ເຄັດລັບການຄົ້ນຄວ້າ
ຄົ້ນຄວ້າກ່ຽວກັບຄຸນລັກສະນະຂອງພະເຢໂຫວາ
ຕອນທີ່ເຮົາອ່ານຄຳພີໄບເບິນ ເຮົາສາມາດຄົ້ນຄວ້າເພື່ອຈະເຂົ້າໃຈສິ່ງທີ່ເຮົາອ່ານໃຫ້ດີຂຶ້ນ. ແຕ່ເຮົາຕ້ອງບໍ່ພຽງແຕ່ຢາກມີຄວາມຮູ້ຫຼາຍຂຶ້ນເທົ່ານັ້ນ ເຮົາຄວນຄົ້ນຄວ້າຍ້ອນຢາກຮູ້ວ່າພະເຢໂຫວາເປັນພະເຈົ້າແບບໃດເພື່ອເຮົາຈະຮັກເພິ່ນຫຼາຍຂຶ້ນ. ເພື່ອຈະເຮັດແບບນັ້ນ ເຮົາຄວນຖາມຕົວເອງວ່າ ‘ເລື່ອງທີ່ຂ້ອຍອ່ານສອນຫຍັງກ່ຽວກັບພະເຢໂຫວາ?’
ຕົວຢ່າງເຊັ່ນ: ຕອນເຈົ້າທີ່ອ່ານ ໃຫ້ສັງເກດເບິ່ງວ່າພະເຢໂຫວາສະແດງຄວາມຮັກ ສະຕິປັນຍາ ຄວາມຍຸຕິທຳ ແລະລິດເດດແນວໃດແດ່. ແຕ່ຄຸນລັກສະນະຂອງພະເຢໂຫວາບໍ່ໄດ້ມີພຽງເທົ່ານີ້. ເພິ່ນຍັງມີຄຸນລັກສະນະທີ່ດີອື່ນໆອີກ. ແລ້ວເຈົ້າຈະຄົ້ນຄວ້າກ່ຽວກັບຄຸນລັກສະນະເຫຼົ່ານັ້ນໄດ້ຈາກໃສ?
ໄປທີ່ຄູ່ມືຄົ້ນຄວ້າສຳລັບພະຍານພະເຢໂຫວາ ໃນຫົວເລື່ອງ “ພະເຢໂຫວາພະເຈົ້າ” ແລະໄປທີ່ຫົວຂໍ້ຍ່ອຍ “ຄຸນລັກສະນະຂອງພະເຢໂຫວາ.” a ຈາກນັ້ນ ລອງເລືອກອ່ານກ່ຽວກັບຄຸນລັກສະນະທີ່ກົງກັບເລື່ອງທີ່ເຈົ້າອ່ານໃນຄຳພີໄບເບິນ.
a (ພາສາໄທ)
