ຊີວິດຄລິດສະຕຽນ
ໝາຍເພິ່ງພະເຢໂຫວາເມື່ອຖືກຫາເລື່ອງ
ເມື່ອຖືກຫາເລື່ອງ ມັນອາດເຮັດໃຫ້ເຮົາເຈັບທັງກາຍແລະໃຈ. ແລະເມື່ອເຮົາເຈິການຕໍ່ຕ້ານທີ່ເຮັດໃຫ້ເຮົາຢ້ານ ມັນກໍອາດເຮັດໃຫ້ຄວາມເຊື່ອຂອງເຮົາອ່ອນແອລົງໄດ້. ແລ້ວເຮົາຈະປົກປ້ອງຕົວເອງຈາກເລື່ອງນີ້ໄດ້ແນວໃດ?
ຫຼາຍຄົນທີ່ນະມັດສະການພະເຢໂຫວາຮັບມືກັບການຖືກຫາເລື່ອງໄດ້ຍ້ອນເຂົາເຈົ້າໝາຍເພິ່ງພະເຢໂຫວາ. (ເພງ 18:17) ຕົວຢ່າງເຊັ່ນ ເອັດສະເທີກ້າເປີດໂປງແຜນຊົ່ວຂອງຮາມານທີ່ຕ້ອງການຈະຫາເລື່ອງຂົ່ມເຫງຄົນຂອງພະເຈົ້າ. (ອສທ 7:1-6) ກ່ອນຈະເປີດໂປງຮາມານ ເອັດສະເທີສະແດງວ່າລາວໝາຍເພິ່ງພະເຢໂຫວາໂດຍການອົດເຂົ້າ. (ອສທ 4:14-16) ພະເຢໂຫວາອວຍພອນເອັດສະເທີແລະປົກປ້ອງລາວກັບຄົນຂອງເພິ່ນ.
ໄວລຸ້ນ ຖ້າເຈົ້າຖືກຫາເລື່ອງ ໃຫ້ຂໍຄວາມຊ່ວຍເຫຼືອຈາກພະເຢໂຫວາແລະບອກເລື່ອງນີ້ກັບຜູ້ໃຫຍ່ ເຊັ່ນ ພໍ່ແມ່. ເຈົ້າໝັ້ນໃຈໄດ້ວ່າພະເຢໂຫວາຈະຊ່ວຍເຈົ້າຄືກັບທີ່ເພິ່ນຊ່ວຍເອັດສະເທີ. ມີອັນໃດອີກທີ່ເຈົ້າເຮັດໄດ້ເມື່ອຖືກຫາເລື່ອງ?
ເບິ່ງວິດີໂອ ໄວລຸ້ນ—ຂ້ອຍຈະເຮັດແນວໃດຖ້າຖືກບູລີ່? ແລ້ວຕອບຄຳຖາມຕໍ່ໄປນີ້:
-
ໄວລຸ້ນໄດ້ຮຽນຫຍັງຈາກຕົວຢ່າງຂອງຊາລີແລະເຟຣິນ?
-
ພໍ່ແມ່ຮຽນຫຍັງໄດ້ຈາກສິ່ງທີ່ຊາລີແລະເຟຣິນເວົ້າກ່ຽວກັບວິທີຊ່ວຍລູກໃຫ້ຮັບມືກັບການຖືກຫາເລື່ອງ?
