ຊີວິດຄລິດສະຕຽນ
ເຂົາເຈົ້າເຮັດວຽກໜັກເພື່ອຮັບໃຊ້ເຮົາ
ຜູ້ດູແລໝວດແລະເມຍເສຍສະລະໂຕເອງດ້ວຍຄວາມຮັກເພື່ອຮັບໃຊ້ພີ່ນ້ອງ. ເຂົາເຈົ້າກໍຄືກັບເຮົາທີ່ມີເລື່ອງສ່ວນໂຕທີ່ຕ້ອງຈັດການແລະບາງເທື່ອກໍເມື່ອຍ ທໍ້ໃຈ ແລະກັງວົນ. (ຢກບ 5:17) ແຕ່ທຸກອາທິດເຂົາເຈົ້າສົນໃຈແລະໃຫ້ກຳລັງໃຈພີ່ນ້ອງໃນປະຊາຄົມທີ່ເຂົາເຈົ້າໄປຢາມ. ຜູ້ດູແລໝວດ “ຄວນໄດ້ຮັບຄວາມນັບຖືຫຼາຍເປັນພິເສດ.”—1ຕມ 5:17
ຕອນທີ່ອັກຄະສາວົກໂປໂລວາງແຜນຈະໄປຢາມພີ່ນ້ອງໃນເມືອງໂຣມເພື່ອ ‘ແບ່ງປັນກຳລັງໃຈຈາກພະເຈົ້າເຊິ່ງຈະຊ່ວຍໃຫ້ເຂັ້ມແຂງທາງຄວາມເຊື່ອ’ ລາວຫວັງວ່າການໄປຢາມນັ້ນຈະເປັນການ “ໃຫ້ກຳລັງໃຈກັນແລະກັນ.” (ຣມ 1:11, 12) ເຈົ້າເຄີຍຄິດບໍວ່າຈະໃຫ້ກຳລັງໃຈຜູ້ດູແລໝວດແລະເມຍແນວໃດ?
ເບິ່ງວິດີໂອຊີວິດຂອງຜູ້ດູແລໝວດໃນເຂດຊົນນະບົດແລ້ວຕອບຄຳຖາມຕໍ່ໄປນີ້:
-
ຜູ້ດູແລໝວດແລະເມຍເສຍສະລະໂຕເອງແລະສະແດງຄວາມຮັກຕໍ່ພີ່ນ້ອງໃນປະຊາຄົມແນວໃດ?
-
ເຈົ້າໄດ້ຮັບປະໂຫຍດຫຍັງແດ່ຈາກການມາຢາມຂອງເຂົາເຈົ້າ?
-
ເຈົ້າຈະໃຫ້ກຳລັງໃຈເຂົາເຈົ້າແນວໃດແດ່?
