫ້ໃຊ້ປະໂຫຍດຈາກເວລາທີ່ສະຫງົບສຸກນີ້.
5. ເປັນຫຍັງອາຊາຈຶ່ງເສີມກຳລັງທະຫານ?
5 ອາຊາຍັງໃຊ້ປະໂຫຍດຈາກເວລາທີ່ສະຫງົບສຸກນີ້ເພື່ອເສີມກຳລັງທະຫານ ເຊິ່ງເຮັດໃຫ້ກອງທັບຂອງລາວພ້ອມທີ່ຈະຕໍ່ສູ້. (2 ຂ່າວ. 14:8) ນີ້ໝາຍຄວາມວ່າລາວບໍ່ໄວ້ວາງໃຈພະເຢໂຫວາບໍ? ບໍ່ແມ່ນ. ອາຊາຮູ້ວ່າເປັນໜ້າທີ່ຂອງລາວທີ່ຈະກຽມປະຊາຊົນໃຫ້ພ້ອມສຳລັບ ບັນຫາທີ່ເຂົາເຈົ້າອາດຈະເຈິໃນອະນາຄົດ. ອາຊາຮູ້ວ່າແຜ່ນດິນຢູດາຈະບໍ່ມີຄວາມສະຫງົບສຸກຕະຫຼອດໄປ ແລະເລື່ອງນີ້ກໍເກີດຂຶ້ນແທ້.
ຄລິດສະຕຽນໃນຍຸກທຳອິດເຮັດຫຍັງໃນເວລາທີ່ສະຫງົບສຸກ?
6. ຄລິດສະຕຽນໃນຍຸກທຳອິດເຮັດຫຍັງໃນເວລາທີ່ສະຫງົບສຸກ?
6 ເຖິງວ່າຄລິດສະຕຽນໃນຍຸກທຳອິດຖືກຂົ່ມເຫງເລື້ອຍໆ ແຕ່ເຂົາເຈົ້າກໍມີເວລາທີ່ສະຫງົບສຸກໄລຍະໜຶ່ງ. ເຂົາເຈົ້າໄດ້ເຮັດຫຍັງໃນເວລາທີ່ສະຫງົບສຸກແບບນັ້ນ? ເຂົາເຈົ້າປະກາດຂ່າວດີບໍ່ຢຸດບໍ່ເຊົາ. ປຶ້ມກິດຈະການເວົ້າວ່າ ເຂົາເຈົ້າ “ໃຊ້ຊີວິດຕາມແນວທາງຂອງພະເຢໂຫວາແລະປະກາດຂ່າວດີຕໍ່ໆໄປ.” ຜົນກໍຄື “ມີຄົນເພີ່ມຂຶ້ນເລື້ອຍໆ.” ເຫັນໄດ້ແຈ້ງວ່າພະເຢໂຫວາອວຍພອນທີ່ເຂົາເຈົ້າປະກາດແບບບໍ່ຢຸດບໍ່ເຊົາໃນເວລາທີ່ສະຫງົບສຸກ.—ກຈກ. 9:26-31
7-8. ໂປໂລແລະຄົນອື່ນໆໄດ້ເຮັດຫຍັງເມື່ອມີໂອກາດ? ໃຫ້ອະທິບາຍ.
7 ຄລິດສະຕຽນໃນຍຸກທຳອິດໃຊ້ທຸກໂອກາດເພື່ອປະກາດຂ່າວດີ. ຕົວຢ່າງເຊັ່ນ: ເມື່ອໂປໂລເຫັນວ່າລາວສາມາດປະກາດກັບຫຼາຍຄົນໃນເມືອງເອເຟໂຊ ລາວຈຶ່ງຢູ່ໃນເມືອງນັ້ນແລະປະກາດຢູ່ຫັ້ນ.—1 ກຣ. 16:8, 9
8 ໃນປີ ຄ.ສ 49 ເມື່ອພວກອັກຄະສາວົກແລະຜູ້ດູແລໃນເມືອງເຢຣູຊາເລັມໄດ້ຕັດສິນໃຈກ່ຽວກັບເລື່ອງການຮັບສິນຕັດ ໂປໂລແລະຄົນອື່ນໆກໍສາມາດປະກາດກັບຫຼາຍຄົນ. (ກຈກ. 15:23-29) ຫຼັງຈາກທີ່ໂປໂລແລະຄົນອື່ນໆບອກປະຊາຄົມຕ່າງໆກ່ຽວກັບການຕັດສິນໃຈນັ້ນ ພວກລູກສິດໄດ້ເຮັດວຽກໜັກເພື່ອ “ປະກາດຂ່າວດີກ່ຽວກັບຄຳສອນຂອງພະເຢໂຫວາ.” (ກຈກ. 15:30-35) ຜົນເປັນແນວໃດ? ຄຳພີໄບເບິນບອກວ່າ “ປະຊາຄົມຕ່າງໆຈຶ່ງມີຄວາມເຊື່ອເຂັ້ມແຂງຂຶ້ນແລະມີຄົນເຂົ້າມາເຊື່ອເພີ່ມຂຶ້ນທຸກມື້.”—ກຈກ. 16:4, 5
ເຮົາຈະເຮັດຫຍັງໃນເວລາທີ່ມີຄວາມສະຫງົບສຸກ
9. ໃນທຸກມື້ນີ້ສະພາບການໃນຫຼາຍປະເທດເປັນແນວໃດ ແລະເຮົາຄວນຖາມໂຕເອງແນວໃດ?
9 ໃນຫຼາຍປະເທດ ເຮົາສາມາດປະກາດໄດ້ຢ່າງເສລີແລະບໍ່ມີຫຍັງຂັດຂວາງ. ເຈົ້າຢູ່ໃນປະເທດແບບນັ້ນບໍ? ຖ້າແມ່ນ ໃຫ້ຖາມໂຕເອງວ່າ ‘ຂ້ອຍກຳລັງໃຊ້ອິດສະຫຼະທີ່ມີຢູ່ນີ້ແນວໃດ?’ ສະໄໝສຸດທ້າຍເປັນເວລາທີ່ໜ້າຕື່ນເຕັ້ນຫຼາຍສຳລັບປະຊາຊົນຂອງພະເຢໂຫວາ ເພາະເຂົາເຈົ້າກຳລັງເຮັດວຽກປະກາດແລະວຽກສອນທີ່ຍິ່ງໃຫຍ່ທີ່ສຸດທີ່ເຄີຍມີໃນໂລກ. (ມຣກ. 13:10) ມີຫຼາຍສິ່ງທີ່ເຮົາສາມາດເຮັດໄດ້ໃນວຽກນີ້.
10. 2 ຕີໂມທຽວ 4:2 ກະຕຸ້ນເຮົາໃຫ້ເຮັດຫຍັງ?
10 ເຈົ້າຈະໃຊ້ປະໂຫຍດແນວໃດຈາກເວລາທີ່ສະຫງົບສຸກນີ້? (ອ່ານ 2 ຕີໂມທຽວ 4:2) ໃຫ້ຄິດເບິ່ງວ່າເຈົ້າຫຼືຄົນໃນຄອບຄົວຈະປັບປ່ຽນບາງຢ່າງໃນຊີວິດເພື່ອປະກາດຫຼາຍຂຶ້ນ ຫຼືເປັນໄພໂອເນຍໄດ້ບໍ? ຕອນນີ້ບໍ່ແມ່ນເວລາທີ່ຈະຢາກຮັ່ງຢາກມີ ເພາະໃນໄລຍະຄວາມທຸກລຳບາກຄັ້ງໃຫຍ່ວັດຖຸເງິນຄຳທີ່ເຮົາມີກໍຈະບໍ່ມີປະໂຫຍດຫຍັງ.—ສຸພາ. 11:4; ມທ. 6:31-33; 1 ຢຮ. 2:15-17
11. ບາງຄົນໄດ້ເຮັດຫຍັງເພື່ອຊ່ອຍຫຼາຍຄົນໃຫ້ຮຽນຮູ້ເລື່ອງພະເຢໂຫວາ?
11 ພີ່ນ້ອງຫຼາຍຄົນໄດ້ຮຽນພາສາໃໝ່ເພື່ອເຂົາເຈົ້າຈະສາມາດຊ່ອຍຄົນອື່ນໃຫ້ຮຽນຮູ້ກ່ຽວກັບພະເຢໂຫວາ. ອົງການຂອງພະເຢໂຫວາໄດ້ຜະລິດປຶ້ມແລະສິ່ງອື່ນໆໃນຫຼາຍພາສາເພື່ອຊ່ອຍເຮົາໃນການປະກາດ. ຕົວຢ່າງເຊັ່ນ: ໃນປີ 2010 ປຶ້ມຕ່າງໆຂອງເຮົາມີປະມານ 500 ພາສາ ແຕ່ໃນທຸກມື້ນີ້ມີຈຳນວນເພີ່ມຂຶ້ນຫຼາຍກວ່າ 1.000 ພາສາ.
12. ບາງຄົນໄດ້ຮັບປະໂຫຍດແນວໃດເມື່ອໄດ້ຍິນເລື່ອງໃນຄຳພີໄບເບິນໃນພາສາຂອງໂຕເອງ? ໃຫ້ຍົກຕົວຢ່າງ.
12 ບາງຄົນຮູ້ສຶກແນວໃດເມື່ອໄດ້ຍິນເລື່ອງໃນຄຳພີ
ໄບເບິນໃນພາສາຂອງໂຕເອງ? ພີ່ນ້ອງຍິງຄົນໜຶ່ງໄດ້ເຂົ້າຮ່ວມການປະຊຸມພາກຢູ່ປະເທດອາເມຣິກາໃນພາສາຄີນຍາວັນດາເຊິ່ງເປັນພາສາຂອງລາວເອງ. ພາສານີ້ເວົ້າຢູ່ໃນບາງປະເທດຢູ່ອາຝຼິກກາ. ຫຼັງຈາກການປະຊຸມ ລາວເວົ້າວ່າ: “ນີ້ເປັນເທື່ອທຳອິດທີ່ຂ້ອຍເຂົ້າໃຈເນື້ອໃນຂອງການປະຊຸມແທ້ໆຫຼັງຈາກຍ້າຍມາຢູ່ອາເມຣິກາໄດ້ 17 ປີ.” ເຫັນໄດ້ແຈ້ງວ່າພີ່ນ້ອງຜູ້ນີ້ຊຶ້ງໃຈແທ້ໆທີ່ໄດ້ຟັງການປະຊຸມໃນພາສາຂອງໂຕເອງ. ຖ້າເຮັດໄດ້ ເຈົ້າສາມາດຮຽນອີກພາສາໜຶ່ງເພື່ອຊ່ອຍບາງຄົນໃນເຂດຂອງເຈົ້າໄດ້ບໍ? ບາງຄົນໃນເຂດຂອງເຈົ້າຈະເຕັມໃຈຟັງຫຼາຍກວ່າບໍ ຖ້າເຈົ້າປະກາດໃນພາສາຂອງເຂົາເຈົ້າ? ເມື່ອເຈົ້າພະຍາຍາມເຮັດແບບນັ້ນກໍຈະມີຄວາມສຸກແທ້ໆ.13. ພີ່ນ້ອງໃນຣັດເຊຍໃຊ້ປະໂຫຍດແນວໃດຈາກເວລາທີ່ສະຫງົບສຸກ?
13 ໃນບາງປະເທດພີ່ນ້ອງບໍ່ສາມາດປະກາດໄດ້ຢ່າງເສລີ ຍ້ອນລັດຖະບານຫ້າມວຽກປະກາດຂອງເຮົາ. ຕົວຢ່າງ: ໃຫ້ເບິ່ງເລື່ອງຂອງພີ່ນ້ອງໃນປະເທດຣັດເຊຍ. ເຂົາເຈົ້າຖືກສັ່ງຫ້າມເປັນເວລາຫຼາຍສິບປີ ແຕ່ໃນເດືອນມີນາປີ 1991 ລັດຖະບານໄດ້ອະນຸຍາດໃຫ້ເຂົາເຈົ້າປະກາດໄດ້ຢ່າງເສລີ. ຕອນນັ້ນໃນຣັດເຊຍມີຜູ້ປະກາດປະມານ 16.000 ຄົນ ແຕ່ 20 ປີຕໍ່ມາຈຳນວນໄດ້ເພີ່ມຂຶ້ນເປັນຫຼາຍກວ່າ 160.000 ຄົນ. ເຫັນໄດ້ແຈ້ງວ່າເຂົາເຈົ້າໄດ້ໃຊ້ເວລາໃຫ້ເປັນປະໂຫຍດເມື່ອມີໂອກາດທີ່ຈະປະກາດຢ່າງເສລີ. ເວລາທີ່ສະຫງົບສຸກແບບນັ້ນບໍ່ໄດ້ຢູ່ດົນ. ເຖິງວ່າສະພາບການໃນປະເທດນັ້ນຈະປ່ຽນໄປ ແຕ່ເຂົາເຈົ້າກໍຍັງປະກາດເລື່ອງຂອງພະເຢໂຫວາຢ່າງກະຕືລືລົ້ນແລະເຮັດສຸດຄວາມສາມາດເພື່ອຮັບໃຊ້ພະເຢໂຫວາຕໍ່ໆໄປ.
ເວລາທີ່ສະຫງົບສຸກຈະບໍ່ມີຕະຫຼອດໄປ
14-15. ພະເຢໂຫວາໄດ້ໃຊ້ລິດເດດຂອງເພິ່ນແນວໃດເພື່ອຊ່ອຍອາຊາ?
14 ໃນສະໄໝຂອງອາຊາ ໃນທີ່ສຸດຄວາມສະຫງົບສຸກກໍໄດ້ຈົບລົງເມື່ອກອງທັບໃຫຍ່ຈາກເອທິໂອເປຍທີ່ມີ2 ຂ່າວ 14:11
ທະຫານ 1.000.000 ຄົນໄດ້ມາໂຈມຕີເຂົາເຈົ້າ. ເຊຣາຫົວໜ້າກອງທັບຂອງເອທິໂອເປຍໝັ້ນໃຈວ່າລາວແລະພວກທະຫານຈະຕໍ່ສູ້ຊະນະພວກຢູດາ. ອາຊາໄວ້ວາງໃຈພະເຢໂຫວາແລະລາວອະທິດຖານວ່າ “ໂອ້ພະເຢໂຫວາພະເຈົ້າຂອງພວກຂ້ານ້ອຍ ຂໍໂຜດຊ່ອຍພວກຂ້ານ້ອຍ ເຫດວ່າພວກຂ້ານ້ອຍເພິ່ງພະອົງແລະໄດ້ມາຕໍ່ສູ້ຝູງໃຫຍ່ນີ້ໃນນາມຊື່ຂອງພະອົງ.”—15 ທະຫານເອທິໂອເປຍມີຫຼາຍກວ່າທະຫານຂອງອາຊາ 2 ເທົ່າ ແຕ່ອາຊາຮູ້ວ່າພະເຢໂຫວາມີລິດເດດແລະສາມາດຊ່ອຍປະຊາຊົນຂອງເພິ່ນໄດ້. ອາຊາບໍ່ໄດ້ຜິດຫວັງເລີຍເພາະພະເຢໂຫວາໄດ້ຊ່ອຍປະຊາຊົນຂອງເພິ່ນໂດຍໃຫ້ພວກຢູດາເອົາຊະນະພວກເອທິໂອເປຍ.—2 ຂ່າວ. 14:8-13
16. ເຮົາຮູ້ໄດ້ແນວໃດວ່າເວລາທີ່ສະຫງົບສຸກຈະຈົບລົງ?
16 ເຮົາບໍ່ຮູ້ແທ້ໆວ່າຈະເກີດຫຍັງຂຶ້ນກັບເຮົາແຕ່ລະຄົນໃນອະນາຄົດ ແຕ່ສິ່ງທີ່ເຮົາຮູ້ແນ່ນອນກໍຄື ຄວາມສະຫງົບສຸກທີ່ຜູ້ຮັບໃຊ້ຂອງພະເຢໂຫວາມີໃນຕອນນີ້ຈະຈົບລົງ. ທີ່ຈິງພະເຢຊູໄດ້ບອກລ່ວງໜ້າວ່າໃນສະໄໝສຸດທ້າຍ “ທຸກປະເທດຈະກຽດຊັງ” ພວກລູກສິດຂອງເພິ່ນ. (ມທ. 24:9) ອັກຄະສາວົກໂປໂລເວົ້າຄ້າຍໆກັນວ່າ “ທຸກຄົນທີ່ຕັ້ງໃຈໃຊ້ຊີວິດດ້ວຍຄວາມເຫຼື້ອມໃສພະເຈົ້າແລະເປັນລູກສິດຂອງພະຄລິດເຢຊູກໍຈະຖືກຂົ່ມເຫງ.” (2 ຕມ. 3:12) ຊາຕານກຳລັງໃຈຮ້າຍຫຼາຍ ແລະບໍ່ຊ້າກໍໄວພວກເຮົາຈະເຈິກັບຄວາມຄຽດຮ້າຍຂອງມັນ.—ພນມ. 12:12
17. ຄວາມເຊື່ອຂອງເຮົາອາດຖືກພິສູດແນວໃດ?
17 ອີກບໍ່ດົນ ພວກເຮົາທຸກຄົນຈະຕ້ອງພິສູດຄວາມເຊື່ອຂອງໂຕເອງ ເພາະເຮົາຈະເຈິກັບ “ຄວາມທຸກລຳບາກຄັ້ງໃຫຍ່ແບບທີ່ບໍ່ເຄີຍເກີດຂຶ້ນນັບຕັ້ງແຕ່ມີໂລກມາຈົນເຖິງດຽວນີ້.” (ມທ. 24:21) ໃນຕອນນັ້ນຄົນໃນຄອບຄົວອາດຈະຕໍ່ຕ້ານເຮົາແລະວຽກປະກາດອາດຈະຖືກສັ່ງຫ້າມ. (ມທ. 10:35, 36) ເຮົາຈະເປັນຄືກັບອາຊາບໍທີ່ໄວ້ວາງໃຈວ່າພະເຢໂຫວາຈະຊ່ອຍແລະປົກປ້ອງເຮົາ?
18. ຕາມເຮັບເຣີ 10:38-39 ສິ່ງໃດຈະຊ່ອຍເຮົາໃຫ້ກຽມພ້ອມເມື່ອເວລາທີ່ສະຫງົບສຸກຈົບລົງ?
18 ພະເຢໂຫວາກຳລັງກຽມເຮົາໄວ້ໃນຕອນນີ້ເພື່ອເຮົາຈະມີຄວາມເຊື່ອທີ່ເຂັ້ມແຂງ. ເພິ່ນກຳລັງໃຊ້ “ທາດທີ່ສັດຊື່ແລະສຸຂຸມ” ໃຫ້ແຈກຢາຍອາຫານຕາມເວລາທີ່ເໝາະສົມເພື່ອເຮົາຈະມີທຸກຢ່າງທີ່ຈຳເປັນໃນການຮັກສາຄວາມເຊື່ອໃຫ້ເຂັ້ມແຂງ. (ມທ. 24:45) ແຕ່ເຮົາ ຕ້ອງເຮັດສ່ວນຂອງເຮົາເພື່ອຈະມີຄວາມເຊື່ອທີ່ເຂັ້ມແຂງ.—ອ່ານເຮັບເຣີ 10:38-39
19-20. ຫຼັງຈາກອ່ານ 1 ຂ່າວຄາວ 28:9 ເຮົາຄວນຖາມໂຕເອງແນວໃດ ແລະເປັນຫຍັງຈຶ່ງຖາມແບບນັ້ນ?
19 ຄືກັບກະສັດອາຊາ ເຮົາຕ້ອງ “ຊອກຫາພະເຢໂຫວາ.” (2 ຂ່າວ. 14:4; 15:1, 2) ເຮົາເລີ່ມຊອກຫາພະເຢໂຫວາເມື່ອເຮົາຮຽນຮູ້ກ່ຽວກັບເພິ່ນແລະຈາກນັ້ນກໍຮັບບັບເຕມາ. ຫຼັງຈາກນັ້ນ ເຮົາຕ້ອງເຮັດທຸກສິ່ງທີ່ເຮັດໄດ້ຕໍ່ໆໄປເພື່ອເຮັດໃຫ້ຄວາມຮັກທີ່ເຮົາມີຕໍ່ພະເຢໂຫວາເຂັ້ມແຂງຂຶ້ນ. ເພື່ອເບິ່ງວ່າເຮົາກຳລັງເຮັດສິ່ງນີ້ຫຼືບໍ່ ໃຫ້ຖາມໂຕເອງວ່າ ‘ຂ້ອຍເຂົ້າຮ່ວມການປະຊຸມເປັນປະຈຳບໍ?’ ຢູ່ການປະຊຸມເຮົາໄດ້ຮັບກຳລັງທີ່ຈະຮັບໃຊ້ພະເຢໂຫວາຕໍ່ໆໄປແລະຍັງໄດ້ຮັບກຳລັງໃຈຈາກພີ່ນ້ອງນຳອີກ. (ມທ. 11:28) ນອກຈາກນັ້ນ ເຮົາອາດຖາມໂຕເອງວ່າ ‘ຂ້ອຍອ່ານຄຳພີໄບເບິນທຸກໆມື້ບໍ?’ ຖ້າເຈົ້າຢູ່ກັບຄອບຄົວ ເຈົ້າຈັດເວລາໄວ້ໃນແຕ່ລະອາທິດເພື່ອສຶກສາປະຈຳຄອບຄົວບໍ? ຫຼືຖ້າເຈົ້າຢູ່ຜູ້ດຽວ ເຈົ້າຈັດເວລາໄວ້ເພື່ອສຶກສາຄົ້ນຄວ້າສ່ວນຕົວບໍ? ນອກຈາກນັ້ນ ເຈົ້າເຮັດສຸດຄວາມສາມາດບໍເພື່ອປະກາດແລະສອນຄົນອື່ນໃຫ້ຮູ້ເລື່ອງພະເຢໂຫວາ?’
20 ເປັນຫຍັງເຮົາຄວນຖາມໂຕເອງກ່ຽວກັບຄຳຖາມເຫຼົ່ານີ້? ຄຳພີໄບເບິນບອກວ່າ ພະເຢໂຫວາກວດເບິ່ງຫົວໃຈແລະຄວາມຄິດ. ດັ່ງນັ້ນ ເຮົາກໍຢາກເຮັດແບບດຽວກັນເພື່ອຈະແນ່ໃຈວ່າສິ່ງທີ່ເຮົາຄິດແລະສິ່ງທີ່ຢູ່ໃນຫົວໃຈເຮົາເປັນສິ່ງທີ່ພະເຢໂຫວາພໍໃຈ. (ອ່ານ 1 ຂ່າວຄາວ 28:9) ຖ້າເຮົາເຫັນວ່າເຮົາຈຳເປັນຕ້ອງປ່ຽນແປງເປົ້າໝາຍ ຄວາມຄິດ ຫຼືຄວາມຮູ້ສຶກຂອງເຮົາ ເຮົາຄວນຂໍໃຫ້ພະເຢໂຫວາຊ່ອຍໃນເລື່ອງນີ້. ຕອນນີ້ເປັນເວລາທີ່ເຮົາຈະກຽມຕົວໃຫ້ພ້ອມສຳລັບບັນຫາຕ່າງໆທີ່ຈະເກີດຂຶ້ນໃນອະນາຄົດ. ຢ່າຍອມໃຫ້ສິ່ງໃດມາຂັດຂວາງເຈົ້າໄວ້ຈາກການໃຊ້ປະໂຫຍດຈາກເວລາທີ່ຍັງສະຫງົບສຸກຢູ່!
ເພງ 62 ເພງໃໝ່
^ ຂໍ້ 5 ເຈົ້າຢູ່ໃນປະເທດທີ່ສາມາດປະກາດໄດ້ຢ່າງເສລີແລະບໍ່ມີຫຍັງຂັດຂວາງບໍ? ຖ້າແມ່ນ ເຈົ້າກຳລັງໃຊ້ປະໂຫຍດແນວໃດຈາກເວລາທີ່ສະຫງົບສຸກນີ້? ບົດນີ້ຈະຊ່ອຍເຈົ້າໃຫ້ເຫັນວິທີທີ່ຈະຮຽນແບບອາຊາກະສັດຂອງຢູດາແລະຄລິດສະຕຽນໃນຍຸກທຳອິດ. ເຂົາເຈົ້າໄດ້ໃຊ້ປະໂຫຍດຈາກເວລາທີ່ຍັງສະຫງົບສຸກຢູ່.
^ ຂໍ້ 4 2 ຂ່າວຄາວ 14:2, 6, 7 (ລ.ມ.): “ອາຊາເຮັດສິ່ງທີ່ພະເຢໂຫວາພະເຈົ້າຂອງລາວເຫັນວ່າດີແລະຖືກຕ້ອງ. ລາວສ້າງເມືອງທີ່ມີປ້ອມຫຼາຍເມືອງໃນຢູດາ ເພາະແຜ່ນດິນສະຫງົບງຽບບໍ່ມີໃຜມາຮຸກຮານຕະຫຼອດໄລຍະນັ້ນ ເພາະພະເຢໂຫວາຊ່ອຍໃຫ້ລາວມີຄວາມສະຫງົບສຸກ.”
^ ຂໍ້ 57 ຄຳອະທິບາຍຮູບ: ກະສັດອາຊາປົດຍ່າຂອງລາວອອກຈາກຕຳແໜ່ງທີ່ສຳຄັນຍ້ອນຍ່າຂອງລາວສົ່ງເສີມການນະມັດສະການປອມ. ຜູ້ທີ່ພັກດີເຊິ່ງຢູ່ຝ່າຍອາຊາເຮັດຕາມຕົວຢ່າງຂອງລາວແລະໄດ້ທຳລາຍຮູບບູຊາ.
^ ຂໍ້ 59 ຄຳອະທິບາຍຮູບ: ຜົວເມຍຄູ່ໜຶ່ງປັບຊີວິດຂອງເຂົາເຈົ້າໃຫ້ຮຽບງ່າຍເພື່ອຈະສາມາດຮັບໃຊ້ໃນບ່ອນທີ່ຕ້ອງການຜູ້ປະກາດຫຼາຍກວ່າ.