ຊີວິດຄລິດສະຕຽນ
ໂຄງການພິເສດເພື່ອເລີ່ມການສຶກສາຄຳພີໄບເບິນໃນເດືອນກັນຍາ
ໃນເດືອນກັນຍາ ເຮົາຈະອອກຄວາມພະຍາຍາມເປັນພິເສດເພື່ອຈະເລີ່ມການສຶກສາຄຳພີໄບເບິນກັບທຸກຄົນໂດຍໃຊ້ຈຸນລະສານຊີວິດທີ່ມີຄວາມສຸກຕະຫຼອດໄປ! ຜູ້ປະກາດສາມາດສະໝັກເປັນໄພໂອເນຍສົມທົບໂດຍເລືອກເຮັດ 30 ຊົ່ວໂມງໄດ້. ມີຫຍັງແດ່ທີ່ເຮົາເຮັດໄດ້ໃນໂຄງການພິເສດນີ້?
-
ໃນການປະກາດ: ໃຊ້ປົກຫຼັງຂອງຈຸນລະສານເພື່ອກະຕຸ້ນຄວາມສົນໃຈຂອງເຈົ້າຂອງເຮືອນ ແລະພະຍາຍາມສາທິດວິທີສຶກສາ. ລອງຄິດເຖິງຄົນທີ່ຈະກັບໄປຢາມແລະຄົນທີ່ສະແດງຄວາມສົນໃຈກ່ອນໜ້ານີ້. ເຖິງວ່າຕອນນັ້ນລາວຍັງບໍ່ຢາກສຶກສາ ແຕ່ລາວອາດຈະສົນໃຈຈຸນລະສານນີ້ແລະວິທີການສຶກສາແບບໃໝ່ຂອງເຮົາກໍໄດ້. ເຮົາບໍ່ຄວນຝາກຈຸນລະສານນີ້ກັບເຮືອນທີ່ບໍ່ມີຄົນຢູ່ຫຼືສົ່ງຈຸນລະສານນີ້ໄປທາງຈົດໝາຍໃຫ້ກັບຄົນທີ່ບໍ່ສົນໃຈ. ຄະນະກຳມະການການຮັບໃຊ້ຂອງປະຊາຄົມອາດຈັດການປະຊຸມເພື່ອການປະກາດເພີ່ມຂຶ້ນໃນເດືອນນີ້ໄດ້.
-
ໃນໂອກາດອື່ນໆ: ຖ້າປະຊາຄົມຂອງເຈົ້າປະກາດໂດຍໃຊ້ລໍ້ສະແດງໜັງສື ໃຫ້ວາງຈຸນລະສານຊີວິດທີ່ມີຄວາມສຸກຕະຫຼອດໄປ! ໃນລໍ້ນຳ. ບອກຄົນທີ່ສະແດງຄວາມສົນໃຈວ່າລາວສາມາດຮັບຈຸນລະສານຫົວນີ້ພ້ອມກັບເລີ່ມຮຽນຄຳພີໄບເບິນໄດ້ຟຣີ. ລອງສາທິດວິທີສຶກສາສັ້ນໆໃນຕອນນັ້ນຖ້າເຮັດໄດ້ ຫຼືບໍ່ກໍນັດກັນເພື່ອສາທິດວິທີສຶກສາໃນເວລາອື່ນ. ຜູ້ດູແລການຮັບໃຊ້ອາດເລືອກຜູ້ປະກາດທີ່ມີຄຸນສົມບັດເພື່ອໄປປະກາດໃນເຂດທຸລະກິດແລະສະເໜີການສຶກສາຄຳພີໄບເບິນ. ເຈົ້າອາດສະເໜີການສຶກສາກັບໝູ່ຢູ່ບ່ອນເຮັດວຽກຫຼືຄົນທີ່ເຈົ້າປະກາດແບບບໍ່ເປັນທາງການ.
ພະເຢຊູສັ່ງເຮົາໃຫ້ໄປ “ສອນພວກເຂົາໃຫ້ເຂົ້າມາເປັນລູກສິດ.” (ມທ 28:19, 20) ຂໍໃຫ້ໂຄງການພິເສດທີ່ໃຊ້ຈຸນລະສານຊີວິດທີ່ມີຄວາມສຸກຕະຫຼອດໄປ! ນີ້ ຊ່ວຍໃຫ້ເຮົາເຮັດຕາມຄຳສັ່ງຂອງພະເຢຊູໄດ້ສຳເລັດ.
