ບົດຄວາມສຶກສາທີ 41
ເຮົາຮັບໃຊ້ພະເຈົ້າທີ່ ‘ມີຄວາມເມດຕາລົ້ນເຫຼືອ’
“ພະເຢໂຫວາດີຕໍ່ທຸກຊີວິດ ຄວາມເມດຕາຂອງພະອົງເຫັນໄດ້ຈາກທຸກສິ່ງທີ່ພະອົງສ້າງ.”—ເພງ. 145:9, ລ.ມ.
ເພງ 44 ຄຳອະທິດຖານຂອງຄົນທຸກໃຈ
ໃຈຄວາມສຳຄັນ *
1. ຄົນເມດຕາເປັນຄົນແບບໃດ?
ຄົນເມດຕາເປັນຄົນທີ່ໃຈດີ ເຫັນອົກເຫັນໃຈຄົນອື່ນ ແລະເປັນຄົນໃຈກວ້າງ. ເມື່ອເວົ້າເຖິງເລື່ອງຄວາມເມດຕາ ເຮົາອາດຈະຄິດເຖິງຜູ້ຊາຍຄົນຊາມາເຣຍທີ່ຢູ່ໃນຕົວຢ່າງປຽບທຽບຂອງພະເຢຊູ. ຍ້ອນຄົນຊາມາເຣຍ “ຮູ້ສຶກອີ່ຕົນ” ຄົນຢິວທີ່ຖືກໂຈນປຸ້ນ ຖືກຕີ ແລະບາດເຈັບ ລາວຈຶ່ງໄດ້ “ຊ່ວຍເຫຼືອ” ຄົນຢິວນັ້ນ. (ລກ. 10:29-37) ຕົວຢ່າງນີ້ສະແດງໃຫ້ເຫັນວ່າ ຄວາມເມດຕາເປັນຄຸນລັກສະນະທີ່ສຳຄັນຂອງພະເຢໂຫວາເຊິ່ງຄຸນລັກສະນະນີ້ກໍເປັນສ່ວນໜຶ່ງຂອງຄວາມຮັກ ແລະເພິ່ນກໍໄດ້ສະແດງຄວາມຮັກຕໍ່ເຮົາຈາກວິທີທີ່ເພິ່ນປະຕິບັດກັບເຮົາ.
2. ຄົນເມດຕາຍັງເປັນຄົນແບບໃດອີກ?
2 ຄົນເມດຕາຍັງເປັນຄົນທີ່ບໍ່ໄດ້ລົງໂທດຄົນອື່ນເມື່ອມີເຫດຜົນ. ພະເຢໂຫວາກໍໄດ້ສະແດງຄວາມເມດຕາຕໍ່ເຮົາແທ້ໆ ເພາະຜູ້ຂຽນຄຳເພງບອກວ່າ: “ພະອົງບໍ່ລົງໂທດພວກເຮົາໃຫ້ສົມກັບບາບຂອງພວກເຮົາ.” (ເພງ. 103:10, ລ.ມ.) ແຕ່ວ່າບາງເທື່ອເພິ່ນກໍໄດ້ສັ່ງສອນຜູ້ທີ່ເຮັດຜິດຮ້າຍແຮງ.
3. ເຮົາຈະຕອບຄຳຖາມຫຍັງແດ່ໃນບົດຄວາມນີ້?
3 ໃນບົດຄວາມນີ້ ເຮົາຈະມາຕອບ 3 ຄຳຖາມຕໍ່ໄປນີ້: ເປັນຫຍັງພະເຢໂຫວາຈຶ່ງສະແດງຄວາມເມດຕາ? ການຕັດສຳພັນເປັນການສະແດງຄວາມເມດຕາບໍ? ແລະເຮົາຈະຮຽນແບບພະເຢໂຫວາໃນການສະແດງຄວາມເມດຕາແນວໃດ? ໃຫ້ເຮົາມາເບິ່ງຄຳຕອບສຳລັບຄຳຖາມເຫຼົ່ານີ້.
ເປັນຫຍັງພະເຢໂຫວາຈຶ່ງສະແດງຄວາມເມດຕາ?
4. ເປັນຫຍັງພະເຢໂຫວາຈຶ່ງສະແດງຄວາມເມດຕາ?
4 ພະເຢໂຫວາສະແດງຄວາມເມດຕາຍ້ອນຄວາມຮັກ. ໂປໂລບອກວ່າອຟຊ. 2:4-7) ແຕ່ພະເຢໂຫວາບໍ່ໄດ້ສະແດງຄວາມເມດຕາຕໍ່ຜູ້ຖືກເຈີມເທົ່ານັ້ນ ເພາະດາວິດບອກວ່າ: “ພະເຢໂຫວາດີຕໍ່ທຸກຊີວິດ ຄວາມເມດຕາຂອງພະອົງເຫັນໄດ້ຈາກທຸກສິ່ງທີ່ພະອົງສ້າງ.” (ເພງ. 145:9, ລ.ມ.) ດັ່ງນັ້ນ ຍ້ອນພະເຢໂຫວາຮັກເຮົາ ເພິ່ນຈຶ່ງໄດ້ສະແດງຄວາມເມດຕາຕໍ່ເຮົາທຸກຄົນ.
ພະເຢໂຫວາ “ມີຄວາມເມດຕາທີ່ລົ້ນເຫຼືອ” ຕໍ່ຜູ້ຖືກເຈີມເພາະເພິ່ນໃຫ້ເຂົາເຈົ້າມີຄວາມຫວັງໃນສະຫວັນ. (5. ເປັນຫຍັງພະເຢຊູຈຶ່ງຮູ້ວ່າພະເຢໂຫວາມີຄວາມເມດຕາ?
5 ພະເຢຊູເປັນຜູ້ທີ່ຮູ້ດີກວ່າໝູ່ວ່າພະເຢໂຫວາມັກສະແດງຄວາມເມດຕາ ເພາະເພິ່ນເຄີຍຢູ່ໃນສະຫວັນກັບພະເຢໂຫວາຫຼາຍພັນປີ. (ສຸພາ. 8:30, 31) ແລະເພິ່ນກໍເຫັນວ່າພະເຢໂຫວາໄດ້ສະແດງຄວາມເມດຕາຕໍ່ມະນຸດທີ່ຜິດບາບຫຼາຍເທື່ອ. (ເພງ. 78:37-42) ດັ່ງນັ້ນ ເມື່ອພະເຢຊູສອນ ເພິ່ນຈຶ່ງມັກຈະເນັ້ນເຖິງຄວາມເມດຕາຂອງພະເຢໂຫວາ.
6. ພະເຢຊູໄດ້ເລົ່າເລື່ອງຫຍັງເຊິ່ງຊ່ວຍເຮົາໃຫ້ເຂົ້າໃຈວ່າພະເຢໂຫວາເມດຕາຫຼາຍແທ້ໆ?
6 ໃນບົດຄວາມກ່ອນ ພະເຢຊູໄດ້ເວົ້າເຖິງຕົວຢ່າງປຽບທຽບເລື່ອງລູກທີ່ຫຼົງຫາຍ ເພື່ອຊ່ວຍເຮົາໃຫ້ເຂົ້າໃຈວ່າພະເຢໂຫວາໄດ້ສະແດງຄວາມເມດຕາຕໍ່ເຮົາຫຼາຍສ່ຳໃດ. ລູກທີ່ຫຼົງຫາຍໄດ້ໜີອອກຈາກບ້ານ “ຈ່າຍເງິນແບບໂລເລ ແລະໃຊ້ຊີວິດແບບເສລີບີຮົ່ວ.” (ລກ. 15:13) ແຕ່ຕໍ່ມາ ລາວກໍຖ່ອມຕົວ ກັບໃຈ ແລະລາວກໍກັບມາບ້ານ. ແລ້ວພໍ່ລາວເຮັດແນວໃດ? ພະຄຳພີບອກວ່າ: ‘ຕອນທີ່ [ລູກ] ຍັງຢູ່ໄກໆ ພໍ່ກໍແນມເຫັນແລະຮູ້ສຶກອີ່ຕົນ ພໍ່ຈຶ່ງແລ່ນໄປຫາ ທັງກອດແລະຈູບລູກ.’ ນີ້ສະແດງວ່າພໍ່ບໍ່ໄດ້ເວົ້າຊ້ຳເຕີມລູກ ແຕ່ລາວໄດ້ຕ້ອນຮັບລູກຢ່າງອົບອຸ່ນແລະໃຫ້ອະໄພລູກຍ້ອນວ່າລູກກັບໃຈແທ້ໆ. ພໍ່ທີ່ຢູ່ໃນຕົວຢ່າງປຽບທຽບນີ້ກໍໝາຍເຖິງພະເຢໂຫວາ. ດັ່ງນັ້ນ ທີ່ພະເຢຊູເລົ່າຕົວຢ່າງປຽບທຽບນີ້ກໍເພື່ອຊ່ວຍເຮົາໃຫ້ເຂົ້າໃຈວ່າ ພະເຢໂຫວາຈະໃຫ້ອະໄພຜູ້ທີ່ກັບໃຈແທ້ໆ.—ລກ. 15:17-24
7. ສະຕິປັນຍາຂອງພະເຢໂຫວາກ່ຽວຂ້ອງກັບຄວາມເມດຕາແນວໃດ?
7 ພະເຢໂຫວາສະແດງຄວາມເມດຕາຍ້ອນເພິ່ນມີສະຕິປັນຍາ. ເປັນຫຍັງຈຶ່ງວ່າແນວນັ້ນ? ກໍຍ້ອນສະຕິປັນຍາຂອງເພິ່ນບໍ່ໄດ້ໝາຍເຖິງແຕ່ຄວາມສະຫຼາດຢ່າງດຽວ. ຢາໂກໂບບອກວ່າ: “ສະຕິປັນຍາ ຈາກທາງເທິງ . . . ເຕັມໄປດ້ວຍຄວາມເມດຕາ ເຮັດໃຫ້ເກີດຜົນດີຫຼາຍຢ່າງ.” (ຢກບ. 3:17) ພະເຢໂຫວາເປັນຄືກັບພໍ່ ເມື່ອລູກເຮັດຜິດພໍ່ກໍຍັງເມດຕາລູກເພາະຮູ້ວ່າຈະເປັນຜົນດີຕໍ່ລູກ ຈະຊ່ວຍລູກໃຫ້ມີຄວາມຫວັງແລະມີກຳລັງໃຈ. (ເພງ. 103:13; ເອຊາ. 49:15) ຄ້າຍຄືກັນ ເມື່ອ ເຮົາເຮັດຜິດພະເຢໂຫວາກໍເມດຕາເຮົາ ຍ້ອນເພິ່ນຮູ້ວ່າມັນຈະເປັນຜົນດີຕໍ່ເຮົາ. ແຕ່ພະເຢໂຫວາກໍສະແດງຄວາມເມດຕາແບບສົມເຫດສົມຜົນ ເພາະຖ້າເຮົາເຮັດຜິດຮ້າຍແຮງເພິ່ນກໍບໍ່ໄດ້ເບິ່ງຂ້າມຄວາມຜິດນັ້ນ.
8. ບາງເທື່ອຕ້ອງເຮັດຫຍັງກັບຜູ້ທີ່ເຮັດຜິດຮ້າຍແຮງແລ້ວບໍ່ກັບໃຈ ແລະຍ້ອນຫຍັງ?
8 ຖ້າສົມມຸດວ່າ ມີຜູ້ໜຶ່ງຕັ້ງໃຈເຮັດຜິດຮ້າຍແຮງແລ້ວບໍ່ກັບໃຈ ເຮົາຈະເຮັດແນວໃດ? ໂປໂລບອກວ່າ: “ໃຫ້ເຊົາຄົບຫາ” ກັບລາວ ເຊິ່ງກໍໝາຍຄວາມວ່າຜູ້ນັ້ນຕ້ອງຖືກຕັດສຳພັນເພື່ອເປັນການປົກປ້ອງພີ່ນ້ອງໃນປະຊາຄົມແລະເປັນການນັບຖືພະເຢໂຫວານຳ. (1 ກຣ. 5:11) ແຕ່ບາງຄົນກໍອາດຈະຄິດວ່າ ການຕັດສຳພັນເປັນການສະແດງເຖິງຄວາມເມດຕາຂອງພະເຢໂຫວາແທ້ໆບໍ? ເພື່ອຈະເຂົ້າໃຈເລື່ອງນີ້ຫຼາຍຂຶ້ນ ໃຫ້ເຮົາມາເບິ່ງນຳກັນໃນຂໍ້ຕໍ່ໄປ.
ການຕັດສຳພັນເປັນການສະແດງຄວາມເມດຕາບໍ?
9-10. ຕາມເຮັບເຣີ 12:5, 6 ເປັນຫຍັງເຮົາຈຶ່ງເວົ້າໄດ້ວ່າການຕັດສຳພັນເປັນການສະແດງເຖິງຄວາມເມດຕາ? ຂໍໃຫ້ຍົກຕົວຢ່າງ.
9 ເມື່ອເຮົາໄດ້ຍິນຄຳປະກາດວ່າ ຄົນທີ່ເຮົາຮັກ “ບໍ່ໄດ້ເປັນພະຍານພະເຢໂຫວາອີກຕໍ່ໄປ” ເຮົາກໍຈະຮູ້ສຶກເສຍໃຈແລະອາດຈະຄິດວ່າການຕັດສຳພັນເປັນການສະແດງເຖິງຄວາມເມດຕາແທ້ບໍ? ແມ່ນ. ນີ້ເປັນການສະແດງຄວາມເມດຕາແລະຄວາມຮັກແທ້ ຍ້ອນມັນເປັນວິທີທີ່ດີທີ່ສຸດທີ່ຈະຊ່ວຍຜູ້ທີ່ເຮັດຜິດແລ້ວບໍ່ກັບໃຈໃຫ້ປ່ຽນແປງຕົວເອງ. (ສຸພາ. 13:24) ຫຼາຍຄົນທີ່ເຄີຍຖືກຕັດສຳພັນກໍບອກວ່າ ການຕັດສຳພັນຊ່ວຍເຂົາເຈົ້າໃຫ້ສຳນຶກໂຕໄດ້ ຢາກປ່ຽນແປງຕົວເອງ ແລະຢາກກັບມາຫາພະເຢໂຫວາ.—ອ່ານເຮັບເຣີ 12:5, 6
10 ໃຫ້ເຮົາມາເບິ່ງຕົວຢ່າງໜຶ່ງທີ່ສະແດງໃຫ້ເຫັນວ່າ ການຕັດສຳພັນສະແດງເຖິງຄວາມເມດຕາແລະສະຕິປັນຍາ. ສົມມຸດວ່າຜູ້ລ້ຽງແກະເຫັນແກະໂຕໜຶ່ງບໍ່ສະບາຍ ແລະລາວກໍແຍກແກະໂຕນັ້ນອອກຈາກຝູງ. ເນື່ອງຈາກແກະເປັນສັດທີ່ມັກຢູ່ນຳໝູ່ ດັ່ງນັ້ນ ມັນອາດຈະຮູ້ສຶກເສຍໃຈທີ່ຖືກແຍກອອກໄປ. ແຕ່ການທີ່ຜູ້ລ້ຽງແກະເຮັດແບບນີ້ສະແດງວ່າລາວບໍ່ໄດ້ຮັກແລະບໍ່ໄດ້ເມດຕາແກະບໍ? ບໍ່. ເພາະຜູ້ລ້ຽງແກະຮູ້ວ່າ ຖ້າບໍ່ໄດ້ແຍກແກະທີ່ບໍ່ສະບາຍອອກຈາກຝູງ ແກະໂຕອື່ນອາດຈະບໍ່ສະບາຍໄປນຳ. ດັ່ງນັ້ນ ການເຮັດແບບນີ້ກໍຈະເປັນການປົກປ້ອງແກະທັງໝົດທີ່ຢູ່ໃນຝູງ.—ສົມທຽບກັບພວກເລວີ 13:3, 4
11. (ກ) ຜູ້ທີ່ຖືກຕັດສຳພັນປຽບຄືກັບແກະທີ່ບໍ່ສະບາຍແນວໃດ? (ຂ) ມີຫຍັງແດ່ທີ່ຈະຊ່ວຍຜູ້ທີ່ຖືກຕັດສຳພັນໃຫ້ກັບມາເປັນພະຍານພະເຢໂຫວາໄດ້ອີກ?
11 ຜູ້ທີ່ຖືກຕັດສຳພັນກໍປຽບຄືກັບແກະທີ່ບໍ່ສະບາຍ ເພາະລາວມີບັນຫາທາງດ້ານຄວາມເຊື່ອແລະຕ້ອງໄດ້ແຍກອອກຈາກພີ່ນ້ອງໃນປະຊາຄົມເພື່ອລາວຈະບໍ່ສົ່ງຜົນທີ່ບໍ່ດີຕໍ່ພີ່ນ້ອງ. (ຢກບ. 5:14) ການເຮັດແບບນີ້ເປັນການສະແດງຄວາມຮັກຕໍ່ທຸກຄົນ ເພາະມັນຈະຊ່ວຍປົກປ້ອງພີ່ນ້ອງໃນປະຊາຄົມແລະຊ່ວຍຕົວລາວເອງໃຫ້ສຳນຶກໄດ້ແລະຢາກກັບໃຈ. ລາວຍັງມີໂອກາດທີ່ຈະມາປະຊຸມ ອ່ານໜັງສືຕ່າງໆຂອງອົງການ ແລະເບິ່ງລາຍການໂທລະທັດ JW ເພື່ອຈະມີຄວາມເຊື່ອທີ່ເຂັ້ມແຂງຂຶ້ນ. ຜູ້ດູແລຍັງຈະໃຫ້ຄຳແນະນຳລາວເລັກໆນ້ອຍໆ ແລະເມື່ອເຂົາເຈົ້າເຫັນວ່າລາວກັບໃຈແທ້ໆ ເຂົາເຈົ້າກໍຈະຊ່ວຍລາວໃຫ້ກັບມາເປັນພະຍານພະເຢໂຫວາໄດ້ອີກເທື່ອໜຶ່ງ. *
12. ຜູ້ດູແລຈະເຮັດຫຍັງກັບຜູ້ທີ່ເຮັດຜິດແລ້ວບໍ່ກັບໃຈ ເຊິ່ງເປັນການສະແດງຄວາມຮັກແລະຄວາມເມດຕາ?
12 ເປັນເລື່ອງສຳຄັນທີ່ຈະຈື່ໄວ້ວ່າ ສະເພາະຜູ້ທີ່ເຮັດຢເຣ. 30:11, ລ.ມ.) ດັ່ງນັ້ນ ຜູ້ດູແລຕ້ອງຄິດຮອບຄອບກ່ອນທີ່ຈະຕັດສຳພັນຜູ້ໃດຜູ້ໜຶ່ງ ແລະທີ່ເຂົາເຈົ້າຕ້ອງຕັດສຳພັນຜູ້ທີ່ເຮັດຜິດແລ້ວບໍ່ກັບໃຈກໍຍ້ອນວ່າຜູ້ດູແລຮັກແລະເມດຕາຜູ້ນັ້ນ ແລະຢາກປົກປ້ອງພີ່ນ້ອງໃນປະຊາຄົມນຳ.
ຜິດແລ້ວບໍ່ກັບໃຈຈຶ່ງຈະຖືກຕັດສຳພັນ. ເປັນຫຍັງຜູ້ດູແລຄວນຄິດເຖິງເລື່ອງນີ້ເປັນພິເສດ? ກໍຍ້ອນວ່າພະເຢໂຫວາເປັນຜູ້ທີ່ສັ່ງສອນ “ຕາມສົມຄວນ” ແລະເພິ່ນກໍຢາກໃຫ້ເຂົາເຈົ້າເຮັດແບບນີ້ຄືກັນ. (13. ເປັນຫຍັງຈຶ່ງຕັດສຳພັນຜູ້ຊາຍຄົນໜຶ່ງໃນເມືອງໂກຣິນໂທ?
13 ໃຫ້ເຮົາມາເບິ່ງວ່າ ໃນສະຕະວັດທຳອິດໂປໂລໄດ້ເຮັດແນວໃດກັບຜູ້ທີ່ເຮັດຜິດຮ້າຍແຮງແລ້ວບໍ່ກັບໃຈ. ມີຜູ້ຊາຍຄົນໜຶ່ງໃນເມືອງໂກຣິນໂທໄດ້ເຮັດຜິດສິນລະທຳທາງເພດກັບເມຍຂອງພໍ່ ເຊິ່ງນີ້ເປັນການເຮັດຜິດຮ້າຍແຮງແທ້ໆ ເພາະພະເຢໂຫວາເຄີຍໃຫ້ກົດໝາຍກັບຊາວອິດສະຣາເອນໃນສະໄໝບູຮານວ່າ: “ຖ້າໃຜມີເພດສຳພັນກັບເມຍຂອງພໍ່ ກໍເຮັດໃຫ້ພໍ່ຂອງຕົວເອງອັບອາຍ. ທັງສອງຄົນທີ່ເຮັດຜິດຈະຕ້ອງຖືກປະຫານຊີວິດ.” (ເລວີ. 20:11, ລ.ມ.) ເຖິງວ່າໂປໂລຈະບໍ່ໄດ້ສັ່ງໃຫ້ປະຫານຊີວິດຜູ້ຊາຍທີ່ເຮັດຜິດ ແຕ່ລາວກໍສັ່ງໃຫ້ຕັດສຳພັນຜູ້ຊາຍຄົນນັ້ນ ເພາະການກະທຳຂອງຜູ້ຊາຍຄົນນັ້ນໄດ້ສົ່ງຜົນກະທົບທີ່ບໍ່ດີຕໍ່ພີ່ນ້ອງໃນປະຊາຄົມ ເຖິງຂັ້ນເຮັດໃຫ້ບາງຄົນຄິດວ່າ ການກະທຳແບບນັ້ນບໍ່ໄດ້ເປັນເລື່ອງທີ່ໜ້າອາຍແລະບໍ່ໄດ້ເປັນການເຮັດຜິດຮ້າຍແຮງ.—1 ກຣ. 5:1, 2, 13
14. ໂປໂລສະແດງຄວາມເມດຕາຕໍ່ຜູ້ທີ່ຖືກຕັດສຳພັນແນວໃດ ແລະຍ້ອນຫຍັງ? (2 ໂກຣິນໂທ 2:5-8, 11)
14 ເມື່ອເວລາຜ່ານໄປ ໂປໂລໄດ້ຮູ້ວ່າຜູ້ທີ່ເຮັດຜິດຮ້າຍແຮງກັບໃຈແທ້ໆ. ເຖິງວ່າຜູ້ນັ້ນຈະເຮັດໃຫ້ປະຊາຄົມອັບອາຍຫຼາຍປານໃດກໍຕາມ ແຕ່ໂປໂລກໍບອກຜູ້ດູແລວ່າ: “ຂ້ອຍບໍ່ຢາກເວົ້າຫຼາຍເກີນໄປກ່ຽວກັບສິ່ງທີ່ລາວເຮັດ” ແລະແນະນຳໃຫ້ຜູ້ດູແລ “ໃຫ້ອະໄພແລະປອບໃຈລາວ . . . ເພື່ອລາວຈະບໍ່ຈົມຢູ່ກັບຄວາມໂສກເສົ້າຫຼາຍເກີນໄປ.” ເຮົາເຫັນໄດ້ວ່າໂປໂລສະແດງຄວາມເມດຕາຕໍ່ຜູ້ຊາຍຄົນນັ້ນ ແລະບໍ່ຢາກໃຫ້ລາວຮູ້ສຶກຜິດຫຼາຍເກີນໄປຈົນເຊົາເຮັດດີແລະບໍ່ພະຍາຍາມກັບມາຫາພີ່ນ້ອງໃນປະຊາຄົມ.—ອ່ານ 2 ໂກຣິນໂທ 2:5-8, 11
15. ຜູ້ດູແລຈະສະແດງຄວາມເມດຕາແບບສົມເຫດສົມຜົນແນວໃດ?
15 ຜູ້ດູແລຈະຮຽນແບບພະເຢໂຫວາໃນການສະແດງຄວາມເມດຕາໂດຍເຮັດແບບສົມເຫດສົມຜົນ. ເຂົາເຈົ້າຕ້ອງສະແດງຄວາມເມດຕາເທົ່າທີ່ເປັນໄປໄດ້ ແຕ່
ກໍຕ້ອງເຮັດແບບເຄັ່ງຄັດເມື່ອຈຳເປັນ ເພາະຖ້າບໍ່ເຮັດແບບນີ້ມັນຈະສົ່ງຜົນເສຍຕໍ່ທຸກຄົນໃນປະຊາຄົມ. ແລ້ວມີແຕ່ຜູ້ດູແລເທົ່ານັ້ນບໍທີ່ຈະສະແດງຄວາມເມດຕາ?ສິ່ງໃດຈະຊ່ວຍເຮົາໃຫ້ສະແດງຄວາມເມດຕາ?
16. ຕາມສຸພາສິດ 21:13 ພະເຢໂຫວາຈະເຮັດແນວໃດກັບຜູ້ທີ່ບໍ່ເມດຕາຄົນອື່ນ?
16 ເຮົາທຸກຄົນຢາກຮຽນແບບພະເຢໂຫວາໃນການສະແດງຄວາມເມດຕາ ເພາະຖ້າເຮົາບໍ່ເຮັດແບບນັ້ນພະເຢໂຫວາຈະບໍ່ຟັງຄຳອະທິດຖານຂອງເຮົາ. (ອ່ານສຸພາສິດ 21:13) ດັ່ງນັ້ນ ເພື່ອພະເຢໂຫວາຈະຟັງຄຳອະທິດຖານຂອງເຮົາ ເຮົາກໍຕ້ອງສະແດງຄວາມເມດຕາຕໍ່ຄົນອື່ນໂດຍຟັງພີ່ນ້ອງທີ່ທຸກໃຈລະບາຍຄວາມຮູ້ສຶກແລະຟັງ “ສຽງຮ້ອງຂໍຄວາມຊ່ວຍເຫຼືອຂອງຄົນທີ່ຕ່ຳຕ້ອຍ.” ນອກຈາກນັ້ນ ຄຳພີໄບເບິນຍັງບອກວ່າ: “ຄົນທີ່ບໍ່ເມດຕາຈະຖືກຕັດສິນແບບບໍ່ມີຄວາມເມດຕາ.” (ຢກບ. 2:13) ດັ່ງນັ້ນ ຖ້າເຮົາຢາກໄດ້ ຄວາມເມດຕາຈາກຄົນອື່ນ ເຮົາກໍຕ້ອງສະແດງ ຄວາມເມດຕາຕໍ່ຄົນອື່ນຄືກັນ ແລະຜູ້ທີ່ເຮົາຄວນຈະສະແດງຄວາມເມດຕາເປັນພິເສດກໍຄືຜູ້ທີ່ກັບມາເປັນພະຍານພະເຢໂຫວາອີກ.
17. ກະສັດດາວິດສະແດງຄວາມເມດຕາແນວໃດ?
17 ໃນຄຳພີໄບເບິນມີຕົວຢ່າງຂອງຫຼາຍຄົນທີ່ຊ່ວຍເຮົາໃຫ້ເຂົ້າໃຈວ່າການສະແດງຄວາມເມດຕາແລະບໍ່ສະແດງຄວາມເມດຕາເປັນແນວໃດ. ຕົວຢ່າງເຊັ່ນ: ເລື່ອງຂອງກະສັດດາວິດ ເຖິງວ່າກະສັດຊາອູນຈະພະຍາຍາມຂ້າດາວິດຕັ້ງຫຼາຍເທື່ອ ແຕ່ດາວິດກໍສະແດງຄວາມເມດຕາຕໍ່ຊາອູນໂດຍບໍ່ຄິດແກ້ແຄ້ນ ຍ້ອນລາວຮູ້ວ່າຊາອູນເປັນຜູ້ທີ່ພະເຢໂຫວາແຕ່ງຕັ້ງ.—1 ຊາມ. 24:9-12, 18, 19
18-19. ມີຕອນໃດແດ່ທີ່ດາວິດບໍ່ໄດ້ສະແດງຄວາມເມດຕາ?
18 ແຕ່ດາວິດກໍບໍ່ໄດ້ສະແດງຄວາມເມດຕາທຸກເທື່ອ. ຕົວຢ່າງເຊັ່ນ: ຕອນທີ່ນາບານເວົ້າດູຖູກດາວິດແລະທະຫານຂອງລາວ. ດາວິດກໍໃຈຂຶ້ນຫຼາຍແລະຢາກຈະຂ້າທັງນາບານແລະຜູ້ຊາຍທຸກຄົນທີ່ຢູ່ໃນເຮືອນລາວໃຫ້ໝົດ. ແຕ່ອາບີຄາລີເມຍນາບານກໍມາຫ້າມດາວິດໄວ້ທັນເພື່ອບໍ່ໃຫ້ດາວິດເຮັດຜິດຮ້າຍແຮງ.—1 ຊາມ. 25:9-22, 32-35
19 ຍັງມີອີກເທື່ອໜຶ່ງທີ່ດາວິດບໍ່ໄດ້ສະແດງຄວາມເມດຕາ. ຕົວຢ່າງເຊັ່ນ: ເມື່ອນາທານເລົ່າເລື່ອງຄົນລວຍລັກແກະຂອງຄົນທຸກຍາກ ດາວິດກໍໃຈຂຶ້ນແລະບອກວ່າ: “ເຮົາສາບານຕໍ່ພະເຢໂຫວາຜູ້ມີຊີວິດຢູ່ວ່າ ຜູ້ຊາຍຄົນນີ້ຕ້ອງຕາຍ!” (2 ຊາມ. 12:1-6, ລ.ມ.) ນີ້ເປັນການຕັດສິນທີ່ໂຫດຮ້າຍແທ້ໆ ເພາະດາວິດກໍຮູ້ຈັກກົດໝາຍຂອງພະເຢໂຫວາດີຢູ່ແລ້ວວ່າ ຖ້າຜູ້ໃດລັກເຄື່ອງຂອງຄົນອື່ນຈະຕ້ອງໄດ້ສົ່ງຄືນ 4 ເທົ່າ ບໍ່ແມ່ນຖືກປະຫານຊີວິດ. (ອົບ. 22:1) ແລ້ວທີ່ນາທານເລົ່າຕົວຢ່າງປຽບທຽບແບບນີ້ກໍເພື່ອຢາກໃຫ້ດາວິດເຫັນວ່າສິ່ງທີ່ລາວເຮັດມັນເປັນການເຮັດຜິດຮ້າຍແຮງ. ຈາກເລື່ອງນີ້ເຮົາເຫັນວ່າ ພະເຢໂຫວາສະແດງຄວາມເມດຕາຕໍ່ດາວິດຫຼາຍກວ່າທີ່ດາວິດສະແດງຄວາມເມດຕາຕໍ່ຜູ້ຊາຍທີ່ລັກແກະໃນຕົວຢ່າງປຽບທຽບຂອງນາທານ.—2 ຊາມ. 12:7-13
20. ເຮົາໄດ້ບົດຮຽນຫຍັງຈາກເລື່ອງຂອງດາວິດ?
ມທ. 7:1, 2) ດັ່ງນັ້ນ ຂໍໃຫ້ເຮົາທຸກຄົນຢ່າຕັດສິນຄົນອື່ນແບບໂຫດຮ້າຍ ແຕ່ໃຫ້ເຮົາມີ “ຄວາມເມດຕາທີ່ລົ້ນເຫຼືອ” ຄືກັບພະເຢໂຫວາ.
20 ເຮົາສັງເກດເຫັນວ່າຕອນທີ່ດາວິດໃຈຮ້າຍ ລາວໄດ້ຕັດສິນໃຈວ່າຈະຂ້ານາບານແລະຜູ້ຊາຍທຸກຄົນທີ່ຢູ່ໃນຄອບຄົວຂອງນາບານ ແລະກໍຍັງໄດ້ຕັດສິນປະຫານຊີວິດຜູ້ຊາຍທີ່ຢູ່ໃນຕົວຢ່າງປຽບທຽບຂອງນາທານ. ແລ້ວເປັນຫຍັງເລື່ອງລັກແກະຊື່ໆ ດາວິດທີ່ເປັນຄົນໃຈດີຄືຕັດສິນໂຫດຮ້າຍແບບນີ້? ກໍຍ້ອນວ່າຕອນນັ້ນລາວກະວົນກະວາຍໃຈຍ້ອນລາວໄປເຮັດຜິດມາ. ເຫັນບໍວ່າ ຖ້າເຮົາຕັດສິນຄົນອື່ນແບບໂຫດຮ້າຍ ກໍສະແດງວ່າຕອນນັ້ນເຮົາກຳລັງມີບັນຫາທາງດ້ານຄວາມເຊື່ອ. ພະເຢຊູຈຶ່ງບອກເຮົາວ່າ: “ໃຫ້ເຊົາຕັດສິນຄົນອື່ນ ເພື່ອພະເຈົ້າຈະບໍ່ຕັດສິນພວກເຈົ້າ ເພາະພວກເຈົ້າຕັດສິນຄົນອື່ນແນວໃດ ພະເຈົ້າກໍຈະຕັດສິນພວກເຈົ້າແນວນັ້ນ.” (21-22. ເຮົາຈະສະແດງຄວາມເມດຕາໂດຍເຮັດຫຍັງແດ່?
21 ຄວາມເມດຕາບໍ່ໄດ້ເປັນພຽງແຕ່ຄວາມຮູ້ສຶກຊື່ໆ ແຕ່ເປັນການທີ່ເຮົາ “ລົງມືຊ່ວຍເຫຼືອຄົນອື່ນດ້ວຍຄວາມເຫັນອົກເຫັນໃຈ.” ແລ້ວເຮົາຈະສະແດງຄວາມເມດຕາຕໍ່ຄົນອື່ນແນວໃດ? ໃຫ້ເຮົາຄິດເຖິງຄົນ 3 ກຸ່ມນີ້: (1) ຄົນໃນຄອບຄົວ (2) ພີ່ນ້ອງໃນປະຊາຄົມ (3) ຄົນໃນສັງຄົມ. ຈາກນັ້ນໃຫ້ເຮົາຖາມຕົວເອງວ່າ ມີໃຜບໍທີ່ຕ້ອງການກຳລັງໃຈ? ມີໃຜບໍທີ່ຕ້ອງການຄວາມຊ່ວຍເຫຼືອ ເຊັ່ນ ເລື່ອງອາຫານການກິນແລະສິ່ງຈຳເປັນອື່ນໆ? ເຮົາຈະໃຫ້ກຳລັງໃຈຜູ້ທີ່ກັບມາເປັນພີ່ນ້ອງຂອງເຮົາໄດ້ບໍ? ແລະມີໃຜແດ່ທີ່ເຮົາຈະປະກາດຂ່າວດີນຳໄດ້? ເພາະວ່າການປະກາດຂ່າວດີເປັນວິທີທີ່ດີທີ່ສຸດທີ່ເຮົາຈະສະແດງຄວາມເມດຕາຕໍ່ຄົນອື່ນ.—ໂຢບ 29:12, 13; ຣມ. 10:14, 15; ຢກບ. 1:27
22 ເມື່ອເຮົາສັງເກດເຫັນວ່າຄົນອື່ນຕ້ອງການຄວາມຊ່ວຍເຫຼືອຫຍັງແດ່ ເຮົາກໍແຮ່ງຈະມີໂອກາດທີ່ຈະສະແດງຄວາມເມດຕາໄດ້ ແລະເມື່ອເຮົາເຮັດແບບນີ້ ພະເຢໂຫວາພະເຈົ້າຜູ້ທີ່ມີ ‘ຄວາມເມດຕາລົ້ນເຫຼືອ’ ກໍຈະດີໃຈແລະພໍໃຈເຮົາ!
ເພງ 43 ຄຳອະທິດຖານຂອບໃຈ
^ ຂໍ້ 5 ຄວາມເມດຕາເປັນຄຸນລັກສະນະທີ່ສຳຄັນຂອງພະເຢໂຫວາ ແລະເຮົາທຸກຄົນກໍຢາກຈະຮຽນແບບຄຸນລັກສະນະນີ້. ໃນບົດຄວາມນີ້ ເຮົາຈະມາເບິ່ງວ່າເປັນຫຍັງພະເຢໂຫວາຈຶ່ງສະແດງຄວາມເມດຕາ ການຕັດສຳພັນສະແດງເຖິງຄວາມເມດຕາຂອງພະເຢໂຫວາແນວໃດ ແລະເຮົາຈະຮຽນແບບພະເຢໂຫວາໄດ້ແນວໃດໃນເລື່ອງນີ້.
^ ຂໍ້ 11 ຜູ້ທີ່ກັບມາເປັນພະຍານພະເຢໂຫວາຈະມີສາຍສຳພັນທີ່ດີກັບພະເຢໂຫວາໄດ້ແນວໃດແລະຜູ້ດູແລຈະຊ່ວຍເຂົາເຈົ້າແນວໃດ? ໃຫ້ເບິ່ງບົດຄວາມທີ່ຊື່ວ່າ “ສ້າງສາຍສຳພັນກັບພະເຢໂຫວາໃໝ່” ໃນຫໍສັງເກດການ ສະບັບນີ້.
^ ຂໍ້ 60 ຄຳອະທິບາຍຮູບພາບ: ຕອນທີ່ພໍ່ຢູ່ເທິງດາດຟ້າ ແລ້ວແນມເຫັນລູກກຳລັງເດີນທາງກັບມາບ້ານ. ລາວກໍຮີບແລ່ນລົງມາຕ້ອນຮັບລູກດ້ວຍຄວາມອົບອຸ່ນ.
^ ຂໍ້ 64 ຄຳອະທິບາຍຮູບພາບ: ຍ້ອນກະສັດດາວິດກະວົນກະວາຍໃຈແລະຮູ້ສຶກຜິດ ລາວຈຶ່ງໃຈຂຶ້ນແລະຕັດສິນຜູ້ຊາຍທີ່ຢູ່ໃນຕົວຢ່າງປຽບທຽບຂອງນາທານວ່າ ຜູ້ນັ້ນຕ້ອງຖືກປະຫານຊີວິດ.