ໃນ​ຊ່ວງ​ເດືອນ​ກັນຍາ ເຮົາ​ຈະ​ພະຍາຍາມ​ເປັນ​ພິເສດ​ເພື່ອ​ບອກ​ຜູ້ຄົນ​ໃຫ້​ຮູ້​ວ່າ​ການ​ປົກຄອງ​ຂອງ​ພະເຈົ້າ​ເປັນ​ທາງ​ດຽວ​ທີ່​ຈະ​ຊ່ວຍ​ແກ້​ບັນຫາ​ທຸກ​ຢ່າງ​ຂອງ​ມະນຸດ. (ມທ 24:14) ເຈົ້າ​ຈະ​ມີ​ສ່ວນ​ຮ່ວມ​ໄດ້​ແນວໃດ? ໃນ​ເດືອນ​ນີ້​ຂໍ​ໃຫ້​ເຈົ້າ​ພະຍາຍາມ​ລົມ​ກັບ​ຜູ້ຄົນ​ເລື່ອງ​ການ​ປົກຄອງ​ຂອງ​ພະເຈົ້າ​ໃຫ້​ຫຼາຍ​ທີ່ສຸດ​ເທົ່າ​ທີ່​ຈະ​ເປັນ​ໄປ​ໄດ້ ແລະ​ອ່ານ​ຂໍ້​ຄຳພີ​ກ່ຽວກັບ​ເລື່ອງ​ນີ້​ໃຫ້​ເຂົາເຈົ້າ​ຟັງ​ຈັກ​ຂໍ້​ໜຶ່ງ. ຖ້າ​ເຈິ​ຄົນ​ສົນໃຈ​ໃຫ້​ສະເໜີ​ວາລະສານ​ຫໍສັງເກດການ​ສະບັບ​ທີ 2 ປີ 2020 ແລະ​ກັບ​ໄປ​ຢາມ​ໃຫ້​ໄວ​ທີ່ສຸດ. ຈາກ​ນັ້ນ ພະຍາຍາມ​ເລີ່ມ​ການສຶກສາ​ໂດຍ​ໃຊ້​ຈຸນລະສານ​ຊີວິດ​ທີ່​ມີ​ຄວາມສຸກ​ຕະຫຼອດໄປ! ຖ້າ​ເຈົ້າ​ສະໝັກ​ເປັນ​ໄພໂອເນຍ​ສົມທົບ​ໃນ​ເດືອນ​ກັນຍາ ເຈົ້າ​ສາມາດ​ເລືອກ​ໄດ້​ວ່າ​ຈະ​ປະກາດ 15 ຫຼື 30 ຊົ່ວໂມງ.

ອີກ​ບໍ່​ດົນ​ການ​ປົກຄອງ​ຂອງ​ພະເຈົ້າ​ຈະ​ທຳລາຍ​ການ​ປົກຄອງ​ອື່ນໆ​ທີ່​ຕໍ່ຕ້ານ​ການ​ປົກຄອງ​ຂອງ​ເພິ່ນ. (ດນອ 2:44; 1ກຣ 15:24, 25) ຂໍ​ໃຫ້​ເຮົາ​ທຸກ​ຄົນ​ມີ​ສ່ວນ​ຮ່ວມ​ໃນ​ໂຄງການ​ພິເສດ​ນີ້​ຢ່າງ​ເຕັມ​ທີ​ເພື່ອ​ສະແດງ​ວ່າ​ເຮົາ​ສະໜັບສະໜູນ​ພະ​ເຢໂຫວາ​ແລະ​ການ​ປົກຄອງ​ຂອງ​ເພິ່ນ!