ສິ່ງທີ່ມີຄ່າຈາກພະຄຳຂອງພະເຈົ້າ | ມັດທາຍ 14–15
ລ້ຽງອາຫານຝູງຊົນໂດຍທາງຄົນຈຳນວນໜ້ອຍ
ກ່ອນເທດສະການປັດສະຄາປີ ຄ.ສ. 32 ພະເຍຊູເຮັດການອັດສະຈັນໜຶ່ງທີ່ຜູ້ຂຽນກິດຕິຄຸນທັງສີ່ຄົນໄດ້ບັນທຶກໄວ້.
ໂດຍການອັດສະຈັນນີ້ ພະເຍຊູວາງຕົວຢ່າງໃຫ້ເຫັນວ່າເພິ່ນຈະເຮັດແບບນັ້ນໃນສະໄໝຂອງເຮົານຳ.
-
ພະເຍຊູສັ່ງໃຫ້ພວກລູກສິດລ້ຽງຝູງຊົນ ເຖິງຈະມີພຽງເຂົ້າຈີ່ 5 ກ້ອນກັບ ປາ 2 ຕົວ
-
ພະເຍຊູຈັບເອົາເຂົ້າຈີ່ກັບປາແລ້ວອະທິດຖານ ແລະຍື່ນໃຫ້ພວກລູກສິດເພື່ອແຈກຢາຍໃຫ້ຝູງຊົນ
-
ການອັດສະຈັນນີ້ເຮັດໃຫ້ທຸກຄົນໄດ້ກິນຈົນອີ່ມແລະເຫຼືອນຳອີກ. ພະເຍຊູລ້ຽງຫຼາຍພັນຄົນໂດຍທາງຄົນຈຳນວນໜ້ອຍ ເຊິ່ງກໍຄືລູກສິດຂອງພະອົງ
-
ພະເຍຊູບອກໄວ້ວ່າໃນສະໄໝສຸດທ້າຍ ເພິ່ນຈະຈັດກຽມຊ່ອງທາງເພື່ອແຈກຢາຍຄວາມຮູ້ຂອງພະເຈົ້າທີ່ເປັນຄືກັບ “ອາຫານໃຫ້ແກ່ເຂົາໃນເວລາກຳນົດ.”—ມັດ. 24:45
-
ໃນປີ 1919 ພະເຍຊູໄດ້ແຕ່ງຕັ້ງ “ຂ້າໃຊ້ຜູ້ສັດຊື່ແລະສະຫຼາດ [“ສຸຂຸມ,” ລ.ມ.]” ເຊິ່ງເປັນຄລິດສະຕຽນຜູ້ຖືກເຈີມກຸ່ມນ້ອຍໆເພື່ອລ້ຽງດູ “ພວກຂ້າໃຊ້”
-
ໂດຍທາງຄລິດສະຕຽນຜູ້ຖືກເຈີມກຸ່ມນ້ອຍໆນີ້ ພະເຍຊູໄດ້ເຮັດຕາມແບບຢ່າງທີ່ເພິ່ນວາງໄວ້ໃນສະຕະວັດທຳອິດ
ຂ້ອຍຈະສະແດງໃຫ້ເຫັນແນວໃດວ່າຂ້ອຍເຫັນຄຸນຄ່າແລະນັບຖືຊ່ອງທາງທີ່ພະເຍຊູໃຊ້ເພື່ອໃຫ້ຄວາມຮູ້ຂອງພະເຈົ້າແກ່ຜູ້ຄົນ?
