ໃນ​ອະດີດ​ພະ​ເຢໂຫວາ​ຊ່ວຍ​ຄົນ​ອິດສະຣາເອນ​ທີ່​ທຸກ​ຍາກ. ແລ້ວ​ໃນ​ທຸກ​ມື້​ນີ້​ເພິ່ນ​ຊ່ວຍ​ຜູ້​ຮັບໃຊ້​ທີ່​ທຸກ​ຍາກ​ແນວ​ໃດ​ແດ່?

• ເພິ່ນ​ສອນ​ເຂົາ​ເຈົ້າ​ໃຫ້​ມີ​ຄວາມ​ຄິດ​ທີ່​ສົມດຸນ​ເລື່ອງ​ເງິນ.—ລກ 12:15; 1ຕມ 6:6-8

• ເພິ່ນ​ຊ່ວຍ​ເຂົາ​ເຈົ້າ​ໃຫ້​ຮູ້ສຶກ​ວ່າ​ໂຕ​ເອງ​ມີ​ຄ່າ.—ໂຢບ 34:19

• ເພິ່ນ​ສອນ​ເຂົາ​ເຈົ້າ​ໃຫ້​ດຸ​ໝັ່ນ​ເຮັດ​ວຽກ​ແລະ​ຫຼີກ​ລ່ຽງ​ນິດໄສ​ທີ່​ຈະ​ເຮັດ​ໃຫ້​ໂຕ​ເອງ​ໄດ້​ຮັບ​ຜົນ​ເສຍ.—ສຸພາ 14:23; 20:1; 2​ກຣ 7:1

• ເພິ່ນ​ພາ​ເຂົາ​ເຈົ້າ​ມາ​ຢູ່​ໃນ​ສັງຄົມ​ພີ່ນ້ອງ​ຄລິດສະຕຽນ​ທີ່​ຮັກ​ກັນ.—ຢຮ 13:35; 1​ຢຮ 3:17, 18

• ເພິ່ນ​ໃຫ້​ເຂົາ​ເຈົ້າ​ມີ​ຄວາມ​ຫວັງ.—ເພງ 9:18; ເອຊາ 65:21-23

ບໍ່​ວ່າ​ສະຖານະການ​ຂອງ​ເຮົາ​ຈະ​ໜັກ​ໜ່ວງ​ສ່ຳ​ໃດ ຂໍ​ໃຫ້​ເຮົາ​ຢ່າ​ອຸກ​ໃຈ. (ເອຊາ 30:15) ພະ​ເຢໂຫວາ​ຈະ​ເບິ່ງ​ແຍງ​ໃຫ້​ເຮົາ​ມີ​ສິ່ງ​ຈຳເປັນ​ຖ້າ​ເຮົາ​ໃຫ້​ການ​ປົກຄອງ​ຂອງ​ເພິ່ນ​ເປັນ​ສິ່ງ​ສຳຄັນ​ທີ່​ສຸດ​ໃນ​ຊີວິດ.—ມທ 6:31-33

ເບິ່ງ​ວິດີໂອ​ຄວາມ​ຮັກ​ຈະ​ຄົງ​ຢູ່​ຕະຫຼອດ​ໄປ ເຖິງ​ວ່າ​ຈະ . . . ທຸກ​ຍາກ—ກົງໂກ ແລ້ວ​ຕອບ​ຄຳຖາມ​ຕໍ່​ໄປ​ນີ້:

• ພີ່ນ້ອງ​ທີ່​ຢູ່​ໃກ້​ບ່ອນ​ປະຊຸມ​ພາກ​ສະແດງ​ຄວາມ​ຮັກ​ຕໍ່​ພີ່ນ້ອງ​ທີ່​ເດີນ​ທາງ​ໄກ​ເພື່ອ​ມາ​ປະຊຸມ​ແນວ​ໃດ?

• ວິດີໂອ​ນີ້​ເຮັດ​ໃຫ້​ເຮົາ​ເຫັນ​ຄວາມ​ຮັກ​ທີ່​ພະ​ເຢໂຫວາ​ມີ​ຕໍ່​ຄົນ​ທຸກ​ຍາກ​ແນວ​ໃດ?

• ເຮົາ​ຈະ​ຮຽນ​ແບບ​ພະ​ເຢໂຫວາ​ໄດ້​ແນວ​ໃດ​ເຖິງ​ວ່າ​ເຮົາ​ຈະ​ບໍ່​ມີ​ຫຍັງ​ຫຼາຍ?