ເປັນຫຍັງ​ຕ້ອງ​ກຽມ​ໂຕ? ຍ້ອນ​ອີ່ຫຍັງ​ກໍ​ເກີດ​ຂຶ້ນ​ໄດ້ ອາດ​ມີ​ເລື່ອງ​ທີ່​ເຮັດ​ໃຫ້​ເຈົ້າ​ຕ້ອງ​ເຂົ້າ​ໂຮງໝໍ​ສຸກເສີນ. ດັ່ງນັ້ນ ກ່ອນ​ຈະ​ມີ​ຫຍັງ​ເກີດ​ຂຶ້ນ ໃຫ້​ໃຊ້​ສິ່ງ​ທີ່​ມີ​ຢູ່​ໃຫ້​ເປັນ​ປະໂຫຍດ​ຫຼາຍ​ທີ່ສຸດ​ເພື່ອ​ເຈົ້າ​ຈະ​ໄດ້​ຮັບ​ການ​ປິ່ນປົວ​ທີ່​ດີ​ທີ່ສຸດ. ຖ້າ​ເຮັດ​ແບບ​ນີ້ ເຈົ້າ​ກໍ​ສະແດງ​ວ່າ​ເຈົ້າ​ໃຫ້​ຄວາມ​ນັບ​ຖື​ຕໍ່​ຊີວິດ​ແລະ​ກົດໝາຍ​ຂອງ​ພະເຈົ້າ​ກ່ຽວກັບ​ເລື່ອງ​ເລືອດ.—ກຈກ 15:28, 29

ກຽມ​ໂຕ​ແນວໃດ?

• ອະທິດຖານ​ແລະ​ຄິດ​ໃຫ້​ດີ​ເມື່ອ​ຂຽນ​ໃບ​ມອບ​ສິດ​ແລະ​ການ​ສະແດງ​ເຈດ​ຈຳນົງ​ກ່ຽວກັບ​ການ​ປິ່ນປົວ​ທາງ​ການ​ແພດ (DPA) a ຫຼື​ຂຽນ​ໃບ​ມອບ​ສິດ​ດ້ວຍ​ຕົວເອງ​ວ່າ​ຈະ​ຕັດສິນໃຈ​ເລື່ອງ​ການ​ປິ່ນປົວ​ທາງ​ການ​ແພດ​ແນວໃດ. ພີ່ນ້ອງທີ່​ຮັບ​ບັບເຕມາ​ແລ້ວ​ສາມາດ​ຂໍ​ໃບ​ມອບ​ສິດ (DPA) ສຳລັບ​ໂຕເອງ​ໄດ້​ຈາກ​ຜູ້​ຮັບໃຊ້​ໜັງສື ແລະ​ຂໍ​ແບບຟອມ​ບັດ​ປະຈຳ​ຕົວ (ic) ສຳລັບ​ລູກ​ທີ່​ຍັງ​ບໍ່​ບັນລຸ​ນິຕິພາວະ

• ຖ້າ​ເຈົ້າ​ກຳລັງ​ຖື​ພາ ໃຫ້​ຂໍ​ເອກະສານ​ຂໍ້ມູນ​ສຳລັບ​ຜູ້ຍິງ​ຖື​ພາ (S-401). ເອກະສານ​ນີ້​ຈະ​ຊ່ວຍ​ເຈົ້າ​ໃຫ້​ຕັດສິນໃຈ​ຢ່າງ​ຖືກຕ້ອງ​ກ່ຽວກັບ​ບັນຫາ​ທີ່​ເກີດ​ຂຶ້ນ​ລະຫວ່າງ​ການ​ຖື​ພາ​ແລະ​ຕອນ​ເກີດ​ລູກ

• ຖ້າ​ເຈົ້າ​ຕ້ອງ​ຮັບ​ການ​ປິ່ນປົວ​ທີ່​ອາດ​ມີ​ປະເດັນ​ເລື່ອງ​ເລືອດ​ເຂົ້າ​ມາ​ກ່ຽວຂ້ອງ​ຫຼື​ອາດ​ຕ້ອງ​ນອນ​ໂຮງໝໍ ຂໍ​ແຈ້ງ​ຜູ້​ດູແລ​ລ່ວງ​ໜ້າ​ແລະ​ຂໍ​ແຈ້ງ​ໂຮງໝໍ​ວ່າ​ເຈົ້າ​ຍິນດີ​ໃຫ້​ໝູ່​ທີ່​ເປັນ​ພະຍານ​ພະເຢໂຫວາ​ເຂົ້າ​ມາ​ຢາມ (ໝາຍເຖິງ​ຜູ້​ດູແລ)

ຜູ້​ດູແລ​ຈະ​ຊ່ວຍ​ໄດ້​ແນວໃດ​ແດ່? ເຂົາເຈົ້າ​ສາມາດ​ຊ່ວຍ​ເຈົ້າ​ຂຽນ​ໃບ​ມອບ​ສິດ. ແຕ່​ຜູ້​ດູແລ​ຈະ​ບໍ່​ເວົ້າ​ຄວາມ​ເຫັນ​ສ່ວນ​ໂຕ​ຂອງ​ລາວ​ຫຼື​ຕັດສິນໃຈ​ແທນ​ເຈົ້າ​ໃນ​ເລື່ອງ​ທີ່​ເຈົ້າ​ຕ້ອງ​ຕັດສິນໃຈ​ເອງ. (ໂຣມ 14:12; ຄລຕ 6:5) ເມື່ອ​ເຈົ້າ​ແຈ້ງ​ຜູ້​ດູແລ​ວ່າ​ເຈົ້າ​ອາດ​ຕ້ອງ​ຮັບ​ການ​ປິ່ນປົວ​ທີ່​ມີ​ເລື່ອງ​ເລືອດ​ເຂົ້າ​ມາ​ກ່ຽວຂ້ອງ ຜູ້​ດູແລ​ຈະ​ຕິດ​ຕໍ່​ກັບ​ຄະນະ​ກຳມະການ​ປະສານ​ງານ​ກັບ​ໂຮງໝໍ (ຄປຮ) ໃຫ້​ເຈົ້າ​ທັນທີ.

ຄປຮ ຈະ​ຊ່ວຍ​ເຈົ້າ​ແນວໃດ? ພີ່ນ້ອງ​ທີ່​ຢູ່​ໃນ ຄປຮ ໄດ້​ຮັບ​ການ​ຝຶກ​ໃຫ້​ລົມ​ກັບ​ເຈົ້າ​ໜ້າທີ່​ທາງ​ການ​ແພດ​ແລະ​ທາງ​ກົດໝາຍ​ເພື່ອ​ຊ່ວຍ​ໃຫ້​ຄົນ​ເຫຼົ່າ​ນັ້ນ​ເຂົ້າໃຈ​ຈຸດຢືນ​ຂອງ​ເຮົາ​ໃນ​ເລື່ອງ​ເລືອດ. ເຂົາເຈົ້າ​ສາມາດ​ລົມ​ກັບ​ໝໍ​ແລະ​ສະຖານ​ພະຍາບານ​ກ່ຽວກັບ​ວິທີ​ການ​ປິ່ນປົວ​ທີ່​ບໍ່​ຕ້ອງ​ຖ່າຍ​ເລືອດ. ແລະ​ຖ້າ​ຈຳເປັນ ເຂົາເຈົ້າ​ສາມາດ​ຊ່ວຍ​ຫາ​ໝໍ​ທີ່​ຍິນດີ​ໃຫ້​ຄວາມ​ຮ່ວມ​ມື.

ເບິ່ງ​ວິດີໂອ​ຖ້າ​ການ​ປິ່ນປົວ​ກ່ຽວຂ້ອງ​ກັບ​ການໃຊ້​ເລືອດ ເຈົ້າ​ຈະ​ຕັດສິນໃຈ​ແນວໃດ? ແລ້ວ​ຕອບ​ຄຳຖາມ​ຕໍ່ໄປ​ນີ້:

• ເຈົ້າ​ໄດ້​ຮຽນ​ຫຍັງ​ຈາກ​ວິດີໂອ​ນີ້​ທີ່​ຈະ​ຊ່ວຍ​ໃຫ້​ເຈົ້າ​ກຽມ​ພ້ອມ​ກ່ອນ​ເກີດ​ເຫດການ​ສຸກເສີນ​ທີ່​ກ່ຽວຂ້ອງ​ກັບ​ການ​ຮັບ​ເລືອດ?

  ບໍ່​ເປັນ​ຫຍັງ​ເດີ້