ເຈົ້າຈື່ໄດ້ບໍ?
ເຈົ້າໄດ້ອ່ານຫໍສັງເກດການ ຂອງປີນີ້ຢ່າງລະອຽດບໍ? ໃຫ້ເຈົ້າລອງຕອບຄຳຖາມຕໍ່ໄປນີ້:
ເຮົາຄວນປະຕິບັດກັບຜູ້ຖືກເຈີມແນວໃດ?
ເຮົາຮຽນແບບຄວາມເຊື່ອຂອງຜູ້ຖືກເຈີມ ແຕ່ເຮົາບໍ່ຄວນ “ຍ້ອງຍໍ” ແລະໃຫ້ຄວາມສົນໃຈເຂົາເຈົ້າຫຼາຍເກີນໄປ. (ຢດ. 16) ແລະເຮົາຈະບໍ່ຖາມວ່າເຂົາເຈົ້າເປັນຜູ້ຖືກເຈີມໄດ້ແນວໃດ ເພາະນີ້ເປັນເລື່ອງສ່ວນຕົວ.—ຫ20.01 ໜ້າ 29.
ອັນໃດເຮັດໃຫ້ເຈົ້າໝັ້ນໃຈວ່າພະເຢໂຫວາສົນໃຈເຈົ້າເປັນສ່ວນຕົວ?
ຄຳພີໄບເບິນບອກວ່າ ພະເຢໂຫວາສົນໃຈເຈົ້າຕັ້ງແຕ່ເຈົ້າຍັງບໍ່ທັນເກີດ ແລະເພິ່ນຟັງຄຳອະທິດຖານຂອງເຈົ້າ. ເພິ່ນຮູ້ວ່າເຈົ້າຄິດຫຍັງແລະຮູ້ສຶກແນວໃດ ແລະສິ່ງທີ່ເຈົ້າເຮັດກໍສົ່ງຜົນຕໍ່ຄວາມຮູ້ສຶກຂອງເພິ່ນ. (1 ຂ່າວ. 28:9; ສຸພາ. 27:11) ພະເຢໂຫວາເປັນຜູ້ຊັກນຳເຈົ້າໃຫ້ມາຫາເພິ່ນ.—ຫ20.02 ໜ້າ 12.
ຕອນໃດທີ່ເຮົາຄວນເວົ້າແລະຕອນໃດທີ່ເຮົາຄວນມິດງຽບ?
ເຮົາຄວນບອກເລື່ອງພະເຢໂຫວາໃຫ້ຄົນອື່ນຮູ້ ແລະເຮົາຄວນເວົ້າເມື່ອເຫັນວ່າບາງຄົນກຳລັງຈະເຮັດສິ່ງທີ່ບໍ່ຖືກຕ້ອງ. ຜູ້ດູແລຄວນໃຫ້ຄຳແນະນຳເມື່ອຈຳເປັນ. ເຮົາບໍ່ຄວນເວົ້າຫຼືບອກຂໍ້ມູນກ່ຽວກັບວຽກປະກາດໃນປະເທດທີ່ຖືກສັ່ງຫ້າມ ແລະບໍ່ຄວນເວົ້າຄວາມລັບຂອງປະຊາຄົມ.—ຫ20.03 ໜ້າ 20-21.
ຝູງຕັກແຕນໃນໂຢເອນບົດ 2 ຕ່າງຈາກຝູງຕັກແຕນໃນພະນິມິດບົດ 9 ແນວໃດ?
ໂຢເອນ 2:20-29 ບອກວ່າພະເຈົ້າຈະໄລ່ຝູງຕັກແຕນແລະສັນຍາວ່າຈະຊົດໃຊ້ສິ່ງທີ່ພວກມັນທຳລາຍ ຈາກນັ້ນພະອົງຈະໃຫ້ພະລັງບໍລິສຸດ. ເລື່ອງນີ້ເກີດຂຶ້ນແທ້ເມື່ອກອງທັບບາບີໂລນມາໂຈມຕີຊາວອິດສະຣາເອນ. ພະນິມິດ 9:1-11 ບອກວ່າຝູງຕັກແຕນໝາຍເຖິງຜູ້ຖືກເຈີມໃນທຸກມື້ນີ້ທີ່ປະກາດຄຳພິພາກສາຂອງພະເຈົ້າຕໍ່ໂລກຊົ່ວ. ດັ່ງນັ້ນ ຜູ້ທີ່ຢູ່ຝ່າຍໂລກຊົ່ວນີ້ຈຶ່ງຮູ້ສຶກທຸກທໍລະມານ.—ຫ20.04 ໜ້າ 3-6.
ໃຜແມ່ນກະສັດທິດເໜືອໃນປັດຈຸບັນ?
ຣັດເຊຍແລະພັນທະມິດ. ເຂົາເຈົ້າໂຈມຕີປະຊາຊົນຂອງພະເຢໂຫວາໂດຍສັ່ງຫ້າມວຽກປະກາດເຊິ່ງສະແດງໃຫ້ເຫັນວ່າເຂົາເຈົ້າຊັງປະຊາຊົນຂອງພະເຈົ້າ. ກະສັດທິດເໜືອແລະກະສັດທິດໃຕ້ຕໍ່ສູ້ກັນ.—ຫ20.05 ໜ້າ 13.
ຄຸນລັກສະນະຕ່າງໆເຊິ່ງເປັນ “ຜົນທີ່ເກີດຈາກພະລັງຂອງພະເຈົ້າ” ມີແຕ່ຢູ່ໃນຄາລາເຕຍ 5:22, 23 ເທົ່ານັ້ນບໍ?
ບໍ່. ພະລັງຂອງພະເຈົ້າຍັງຊ່ວຍເຮົາໃຫ້ພັດທະນາຄຸນລັກສະນະທີ່ດີຕ່າງໆ ເຊັ່ນ: ຄວາມຖືກຕ້ອງ. (ອຟຊ. 5:8, 9)—ຫ20.06 ໜ້າ 17.
ການໂພດສ໌ຮູບ ວິດີໂອ ແລະຄວາມຄິດຂອງຕົວເອງລົງສື່ສັງຄົມອອນລາຍເປັນອັນຕະລາຍແນວໃດ?
ສິ່ງທີ່ເຈົ້າໂພດສ໌ອາດເຮັດໃຫ້ຄົນອື່ນຄິດວ່າ ເຈົ້າເປັນຄົນອວດຕົວເອງບໍ່ແມ່ນເປັນຄົນຖ່ອມ.—ຫ20.07 ໜ້າ 6-7.
ໃນວຽກປະກາດ ຄລິດສະຕຽນຮຽນຫຍັງໄດ້ຈາກຄົນຫາປາທີ່ຊຳນານ?
ຄົນຫາປາທີ່ຊຳນານຈະເຮັດວຽກໃນໂມງແລະໃນບ່ອນທີ່ຈະຫາປາໄດ້ຫຼາຍທີ່ສຸດ. ເຂົາເຈົ້າຮູ້ຈັກໃຊ້ເຄື່ອງມືທີ່ເໝາະກັບປາ ແລະເຮັດວຽກຢ່າງກ້າຫານໃນສະພາບທີ່ປ່ຽນໄປ. ເຮົາກໍເຮັດແບບນີ້ຄືກັນໃນວຽກປະກາດ.—ຫ20.09 ໜ້າ 5.
ມີວິທີໃດແດ່ທີ່ເຮົາຈະຊ່ອຍນັກສຶກສາໃຫ້ຮັກພະເຢໂຫວາຫຼາຍຂຶ້ນ?
ເຮົາສາມາດກະຕຸ້ນນັກສຶກສາໃຫ້ອ່ານຄຳພີໄບເບິນທຸກໆມື້ ຄິດຕຶກຕອງສິ່ງທີ່ອ່ານ ແລະສອນໃຫ້ອະທິດຖານເຖິງພະເຢໂຫວາ.—ຫ20.11 ໜ້າ 4.
“ທຸກຄົນ ກໍຈະມີຊີວິດອີກຍ້ອນພະຄລິດ” ໝາຍເຖິງໃຜ?—1 ກຣ. 15:22
ໂປໂລບໍ່ໄດ້ບອກວ່າທຸກຄົນທີ່ເຄີຍມີຊີວິດຈະມີຊີວິດອີກ. ແຕ່ລາວໝາຍເຖິງຄລິດສະຕຽນຜູ້ຖືກເຈີມທີ່ “ຖືກຊຳລະໃຫ້ບໍລິສຸດແລະເປັນລູກສິດຂອງພະຄລິດເຢຊູ.” (1 ກຣ. 1:2; 15:18)—ຫ20.12 ໜ້າ 5-6.
ຜູ້ຖືກເຈີມຈະເຮັດຫຍັງຫຼັງຈາກທີ່ເຂົາເຈົ້າ ‘ຖືກປ່ຽນແປງໃນພິບຕາດຽວລະຫວ່າງການເປົ່າແກຄັ້ງສຸດທ້າຍ’?—1 ກຣ. 15:51-53
ເຂົາເຈົ້າຈະເຮັດຕາມຄຳສັ່ງຂອງພະເຢຊູ ແລະປົກຄອງຊາດຕ່າງໆດ້ວຍຄະທາເຫຼັກ. (ພນມ. 2:26, 27)—ຫ20.12 ໜ້າ 12-13.
