ເຮົາ​ຢາກ​ໃຫ້​ພະເຢໂຫວາ​ພໍໃຈ​ທຸກ​ຢ່າງ​ທີ່​ເຮົາ​ເຮັດ. (ສຸພາ 27:11) ດັ່ງນັ້ນ ເຮົາ​ຕ້ອງ​ຕັດສິນໃຈ​ໃຫ້​ສອດຄ່ອງ​ກັບ​ຄວາມຄິດ​ຂອງ​ພະເຢໂຫວາ ແມ່ນ​ແຕ່​ໃນ​ເລື່ອງ​ທີ່​ບໍ່​ມີ​ຄຳສັ່ງ​ຫຼື​ກົດໝາຍ​ບອກ​ໄວ້​ຊັດເຈນ​ໃນ​ຄຳພີໄບເບິນ. ອັນ​ໃດ​ຈະ​ຊ່ວຍ​ເຮົາ​ໄດ້?

ຈັດ​ຕາ​ຕະລາງ​ສຶກສາ​ຄຳພີໄບເບິນ​ເປັນ​ປະຈຳ. ທຸກ​ເທື່ອ​ທີ່​ເຮົາ​ອ່ານ​ຄຳພີໄບເບິນ ກໍ​ຄື​ເຮົາ​ກຳລັງ​ໃຊ້​ເວລາ​ກັບ​ພະເຢໂຫວາ. ເຮົາ​ຈະ​ເຂົ້າໃຈ​ຄວາມຄິດ​ຂອງ​ພະເຢໂຫວາ​ໄດ້​ໂດຍ​ສັງເກດ​ວ່າ​ເພິ່ນ​ປະຕິບັດ​ກັບ​ຄົນ​ຂອງ​ເພິ່ນ​ແນວໃດ ແລະ​ສຶກສາ​ຕົວຢ່າງ​ຂອງ​ຄົນ​ທີ່​ເພິ່ນ​ເບິ່ງ​ວ່າ​ລາວ​ເຮັດ​ດີ​ຫຼື​ເຮັດ​ຊົ່ວ. ເມື່ອ​ເຮົາ​ຕ້ອງ​ຕັດສິນໃຈ ພະລັງບໍລິສຸດ​ຈະ​ຊ່ວຍ​ໃຫ້​ເຮົາ​ນຶກ​ເຖິງ​ບົດຮຽນ​ແລະ​ຫຼັກການ​ສຳຄັນ​ຕ່າງໆ​ທີ່​ເຮົາ​ໄດ້​ຮຽນ​ຈາກ​ຄຳພີໄບເບິນ.—ຢຮ 14:26

ຄົ້ນຄວ້າ. ເມື່ອ​ເຈົ້າ​ຕ້ອງ​ຕັດສິນໃຈ ໃຫ້​ຖາມ​ໂຕເອງ​ວ່າ ‘ຂໍ້​ໃດ​ຫຼື​ເລື່ອງ​ໃດ​ໃນ​ຄຳພີໄບເບິນ​ທີ່​ຊ່ວຍ​ຂ້ອຍ​ໃຫ້​ເຂົ້າໃຈ​ວ່າ​ພະເຢໂຫວາ​ຮູ້ສຶກ​ແນວໃດ​ກັບ​ເລື່ອງ​ນີ້?’ ອະທິດຖານ​ຂໍ​ຄວາມ​ຊ່ວຍເຫຼືອ​ຈາກ​ພະເຢໂຫວາ ແລະ​ໃຊ້​ເຄື່ອງມື​ຄົ້ນຄວ້າ​ຂອງ​ອົງການ​ທີ່​ມີ​ໃນ​ພາສາ​ຂອງ​ເຈົ້າ​ເພື່ອ​ຊອກຫາ​ຫຼັກການ​ທີ່​ເອົາ​ມາ​ໃຊ້​ໄດ້​ກັບ​ສະຖານະການ​ຂອງ​ເຈົ້າ.—ເພງ 25:4

ເບິ່ງ​ວິດີໂອ​ເຮົາ​ຕ້ອງ “ແລ່ນ​ດ້ວຍ​ຄວາມ​ພຽນ [ອົດທົນ]”—ກິນ​ອາຫານ​ທີ່​ມີ​ປະໂຫຍດ ແລ້ວ​ຕອບ​ຄຳຖາມ​ຕໍ່ໄປ​ນີ້:

• ພີ່ນ້ອງ​ຍິງ​ໃນ​ວິດີໂອ​ເຈິ​ຄວາມ​ກົດ​ດັນ​ຫຍັງ​ແດ່?

  ບໍ່​ເປັນ​ຫຍັງ​ເດີ້

• ຖ້າ​ເຈົ້າ​ເຈິ​ຄວາມ​ກົດ​ດັນ​ທີ່​ຄ້າຍ​ຄື​ກັນ ເຄື່ອງມື​ຄົ້ນຄວ້າ​ຈະ​ຊ່ວຍ​ເຈົ້າ​ໄດ້​ແນວໃດ?

  ບໍ່​ເປັນ​ຫຍັງ​ເດີ້

• ເຮົາ​ຈະ​ໄດ້​ປະໂຫຍດ​ຫຍັງ​ຖ້າ​ເຮົາ​ໃຊ້​ເວລາ​ຄົ້ນຄວ້າ​ແລະ​ສຶກສາ​ສ່ວນ​ໂຕ​ເພື່ອ​ຈະ​ຕັດສິນໃຈ​ໄດ້​ຢ່າງ​ຖືກຕ້ອງ?—ຮຣ 5:13, 14

  ບໍ່​ເປັນ​ຫຍັງ​ເດີ້