ບົດຄວາມສຶກສາທີ 44
ຄວາມຮັກທີ່ໝັ້ນຄົງຂອງພະເຢໂຫວາສຳຄັນຕໍ່ເຈົ້າແນວໃດ?
“[ພະເຢໂຫວາ] ມີຄວາມຮັກທີ່ໝັ້ນຄົງຕະຫຼອດໄປ.”—ເພງ. 136:1, ລ.ມ.
ເພງ 108 ຄວາມຮັກທີ່ໝັ້ນຄົງຂອງພະເຈົ້າ
ໃຈຄວາມສຳຄັນ *
1. ພະເຢໂຫວາຢາກໃຫ້ເຮົາຮູ້ສຶກແນວໃດຕໍ່ຄວາມຮັກທີ່ໝັ້ນຄົງ?
ພະເຢໂຫວາຖືວ່າຄວາມຮັກທີ່ໝັ້ນຄົງເປັນຄຸນລັກສະນະທີ່ສຳຄັນຫຼາຍ ແລະເພິ່ນກໍຢາກໃຫ້ຜູ້ຮັບໃຊ້ຂອງເພິ່ນຄິດແບບນັ້ນຄືກັນ. (ໂອ. 6:6) ດັ່ງນັ້ນ ເພິ່ນຈຶ່ງບອກຜ່ານທາງຜູ້ພະຍາກອນມີເກວ່າ: ໃຫ້ເຮົາ “ຮັກຄວາມຮັກທີ່ໝັ້ນຄົງ.” (ມີເກ 6:8, ລ.ມ., ໄຂເງື່ອນ) ແຕ່ກ່ອນທີ່ເຮົາຈະຮັກຫຼືຮູ້ວິທີສະແດງຄວາມຮັກທີ່ໝັ້ນຄົງ ເຮົາຕ້ອງຮູ້ກ່ອນວ່າ ຄວາມຮັກທີ່ໝັ້ນຄົງແມ່ນຫຍັງ?
2. ຂໍໃຫ້ອະທິບາຍວ່າຄວາມຮັກທີ່ໝັ້ນຄົງເປັນແນວໃດ?
2 ຄວາມຮັກທີ່ໝັ້ນຄົງແມ່ນຫຍັງ? ຄຳວ່າ “ຄວາມຮັກທີ່ໝັ້ນຄົງ” ໃນຄຳພີໄບເບິນສະບັບແປໂລກໃໝ່ ມີປະມານ 230 ເທື່ອ. ຢູ່ໃນສ່ວນ “ອະທິບາຍຄຳສັບໃນຄຳພີໄບເບິນ” ໄດ້ອະທິບາຍວ່າ “ຄວາມຮັກທີ່ໝັ້ນຄົງເປັນຄວາມຮັກທີ່ເກີດຈາກຄວາມສັດຊື່ ຄວາມພັກດີ ແລະຄວາມຜູກພັນຢ່າງເລິກເຊິ່ງ. ຄຳນີ້ມັກໃຊ້ເມື່ອເວົ້າເຖິງຄວາມຮັກທີ່ພະເຈົ້າມີຕໍ່ມະນຸດ ແລະເປັນຄວາມຮັກທີ່ມະນຸດສະແດງຕໍ່ກັນ.” ພະເຢໂຫວາເປັນແບບຢ່າງທີ່ດີທີ່ສຸດໃນການສະແດງຄວາມຮັກທີ່ໝັ້ນຄົງ. ໃນບົດຄວາມນີ້ ເຮົາຈະມາເບິ່ງວ່າພະເຢໂຫວາໄດ້ສະແດງຄວາມຮັກທີ່ໝັ້ນຄົງຕໍ່ເຮົາແນວໃດ. ແລະໃນບົດຄວາມຕໍ່ໄປ ເຮົາຈະມາເບິ່ງວ່າເຮົາຈະຮຽນແບບພະເຢໂຫວາໄດ້ແນວໃດໃນການສະແດງຄວາມຮັກທີ່ໝັ້ນຄົງຕໍ່ພີ່ນ້ອງຄົນອື່ນ.
ພະເຢໂຫວາ “ຮັກໃຜກໍຮັກໝັ້ນຄົງ”
3. ພະເຢໂຫວາໄດ້ບອກໂມເຊໃຫ້ຮູ້ຫຍັງກ່ຽວກັບເພິ່ນ?
3 ຫຼັງຈາກທີ່ຊາວອິດສະຣາເອນອອກຈາກເອຢິບໄດ້ບໍ່ດົນ ພະເຢໂຫວາກໍໄດ້ບອກຊື່ແລະຄຸນລັກສະນະຕ່າງໆຂອງເພິ່ນໃຫ້ໂມເຊຮູ້. ເພິ່ນເວົ້າວ່າ: “ພະອົບ. 34:6, 7, ລ.ມ.) ເມື່ອເພິ່ນອະທິບາຍຄຸນລັກສະນະຕ່າງໆຂອງເພິ່ນໃຫ້ໂມເຊຟັງແລ້ວ ເພິ່ນກໍໄດ້ບອກບາງຢ່າງທີ່ພິເສດກ່ຽວກັບວິທີທີ່ເພິ່ນສະແດງຄວາມຮັກທີ່ໝັ້ນຄົງ. ສິ່ງນັ້ນແມ່ນຫຍັງ?
ເຢໂຫວາ ພະເຢໂຫວາ ພະເຈົ້າທີ່ເມດຕາສົງສານ ບໍ່ຄຽດງ່າຍ ຮັກໃຜກໍຮັກໝັ້ນຄົງ ແລະຮັກສາຄຳເວົ້າສະເໝີ. ພະອົງມີຄວາມຮັກທີ່ໝັ້ນຄົງບໍ່ວ່າຈະຜ່ານໄປຈັກຊົ່ວອາຍຸຄົນ. ພະອົງໃຫ້ອະໄພຄວາມຜິດແລະບາບ.” (4-5. (ກ) ພະເຢໂຫວາໄດ້ເວົ້າກ່ຽວກັບເພິ່ນແນວໃດ? (ຂ) ເຮົາຈະຕອບຄຳຖາມຫຍັງໃນບົດຄວາມນີ້?
4 ພະເຢໂຫວາບອກໃຫ້ເຮົາຮູ້ວ່າເມື່ອເພິ່ນ “ຮັກໃຜກໍຮັກໝັ້ນຄົງ.” (ຈົດເຊັນ. 14:18; ນເຫ. 9:17; ເພງ. 86:15; 103:8; ໂຢເອນ 2:13; ໂຢນາ 4:2, ລ.ມ.) ຄຳເວົ້ານີ້ມີຢູ່ໃນຄຳພີໄບເບິນປະມານ 7 ເທື່ອ ແລະຄຳນີ້ມັກຈະໃຊ້ແຕ່ກັບພະເຢໂຫວາເທົ່ານັ້ນບໍ່ໄດ້ໃຊ້ກັບມະນຸດ. ພະເຢໂຫວາ ເວົ້າເຖິງຄວາມຮັກທີ່ໝັ້ນຄົງຫຼາຍເທື່ອເຊິ່ງເຮັດໃຫ້ເຮົາຮູ້ວ່າຄຸນລັກສະນະນີ້ສຳຄັນຕໍ່ເພິ່ນຫຼາຍ. ດັ່ງນັ້ນ ກະສັດດາວິດຈຶ່ງຖືກກະຕຸ້ນໃຫ້ຂຽນວ່າ: “ພະເຢໂຫວາ ຄວາມຮັກທີ່ໝັ້ນຄົງຂອງພະອົງມີມາກລົ້ນຈົນຮອດສະຫວັນ . . . ພະເຈົ້າຂອງຂ້ອຍ ຄວາມຮັກທີ່ໝັ້ນຄົງຂອງພະອົງມີຄ່າຫຼາຍ. ມະນຸດຈະເຂົ້າມາລີ້ໄພຢູ່ກ້ອງຮົ່ມປີກຂອງພະອົງ.” (ເພງ. 36:5, 7, ລ.ມ.) ແລ້ວເຮົາເດ ເຮົາເຫັນຄ່າຄວາມຮັກທີ່ໝັ້ນຄົງຂອງພະເຢໂຫວາຄືກັບທີ່ດາວິດເຫັນບໍ?
5 ເພື່ອຈະເຂົ້າໃຈກ່ຽວກັບຄວາມຮັກທີ່ໝັ້ນຄົງຫຼາຍຂຶ້ນ ເຮົາຈະເບິ່ງສອງຄຳຖາມຕໍ່ໄປນີ້: ພະເຢໂຫວາສະແດງຄວາມຮັກທີ່ໝັ້ນຄົງຕໍ່ໃຜ? ແລະເຮົາຈະໄດ້ຮັບປະໂຫຍດຫຍັງຈາກຄວາມຮັກທີ່ໝັ້ນຄົງຂອງພະເຢໂຫວາ?
ພະເຢໂຫວາສະແດງຄວາມຮັກທີ່ໝັ້ນຄົງຕໍ່ໃຜ?
6. ພະເຢໂຫວາສະແດງຄວາມຮັກທີ່ໝັ້ນຄົງຕໍ່ໃຜ?
6 ພະເຢໂຫວາສະແດງຄວາມຮັກທີ່ໝັ້ນຄົງຕໍ່ໃຜ? ຄຳພີໄບເບິນບອກວ່າເຮົາສາມາດສະແດງຄວາມຮັກຕໍ່ສິ່ງຕ່າງໆໄດ້ ເຊັ່ນ: “ການກະເສດ” “ເຫຼົ້າແວງກັບນ້ຳມັນ” “ຄຳສັ່ງສອນ” “ຄວາມຮູ້” ແລະ “ສະຕິປັນຍາ.” (2 ຂ່າວ. 26:10; ສຸພາ. 12:1; 21:17; 29:3, ລ.ມ.) ແຕ່ສຳລັບຄວາມຮັກທີ່ໝັ້ນຄົງບໍ່ສາມາດສະແດງກັບສິ່ງເຫຼົ່ານັ້ນໄດ້ເພາະມັນໃຊ້ກັບຄົນເທົ່ານັ້ນ. ແຕ່ພະເຢໂຫວາກໍບໍ່ໄດ້ສະແດງຄວາມຮັກທີ່ໝັ້ນຄົງຕໍ່ກັບທຸກຄົນ ເພິ່ນສະແດງຄວາມຮັກທີ່ໝັ້ນຄົງນີ້ຕໍ່ຜູ້ທີ່ມີສາຍສຳພັນທີ່ພິເສດກັບເພິ່ນເທົ່ານັ້ນ. ພະເຢໂຫວາພັກດີຕໍ່ໝູ່ຂອງເພິ່ນສະເໝີ ເພິ່ນຈະໃຫ້ເຂົາເຈົ້າມີຊີວິດທີ່ດີ ແລະຈະບໍ່ປະຖິ້ມເຂົາເຈົ້າເລີຍ.
ພະເຢໂຫວາໄດ້ໃຫ້ສິ່ງທີ່ດີຫຼາຍຢ່າງກັບມະນຸດທຸກຄົນເຖິງວ່າເຂົາເຈົ້າບໍ່ໄດ້ຮັບໃຊ້ເພິ່ນ. (ເບິ່ງຂໍ້ 7) *
7. ພະເຈົ້າໄດ້ສະແດງຄວາມຮັກຕໍ່ມະນຸດທຸກຄົນແນວໃດ?
7 ພະເຢໂຫວາໄດ້ສະແດງຄວາມຮັກ ຕໍ່ມະນຸດທຸກຄົນ. ພະເຢຊູໄດ້ເວົ້າກັບຜູ້ຊາຍຄົນໜຶ່ງທີ່ຊື່ນີໂກເດມວ່າ: “ພະເຈົ້າຮັກຄົນໃນໂລກຫຼາຍ ຈົນເຖິງຂັ້ນຍອມສະລະລູກຄົນດຽວຂອງພະອົງ ເພື່ອທຸກຄົນທີ່ສະແດງຢຮ. 3:1, 16; ມທ. 5:44, 45
ຄວາມເຊື່ອໃນຜູ້ນັ້ນຈະບໍ່ຖືກທຳລາຍ ແຕ່ຈະມີຊີວິດຕະຫຼອດໄປ.”—ຈາກຄຳເວົ້າຂອງກະສັດດາວິດແລະຜູ້ພະຍາກອນດານີເອນບອກໃຫ້ຮູ້ວ່າພະເຢໂຫວາສະແດງຄວາມຮັກຕໍ່ຜູ້ທີ່ຮູ້ຈັກເພິ່ນ ຮັກເພິ່ນ ຢຳເກງເພິ່ນ ແລະເຮັດຕາມຄຳສັ່ງຂອງເພິ່ນ. (ເບິ່ງຂໍ້ 8-9)
8-9. (ກ) ເປັນຫຍັງພະເຢໂຫວາຈຶ່ງສະແດງຄວາມຮັກທີ່ໝັ້ນຄົງຕໍ່ຜູ້ຮັບໃຊ້ຂອງເພິ່ນ? (ຂ) ເຮົາຈະເບິ່ງຫຍັງໃນສ່ວນຕໍ່ໄປ?
8 ຄືດັ່ງທີ່ເຮົາຮູ້ແລ້ວວ່າພະເຢໂຫວາສະແດງຄວາມຮັກທີ່ໝັ້ນຄົງ ຕໍ່ຜູ້ທີ່ມີສາຍສຳພັນທີ່ໃກ້ຊິດກັບເພິ່ນເທົ່ານັ້ນ. ເຮົາຮູ້ເລື່ອງນີ້ໄດ້ຈາກສິ່ງທີ່ກະສັດດາວິດແລະຜູ້ພະຍາກອນດານີເອນເວົ້າ. ຕົວຢ່າງເຊັ່ນ: ດາວິດເວົ້າວ່າ “ຂໍໃຫ້ສະແດງຄວາມຮັກຕໍ່ຄົນທີ່ຮູ້ຈັກ ພະອົງຕໍ່ໆໄປ.” “ພະເຢໂຫວາມີຄວາມຮັກທີ່ໝັ້ນຄົງຕະຫຼອດໄປສຳລັບຄົນທີ່ຢຳເກງ ພະອົງ.” ແລະດານີເອນກໍເວົ້າວ່າ “ພະເຢໂຫວາພະເຈົ້າທ່ຽງແທ້ ໃຜທີ່ຮັກພະອົງ ແລະເຮັດຕາມຄຳສັ່ງຂອງພະອົງ ພະອົງກໍຮັກຜູ້ນັ້ນບໍ່ປ່ຽນແປງ.” (ເພງ. 36:10; 103:17; ດາ. 9:4, ລ.ມ.) ຈາກຄຳເວົ້າເຫຼົ່ານີ້ເຮັດໃຫ້ເຮົາຮູ້ວ່າພະເຢໂຫວາສະແດງຄວາມຮັກທີ່ໝັ້ນຄົງຕໍ່ຜູ້ຮັບໃຊ້ຂອງເພິ່ນ ເພາະເຂົາເຈົ້າຮູ້ຈັກເພິ່ນ ຮັກເພິ່ນ ຢຳເກງເພິ່ນ ແລະເຮັດຕາມຄຳສັ່ງຂອງເພິ່ນ.
9 ພະເຢໂຫວາສະແດງຄວາມຮັກຕໍ່ເຮົາທຸກຄົນຕັ້ງແຕ່ເຮົາຍັງບໍ່ໄດ້ຮັບໃຊ້ເພິ່ນ. (ເພງ. 104:14) ແຕ່ເມື່ອເຮົາໄດ້ເຂົ້າມາເປັນຜູ້ຮັບໃຊ້ຂອງພະເຢໂຫວາ ເຮົາກໍໄດ້ຮັບປະໂຫຍດຈາກຄວາມຮັກທີ່ໝັ້ນຄົງຂອງເພິ່ນ. ທີ່ຈິງ ພະເຢໂຫວາສັນຍາກັບຜູ້ທີ່ຮັບໃຊ້ເພິ່ນວ່າ: “ຄວາມຮັກທີ່ເຮົາມີຕໍ່ເຈົ້າຈະໝັ້ນຄົງສະເໝີ.” (ເອຊາ. 54:10, ລ.ມ.) ແລະດາວິດກໍໄດ້ປະສົບເລື່ອງນີ້ດ້ວຍຕົວເອງ. ລາວບອກວ່າ: “ພະເຢໂຫວາຈະເບິ່ງແຍງຄົນທີ່ພັກດີຕໍ່ພະອົງເປັນພິເສດ.” (ເພງ. 4:3, ລ.ມ.) ເລື່ອງນີ້ກະຕຸ້ນເຮົາໃຫ້ຢາກເຮັດຫຍັງ? ຜູ້ຂຽນຄຳເພງບອກວ່າ: “ຄົນສະຫຼາດຈະສັງເກດເຫັນສິ່ງເຫຼົ່ານີ້ແລະຈະຄິດຕຶກຕອງສິ່ງທີ່ພະເຢໂຫວາເຮັດດ້ວຍຄວາມຮັກທີ່ໝັ້ນຄົງ.” (ເພງ. 107:43, ລ.ມ.) ໃນສ່ວນຕໍ່ໄປ ເຮົາຈະມາເບິ່ງສາມວິທີທີ່ພະເຢໂຫວາສະແດງຄວາມຮັກທີ່ໝັ້ນຄົງຕໍ່ເຮົາ ແລະເຮົາຈະໄດ້ຮັບປະໂຫຍດຫຍັງແດ່ຈາກຄວາມຮັກທີ່ໝັ້ນຄົງຂອງພະເຢໂຫວາ.
ເຮົາຈະໄດ້ຮັບປະໂຫຍດຫຍັງແດ່ຈາກຄວາມຮັກທີ່ໝັ້ນຄົງຂອງພະເຢໂຫວາ?
ພະເຢໂຫວາໃຫ້ຜູ້ທີ່ຮັບໃຊ້ເພິ່ນມີສິ່ງທີ່ດີຫຼາຍກວ່າເກົ່າອີກ (ເບິ່ງຂໍ້ 10-16) *
10. ເຮົາໄດ້ຮັບປະໂຫຍດຫຍັງທີ່ຮູ້ວ່າພະເຢໂຫວາມີຄວາມຮັກທີ່ໝັ້ນຄົງຕະຫຼອດໄປ? (ຄຳເພງ 31:7)
10ພະເຢໂຫວາມີຄວາມຮັກທີ່ໝັ້ນຄົງຕະຫຼອດໄປ. ຄຳນີ້ສຳຄັນຫຼາຍເພາະໃນຄຳເພງບົດ 136 ໄດ້ເວົ້າເຖິງຄຳນີ້ປະມານ 26 ເທື່ອ. ໃນຄຳເພງ 136:1 ບອກວ່າ: “ຂໍໃຫ້ຂອບໃຈພະເຢໂຫວາ ເພາະພະອົງດີແທ້ໆ. ພະອົງ ມີຄວາມຮັກທີ່ໝັ້ນຄົງຕະຫຼອດໄປ.” (ເພງ. 136:1, ລ.ມ.) ແລະຕັ້ງແຕ່ຂໍ້ 2-26 ກໍເນັ້ນຄຳວ່າ: “ເພາະພະອົງມີຄວາມຮັກທີ່ໝັ້ນຄົງຕະຫຼອດໄປ.” ເມື່ອເຮົາອ່ານຂໍ້ເຫຼົ່ານີ້ເຮົາກໍຮູ້ສຶກປະທັບໃຈທີ່ເຫັນວ່າພະເຢໂຫວາສະແດງຄວາມຮັກທີ່ໝັ້ນຄົງຕໍ່ເຮົາຫຼາຍແທ້ໆ! ການເນັ້ນຄຳວ່າ: “ເພາະພະອົງມີຄວາມຮັກທີ່ໝັ້ນຄົງຕະຫຼອດໄປ” ເຮັດໃຫ້ເຮົາໝັ້ນໃຈວ່າພະເຢໂຫວາຮັກຜູ້ຮັບໃຊ້ຂອງເພິ່ນບໍ່ປ່ຽນແປງ ແລະຈະບໍ່ປະຖິ້ມໂດຍສະເພາະຕອນທີ່ເຂົາເຈົ້າມີບັນຫາ. ການຮູ້ເລື່ອງນີ້ເຮັດໃຫ້ເຮົາໄດ້ຮັບກຳລັງໃຈຫຼາຍແທ້ໆ! ເຮົາໄດ້ຮັບປະໂຫຍດຫຍັງ? ເມື່ອເຮົາຮູ້ວ່າພະເຢໂຫວາຈະຢູ່ຄຽງຂ້າງເຮົາຕະຫຼອດກໍເຮັດໃຫ້ເຮົາມີຄວາມສຸກແລະເຮັດໃຫ້ເຮົາມີແຮງທີ່ຈະຮັບໃຊ້ເພິ່ນຕໍ່ໆໄປໄດ້ເຖິງຈະມີບັນຫາຫຼາຍຢ່າງ.—ອ່ານຄຳເພງ 31:7
11. ຕາມຄຳເພງ 86:5 ສິ່ງໃດກະຕຸ້ນພະເຢໂຫວາໃຫ້ອະໄພຄົນອື່ນ?
11ຄວາມຮັກທີ່ໝັ້ນຄົງຂອງພະເຢໂຫວາກະຕຸ້ນເພິ່ນໃຫ້ອະໄພຄົນອື່ນ. ເມື່ອພະເຢໂຫວາເຫັນຄົນທີ່ເຮັດຜິດກັບໃຈແທ້ໆແລະບໍ່ກັບໄປເຮັດຜິດອີກ ຄວາມຮັກທີ່ໝັ້ນຄົງຂອງເພິ່ນກໍກະຕຸ້ນເພິ່ນໃຫ້ອະໄພລາວ. ດາວິດຜູ້ຂຽນຄຳເພງໄດ້ເວົ້າເຖິງພະເຢໂຫວາວ່າ: “ພະອົງບໍ່ລົງໂທດພວກເຮົາໃຫ້ສົມກັບບາບຂອງພວກເຮົາ ແລະບໍ່ຕອບແທນພວກເຮົາໃຫ້ສົມກັບຄວາມຜິດທີ່ພວກເຮົາເຮັດ.” (ຄຳເພງ 103:8-11, ລ.ມ.) ທີ່ຈິງ ດາວິດເຄີຍເຮັດຜິດຮ້າຍແຮງ ລາວເສຍໃຈຫຼາຍແລະຮູ້ສຶກຜິດກັບສິ່ງທີ່ເຄີຍເຮັດ. ແຕ່ພະເຢໂຫວາກໍ “ພ້ອມທີ່ຈະໃຫ້ອະໄພ” ລາວ. ສິ່ງໃດເຮັດໃຫ້ພະເຢໂຫວາຢາກໃຫ້ອະໄພ? ຄຳອະທິດຖານຂອງດາວິດທີ່ຢູ່ໃນຄຳເພງ 86:5 (ອ່ານ) ບອກໃຫ້ເຮົາຮູ້ວ່າ ພະເຢໂຫວາພ້ອມທີ່ຈະໃຫ້ອະໄພເພາະເພິ່ນມີຄວາມຮັກທີ່ໝັ້ນຄົງຕໍ່ທຸກຄົນທີ່ຮ້ອງຫາເພິ່ນ.
12-13. ສິ່ງໃດຈະຊ່ວຍເຮົາຖ້າເຮົາຍັງຮູ້ສຶກຜິດກັບສິ່ງທີ່ເຮົາເຄີຍເຮັດໃນອະດີດ?
12 ເປັນເລື່ອງດີທີ່ເຮົາຈະຮູ້ສຶກຜິດກັບສິ່ງທີ່ເຮົາເຄີຍເຮັດ ເພາະມັນຈະກະຕຸ້ນເຮົາໃຫ້ຢາກກັບໃຈແລະປ່ຽນແປງຕົວເອງ. ຜູ້ຮັບໃຊ້ຂອງພະເຢໂຫວາບາງຄົນກໍຮູ້ສຶກຜິດຫຼາຍກັບສິ່ງທີ່ເຂົາເຈົ້າເຄີຍເຮັດຜິດພາດໃນອະດີດ. ເຖິງວ່າເຂົາເຈົ້າຈະອະທິດຖານຂໍພະເຢໂຫວາໃຫ້ອະໄພແລະປ່ຽນແປງຕົວເອງແລ້ວ ແຕ່ເຂົາເຈົ້າກໍຍັງຮູ້ສຶກວ່າພະເຢໂຫວາຄືຊິບໍ່ໃຫ້ອະໄພດອກ. ຖ້າເຈົ້າຮູ້ສຶກແບບນີ້ ການທີ່ເຈົ້າຮູ້ວ່າພະເຢໂຫວາສະແດງຄວາມຮັກທີ່ໝັ້ນຄົງຕໍ່ຜູ້ຮັບໃຊ້ຂອງເພິ່ນຈະຊ່ວຍເຈົ້າໄດ້.
1 ຢຮ. 1:7) ແຕ່ຖ້າເຈົ້າຍັງຮູ້ສຶກຜິດຢູ່ ກໍຂໍໃຫ້ຈື່ໄວ້ວ່າພະເຢໂຫວາເຕັມໃຈທີ່ຈະໃຫ້ອະໄພເຈົ້າຖ້າເຈົ້າກັບໃຈແທ້ໆ. ດາວິດຊ່ວຍເຮົາໃຫ້ຮູ້ວ່າຄວາມຮັກທີ່ໝັ້ນຄົງກ່ຽວຂ້ອງກັບການໃຫ້ອະໄພ. ລາວບອກວ່າ: “ທ້ອງຟ້າສູງກວ່າແຜ່ນດິນຫຼາຍເທົ່າໃດ ພະອົງກໍຮັກຄົນທີ່ຢຳເກງເພິ່ນຫຼາຍເທົ່ານັ້ນ. ທິດຕາເວັນອອກໄກຈາກທິດຕາເວັນຕົກຫຼາຍເທົ່າໃດ ພະອົງກໍຖິ້ມຄວາມຜິດຂອງພວກເຮົາໄປໄກຫຼາຍເທົ່ານັ້ນ.” (ເພງ. 103:11, 12, ລ.ມ.) ຈາກເລື່ອງນີ້ເຮັດໃຫ້ເຮົາຮູ້ວ່າ ພະເຢໂຫວາເຕັມໃຈ ‘ໃຫ້ອະໄພເຮົາຢ່າງໃຈກວ້າງ’ ແທ້ໆ!—ເອຊາ. 55:7, ລ.ມ.
13ເຮົາໄດ້ຮັບປະໂຫຍດຫຍັງ? ເຖິງວ່າເຮົາຈະເຄີຍເຮັດຜິດ ແຕ່ເຮົາກໍສາມາດຮັບໃຊ້ພະເຢໂຫວາໂດຍບໍ່ຮູ້ສຶກຜິດແລະມີຄວາມສຸກໄດ້. ເລື່ອງນີ້ເປັນໄປໄດ້ກໍຍ້ອນ “ເລືອດຂອງພະເຢຊູລູກຂອງພະອົງຈະລົບລ້າງບາບທັງໝົດຂອງພວກເຮົາ.” (14. ດາວິດບອກວ່າຄວາມຮັກທີ່ໝັ້ນຄົງຂອງພະເຢໂຫວາຈະປົກປ້ອງເຮົາແນວໃດ?
14ຄວາມຮັກທີ່ໝັ້ນຄົງຂອງພະເຢໂຫວາຈະຊ່ວຍປົກປ້ອງເຮົາທາງດ້ານຄວາມເຊື່ອ. ດາວິດອະທິດຖານເຖິງພະເຢໂຫວາວ່າ: “ພະອົງເປັນທີ່ເພິ່ງຂອງຂ້ອຍ ພະອົງຈະປົກປ້ອງຂ້ອຍໄວ້ຈາກຄວາມທຸກລຳບາກ ພະອົງຈະເຮັດໃຫ້ຮອບຕົວຂ້ອຍມີແຕ່ສຽງຮ້ອງດີໃຈເພາະພະອົງຊ່ວຍໃຫ້ລອດ . . . ຄົນທີ່ວາງໃຈພະເຢໂຫວາຈະໄດ້ຮັບຄວາມຮັກທີ່ໝັ້ນຄົງຈາກພະອົງ.” (ເພງ. 32:7, 10, ລ.ມ.) ຄືກັບກຳແພງເມືອງທີ່ປົກປ້ອງປະຊາຊົນຈາກສັດຕູ ພະເຢໂຫວາກໍຈະປົກປ້ອງເຮົາຈາກສິ່ງໃດກໍຕາມທີ່ຈະມາທຳລາຍສາຍສຳພັນຂອງເຮົາກັບເພິ່ນ. ນອກຈາກນັ້ນ ຄວາມຮັກທີ່ໝັ້ນຄົງຂອງພະເຢໂຫວາຈະຊ່ວຍເຮົາໃຫ້ຢາກໃກ້ຊິດກັບເພິ່ນ.—ຢເຣ. 31:3
15. ຄວາມຮັກທີ່ໝັ້ນຄົງຂອງພະເຢໂຫວາເປັນຄືກັບບ່ອນລີ້ໄພແລະປ້ອມປາການແນວໃດ?
15 ດາວິດໄດ້ໃຊ້ຄຳປຽບທຽບເພື່ອອະທິບາຍວ່າ ພະເຢໂຫວາປົກປ້ອງປະຊາຊົນຂອງເພິ່ນແນວໃດ. ລາວເວົ້າວ່າ: “ພະເຈົ້າເປັນບ່ອນລີ້ໄພຂອງຂ້ອຍ. ເປັນພະເຈົ້າທີ່ຮັກຂ້ອຍຢ່າງໝັ້ນຄົງ.” ດາວິດຍັງບອກອີກວ່າ: “ພະອົງຮັກຂ້ອຍຢ່າງໝັ້ນຄົງ ແລະເປັນປ້ອມປາການຂອງຂ້ອຍ ເປັນບ່ອນລີ້ໄພແລະເປັນຜູ້ຊ່ວຍຂ້ອຍໃຫ້ພົ້ນໄພ ເປັນໂລ້ຂອງຂ້ອຍແລະເປັນທີ່ເພິ່ງຂອງຂ້ອຍ.” (ເພງ. 59:17; 144:2, ລ.ມ.) ເປັນຫຍັງດາວິດຈຶ່ງສົມທຽບຄວາມຮັກທີ່ໝັ້ນຄົງຂອງພະເຢໂຫວາເປັນຄືກັບປ້ອມປາການແລະບ່ອນລີ້ໄພ? ກໍຍ້ອນວ່າຖ້າເຮົາເປັນຜູ້ຮັບໃຊ້ຂອງພະເຢໂຫວາ ບໍ່ວ່າເຮົາຈະຢູ່ບ່ອນໃດໃນໂລກ ພະເຢໂຫວາກໍຈະປົກປ້ອງເຮົາຈາກສິ່ງທີ່ຈະທຳລາຍສາຍສຳພັນຂອງເຮົາກັບເພິ່ນ. ໃນຄຳເພງບົດ 91 ເຮັດໃຫ້ເຮົາໝັ້ນໃຈໃນເລື່ອງນີ້ຫຼາຍຂຶ້ນ. ຜູ້ຂຽນຄຳເພງບົດນີ້ບອກວ່າ: “ຂ້ອຍຈະເວົ້າກັບພະເຢໂຫວາວ່າ: ‘ພະອົງເປັນບ່ອນລີ້ໄພແລະເປັນປ້ອມປາການຂອງຂ້ອຍ.’” (ເພງ. 91: 1-3, 9, 14, ລ.ມ.) ໂມເຊກໍໃຊ້ຄຳສົມທຽບຄ້າຍໆກັນເພື່ອຊ່ວຍເຮົາໃຫ້ຮູ້ວ່າພະເຢໂຫວາຈະປົກປ້ອງເຮົາແນວໃດ. (ເພງ. 90:1) ກ່ອນທີ່ໂມເຊຈະຕາຍ ລາວບອກວ່າ: “ພະເຈົ້າເປັນບ່ອນລີ້ໄພມາຕັ້ງແຕ່ສະໄໝບູຮານ ແຂນອັນໝັ້ນຄົງນິລັນຂອງພະອົງປະຄັບປະຄອງເຈົ້າໄວ້.” (ບັນຍັດ. 33:27, ລ.ມ.) ຄຳວ່າ “ແຂນອັນໝັ້ນຄົງນິລັນຂອງພະອົງປະຄັບປະຄອງເຈົ້າໄວ້” ຊ່ວຍເຮົາໃຫ້ຮູ້ຫຍັງກ່ຽວກັບພະເຢໂຫວາ?
16. ພະເຢໂຫວາຊ່ວຍເຮົາໃນສອງດ້ານຫຍັງແດ່? (ຄຳເພງ 136:23)
16 ເມື່ອພະເຢໂຫວາເປັນບ່ອນລີ້ໄພຂອງເຮົາ ເຮົາກໍຮູ້ສຶກປອດໄພ. ແຕ່ບາງເທື່ອເຮົາອາດຮູ້ສຶກທໍ້ໃຈແລະລົ້ມລົງ. ຕອນນັ້ນພະເຢໂຫວາຈະຊ່ວຍເຮົາແນວໃດ? (ອ່ານຄຳເພງ 136:23) ເພິ່ນຈະໃຊ້ແຂນປະຄັບປະຄອງເຮົາ ຄ່ອຍໆຊ່ວຍເຮົາລຸກຂຶ້ນ ແລະຊ່ວຍເຮົາໃຫ້ເຊົາທໍ້ໃຈ. (ເພງ. 28:9; 94:18) ເຮົາໄດ້ຮັບປະໂຫຍດຫຍັງ? ເຮົາສາມາດເພິ່ງພະເຢໂຫວາໄດ້ສະເໝີເພາະ ເພິ່ນຈະຊ່ວຍເຮົາໃນສອງດ້ານຄື: (1) ບໍ່ວ່າເຮົາຈະຢູ່ບ່ອນໃດ ພະເຢໂຫວາຈະປົກປ້ອງເຮົາ. (2) ພະເຢໂຫວາພໍ່ໃນສະຫວັນຮັກແລະເປັນຫ່ວງເຮົາຫຼາຍແທ້ໆ!
ເຮົາໝັ້ນໃຈໄດ້ວ່າພະເຢໂຫວາຈະສະແດງຄວາມຮັກທີ່ໝັ້ນຄົງຕໍ່ເຮົາສະເໝີ
17. ຄວາມຮັກທີ່ໝັ້ນຄົງຂອງພະເຢໂຫວາເຮັດໃຫ້ເຮົາໝັ້ນໃຈໃນເລື່ອງຫຍັງ? (ຄຳເພງ 33:18-22)
17 ຄືກັບທີ່ເຮົາໄດ້ຮຽນມາແລ້ວ ເມື່ອເຮົາເຈິຄວາມຍາກລຳບາກເຮົາກໍສາມາດໝັ້ນໃຈໄດ້ວ່າພະເຢໂຫວາຈະຊ່ວຍເຮົາໃຫ້ຮັກສາຄວາມສັດຊື່ໄດ້. (2 ກຣ. 4:7-9) ຜູ້ພະຍາກອນເຢເຣມີບອກວ່າ: “ເພາະພະເຢໂຫວາມີຄວາມຮັກທີ່ໝັ້ນຄົງ ພວກເຮົາຈຶ່ງຍັງບໍ່ພົບຈຸດຈົບ. ຄວາມເມດຕາຂອງພະອົງບໍ່ມີວັນໝົດ.” (ຮ່ຳໄຮ. 3:22, ລ.ມ.) ເຮົາສາມາດໝັ້ນໃຈໄດ້ວ່າ ພະເຢໂຫວາຈະສະແດງຄວາມຮັກທີ່ໝັ້ນຄົງຕໍ່ເຮົາສະເໝີເພາະຄຳພີໄບເບິນບອກວ່າ: “ພະເຢໂຫວາຄອຍເຝົ້າເບິ່ງຄົນທີ່ຢຳເກງພະອົງ ແລະຄົນທີ່ລໍຄອຍຄວາມຮັກທີ່ໝັ້ນຄົງຂອງພະອົງ.”—ອ່ານຄຳເພງ 33:18-22 *
18-19. (ກ) ເຮົາຄວນຈື່ຫຍັງໄວ້? (ຂ) ເຮົາຈະຮຽນຫຍັງໃນບົດຄວາມຕໍ່ໄປ?
18 ເຮົາຄວນຈື່ຫຍັງໄວ້? ເຮົາຄວນຈື່ວ່າພະເຢໂຫວາສະແດງຄວາມຮັກຕໍ່ເຮົາທຸກຄົນຕັ້ງແຕ່ເຮົາຍັງບໍ່ໄດ້ຮັບໃຊ້ເພິ່ນ. ແຕ່ເມື່ອເຮົາໄດ້ເຂົ້າມາເປັນຜູ້ຮັບໃຊ້ຂອງພະເຢໂຫວາ ເຮົາກໍໄດ້ຮັບປະໂຫຍດຈາກຄວາມຮັກທີ່ໝັ້ນຄົງຂອງເພິ່ນ. ຍ້ອນພະເຢໂຫວາມີຄວາມຮັກທີ່ໝັ້ນຄົງ ເພິ່ນຈຶ່ງໄດ້ປົກປ້ອງເຮົາ ຊ່ວຍເຮົາໃຫ້ໃກ້ຊິດກັບເພິ່ນ ແລະຈະໃຫ້ເຮົາມີຊີວິດຕະຫຼອດໄປ. (ເພງ. 46:1, 2, 7) ດັ່ງນັ້ນ ບໍ່ວ່າເຮົາຈະເຈິບັນຫາຫຼືຄວາມຍາກລຳບາກແບບໃດກໍຕາມ ພະເຢໂຫວາຈະຊ່ວຍເຮົາໃຫ້ສັດຊື່ຕໍ່ເພິ່ນໄດ້.
19 ເຮົາໄດ້ຮຽນແລ້ວວ່າພະເຢໂຫວາສະແດງຄວາມຮັກທີ່ໝັ້ນຄົງຕໍ່ຜູ້ຮັບໃຊ້ຂອງເພິ່ນແນວໃດ ແຕ່ເພິ່ນກໍຢາກໃຫ້ເຮົາສະແດງຄວາມຮັກທີ່ໝັ້ນຄົງຕໍ່ພີ່ນ້ອງຄົນອື່ນຄືກັນ. ແລ້ວເຮົາຈະເຮັດແບບນັ້ນໄດ້ແນວໃດ? ເຮົາຈະຮຽນເລື່ອງນີ້ໃນບົດຄວາມຕໍ່ໄປ.
ເພງ 136 ລາງວັນທີ່ດີທີ່ສຸດຈາກພະເຢໂຫວາ
^ ຂໍ້ 5 ຄວາມຮັກທີ່ໝັ້ນຄົງແມ່ນຫຍັງ? ພະເຢໂຫວາສະແດງຄວາມຮັກທີ່ໝັ້ນຄົງຕໍ່ໃຜ? ແລະເຂົາເຈົ້າຈະໄດ້ຮັບປະໂຫຍດຫຍັງແດ່ຈາກຄວາມຮັກທີ່ໝັ້ນຄົງຂອງພະເຢໂຫວາ? ເຮົາຈະມາຕອບຄຳຖາມເຫຼົ່ານີ້ໃນບົດຄວາມນີ້ແລະບົດຄວາມຕໍ່ໄປ. ພ້ອມກັນນັ້ນ ເຮົາຍັງຈະມາເບິ່ງຄຸນລັກສະນະທີ່ສຳຄັນນີ້ຢ່າງລະອຽດ.
^ ຂໍ້ 17 ຄຳເພງ 33:18-22 (ລ.ມ.): “ພະເຢໂຫວາຄອຍເຝົ້າເບິ່ງຄົນທີ່ຢຳເກງພະອົງ ແລະຄົນທີ່ຄອຍຖ້າຄວາມຮັກທີ່ໝັ້ນຄົງຂອງພະອົງ. ເພື່ອຈະຊ່ວຍພວກເຂົາໃຫ້ລອດຕາຍແລະຊ່ວຍບໍ່ໃຫ້ອົດຕາຍເມື່ອຂາດແຄນອາຫານ. ພວກເຮົາຄອຍຖ້າພະເຢໂຫວາ ພະອົງເປັນຜູ້ຊ່ວຍແລະເປັນໂລ້ຂອງພວກເຮົາ. ພວກເຮົາມີຄວາມສຸກເພາະສິ່ງທີ່ພະອົງເຮັດ ເພາະພວກເຮົາວາງໃຈໃນຊື່ທີ່ບໍລິສຸດຂອງພະອົງ. ພະເຢໂຫວາ ຂໍພະອົງຮັກພວກເຮົາຢ່າງໝັ້ນຄົງແລະພວກເຮົາຈະຄອຍຖ້າພະອົງ.”
^ ຂໍ້ 54 ຄຳອະທິບາຍຮູບພາບ: ພະເຢໂຫວາໄດ້ສະແດງຄວາມຮັກຕໍ່ມະນຸດທຸກຄົນລວມເຖິງຜູ້ຮັບໃຊ້ຂອງເພິ່ນນຳ. ຮູບທີ່ຢູ່ໃນວົງມົນສະແດງເຖິງຄວາມຮັກທີ່ພະເຢໂຫວາມີຕໍ່ເຮົາ. ແລະສິ່ງທີ່ສະແດງໃຫ້ເຫັນວ່າເພິ່ນຮັກເຮົາຫຼາຍທີ່ສຸດກໍຄືເພິ່ນໄດ້ໃຫ້ພະເຢຊູມາເປັນຄ່າໄຖ່.
^ ຂໍ້ 62 ຄຳອະທິບາຍຮູບພາບ: ຜູ້ທີ່ຮັບໃຊ້ພະເຢໂຫວາແລະສະແດງຄວາມເຊື່ອຕໍ່ຄ່າໄຖ່ຂອງພະເຢຊູ ນອກຈາກຈະໄດ້ຮັບຄວາມຮັກທີ່ພະເຢໂຫວາສະແດງຕໍ່ມະນຸດທຸກຄົນແລ້ວ ເຂົາເຈົ້າຍັງຈະໄດ້ຮັບປະໂຫຍດຈາກຄວາມຮັກທີ່ໝັ້ນຄົງຂອງພະເຢໂຫວານຳເຊິ່ງສະແດງຢູ່ໃນຮູບວົງມົນ.