ຊີວິດຄລິດສະຕຽນ

ເຈົ້າສັງເກດເຫັນຄຸນລັກສະນະຕ່າງໆຂອງພະເຈົ້າຜູ້ທີ່ເຮົາເບິ່ງບໍ່ເຫັນບໍ?

ເປີດ

ເມື່ອເຈົ້າເບິ່ງສີຂອງດອກໄມ້ ທ້ອງຟ້າທີ່ເຕັມໄປດ້ວຍດວງດາວຫຼືສຽງກັງວານຂອງຕາດ ເຈົ້າເຫັນຜົນງານຂອງຜູ້ສ້າງບໍ? ສິ່ງຊົງສ້າງທີ່ຢູ່ອ້ອມຕົວເຮົາສະແດງໃຫ້ເຫັນຄຸນລັກສະນະຕ່າງໆຂອງພະເຈົ້າຢ່າງຊັດເຈນ. (ໂລມ 1:20) ໂດຍການຄິດຕຶກຕອງໃນສິ່ງທີ່ເຮົາເຫັນເຮົາກໍສາມາດຮັບຮູ້ເຖິງພະລັງ ຄວາມຮັກ ສະຕິປັນຍາແລະຄວາມຍຸຕິທຳຂອງພະເຈົ້າ ລວມທັງຄວາມໃຈກວ້າງຂອງພະອົງນຳ.—ເພງ. 104:24

ໃນແຕ່ລະມື້ເຈົ້າສັງເກດເຫັນຜົນງານອັນໃດແດ່ທີ່ພະເຢໂຫວາສ້າງ? ເຖິງເຈົ້າຈະອາໄສຢູ່ໃນເມືອງເຈົ້າກໍຍັງເຫັນນົກຫຼືຕົ້ນໄມ້. ການສັງເກດເບິ່ງສິ່ງທີ່ພະເຢໂຫວາສ້າງສາມາດຊ່ວຍເຮົາໃຫ້ຫຼຸດຄວາມກັງວົນ ບໍ່ອຸກໃຈຫຼາຍເກີນໄປກັບບັນຫາທີ່ມີຢູ່ແລະເສີມຄວາມເຊື່ອຂອງເຮົາໃນພະເຢໂຫວາວ່າພະອົງສາມາດເບິ່ງແຍງເຮົາຕະຫຼອດໄປ. (ມັດ. 6:25-32) ຖ້າເຈົ້າມີລູກຂໍຊ່ວຍພວກເຂົາໃຫ້ເຫັນຄຸນລັກສະນະຕ່າງໆຂອງພະເຢໂຫວາທີ່ບໍ່ມີໃຜທຽບໄດ້. ຖ້າເຮົາຮູ້ຄຸນຄ່າຕໍ່ສິ່ງຊົງສ້າງທີ່ຢູ່ອ້ອມຕົວເຮົາ ເຮົາກໍ່ຈະໃກ້ຊິດກັບຜູ້ສ້າງຫຼາຍຂຶ້ນ.—ເພງ. 8:3, 4

ເບິ່ງວິດີໂອສິ່ງຊົງສ້າງທີ່ໜ້າພິດສະຫວົງເຜີຍໃຫ້ເຫັນຄວາມລ້ຳເລີດຂອງພະເຈົ້າ—ແສງແລະສີ ຈາກນັ້ນຕອບຄຳຖາມຕໍ່ໄປນີ້:

ເປັນຫຍັງເມັດສີເຮັດໃຫ້ເຮົາເຫັນສີຕ່າງໆໄດ້?
ການສະທ້ອນສີ (ການເຫຼືອບສີ) ເກີດຈາກຫຍັງ?
ເປັນຫຍັງເຮົາຈຶ່ງເຫັນສີຕ່າງໆໃນທ້ອງຟ້າ?
ເຈົ້າສັງເກດເຫັນສີທີ່ສວຍງາມຂອງສິ່ງຊົງສ້າງອັນໃດທີ່ຢູ່ໃກ້ບ້ານເຈົ້າ?
ເປັນຫຍັງເຮົາຄວນໃຊ້ເວລາສັງເກດເບິ່ງສິ່ງຕ່າງໆໃນທຳມະຊາດ?

ແສງແລະສີສະແດງໃຫ້ເຫັນຫຍັງກ່ຽວກັບຄຸນລັກສະນະຕ່າງໆ ຂອງພະເຢໂຫວາ?

ຄູ່ມືການປະຊຸມ