ຊີວິດຄລິດສະຕຽນ
ພະເຢໂຫວາຊ່ວຍຄົນທີ່ທໍ້ໃຈແຮງ
ເຮົາທຸກຄົນຮູ້ສຶກໂສກເສົ້າເປັນບາງເທື່ອ. ແຕ່ການທີ່ເຮົາຮູ້ສຶກໂສກເສົ້າບໍ່ໄດ້ໝາຍຄວາມວ່າຄວາມເຊື່ອຂອງເຮົາອ່ອນແອ. ແມ່ນແຕ່ພະເຢໂຫວາກໍບອກວ່າບາງເທື່ອເພິ່ນກໍຮູ້ສຶກເສຍໃຈ. (ປຖກ 6:5, 6) ແຕ່ຖ້າເຮົາໂສກເສົ້າຢູ່ເລື່ອຍໆຫຼືທໍ້ໃຈບໍ່ເຊົາຈັກເທື່ອ ເຮົາຈະເຮັດແນວໃດ?
ຂໍຄວາມຊ່ວຍເຫຼືອຈາກພະເຢໂຫວາ. ພະເຢໂຫວາສົນໃຈແທ້ໆວ່າເຮົາຄິດແລະຮູ້ສຶກແນວໃດ. ເພິ່ນຮູ້ວ່າເຮົາກຳລັງມີຄວາມສຸກຫຼືທໍ້ໃຈແລະຍັງເຂົ້າໃຈນຳວ່າເປັນຫຍັງເຮົາຈຶ່ງຮູ້ສຶກແບບນັ້ນ. (ເພງ 7:9ຂ) ສຳຄັນທີ່ສຸດຄືພະເຢໂຫວາເປັນຫ່ວງເຮົາແລະຈະຊ່ວຍເຮົາໃຫ້ຮັບມືກັບຄວາມໂສກເສົ້າຫຼືໂລກຊຶມເສົ້າໄດ້.—ເພງ 34:18
ເບິ່ງແຍງສຸຂະພາບ. ຄວາມຮູ້ສຶກໃນແງ່ລົບສາມາດສົ່ງຜົນຕໍ່ຄວາມສຸກແລະຄວາມສຳພັນຂອງເຮົາກັບພະເຢໂຫວາ. ດັ່ງນັ້ນ ເຮົາຢາກເຮັດສຸດຄວາມສາມາດເພື່ອປົກປ້ອງຫົວໃຈແລະຄວາມຮູ້ສຶກຂອງເຮົາ.—ສຸພາ 4:23
ເບິ່ງວິດີໂອ ພີ່ນ້ອງຂອງເຮົາມີສັນຕິສຸກເຖິງວ່າຈະເປັນໂລກຊຶມເສົ້າ ແລ້ວຕອບຄຳຖາມຕໍ່ໄປນີ້:
-
ນິກກີ້ເຮັດຫຍັງແດ່ເພື່ອຮັບມືກັບໂລກຊຶມເສົ້າ?
-
ເປັນຫຍັງນິກກີ້ຮູ້ສຶກວ່າລາວຕ້ອງໄປຫາໝໍ?—ມທ 9:12
-
ນິກກີ້ເຮັດຫຍັງທີ່ສະແດງວ່າລາວໝາຍເພິ່ງຄວາມຊ່ວຍເຫຼືອຈາກພະເຢໂຫວາ?