ຍ້ອນ​ວ່າ​ຄວາມ​ທຸກ​ລຳບາກ​ໃຫຍ່​ກຳລັງ​ໃກ້​ເຂົ້າ​ມາ ການ​ປະກາດ​ຈຶ່ງ​ເປັນ​ວຽກ​ຮີບ​ດ່ວນ. (ສຸພາ. 24:11, 12, 20) ເພື່ອ​ຊ່ວຍ​ຜູ້​ຄົນ ເຮົາ​ສາມາດ​ໃຊ້​ນາມ​ບັດ jw.org ເພື່ອ​ດຶງ​ຄວາມ​ສົນ​ໃຈ​ຂອງ​ເຂົາ​ເຈົ້າ​ໄປ​ທີ່​ຄຳພີ​ໄບເບິນ​ແລະ​ເວັບໄຊ​ຂອງ​ເຮົາ. ນາມ​ບັດ​ນີ້​ມີ​ລະຫັດ​ທີ່​ເຊື່ອມ​ຕໍ່​ກັບ​ວິດີໂອ​ພວກ​ເຮົາ​ເຮັດ​ຫຍັງ​ຢູ່​ທີ່​ຫໍ​ປະຊຸມ​ລາຊະອານາຈັກ? ແລະ​ໜ້າ​ຄຳ​ເຊີນ​ເພື່ອ​ຂໍ​ຂໍ້​ມູນ​ເພີ່ມ​ເຕີມ ຫຼື​ຂໍ​ຮຽນ​ຄຳພີ​ໄບເບິນ. ບາງຄົນ​ບໍ່​ຢາກ​ຮັບ​ເອົາ​ປຶ້ມ​ໄວ້ ແຕ່​ພ້ອມ​ຈະ​ເຂົ້າ​ໄປ​ເບິ່ງ​ເວັບໄຊ​ຂອງ​ເຮົາ. ດັ່ງນັ້ນ ໃຫ້​ເອົາ​ນາມ​ບັດ​ນີ້​ໃຫ້​ເຂົາ​ເຈົ້າ​ໂລດ. ແຕ່​ບໍ່​ຄວນ​ປະ​ນາມ​ບັດ​ໄວ້​ສຳລັບ​ເຮືອນ​ທີ່​ບໍ່​ມີ​ຄົນ​ຢູ່​ຫຼື​ໃຫ້​ກັບ​ຄົນ​ທີ່​ບໍ່​ສົນ​ໃຈ.

ເມື່ອ​ເຮັດ​ວຽກ​ປະຈຳ​ວັນ ເຈົ້າ​ອາດ​ສ້າງ​ຄວາມ​ສົນ​ໃຈ​ໃຫ້​ບາງ​ຄົນ​ໂດຍ​ເວົ້າ​ວ່າ: “ຂ້ອຍ​ມີ​ບາງ​ສິ່ງ​ໃຫ້​ເຈົ້າ. ເຈົ້າ​ສາມາດ​ໃຊ້​ນາມ​ບັດ​ນີ້​ເຂົ້າ​ໄປ​ເບິ່ງ​ເວັບໄຊ​ທີ່​ມີ​ຂໍ້​ມູນ​ຟຣີ​ແລະ​ມີ​ວິດີໂອ​ກ່ຽວ​ກັບ​ຫຼາຍໆເລື່ອງ.” (ໂຢ. 4:7) ຍ້ອນ​ວ່າ​ນາມ​ບັດ​ນີ້​ນ້ອຍ ເຈົ້າ​ຈຶ່ງ​ເອົາ​ຕິດ​ຕົວ​ໄປ​ນຳ​ໄດ້​ເພື່ອ​ໃຫ້​ຄົນ​ອື່ນ​ໃນ​ທຸກໆໂອກາດ.