ເອົາຊະນະສິ່ງທີ່ພະຍາຍາມຄວບຄຸມຄວາມຄິດຂອງເຈົ້າ
ເຈົ້າກຳລັງຖືກໂຈມຕີ! ສັດຕູນີ້ຄືຊາຕານເຊິ່ງພະຍາຍາມໃຊ້ອາວຸດທີ່ຮ້າຍແຮງໂຈມຕີເຈົ້າ. ອາວຸດນີ້ເລັງເປົ້າໄປທີ່ຄວາມຄິດຂອງເຈົ້າບໍ່ແມ່ນຮ່າງກາຍ. ອາວຸດນັ້ນແມ່ນຫຍັງ? ແມ່ນການໂຄສະນາຊວນເຊື່ອ!
ໂປໂລຮູ້ວ່າການໂຄສະນາຊວນເຊື່ອຂອງຊາຕານອັນຕະລາຍ ແຕ່ບໍ່ແມ່ນຄລິດສະຕຽນທຸກຄົນຄິດແບບນັ້ນ. ຕົວຢ່າງ: ເບິ່ງຄືວ່າບາງຄົນໃນປະຊາຄົມໂກລິນໂທຄິດວ່າເຂົາເຈົ້າມີຄວາມເຊື່ອທີ່ເຂັ້ມແຂງແລະບໍ່ມີທາງທີ່ຊາຕານຈະເຮັດອັນຕະລາຍເຂົາເຈົ້າໄດ້. (1 ໂກລິນໂທ 10:12) ໂປໂລຈຶ່ງເຕືອນເຂົາເຈົ້າວ່າ: “ເຮົາຢ້ານວ່າເໝືອນດັ່ງງູນັ້ນໄດ້ລໍ້ລວງນາງເອວາດ້ວຍການອຸບາຍຂອງມັນ ຄວາມຄຶດຂອງທ່ານທັງຫຼາຍຈະໄດ້ຖືກລໍ້ລວງດ້ວຍຢ່າງໜຶ່ງຢ່າງໃດໃຫ້ຫຼົງຈາກຄວາມສັດຊື່ແລະຄວາມບໍລິສຸດທີ່ຢູ່ຝ່າຍພະຄລິດເໝືອນດັ່ງນັ້ນ.”—2 ໂກລິນໂທ 11:3
ຄຳເວົ້າຂອງໂປໂລຊີ້ໃຫ້ເຫັນວ່າເປັນເລື່ອງສຳຄັນທີ່ຈະບໍ່ເປັນຄົນໝັ້ນໃຈຕົວເອງຫຼາຍເກີນໄປ. ເພື່ອເອົາຊະນະໂຄສະນາຊວນເຊື່ອຂອງຊາຕານ ເຈົ້າຕ້ອງຮູ້ວ່າໂຄສະນາຊວນເຊື່ອອັນຕະລາຍຫຼາຍສໍ່າໃດແລະປ້ອງກັນຕົວເອງຈາກມັນ.
ການໂຄສະນາຊວນເຊື່ອອັນຕະລາຍແນວໃດ?
ໃນບົດນີ້ ຄຳວ່າໂຄສະນາຊວນເຊື່ອໝາຍເຖິງຂໍ້ມູນທີ່ບໍ່ຖືກຕ້ອງເຊິ່ງໃຊ້ຫຼອກລວງຫຼືຄວບຄຸມຄວາມຄິດແລະການກະທຳຂອງຜູ້ຄົນ. ປຶ້ມການໂຄສະນາຊວນເຊື່ອແລະການໂນ້ມນ້າວ (Propaganda and Persuasion) ບອກວ່າ: ໂຄສະນາຊວນເຊື່ອເປັນສິ່ງທີ່ “ຜິດຫຼັກຈັນຍາບັນ ອັນຕະລາຍ ແລະສໍ້ໂກງ.” ບາງຄົນບອກວ່າໂຄສະນາຊວນເຊື່ອຄືກັບ “ການຕົວະ ບິດເບືອນ ຫຼອກລວງ ບົງການຢູ່ເບື້ອງຫຼັງ ແລະຄວບຄຸມຄວາມຄິດ.”
ໂຄສະນາຊວນເຊື່ອອັນຕະລາຍຫຼາຍເພາະມັນຈະຄ່ອຍໆສົ່ງຜົນຕໍ່ຄວາມຄິດເຮົາໂດຍທີ່ບໍ່ຮູ້ຕົວ ມັນຄືກັບແກ໊ສພິດທີ່ເຮົາເບິ່ງບໍ່ເຫັນແລະບໍ່ມີກິ່ນ. ຜູ້ຊ່ຽວຊານດ້ານພຶດຕິກຳມະນຸດທີ່ຊື່ ແວນ ແພ໋ກກາດບອກວ່າ ໂຄສະນາຊວນເຊື່ອສົ່ງ—A History of Propaganda)
ຜົນຕໍ່ພຶດຕິກຳຂອງເຮົາ “ຫຼາຍກວ່າທີ່ເຮົາຮູ້ຕົວ.” ຜູ້ຊ່ຽວຊານອີກຄົນໜຶ່ງບອກວ່າມັນເຮັດໃຫ້ຜູ້ຄົນເຮັດສິ່ງທີ່ເປັນອັນຕະລາຍແລະບໍ່ມີເຫດຜົນ ເປັນສາເຫດຂອງການຂ້າລ້າງເຜົ່າພັນ ການຂົ່ມເຫງຄົນເຊື້ອຊາດອື່ນຫຼືນັບຖືສາສະໜາອື່ນ.—ປຶ້ມຖືກຈູງດັງໄດ້ງ່າຍໆ—ຄວາມເປັນມາຂອງການໂຄສະນາຊວນເຊື່ອ. (Easily Ledຖ້າມະນຸດໃຊ້ໂຄສະນາຊວນເຊື່ອຊັກຈູງເຮົາໄດ້ ຊາຕານກໍແຮ່ງເຮັດໄດ້ຫຼາຍກວ່ານີ້ອີກບໍ່ແມ່ນບໍ? ຊາຕານສຶກສາພຶດຕິກຳມະນຸດຕັ້ງແຕ່ຕອນທີ່ຖືກສ້າງແລະຕອນນີ້ມັນຍັງຄວບຄຸມ “ໂລກທັງສິ້ນ.” ດັງນັ້ນ ມັນຈຶ່ງໃຊ້ຫຍັງກໍໄດ້ໃນໂລກເພື່ອແພ່ເລື່ອງຕົວະ. (1 ໂຢຮັນ 5:19; ໂຢຮັນ 8:44) ຊາຕານໃຊ້ໂຄສະນາຊວນເຊື່ອເຮັດໃຫ້ຜູ້ຄົນມີ “ຄວາມຄຶດ . . . ມືດໄປ.” ແລະຕອນນີ້ມັນຍັງ “ລໍ້ລວງທົ່ວແຜ່ນດິນໂລກທີ່ຄົນອາໄສ.” (2 ໂກລິນໂທ 4:4; ຄຳປາກົດ 12:9) ເຈົ້າຈະຕ້ານທານໂຄສະນາຊວນເຊື່ອຂອງຊາຕານໄດ້ແນວໃດ?
ເສີມຄວາມເຊື່ອຂອງເຈົ້າ
ພະເຍຊູສອນເຮົາວ່າວິທີທີ່ຈະຕໍ່ສູ້ກັບໂຄສະນາຊວນເຊື່ອຄື: ການ “ຮູ້ຈັກຄວາມຈິງແລະຄວາມຈິງຈະໄຖ່ທ່ານໃຫ້ພົ້ນຈາກເປັນທາດ.” (ໂຢຮັນ 8:31, 32) ໃນສົງຄາມທະຫານຕ້ອງຮູ້ວ່າຈະຊອກຂໍ້ມູນທີ່ໜ້າເຊື່ອຖືຈາກໃສ ເພາະສັດຕູຈະແພ່ຂໍ້ມູນບໍ່ຈິງເພື່ອຕົວະລາວ. ແລ້ວເຈົ້າຈະຊອກຂໍ້ມູນທີ່ໜ້າເຊື່ອຖືໄດ້ຈາກໃສ? ພະເຈົ້າໃຫ້ຂໍ້ມູນນັ້ນໃນຄຳພີໄບເບິນເຊິ່ງຈະຊ່ວຍເຈົ້າໃຫ້ຕໍ່ສູ້ກັບໂຄສະນາຊວນເຊື່ອຂອງຊາຕານໄດ້.—2 ຕີໂມເຕ 3:16, 17
ຊາຕານຮູ້ເລື່ອງນີ້ ມັນຈຶ່ງໃຊ້ໂລກທີ່ຄວບຄຸມດຶງຄວາມສົນໃຈແລະເຮັດໃຫ້ເຮົາບໍ່ຢາກອ່ານຫຼືສຶກສາຄຳພີໄບເບິນ. ແຕ່ຢ່າຖືກຫຼອກຍ້ອນ “ການອຸບາຍຂອງພະຍາມານ.” (ເອເຟດ 6:11) ການມີຄວາມຮູ້ພື້ນຖານເລື່ອງຄວາມຈິງຍັງບໍ່ພໍ ເຮົາຕ້ອງເຂົ້າໃຈຄວາມຮູ້ທີ່ເລິກເຊິ່ງຫຼາຍຂຶ້ນ. (ເອເຟດ 3:18) ນັກປະພັນຊື່ໂນອາມ ຊອມສະກີເວົ້າວ່າ: “ບໍ່ມີໃຜຈະເອົາຄວາມຈິງມາໃສ່ໃນສະໝອງເຈົ້າ ເຈົ້າຕ້ອງຊອກເອງ.” ດັ່ງນັ້ນ “ເຈົ້າຕ້ອງຊອກເອງ” ໂດຍ “ສຶກສາຄົ້ນຄວ້າພະຄຳພີຢ່າງລະອຽດທຸກວັນ.”—ກິດຈະການ 17:11, ລ.ມ.
ຊາຕານບໍ່ຢາກໃຫ້ເຈົ້າຄິດຫາເຫດຜົນເປັນແລະແຍກອອກວ່າອັນໃດແທ້ອັນໃດຕົວະ. ຍ້ອນຫຍັງ? ປຶ້ມສື່ແລະສັງຄົມໃນສະຕະວັດທີຊາວ (Media and Society in the Twentieth Century) ບອກວ່າໂຄສະນາຊວນເຊື່ອ “ຈະໄດ້ຜົນດີທີ່ສຸດ” ຖ້າຜູ້ຄົນ “ຮູ້ສຶກບໍ່ຢາກຄິດ.” ດັ່ງນັ້ນ ຢ່າເຊື່ອທຸກສິ່ງທີ່ໄດ້ຍິນໂດຍບໍ່ຄິດໃຫ້ຮອບຄອບກ່ອນ. ສຸພາສິດ 14:15) ພະເຈົ້າໃຫ້ເຈົ້າມີ “ຄວາມສຸຂຸມຮອບຄອບ” ແລະ “ຄວາມສາມາດໃນການຄິດຫາເຫດຜົນ” ດັ່ງນັ້ນ ເຈົ້າຕ້ອງໃຊ້ມັນເສີມຄວາມເຊື່ອຂອງເຈົ້າ.—ສຸພາສິດ 2:10-15, ລ.ມ.; ໂລມ 12:1, 2, ລ.ມ.
(ສາມັກຄີກັນສະເໝີ
ທະຫານທີ່ໄດ້ຮັບອິດທິພົນຈາກໂຄສະນາຊວນເຊື່ອຈະຮູ້ສຶກຢ້ານຈົນບໍ່ຢາກຕໍ່ສູ້ແລະອາດຕໍ່ສູ້ກັນເອງຫຼືແຍກຕົວອອກໄປຈາກກອງທັບ. ນາຍພົນເຢຍລະມັນບອກວ່າ ໂຄສະນາຊວນເຊື່ອເຮັດໃຫ້ປະເທດເຢຍລະມັນແພ້ສົງຄາມໂລກຄັ້ງທີ 1 ແລະບອກອີກວ່າປະຊາຊົນໄດ້ຮັບອິດທິພົນຈາກໂຄສະນາຊວນເຊື່ອຫຼາຍຄືກັບຖືກສະກົດຈິດ. ຊາຕານກໍໃຊ້ວິທີນີ້ເພື່ອທຳລາຍຄວາມສາມັກຄີຂອງຄລິດສະຕຽນທຸກມື້ນີ້ ເຊັ່ນ: ມັນພະຍາຍາມເຮັດໃຫ້ພີ່ນ້ອງບາງຄົນຖິ້ມອົງການຂອງພະເຈົ້າໄປເພາະຄິດວ່າອົງການບໍ່ຍຸຕິທຳແລະເຮັດຜິດພາດ.
ດັ່ງນັ້ນ ຢ່າຫຼົງເຊື່ອ! ຂໍໃຫ້ເຮັດຕາມຄຳແນະນຳໃນຄຳພີໄບເບິນແລະສາມັກຄີກັນສະເໝີ. ຄຳພີໄບເບິນສະໜັບສະໜູນເຮົາໃຫ້ “ຍົກໂທດໃຫ້ກັນແລະກັນ” ແລະຖ້າມີບັນຫາກໍຮີບແກ້ໄຂ. (ໂກໂລດ 3:13, 14; ມັດທາຍ 5:23, 24) ແລະຍັງເຕືອນເຮົາວ່າຢ່າອອກຫ່າງຈາກປະຊາຄົມ. (ສຸພາສິດ 18:1) ເຈົ້າຕ້ອງແນ່ໃຈວ່າພ້ອມຈະຕໍ່ສູ້ກັບໂຄສະນາຊວນເຊື່ອຂອງຊາຕານ. ໃຫ້ຖາມຕົວເອງວ່າ ‘ຄັ້ງສຸດທ້າຍທີ່ພີ່ນ້ອງເຮັດໃຫ້ຮູ້ສຶກບໍ່ດີ ຂ້ອຍສະແດງທ່າທີແນວໃດ ຂ້ອຍເຮັດໃຫ້ພະເຈົ້າພໍໃຈຫຼືຊາຕານພໍໃຈ?’—ຄາລາຊີ 5:16-26; ເອເຟດ 2:2, 3
ຢ່າຢຸດໄວ້ວາງໃຈ
ທະຫານທີ່ໝົດຄວາມພັກດີຕໍ່ຜູ້ນຳຈະບໍ່ຄ່ອຍຢາກຕໍ່ສູ້. ສັດຕູຈຶ່ງໃຊ້ຄຳໂຄສະນາຊວນເຊື່ອເພື່ອທຳລາຍຄວາມໝັ້ນໃຈຂອງທະຫານແລະເຮັດໃຫ້ເຂົາເຈົ້າໝົດຄວາມວາງໃຈໃນຕົວຜູ້ນຳ. ຖ້າຜູ້ນຳເຮັດຜິດ ສັດຕູກໍຈະສວຍໂອກາດໃຊ້ຈຸດນີ້ແລ້ວບອກວ່າ: “ເຈົ້າຍັງໄວ້ໃຈລາວຢູ່ບໍ?” ແລະ “ຍັງຈະໃຫ້ລາວພາເຈົ້າໄປຕາຍຫວາ?” ຊາຕານກໍເຮັດແບບນີ້ ມັນພະຍາຍາມທຳລາຍຄວາມໝັ້ນໃຈຂອງເຮົາຕໍ່ຄົນທີ່ພະເຈົ້າໃຊ້ໃຫ້ນຳໜ້າ.
ເຈົ້າຈະປົກປ້ອງຕົວເອງໄດ້ແນວໃດ? ຂໍໃຫ້ຕັ້ງໃຈຢູ່ໃນອົງການຂອງພະເຢໂຫວາຕໍ່ໄປ. ພັກດີແລະສະໜັບສະໜູນຄົນທີ່ພະເຈົ້າໃຊ້ໃຫ້ຊີ້ນຳເຖິງວ່າເຂົາເຈົ້າບໍ່ສົມບູນແບບ. (1 ເທຊະໂລນີກ 5:12, 13) ຄົນທີ່ທໍລະຍົດພະເຈົ້າລວມທັງຄົນຫຼອກລວງອາດໂຈມຕີອົງການຂອງພະອົງ. (ຕິໂຕ 1:10) ເຖິງວ່າສິ່ງທີ່ຄົນພວກນີ້ເວົ້າອາດຈະເບິ່ງຄືວ່າຖືກ ແຕ່ ຢ່າ “ຫວັ່ນໄຫວງ່າຍຈົນຂາດເຫດຜົນ.” (2 ເທຊະໂລນີກ 2:2, ລ.ມ.) ຂໍໃຫ້ເຮັດຕາມຄຳແນະນຳທີ່ໂປໂລໃຫ້ກັບຕີໂມເຕທີ່ວ່າ: “ຈົ່ງຕັ້ງໝັ້ນຄົງຢູ່ໃນຂໍ້ຄວາມນັ້ນທີ່ທ່ານໄດ້ຮຽນ” ແລະຈື່ໄວ້ວ່າ “ທ່ານໄດ້ຮຽນມາແຕ່ຜູ້ໃດ.” (2 ຕີໂມເຕ 3:14, 15) ໃຫ້ຄິດເຖິງຫຼັກຖານທີ່ພິສູດວ່າເຈົ້າສາມາດໄວ້ໃຈທາດທີ່ສັດຊື່ ເຊິ່ງເປັນກຸ່ມຄົນທີ່ພະເຢໂຫວາໃຊ້ໃຫ້ສອນຄວາມຈິງມາເກືອບ 100 ປີແລ້ວ.—ມັດທາຍ 24:45-47; ເຫບເລີ 13:7, 17
ຢ່າຊູ່ຢ້ານ
ຊາຕານຍັງໃຊ້ວິທີແບບກົງໆເພື່ອຄວບຄຸມເຈົ້າແລະເຮັດໃຫ້ເຈົ້າຢ້ານ. ປຶ້ມຖືກຈູງດັງໄດ້ງ່າຍໆ—ຄວາມເປັນມາຂອງການໂຄສະນາຊວນເຊື່ອ ບອກວ່າ: ຄວາມຢ້ານເປັນ “ຮູບແບບໜຶ່ງຂອງການໂຄສະນາຊວນເຊື່ອທີ່ເກົ່າແກ່ທີ່ສຸດ.” ນັກສາດສະດາຈານຄົນອັງກິດຊື່ ຟີລິບ ເອັມ ເທເລີ ໄດ້ຂຽນກ່ຽວກັບເລື່ອງນີ້ໂດຍໃຫ້ຕົວຢ່າງວ່າ: ຊາວອາຊີລີໃຊ້ຄວາມຢ້ານແລະການໂຄສະນາຊວນເຊື່ອເພື່ອຈະຄວບຄຸມສັດຕູ ຊາຕານກໍໃຊ້ຄວາມຢ້ານ ບໍ່ວ່າຈະເປັນການຢ້ານຄົນ ການຢ້ານຖືກຂົ່ມເຫງ ແລະການຢ້ານຄວາມຕາຍ ເພື່ອເຮັດໃຫ້ເຈົ້າເຊົາຮັບໃຊ້ພະເຢໂຫວາ.—ເອຊາອີ 8:12; ເຢເຣມີ 42:11; ເຫບເລີ 2:15
ຢ່າຍອມເປັນເຫຍື່ອຂອງມັນ! ພະເຍຊູບອກວ່າ: “ຢ່າຢ້ານຄົນທີ່ຂ້າເຈົ້າໄດ້ໃນຕອນນີ້ ແຕ່ເຮັດຫຍັງເຈົ້າຫຼາຍກວ່ານີ້ບໍ່ໄດ້.” (ລືກາ 12:4, ລ.ມ.) ຂໍໃຫ້ໝັ້ນໃຈວ່າພະເຈົ້າຈະຮັກສາສັນຍາທີ່ວ່າຈະເບິ່ງແຍງເຈົ້າ ໃຫ້ເຈົ້າມີ “ກຳລັງທີ່ຫຼາຍກວ່າປົກກະຕິ” ແລະຊ່ວຍເຈົ້າຕ້ານທານການໂຈມຕີຂອງຊາຕານ.—2 ໂກລິນໂທ 4:7-9, ລ.ມ.; 1 ເປໂຕ 3:14
ບາງຄັ້ງເຈົ້າອາດຮູ້ສຶກອ່ອນແອຫຼືຢ້ານ ແຕ່ຂໍໃຫ້ຈື່ຄຳເວົ້າທີ່ພະເຈົ້າໃຫ້ກຳລັງໃຈໂຢຊວຍທີ່ວ່າ: “ຈົ່ງຊູແຮງຕົວຂຶ້ນແລະຈົ່ງຕັ້ງໝັ້ນຄົງຢູ່. ຢ່າຕົກໃຈແລະຢ່າຊູ່ຢ້ານ ເຫດວ່າພະເຢໂຫວາພະເຈົ້າຂອງເຈົ້າສະຖິດຢູ່ກັບເຈົ້າທຸກທີ່ທຸກບ່ອນເຈົ້າຈະໄປ.” (ໂຢຊວຍ 1:9) ຖ້າເຈົ້າຮູ້ສຶກກັງວົນ ໃຫ້ອະທິດຖານເຖິງພະເຢໂຫວາທັນທີໃນເລື່ອງນັ້ນ. ເຈົ້າໝັ້ນໃຈໄດ້ວ່າ ‘ຄວາມສຸກສຳລານແຫ່ງພະເຈົ້າອັນເຫຼືອລົ້ນທີ່ຈະເຂົ້າໃຈໄດ້ກໍຈະຮັກສາໃຈແລະຄວາມຄຶດທັງຫຼາຍຂອງເຈົ້າ’ ແລ້ວເຈົ້າຈະມີກຳລັງຕ້ານທານການໂຄສະນາຊວນເຊື່ອຂອງຊາຕານໄດ້.—ຟີລິບ 4:6, 7, 13
ເຈົ້າຈື່ໄດ້ບໍຣັບຊາເຄຄົນສົ່ງຂ່າວຂອງອາຊີລີກໍໃຊ້ການໂຄສະນາຊວນເຊື່ອເພື່ອເຮັດໃຫ້ປະຊາຊົນຂອງພະເຈົ້າຢ້ານຄືກັນ? ລາວຢາກໃຫ້ຊາວອິດສະລາແອນເຊື່ອວ່າບໍ່ມີໃຜຊ່ວຍໄດ້ ພະເຢໂຫວາເອງກໍຊ່ວຍບໍ່ໄດ້. ລາວເຖິງກັບອ້າງວ່າພະອົງສັ່ງໃຫ້ຕົວລາວເອງມາທຳລາຍເມືອງເຢຣຶຊາເລມດ້ວຍຊໍ້າ ແລ້ວພະເຢໂຫວາຈັດການແນວໃດ? ພະອົງບອກວ່າ: “ຢ່າຊູ່ຢ້ານຍ້ອນຖ້ອຍຄຳທັງຫຼາຍທີ່ເຈົ້າໄດ້ຍິນເຊິ່ງຂ້າລາຊະການຂອງກະສັດອາຊີລີໄດ້ປ້ອຍດ່າເຮົາ.” (2 ກະສັດ 18:22-25; 19:6) ແລ້ວພະອົງກໍສົ່ງທູດສະຫວັນອົງໜຶ່ງມາທຳລາຍທະຫານອາຊີລີ 185.000 ຄົນໃນຄືນດຽວ!—2 ກະສັດ 19:35
ຈົ່ງເປັນຄົນປັນຍາໂດຍຟັງພະເຢໂຫວາສະເໝີ
ເຈົ້າເຄີຍເບິ່ງໜັງແລະເຫັນຕົວລະຄອນທີ່ກຳລັງຖືກຕົວະບໍ? ເຈົ້າຢາກຈະຮ້ອງບອກລາວແມ່ນບໍວ່າ: “ຢ່າໄປເຊື່ອ! ມັນຕົວະ!” ເຈົ້າຮູ້ບໍ? ທູດສະຫວັນກໍກຳລັງບອກເຈົ້າຄືກັນວ່າ: “ຢ່າໄປເຊື່ອ! ຊາຕານມັນຕົວະ!”
ດັ່ງນັ້ນ ຢ່າຟັງຄຳໂຄສະນາຊວນເຊື່ອຂອງຊາຕານ. (ສຸພາສິດ 26:24, 25) ໃຫ້ຟັງ ແລະວາງໃຈພະເຢໂຫວາບໍ່ວ່າເຈົ້າຈະເຮັດຫຍັງ. (ສຸພາສິດ 3:5-7) ພະອົງຮັກເຈົ້າແລະກະຕຸ້ນເຈົ້າວ່າ: “ຈົ່ງເປັນຄົນປັນຍາ ແລະຈົ່ງໃຫ້ໃຈຂ້ອຍຊື່ນບານ.” (ສຸພາສິດ 27:11) ຖ້າເຮັດແບບນີ້ ເຈົ້າຈະຊະນະທຸກສິ່ງທີ່ພະຍາຍາມຄວບຄຸມຄວາມຄິດຂອງເຈົ້າ.