ບົດຄວາມສຶກສາທີ 14
‘ຍ່າງຕາມຮອຍຕີນພະເຢຊູຢ່າງໃກ້ຊິດ’
“ພະຄລິດເອງກໍຍັງທົນທຸກເພື່ອພວກເຈົ້າ ເພິ່ນເປັນຕົວຢ່າງເພື່ອໃຫ້ພວກເຈົ້າຍ່າງຕາມຮອຍຕີນເພິ່ນຢ່າງໃກ້ຊິດ.”—1 ປຕ. 2:21
ເພງ 13 ພະຄລິດເປັນແບບຢ່າງຂອງເຮົາ
ໃຈຄວາມສຳຄັນ *
ພະເຢຊູວາງຮອຍຕີນໄວ້ເພື່ອໃຫ້ເຮົາຍ່າງຕາມຢ່າງໃກ້ຊິດ (ເບິ່ງຂໍ້ 1-2)
1-2. ເປັນໄປໄດ້ບໍທີ່ເຮົາຈະຍ່າງຕາມຮອຍຕີນຂອງພະເຢຊູ? ຂໍໃຫ້ຍົກຕົວຢ່າງ.
ລອງນຶກພາບວ່າ ເຈົ້າກັບໝູ່ກຸ່ມໜຶ່ງກຳລັງຍ່າງຢູ່ໃນປ່າທີ່ອັນຕະລາຍເພາະມັນມີລູກມິ່ນ [ລູກລະເບີດ] ແລະມີຜູ້ນຳທາງທີ່ມີປະສົບການນຳທາງພວກເຈົ້າ. ຕອນທີ່ລາວຍ່າງ ເຈົ້າຈະເຫັນຮອຍຕີນຂອງລາວຢູ່ພື້ນ ແຕ່ເມື່ອເຈົ້າຫຼຽວບໍ່ເຫັນລາວ ເຈົ້າບໍ່ໄດ້ຮູ້ສຶກຢ້ານເພາະເຈົ້າແລະໝູ່ຄົນອື່ນໆຈະຍ່າງຕາມຮອຍຕີນຂອງລາວໄປ.
2 ໂລກທີ່ເຮົາຢູ່ໃນທຸກມື້ນີ້ປຽບຄືກັບປ່າທີ່ອັນຕະລາຍນັ້ນ ແລະຄລິດສະຕຽນແທ້ປຽບຄືກັບກຸ່ມຄົນທີ່ໄປຍ່າງຢູ່ປ່າ. ເຮົາຂອບໃຈພະເຢໂຫວາຫຼາຍແທ້ໆທີ່ໃຫ້ພະເຢຊູມາເປັນຜູ້ນຳທາງທີ່ດີທີ່ສຸດເພື່ອໃຫ້ເຮົາຍ່າງຕາມຮອຍຕີນຂອງເພິ່ນຢ່າງໃກ້ຊິດໄດ້. (1 ປຕ. 2:21) ປຶ້ມວິຊາການດ້ານຄຳພີໄບເບິນຫົວໜຶ່ງອະທິບາຍວ່າ ເປໂຕໄດ້ປຽບທຽບພະເຢຊູເປັນຄືຜູ້ນຳທາງ. ຄືກັບຜູ້ນຳທາງທີ່ວາງຮອຍຕີນໄວ້ ພະເຢຊູກໍໄດ້ວາງຮອຍຕີນໄວ້ເພື່ອໃຫ້ເຮົາຍ່າງຕາມ. ຕອນນີ້ໃຫ້ເຮົາມາຕອບສາມຄຳຖາມຕໍ່ໄປນີ້: ການຍ່າງຕາມຮອຍຕີນພະເຢຊູໝາຍຄວາມວ່າແນວໃດ? ເປັນຫຍັງເຮົາຄວນເຮັດແບບນັ້ນ? ແລະເຮົາຈະເຮັດແບບນັ້ນໄດ້ແນວໃດ?
ການຍ່າງຕາມຮອຍຕີນພະເຢຊູໝາຍຄວາມວ່າແນວໃດ?
3. ການຍ່າງຕາມຮອຍຕີນຂອງໃຜຄົນໜຶ່ງໝາຍຄວາມວ່າແນວໃດ?
3 ການຍ່າງຕາມຮອຍຕີນຂອງໃຜຄົນໜຶ່ງໝາຍຄວາມວ່າແນວໃດ? ໃນຄຳພີໄບເບິນຄຳວ່າ “ຕີນ” ແລະ “ທຽວໄປ” ບາງເທື່ອໝາຍເຖິງການໃຊ້ຊີວິດຂອງໃຜຄົນໜຶ່ງ. (ຕົ້ນ. 6:9; ສຸພາ. 4:26) ຮອຍຕີນຂອງຜູ້ໜຶ່ງອາດປຽບຄືກັບແບບຢ່າງທີ່ລາວວາງໄວ້. ດັ່ງນັ້ນ ການຍ່າງຕາມຮອຍຕີນຂອງໃຜຄົນໜຶ່ງໝາຍເຖິງການຮຽນແບບ ຫຼືເຮັດຕາມແບບຢ່າງຂອງລາວ.
4. ການຍ່າງຕາມຮອຍຕີນຂອງພະເຢຊູໝາຍຄວາມວ່າແນວໃດ?
1 ປຕ. 2:18-25) ທີ່ຈິງ ທຸກສິ່ງທີ່ພະເຢຊູເວົ້າແລະເຮັດຕະຫຼອດຊີວິດຂອງເພິ່ນກໍເປັນແບບຢ່າງໃຫ້ເຮົາເຮັດຕາມ.
4 ແລ້ວການຍ່າງຕາມຮອຍຕີນຂອງພະເຢຊູໝາຍຄວາມວ່າແນວໃດ? ໝາຍຄວາມວ່າ ເຮົາຕ້ອງເຮັດຕາມແບບຢ່າງຂອງເພິ່ນ. ໃນຂໍ້ພະຄຳພີຫຼັກຂອງບົດນີ້ ອັກຄະສາວົກເປໂຕໄດ້ບອກວ່າ ພະເຢຊູເປັນແບບຢ່າງທີ່ດີຍ້ອນເພິ່ນໄດ້ອົດທົນກັບຄວາມຍາກລຳບາກ. ນອກຈາກນັ້ນ ເຮົາຍັງສາມາດຮຽນແບບພະເຢຊູໃນເລື່ອງອື່ນໆອີກ. (5. ຄົນທີ່ບໍ່ສົມບູນແບບຈະເຮັດຕາມແບບຢ່າງຂອງພະເຢຊູໄດ້ບໍ? ຂໍໃຫ້ອະທິບາຍ.
5 ເຮົາທີ່ເປັນຄົນບໍ່ສົມບູນແບບຈະເຮັດຕາມແບບຢ່າງຂອງພະເຢຊູທີ່ສົມບູນແບບໄດ້ແທ້ໆບໍ? ໄດ້ແທ້! ເພາະເປໂຕບອກເຮົາໃຫ້ “ຍ່າງຕາມຮອຍຕີນ [ພະເຢຊູ] ຢ່າງໃກ້ຊິດ” ບໍ່ແມ່ນໃຫ້ຍ່າງຄືກັບເພິ່ນອ້ອຍຕ້ອຍ. ຖ້າເຮົາທີ່ເປັນຄົນບໍ່ສົມບູນແບບເຮັດຕາມແບບຢ່າງຂອງພະເຢຊູໃຫ້ດີທີ່ສຸດ ເຮົາກໍກຳລັງເຮັດຕາມຄຳແນະນຳທີ່ອັກຄະສາວົກໂຢຮັນບອກໄວ້ທີ່ວ່າ: “ໃຊ້ຊີວິດແບບດຽວກັບ [ພະເຢຊູ].”—1 ຢຮ. 2:6
ເປັນຫຍັງຕ້ອງຍ່າງຕາມຮອຍຕີນຂອງພະເຢຊູ?
6-7. ເປັນຫຍັງເຮົາຈຶ່ງເວົ້າໄດ້ວ່າການຍ່າງຕາມຮອຍຕີນຂອງພະເຢຊູຈະເຮັດໃຫ້ເຮົາສະໜິດກັບພະເຢໂຫວາຫຼາຍຂຶ້ນ?
6 ການຍ່າງຕາມຮອຍຕີນພະເຢຊູຈະເຮັດໃຫ້ເຮົາສະໜິດກັບພະເຢໂຫວາຫຼາຍຂຶ້ນ. ເປັນຫຍັງຈຶ່ງວ່າແນວນັ້ນ? ເຫດຜົນທຳອິດແມ່ນ ພະເຢຊູເປັນແບບຢ່າງທີ່ດີໃນການໃຊ້ຊີວິດແບບທີ່ພະເຈົ້າພໍໃຈ. (ຢຮ. 8:29) ດັ່ງນັ້ນ ຖ້າເຮົາເຮັດຕາມແບບຢ່າງຂອງພະເຢຊູ ເຮົາກໍຈະເຮັດໃຫ້ພະເຢໂຫວາພໍໃຈ. ແລະເຮົາກໍສາມາດໝັ້ນໃຈໄດ້ວ່າ ພະເຢໂຫວາພໍ່ທີ່ຢູ່ໃນສະຫວັນຈະໃກ້ຊິດກັບຄົນທີ່ພະຍາຍາມຢາກໃກ້ຊິດກັບເພິ່ນ.—ຢກບ. 4:8
7 ເຫດຜົນທີ່ສອງກໍຄື ພະເຢຊູຮຽນແບບພະເຢໂຫວາຢຮ. 14:9) ເຮົາສາມາດຮຽນແບບຄຸນລັກສະນະຕ່າງໆຂອງພະເຢຊູ ແລະວິທີທີ່ເພິ່ນປະຕິບັດຕໍ່ຄົນອື່ນ. ຕົວຢ່າງເຊັ່ນ ພະເຢຊູຮູ້ສຶກອີ່ຕົນຄົນທີ່ເປັນຂີ້ທູດ. ເພິ່ນເຫັນອົກເຫັນໃຈຜູ້ຍິງທີ່ເປັນພະຍາດຕົກເລືອດ ແລະເພິ່ນຍັງຮ່ວມຄວາມຮູ້ສຶກກັບຄົນທີ່ສູນເສຍຄົນທີ່ຮັກ. ເມື່ອເຮົາຮຽນແບບພະເຢຊູ ເຮົາກໍກຳລັງຮຽນແບບພະເຢໂຫວາ. (ມຣກ. 1:40, 41; 5:25-34; ຢຮ. 11:33-35) ແຮ່ງເຮົາຮຽນແບບພະເຢໂຫວາຫຼາຍເທົ່າໃດ ເຮົາກໍແຮ່ງຈະສະໜິດກັບເພິ່ນຫຼາຍຂຶ້ນເທົ່ານັ້ນ.
ພໍ່ຂອງເພິ່ນໄດ້ຢ່າງສົມບູນແບບ. ດັ່ງນັ້ນ ພະເຢຊູຈຶ່ງບອກວ່າ: “ຜູ້ທີ່ໄດ້ເຫັນຂ້ອຍກໍໄດ້ເຫັນພະເຈົ້າຜູ້ເປັນພໍ່.” (8. ຂໍໃຫ້ອະທິບາຍວ່າເປັນຫຍັງການຍ່າງຕາມຮອຍຕີນພະເຢຊູຈະຊ່ອຍເຮົາໃຫ້ “ຊະນະ” ໂລກໄດ້.
8 ການຍ່າງຕາມຮອຍຕີນພະເຢຊູຈະຊ່ອຍເຮົາບໍ່ໃຫ້ຫຼົງໄປກັບໂລກນີ້. ໃນຄືນສຸດທ້າຍທີ່ພະເຢຊູມີຊີວິດຢູ່ໃນໂລກນີ້ ເພິ່ນໄດ້ເວົ້າວ່າ: “ຂ້ອຍຊະນະໂລກແລ້ວ.” (ຢຮ. 16:33) ທີ່ເພິ່ນເວົ້າແບບນີ້ໝາຍຄວາມວ່າ ເພິ່ນບໍ່ຍອມເຮັດຕາມເປົ້າໝາຍ ຄວາມຄິດ ແລະການກະທຳຂອງຄົນໃນໂລກນີ້. ເພິ່ນຮູ້ວ່າເຫດຜົນທີ່ເພິ່ນຖືກສົ່ງມາໂລກນີ້ກໍເພື່ອເຮັດໃຫ້ຊື່ຂອງພະເຢໂຫວາໄດ້ຮັບກຽດແລະການຍົກຍ້ອງ. ເຮົາກໍຄືກັນ ມີຫຼາຍຢ່າງໃນໂລກນີ້ທີ່ເຮັດໃຫ້ເຮົາບໍ່ຈົດຈໍ່ຢູ່ກັບການຮັບໃຊ້ພະເຢໂຫວາ. ແຕ່ຖ້າເຮົາເຮັດຕາມຕົວຢ່າງຂອງພະເຢຊູໂດຍຈົດຈໍ່ຢູ່ກັບການຮັບໃຊ້ພະເຢໂຫວາຢູ່ສະເໝີ ເຮົາກໍຈະ “ຊະນະ” ໂລກໄດ້ຄືກັນ.—1 ຢຮ. 5:5
9. ເຮົາຕ້ອງເຮັດຫຍັງເພື່ອຈະຢູ່ໃນທາງທີ່ພາໄປເຖິງຊີວິດຕະຫຼອດໄປ?
9 ການຍ່າງຕາມຮອຍຕີນພະເຢຊູຈະເຮັດໃຫ້ເຮົາໄດ້ຊີວິດຕະຫຼອດໄປ. ຕອນທີ່ຊາຍໜຸ່ມທີ່ຮັ່ງມີຄົນໜຶ່ງຖາມພະເຢຊູວ່າ ລາວຕ້ອງເຮັດຫຍັງເພື່ອຈະໄດ້ຊີວິດຕະຫຼອດໄປ. ພະເຢຊູບອກວ່າໃຫ້ “ຕິດຕາມຂ້ອຍມາ.” (ມທ. 19:16-21) ເມື່ອຄົນຢິວບາງຄົນບໍ່ເຊື່ອວ່າພະເຢຊູເປັນພະຄລິດ ເພິ່ນກໍບອກເຂົາເຈົ້າວ່າ: “ແກະຂອງຂ້ອຍ . . . ກໍຕິດຕາມຂ້ອຍ. ຂ້ອຍໃຫ້ແກະມີຊີວິດຕະຫຼອດໄປ.” (ຢຮ. 10:24-29) ເມື່ອນີໂກເດມເຊິ່ງເປັນສະມາຊິກຂອງສານຊັນເຮດຣິນຢາກຮູ້ກ່ຽວກັບສິ່ງທີ່ພະເຢຊູສອນຫຼາຍຂຶ້ນ ພະເຢຊູຈຶ່ງບອກລາວວ່າຄົນທີ່ “ສະແດງຄວາມເຊື່ອ” ຈະ “ມີຊີວິດຕະຫຼອດໄປ.” (ຢຮ. 3:16) ເຮົາສະແດງຄວາມເຊື່ອໃນພະເຢຊູໂດຍເຮັດຕາມສິ່ງທີ່ເພິ່ນສອນ ບໍ່ວ່າຈະທາງຄຳເວົ້າຫຼືການກະທຳ. ຖ້າເຮົາເຮັດແບບນັ້ນ ເຮົາກໍຈະໄດ້ຢູ່ໃນທາງທີ່ພາໄປເຖິງຊີວິດຕະຫຼອດໄປ.—ມທ. 7:14
ເຮົາຈະຍ່າງຕາມຮອຍຕີນພະເຢຊູຢ່າງໃກ້ຊິດໄດ້ແນວໃດ?
10. ເຮົາຕ້ອງເຮັດຫຍັງເພື່ອຈະ “ຮູ້ຈັກ” ພະເຢຊູໃຫ້ຫຼາຍຂຶ້ນ? (ໂຢຮັນ 17:3)
10 ເພື່ອຈະຍ່າງຕາມຮອຍຕີນພະເຢຊູຢ່າງໃກ້ຊິດ ເຮົາຕ້ອງມາຮູ້ຈັກກັບເພິ່ນກ່ອນ. (ອ່ານໂຢຮັນ 17:3) ການ “ຮູ້ຈັກ” ພະເຢຊູເປັນສິ່ງທີ່ເຮົາຕ້ອງເຮັດຕໍ່ໆໄປ. ເຮົາຕ້ອງຮຽນຮູ້ກ່ຽວກັບຄຸນລັກສະນະ ຄວາມຄິດ ແລະ ສິ່ງທີ່ພະເຢຊູສອນໃຫ້ຫຼາຍຂຶ້ນເລື້ອຍໆ. ເຖິງວ່າເຮົາຈະຢູ່ໃນຄວາມຈິງມາດົນປານໃດແລ້ວ ເຮົາກໍຍັງຕ້ອງ “ຮູ້ຈັກ” ພະເຢໂຫວາແລະພະເຢຊູຕໍ່ໆໄປ.
11. ປຶ້ມມັດທາຍ ມາຣະໂກ ລູກາ ແລະໂຢຮັນເວົ້າເຖິງເລື່ອງຫຍັງແດ່?
11 ເພື່ອຊ່ອຍເຮົາໃຫ້ຮູ້ຈັກພະເຢຊູ ພະເຢໂຫວາໄດ້ໃຫ້ເຮົາມີປຶ້ມມັດທາຍ ມາຣະໂກ ລູກາ ແລະໂຢຮັນທີ່ເວົ້າເຖິງຊີວິດແລະວຽກຮັບໃຊ້ຂອງພະເຢຊູ. ໃນປຶ້ມ 4 ເຫຼັ້ມນີ້ບອກເຮົາໃຫ້ຮູ້ວ່າພະເຢຊູໄດ້ເວົ້າຫຍັງ ໄດ້ເຮັດຫຍັງ ແລະຮູ້ສຶກແນວໃດ ແລະຍັງຊ່ອຍເຮົາໃຫ້ “ສັງເກດເບິ່ງ” ແບບຢ່າງຂອງພະເຢຊູໃຫ້ດີ. (ຮຣ. 12:3) ຍ້ອນປຶ້ມ 4 ເຫຼັ້ມນີ້ໄດ້ເວົ້າເຖິງການໃຊ້ຊີວິດຂອງພະເຢຊູ ດັ່ງນັ້ນ ຖ້າເຮົາສຶກສາຄົ້ນຄວ້າຫຼາຍຂຶ້ນ ເຮົາກໍແຮ່ງຈະຮູ້ຈັກພະເຢຊູຫຼາຍຂຶ້ນ. ຜົນກໍຄື ເຮົາຈະສາມາດຍ່າງຕາມຮອຍຕີນຂອງເພິ່ນໄດ້ຢ່າງໃກ້ຊິດ.
12. ເຮົາຕ້ອງເຮັດແນວໃດເພື່ອຈະໄດ້ຮັບປະໂຫຍດຫຼາຍທີ່ສຸດຈາກປຶ້ມມັດທາຍ ມາຣະໂກ ລູກາ ແລະໂຢຮັນ?
12 ເພື່ອຈະໄດ້ຮັບປະໂຫຍດຫຼາຍທີ່ສຸດຈາກປຶ້ມມັດທາຍ ມາຣະໂກ ລູກາ ແລະໂຢຮັນ ເຮົາຕ້ອງບໍ່ພຽງແຕ່ອ່ານ ແຕ່ເຮົາຕ້ອງສຶກສາຄົ້ນຄວ້າແລະຄິດຕຶກຕອງຢ່າງເລິກເຊິ່ງ. (ສົມທຽບກັບໂຢຊວຍ 1:8) ໃຫ້ເຮົາມາເບິ່ງຄຳແນະນຳສອງຢ່າງທີ່ຈະຊ່ອຍເຮົາໃຫ້ຄິດຕຶກຕອງແລະນຳໃຊ້ສິ່ງທີ່ເຮົາໄດ້ອ່ານຈາກປຶ້ມ 4 ເຫຼັ້ມນີ້.
13. ເຮົາຕ້ອງເຮັດຫຍັງເພື່ອຈະເຂົ້າໃຈເຫດການໃນສະໄໝຂອງພະເຢຊູໃຫ້ຫຼາຍຂຶ້ນ?
13 ທຳອິດ ນຶກພາບວ່າເຈົ້າຢູ່ໃນເຫດການສະໄໝຂອງພະເຢຊູ. ໃຫ້ນຶກພາບວ່າເຈົ້າໄດ້ຍິນ ໄດ້ເຫັນ ແລະຮູ້ສຶກແນວໃດຕໍ່ກັບເຫດການນັ້ນ. ແຕ່ເພື່ອຈະເຮັດແບບນັ້ນໄດ້ ເຮົາຕ້ອງສຶກສາຄົ້ນຄວ້າປຶ້ມຕ່າງໆຂອງອົງການ. ໃຫ້ເບິ່ງພາບລວມຂອງແວດບົດວ່າ ເຫດການໃດເກີດຂຶ້ນກ່ອນແລະເຫດການໃດເກີດຂຶ້ນຕາມຫຼັງ. ຈາກນັ້ນ ກໍໃຫ້ສຶກສາຄົ້ນຄວ້າກ່ຽວກັບຄົນແລະສະຖານທີ່ທີ່ຢູ່ໃນເລື່ອງນັ້ນ. ໃຫ້ສົມທຽບເຫດການທີ່ເຈົ້າກຳລັງອ່ານໃນເຫຼັ້ມໜຶ່ງກັບເຫຼັ້ມອື່ນໆເຊິ່ງເປັນເລື່ອງດຽວກັນເພາະຜູ້ຂຽນເຫຼັ້ມອື່ນໆອາດຈະໃຫ້ຂໍ້ມູນແລະລາຍລະອຽດທີ່ໜ້າສົນໃຈຕື່ມ.
14-15. ເຮົາຕ້ອງເຮັດແນວໃດເພື່ອຈະເອົາສິ່ງທີ່ໄດ້ຮຽນຈາກເລື່ອງຂອງພະເຢຊູໄປໃຊ້?
ຢຮ. 13:17) ຫຼັງຈາກທີ່ໄດ້ສຶກສາຄົ້ນຄວ້າກ່ຽວກັບເລື່ອງຂອງພະເຢຊູຢ່າງລະອຽດແລ້ວ ໃຫ້ຖາມຕົວເອງວ່າ: ‘ມີບົດຮຽນຫຍັງແດ່ທີ່ຂ້ອຍຈະເອົາໄປໃຊ້ໃນຊີວິດ ແລະຂ້ອຍຈະໃຊ້ບົດຮຽນນັ້ນເພື່ອຊ່ວຍເຫຼືອຄົນອື່ນແນວໃດ?’ ໃຫ້ພະຍາຍາມຄິດເຖິງຄົນທີ່ເຈົ້າຮູ້ຈັກ ແລ້ວຫາໂອກາດທີ່ເໝາະສົມເພື່ອຈະບອກເລື່ອງທີ່ເຈົ້າໄດ້ຮຽນໃຫ້ກັບເຂົາເຈົ້າດ້ວຍຄວາມຮັກແລະຄວາມອ່ອນໂຍນ.
14 ທີສອງ ເຮັດຕາມສິ່ງທີ່ເຈົ້າໄດ້ຮຽນຈາກເລື່ອງຂອງພະເຢຊູ. (15 ໃຫ້ເຮົາມາເບິ່ງວ່າເຮົາຈະໃຊ້ຄຳແນະນຳສອງຢ່າງນີ້ແນວໃດ ເມື່ອສຶກສາເລື່ອງຂອງແມ່ໝ້າຍທີ່ທຸກຍາກທີ່ພະເຢຊູສັງເກດເຫັນຢູ່ໃນວິຫານ.
ແມ່ໝ້າຍທີ່ທຸກຍາກໃນວິຫານ
16. ຂໍໃຫ້ເລົ່າເຫດການທີ່ເກີດຂຶ້ນຢູ່ໃນມາຣະໂກ 12:41.
16 ນຶກພາບວ່າເຈົ້າຢູ່ໃນເຫດການເລື່ອງທີ່ອ່ານ. (ອ່ານມາຣະໂກ 12:41) ຂໍໃຫ້ຄິດເຖິງເຫດການຂອງວັນທີ 11 ເດືອນນີຊານປີ ຄ.ສ 33 ເຊິ່ງແມ່ນສອງສາມມື້ກ່ອນທີ່ພະເຢຊູຈະຕາຍ. ໃນມື້ນັ້ນພະເຢຊູໄດ້ໃຊ້ເວລາສ່ວນຫຼາຍເພື່ອສອນປະຊາຊົນຢູ່ໃນວິຫານ ແລ້ວກໍມີພວກຫົວໜ້າສາສະໜາເຂົ້າມາຫາເລື່ອງເພິ່ນ. ກ່ອນໜ້ານັ້ນເຂົາເຈົ້າຖາມວ່າ ພະເຢຊູມີສິດຫຍັງທີ່ມາເຮັດແບບນີ້. ສ່ວນຄົນອື່ນໆກໍໄດ້ໃຊ້ຄຳຖາມເພື່ອຈະຈັບຜິດເພິ່ນ. (ມຣກ. 11:27-33; 12:13-34) ຕອນນີ້ພະເຢຊູກໍໄດ້ຍ່າງໄປອີກບ່ອນໜຶ່ງເຊິ່ງຢູ່ໃນວິຫານ. ເບິ່ງຄືວ່າບ່ອນທີ່ເພິ່ນໄປນັ້ນເປັນລານສຳລັບຜູ້ຍິງ. ພະເຢຊູນັ່ງລົງໃນບ່ອນທີ່ແນມເຫັນກ່ອງບໍລິຈາກ ແລະສັງເກດເບິ່ງຄົນທີ່ກຳລັງປ່ອນເງິນລົງໄປໃນກ່ອງເຫຼົ່ານັ້ນ. ເພິ່ນເຫັນຄົນລວຍປ່ອນເງິນບັກຫຼາຍໆລົງໄປໃນກ່ອງບໍລິຈາກ. ບາງທີພະເຢຊູອາດຈະຢູ່ໃກ້ຫຼາຍ ຈຶ່ງໄດ້ຍິນສຽງຫຼຽນທີ່ເຂົາເຈົ້າປ່ອນລົງໄປໃນກ່ອງບໍລິຈາກ.
17. ແມ່ໝ້າຍທີ່ທຸກຍາກທີ່ຢູ່ໃນມາຣະໂກ 12:42 ໄດ້ເຮັດຫຍັງ?
17 ອ່ານມາຣະໂກ 12:42. ບໍ່ດົນຫຼັງຈາກນັ້ນ ພະເຢຊູກໍສັງເກດເຫັນຜູ້ຍິງຄົນໜຶ່ງເຊິ່ງເປັນ “ແມ່ໝ້າຍທຸກຍາກ.” (ລກ. 21:2) ຊີວິດລາວລຳບາກຫຼາຍ ແລະອາດມີເງິນບໍ່ພຽງພໍທີ່ຈະຊື້ສິ່ງຈຳເປັນສຳລັບລ້ຽງຊີວິດ. ປານນັ້ນລາວກໍຍັງປ່ອນເງິນຫຼຽນນ້ອຍໆ 2 ຫຼຽນລົງໄປໃນກ່ອງບໍລິຈາກເຊິ່ງເກືອບຈະບໍ່ໄດ້ຍິນສຽງຫຼຽນທີ່ລາວປ່ອນລົງດ້ວຍຊ້ຳ. ແຕ່ພະເຢຊູຮູ້ວ່າລາວປ່ອນເງິນຫຼຽນ 2 ເລັບຕັນລົງໃນກ່ອງບໍລິຈາກເຊິ່ງເປັນເງິນທີ່ມີຄ່າໜ້ອຍທີ່ສຸດໃນສະໄໝນັ້ນ. ມັນມີຄ່າໜ້ອຍຫຼາຍຈົນວ່າຊື້ນົກກະຈອກໂຕດຽວກໍບໍ່ໄດ້ ເຊິ່ງນົກກະຈອກເປັນນົກທີ່ລາຄາຖືກທີ່ສຸດແລ້ວ.
18. ຕາມມາຣະໂກ 12:43, 44 ພະເຢຊູໄດ້ເວົ້າແນວໃດກ່ຽວກັບເງິນທີ່ແມ່ໝ້າຍບໍລິຈາກ?
18 ອ່ານມາຣະໂກ 12:43, 44. ພະເຢຊູຮູ້ສຶກປະທັບໃຈແມ່ໝ້າຍຄົນນີ້ຫຼາຍ. ເພິ່ນຈຶ່ງເອີ້ນພວກລູກສິດໃຫ້ມາຫາແລະບອກກັບເຂົາເຈົ້າວ່າ: “ແມ່ໝ້າຍທີ່ທຸກຍາກຜູ້ນີ້ໄດ້ປ່ອນເງິນລົງໃນກ່ອງບໍລິຈາກຫຼາຍກວ່າທຸກຄົນ.” ແລະເພິ່ນຍັງເວົ້າຕື່ມວ່າ: “ຄົນອື່ນ [ໂດຍສະເພາະຄົນລວຍ] ເອົາເງິນເຫຼືອໃຊ້ມາບໍລິຈາກ ແຕ່ແມ່ໝ້າຍຜູ້ນີ້ ເຖິງຈະທຸກຍາກຫຼາຍ ກໍຍັງເອົາເງິນທັງໝົດທີ່ລາວມີສຳລັບລ້ຽງຊີວິດມາບໍລິຈາກ.” ການທີ່ແມ່ໝ້າຍຄົນນີ້ບໍລິຈາກເງິນທັງໝົດທີ່ລາວມີໃຫ້ກັບພະເຢໂຫວາສະແດງໃຫ້ເຫັນວ່າ ລາວໝັ້ນໃຈວ່າພະເຢໂຫວາຈະເບິ່ງແຍງລາວໃຫ້ມີສິ່ງຈຳເປັນ.—ເພງ. 26:3
ຄືກັບພະເຢຊູ ເມື່ອເຈົ້າເຫັນຄົນອື່ນໃຫ້ສິ່ງທີ່ດີທີ່ສຸດກັບພະເຢໂຫວາ ເຈົ້າກໍຄວນຈະຊົມເຊີຍເຂົາເຈົ້າ (ເບິ່ງຂໍ້ 19-20) *
19. ເຮົາໄດ້ບົດຮຽນຫຍັງຈາກສິ່ງທີ່ພະເຢຊູເວົ້າກ່ຽວກັບແມ່ໝ້າຍທີ່ທຸກຍາກຜູ້ນີ້?
19 ເຮັດຕາມສິ່ງທີ່ໄດ້ຮຽນ. ໃຫ້ຖາມຕົວເອງວ່າ: ‘ຂ້ອຍໄດ້ບົດຮຽນຫຍັງຈາກສິ່ງທີ່ພະເຢຊູເວົ້າກ່ຽວກັບແມ່ໝ້າຍທີ່ທຸກຍາກ?’ ແມ່ໝ້າຍຄົນນີ້ໄດ້ບໍລິຈາກໃຫ້ພະເຢໂຫວາຫຼາຍທີ່ສຸດເທົ່າທີ່ລາວມີເຖິງວ່າລາວອາດຈະຢາກໃຫ້ຫຼາຍກວ່ານີ້ ແຕ່ພະເຢຊູກໍຮູ້ວ່າເງິນທີ່ລາວບໍລິຈາກນັ້ນມີຄ່າຫຼາຍໃນສາຍຕາຂອງພະເຢໂຫວາແທ້ໆ. ບົດຮຽນສຳລັບເຮົາກໍຄື ພະເຢໂຫວາຈະພໍໃຈເຮົາຖ້າເຮົາຮັບໃຊ້ເພິ່ນສຸດຫົວໃຈແລະສຸດຄວາມສາມາດ. (ມທ. 22:37; ກລຊ. 3:23) ພະເຢໂຫວາຮູ້ສຶກດີໃຈເມື່ອເຫັນວ່າເຮົາເຮັດທຸກສິ່ງເພື່ອເພິ່ນເຊັ່ນ: ເຮົາໃຊ້ເວລາແລະກຳລັງເພື່ອນະມັດສະການເພິ່ນ ບໍ່ວ່າຈະເປັນການເຂົ້າຮ່ວມປະຊຸມແລະການປະກາດ.
20. ເຈົ້າຈະເອົາສິ່ງທີ່ໄດ້ຮຽນຈາກເລື່ອງຂອງແມ່ໝ້າຍໄປໃຊ້ໄດ້ແນວໃດ? ຂໍໃຫ້ຍົກຕົວຢ່າງ.
ອຟຊ. 4:29) ໃຫ້ກຳລັງໃຈເຂົາເຈົ້າໂດຍເລົ່າສິ່ງທີ່ເຈົ້າໄດ້ຮຽນຈາກແມ່ໝ້າຍທີ່ທຸກຍາກຜູ້ນີ້ໃຫ້ເຂົາເຈົ້າຟັງ. ສິ່ງເຫຼົ່ານີ້ຈະຊ່ອຍເຂົາເຈົ້າໃຫ້ໝັ້ນໃຈວ່າພະເຢໂຫວາພໍໃຈຖ້າເຮົາໃຫ້ສິ່ງທີ່ດີທີ່ສຸດກັບເພິ່ນ. (ສຸພາ. 15:23; 1 ທຊ. 5:11) ເມື່ອເຈົ້າຊົມເຊີຍຄົນອື່ນຍ້ອນເຂົາເຈົ້າໄດ້ໃຫ້ສິ່ງທີ່ດີທີ່ສຸດກັບພະເຢໂຫວາ ບໍ່ວ່າຈະເປັນສິ່ງເລັກໆນ້ອຍໆກໍຕາມ ເຈົ້າກໍກຳລັງຍ່າງຕາມຮອຍຕີນພະເຢຊູຢ່າງໃກ້ຊິດ.
20 ເຈົ້າຈະເອົາບົດຮຽນທີ່ໄດ້ຈາກເລື່ອງຂອງແມ່ໝ້າຍຜູ້ນີ້ໄປໃຊ້ແນວໃດ? ໃຫ້ຄິດເຖິງຄົນທີ່ເຮົາຈະສາມາດໃຫ້ກຳລັງໃຈໄດ້ ແລະບອກເຂົາເຈົ້າວ່າພະເຢໂຫວາພໍໃຈໃນສິ່ງທີ່ເຂົາເຈົ້າເຮັດ. ຕົວຢ່າງເຊັ່ນ: ເຈົ້າຮູ້ຈັກພີ່ນ້ອງທີ່ສູງອາຍຸບາງຄົນບໍທີ່ມີບັນຫາສຸຂະພາບເຊິ່ງຮູ້ສຶກທໍ້ໃຈແລະຄິດວ່າຕົວເອງບໍ່ມີຄ່າຍ້ອນບໍ່ສາມາດຮັບໃຊ້ພະເຢໂຫວາໄດ້ຫຼາຍຄືແຕ່ກ່ອນແລ້ວ. ຫຼືເຈົ້າຮູ້ຈັກພີ່ນ້ອງບາງຄົນທີ່ມີບັນຫາສຸຂະພາບຮ້າຍແຮງເຊິ່ງຮູ້ສຶກທໍ້ໃຈຍ້ອນບໍ່ສາມາດເຂົ້າຮ່ວມປະຊຸມໄດ້ທຸກຄັ້ງບໍ? ໃຫ້ຊ່ວຍເຫຼືອພີ່ນ້ອງເຫຼົ່ານີ້ໂດຍເວົ້າ “ສິ່ງດີໆເຊິ່ງໃຫ້ກຳລັງໃຈ” ເຂົາເຈົ້າ. (21. ເຈົ້າຕັ້ງໃຈທີ່ຈະເຮັດຫຍັງ?
21 ເຮົາຮູ້ສຶກຂອບໃຈພະເຢໂຫວາຫຼາຍແທ້ໆທີ່ໃຫ້ເຮົາຮູ້ເລື່ອງຊີວິດຂອງພະເຢຊູເຊິ່ງຢູ່ໃນປຶ້ມມັດທາຍ ມາຣະໂກ ລູກາ ແລະໂຢຮັນ. ປຶ້ມ 4 ເຫຼັ້ມນີ້ຈະຊ່ອຍເຮົາໃຫ້ສາມາດຮຽນແບບພະເຢຊູ ແລະຍ່າງຕາມຮອຍຕີນເພິ່ນຢ່າງໃກ້ຊິດໄດ້. ຂໍໃຫ້ໃຊ້ປຶ້ມ 4 ເຫຼັ້ມນີ້ໃນການສຶກສາສ່ວນຕົວ ຫຼືການນະມັດສະການປະຈຳຄອບຄົວ. ຂໍໃຫ້ຈື່ໄວ້ວ່າເພື່ອຈະໄດ້ຮັບປະໂຫຍດຫຼາຍທີ່ສຸດຈາກການສຶກສາ ເຮົາຕ້ອງນຶກພາບວ່າຕົວເອງຢູ່ໃນເຫດການນັ້ນແລະເອົາສິ່ງທີ່ໄດ້ຮຽນນັ້ນໄປໃຊ້ໃນຊີວິດ. ນອກຈາກການເຮັດຕາມສິ່ງທີ່ພະເຢຊູເຮັດ ເຮົາຍັງຕ້ອງຟັງສິ່ງທີ່ພະເຢຊູເວົ້າ. ໃນບົດຄວາມຕໍ່ໄປ ເຮົາຈະມາເບິ່ງວ່າເຮົາໄດ້ບົດຮຽນຫຍັງຈາກຄຳເວົ້າສຸດທ້າຍຂອງພະເຢຊູຕອນທີ່ຢູ່ໃນໂລກນີ້.
ເພງ 15 ສັນລະເສີນລູກຫົວປີຂອງພະເຢໂຫວາ!
^ ຂໍ້ 5 ຍ້ອນເຮົາເປັນຄລິດສະຕຽນແທ້ ເຮົາຈຶ່ງຕ້ອງຍ່າງຕາມຮອຍຕີນຂອງພະເຢຊູຢ່າງໃກ້ຊິດ. ພະເຢຊູໄດ້ວາງຮອຍຕີນໃຫ້ເຮົາຍ່າງຕາມແນວໃດ? ເປັນຫຍັງເຮົາຄວນຍ່າງຕາມຮອຍຕີນຂອງເພິ່ນຢ່າງໃກ້ຊິດ ແລະເຮົາຈະເຮັດແບບນັ້ນໄດ້ແນວໃດ? ໃນບົດຄວາມນີ້ເຮົາຈະມາຕອບຄຳຖາມເຫຼົ່ານີ້.
^ ຂໍ້ 60 ຄຳອະທິບາຍຮູບພາບ: ຫຼັງຈາກທີ່ພີ່ນ້ອງຍິງໄດ້ຄິດຕຶກຕອງເຖິງສິ່ງທີ່ພະເຢຊູເວົ້າກ່ຽວກັບແມ່ໝ້າຍທີ່ທຸກຍາກ ລາວກໍໄດ້ຊົມເຊີຍພີ່ນ້ອງສູງອາຍຸທີ່ຮັບໃຊ້ພະເຢໂຫວາສຸດຄວາມສາມາດ.