ຄຳພີ​ໄບເບິນ​ບອກ​ເຮົາ​ໃຫ້​ປະຕິບັດ​ກັບ​ພີ່ນ້ອງ​ຄລິດສະຕຽນ​ສູງ​ອາຍຸ​ຄື​ກັບ​ເຂົາ​ເຈົ້າ​ເປັນ​ພໍ່​ຫຼື​ແມ່​ແລະ​ປະຕິບັດ​ກັບ​ຄລິດສະຕຽນ​ທີ່​ອາຍຸ​ບໍ່​ຫຼາຍ​ຄື​ກັບ​ເປັນ​ອ້າຍ​ເອື້ອຍ​ນ້ອງ. (ອ່ານ 1 ຕີໂມທຽວ 5:1, 2) ໂດຍ​ສະເພາະ​ພີ່ນ້ອງ​ຊາຍ​ຄວນ​ໃຫ້​ກຽດ​ແລະ​ນັບຖື​ພີ່ນ້ອງ​ຍິງ.

ພີ່ນ້ອງ​ຊາຍ​ບໍ່​ຄວນ​ຫວ່ານ​ສະເໜ່​ຫຼື​ເຮັດ​ຫຍັງ​ກໍ​ຕາມ​ທີ່​ອາດ​ເຮັດ​ໃຫ້​ພີ່ນ້ອງ​ຍິງ​ຮູ້ສຶກ​ອຶດ​ອັດ​ຫຼື​ບໍ່​ສະບາຍ​ໃຈ. (ໂຢບ 31:1) ພີ່ນ້ອງ​ຊາຍ​ໂສດ​ບໍ່​ຄວນ​ຫຼິ້ນ​ກັບ​ຄວາມ​ຮູ້ສຶກ​ຂອງ​ພີ່ນ້ອງ​ຍິງ​ໂສດ​ໂດຍ​ການ​ເຮັດ​ໃຫ້​ລາວ​ຮູ້ສຶກ​ວ່າ​ເຈົ້າ​ຢາກ​ຈະ​ຈີບ​ລາວ​ທັງໆ​ທີ່​ເຈົ້າ​ບໍ່​ໄດ້​ຄິດ​ແບບ​ນັ້ນ.

ຜູ້​ດູ​ແລ​ຄວນ​ສະແດງ​ຄວາມ​ກະລຸນາ​ຕໍ່​ພີ່ນ້ອງ​ຍິງ​ທີ່​ຕັ້ງ​ໃຈ​ມາ​ຂໍ​ຄຳ​ແນະນຳ​ຫຼື​ເລົ່າ​ບັນຫາ​ໃຫ້​ຟັງ. ຜູ້​ດູ​ແລ​ຄວນ​ສະແດງ​ຄວາມ​ກະລຸນາ​ແລະ​ສົນ​ໃຈ​ເປັນ​ພິເສດ​ຕໍ່​ພີ່ນ້ອງ​ຍິງ​ທີ່​ບໍ່​ມີ​ຜົວ​ຄອຍ​ປົກ​ປ້ອງ.—ລຶດ 2:8, 9

ເບິ່ງ​ວິດີໂອ​ສະແດງ​ຄວາມ​ຮັກ​ສະເໝີ​ຕໍ່​ຜູ້​ຮັບໃຊ້​ຂອງ​ພະເຈົ້າ—ແມ່​ໝ້າຍ​ແລະ​ລູກ​ກຳພ້າ ແລ້ວ​ຕອບ​ຄຳ​ຖາມ​ຕໍ່​ໄປ​ນີ້:

• ພີ່ນ້ອງ​ໃນ​ປະຊາຄົມ​ເຮັດ​ໃຫ້​ເຫັນ​ແນວ​ໃດ​ວ່າ​ເຂົາ​ເຈົ້າ​ຮັກ​ພີ່ນ້ອງ​ມິນ​ຫຼາຍ?

• ຄວາມ​ຮັກ​ທີ່​ພີ່ນ້ອງ​ສະແດງ​ອອກ​ສົ່ງ​ຜົນ​ແນວ​ໃດ​ຕໍ່​ຄົນ​ໃນ​ບ້ານ?

• ຄວາມ​ຮັກ​ທີ່​ພີ່ນ້ອງ​ສະແດງ​ສົ່ງ​ຜົນ​ແນວ​ໃດ​ຕໍ່​ລູກ​ສາວ​ຂອງ​ພີ່ນ້ອງ​ມິນ?

ເຈົ້າ​ຈະ​ເຮັດ​ຫຍັງ​ໄດ້​ແດ່​ເພື່ອ​ສະແດງ​ວ່າ​ເຈົ້າ​ຮັກ​ແລະ​ເປັນ​ຫ່ວງ​ເປັນ​ໃຍ​ພີ່ນ້ອງ​ຍິງ​ໃນ​ປະຊາຄົມ​ຂອງ​ເຈົ້າ?