ຊີວິດຄລິດສະຕຽນ
ປັບປຸງຄວາມສາມາດໃນວຽກຮັບໃຊ້ຂອງເຮົາໃຫ້ດີຂຶ້ນ—ການເລີ່ມສົນທະນາທີ່ເຮັດໃຫ້ເຮົາມີໂອກາດປະກາດ
ພະເຍຊູປະກາດແບບບໍ່ເປັນທາງການກັບຜູ້ຍິງສະມາລີໄດ້ກໍຍ້ອນເພິ່ນເລີ່ມສົນທະນາກັບລາວ. ເຮົາຈະປັບປຸງທັກສະໃນການລົມກັບຄົນແປກໜ້າໄດ້ແນວໃດ?
-
ສະແດງຄວາມເປັນມິດຕອນທີ່ລົມກັບຜູ້ຄົນ. ເຖິງວ່າພະເຍຊູຈະເມື່ອຍ ແຕ່ເພິ່ນກໍເລີ່ມລົມນຳແບບງ່າຍໆໂດຍຂໍກິນນໍ້າ. ເຈົ້າກໍເຮັດໄດ້ຄືກັນໂດຍທັກທາຍຢ່າງອົບອຸ່ນ ແລ້ວກໍລົມເລື່ອງທົ່ວໆໄປ ເຊັ່ນ: ດິນຟ້າອາກາດ ຫຼືຂ່າວທີ່ຫາກໍເກີດຂຶ້ນ. ຂໍໃຫ້ຈື່ວ່າເປົ້າໝາຍທຳອິດແມ່ນເພື່ອເລີ່ມການສົນທະນາເທົ່ານັ້ນ ດັ່ງນັ້ນ ເຮົາອາດລົມເລື່ອງຫຍັງກໍໄດ້ທີ່ຄົນນັ້ນສົນໃຈ. ແຕ່ຖ້າລາວບໍ່ຢາກລົມນຳກໍໃຫ້ລອງເຮັດແບບນີ້ກັບຄົນອື່ນ ແລະຂໍພະເຈົ້າຊ່ວຍເຈົ້າໃຫ້ກ້າຫານ.—ນເຫ. 2:4; ກິດ. 4:29
-
ຫາໂອກາດທີ່ຈະປະກາດຂ່າວດີ ແຕ່ບໍ່ຄວນຟ້າວສະເໜີທັນທີ. ເຮົາຄວນເຮັດໃຫ້ການສົນທະນາເປັນທຳມະຊາດ. ຖ້າເຮົາຟ້າວປະກາດ ຄົນນັ້ນອາດຮູ້ສຶກອຶດອັດແລະເຊົາລົມກັບເຮົາໄດ້. ແຕ່ຢ່າຟ້າວໝົດຫວັງຖ້າການສົນທະນາຈົບລົງກ່ອນທີ່ເຮົາຈະໄດ້ປະກາດ. ຖ້າເຈົ້າຮູ້ສຶກຢ້ານທີ່ຈະປະກາດ ຂໍໃຫ້ຊ້ອມເວົ້າໃນແບບທີ່ຍັງບໍ່ມີເປົ້າໝາຍປະກາດ. [ເປີດວິດີໂອ 1 ແລະພິຈາລະນາຖາມ-ຕອບ]
-
ພະຍາຍາມສ້າງໂອກາດທີ່ຈະປະກາດໂດຍເວົ້າຄວາມເຊື່ອຂອງເຈົ້າອອກມາຢ່າງຈິງໃຈ ນັ້ນອາດກະຕຸ້ນຜູ້ຟັງຢາກໃຫ້ເຮົາອະທິບາຍຕື່ມອີກ. ພະເຍຊູໃຊ້ຄຳເວົ້າທີ່ໜ້າສົນໃຈເຊິ່ງເຮັດຜູ້ຍິງສະມາລີມີຄຳຖາມຫຼາຍຢ່າງ. ເມື່ອເພິ່ນເວົ້າກ່ຽວກັບຂ່າວດີແລ້ວ ເພິ່ນກໍພຽງແຕ່ຖ້າຕອບຄຳຖາມຂອງລາວ. [ເປີດວິດີໂອ 2 ແລະພິຈາລະນາຖາມ-ຕອບ ແລະຈາກນັ້ນເປີດວິດີໂອ 3 ແລະພິຈາລະນາຖາມ-ຕອບ]
