ໄພໂອເນຍປະຈຳຕ້ອງມີຕາຕະລາງຢ່າງດີ. ຖ້າເຈົ້າປະກາດໄດ້ 18 ຊົ່ວໂມງຕໍ່ອາທິດ ເຈົ້າກໍສາມາດເປັນໄພໂອເນຍປະຈຳໄດ້ແລະຍັງມີເວລາເຫຼືອເພື່ອການພັກຜ່ອນ! ການມີຕາຕະລາງຈະຊ່ວຍໃຫ້ເຮັດສຳເລັດໄດ້ເຖິງວ່າຈະມີສິ່ງທີ່ບໍ່ຄາດຄິດເກີດຂຶ້ນ ອາດຍ້ອນເຈັບປ່ວຍຫຼືຍ້ອນອາກາດບໍ່ເອື້ອອຳນວຍ. ຕາຕະລາງທີ່ຈັດໃຫ້ນີ້ແມ່ນສຳລັບຜູ້ປະກາດທີ່ເຮັດວຽກບໍ່ເຕັມເວລາຫຼືເຕັມເວລາ ຜູ້ທີ່ມີບັນຫາສຸຂະພາບຫຼືມີຂີດຈຳກັດທາງດ້ານເຫື່ອແຮງ. ໂດຍການປັບປ່ຽນບາງຢ່າງ ບາງທີອາດມີບາງຄົນໃນຄອບຄົວຂອງເຈົ້າສາມາດເລີ່ມເປັນໄພໂອເນຍໄດ້ໃນເດືອນກັນຍາ. ເຈົ້າອາດພິຈາລະນາເລື່ອງນີ້ໃນການນະມັດສະການປະຈຳຄອບຄົວຂອງເຈົ້າໃນຄັ້ງຕໍ່ໄປ.