ໃນ​ເດືອນ​ພະຈິກ​ນີ້ ເຮົາ​ຈະ​ພະຍາຍາມ​ເປັນ​ພິເສດ​ທີ່​ຈະ​ບອກ​ຂ່າວ​ດີ​ວ່າ​ໂລກ​ທີ່​ດີ​ກວ່າ​ໃກ້​ຈະ​ມາ​ແລ້ວ. (ເພງ 37:10, 11; ພນມ 21:3-5) ຂໍ​ໃຫ້​ເຈົ້າ​ລອງ​ຈັດ​ເວລາ​ເຂົ້າ​ຮ່ວມ​ໂຄງການ​ພິເສດ​ນີ້​ຢ່າງ​ເຕັມທີ. ຖ້າ​ເຈົ້າ​ສະໝັກ​ເປັນ​ໄພໂອເນຍ​ສົມທົບ​ໃນ​ເດືອນ​ພະຈິກ​ນີ້ ເຈົ້າ​ອາດ​ຈະ​ເລືອກ​ປະກາດ 30 ຫຼື 50 ຊົ່ວ​ໂມງ​ກໍ​ໄດ້.

ໃຫ້​ກຽມ​ໂຕ​ລົມ​ກັບ​ຜູ້​ຄົນ​ໃຫ້​ຫຼາຍ​ທີ່​ສຸດ​ເທົ່າ​ທີ່​ເປັນ​ໄປ​ໄດ້​ໂດຍ​ໃຊ້​ຂໍ້​ຄຳພີ​ທີ່​ກ່ຽວ​ກັບ​ໂລກ​ໃໝ່. ເມື່ອ​ເລືອກ​ຂໍ້​ຄຳພີ ໃຫ້​ເບິ່ງ​ວ່າ​ຂໍ້​ໃດ​ເໝາະ​ກັບ​ຄົນ​ທີ່​ຢູ່​ໃນ​ເຂດ​ຂອງ​ເຈົ້າ. ຖ້າ​ປະກາດ​ເທື່ອ​ທຳອິດ​ແລ້ວ​ເຈິ​ຄົນ​ສົນ​ໃຈ ເຈົ້າ​ກໍ​ສາມາດ​ເອົາ​ຫໍສັງເກດການ ສະບັບ​ທີ 2 ປີ 2021 ໃຫ້​ລາວ​ໄດ້. ແລ້ວ​ພະຍາຍາມ​ກັບ​ໄປ​ຢາມ​ໃຫ້​ໄວ​ທີ່​ສຸດ​ເທົ່າ​ທີ່​ເປັນ​ໄປ​ໄດ້​ແລະ​ເລີ່ມ​ນຳ​ການ​ສຶກສາ​ໂດຍ​ໃຊ້​ຈຸນລະສານ​ຊີວິດ​ທີ່​ມີ​ຄວາມ​ສຸກ​ຕະຫຼອດ​ໄປ! ເຮົາ​ຈະ​ມີ​ຄວາມ​ສຸກ​ແນ່ນອນ​ທີ່​ໄດ້​ບອກ “ຂ່າວ​ທີ່​ດີ​ກວ່າ”!—ເອຊາ 52:7, ລ.ມ.

ເບິ່ງ​ມິວສິກ​ວິດີໂອ​ມື້​ທີ່​ໂລກ​ໃໝ່​ຈະ​ມາ ແລ້ວ​ຕອບ​ຄຳຖາມ​ຕໍ່​ໄປ​ນີ້:

• ເດັກ​ນ້ອຍ​ຜູ້​ຍິງ​ໃນ​ມິວສິກ​ວິດີໂອ​ຄິດ​ເຖິງ​ອະນາຄົດ​ທີ່​ດີ​ເລີດ​ຫຍັງ?

• ເຈົ້າ​ລໍ​ຖ້າ​ຫຍັງ​ເປັນ​ພິເສດ​ໃນ​ໂລກ​ໃໝ່?

• ການ​ຄິດ​ເຖິງ​ຄວາມ​ຫວັງ​ຊ່ວຍ​ເຈົ້າ​ແນວ​ໃດ​ໃຫ້​ພ້ອມ​ມີ​ສ່ວນ​ຮ່ວມ​ໃນ​ໂຄງການ​ເດືອນ​ພະຈິກ​ນີ້​ຢ່າງ​ເຕັມທີ?—ລກ 6:45