ພະ​ເຢຊູ​ປະກາດ “ຂ່າວ​ດີ​ເລື່ອງ​ການ​ປົກຄອງ​ຂອງ​ພະເຈົ້າ.” (ລກ 4:43) ເພິ່ນ​ຍັງ​ສອນ​ຜູ້​ຄົນ​ໃຫ້​ອະທິດຖານ​ກ່ຽວ​ກັບ​ການ​ປົກຄອງ​ຂອງ​ພະເຈົ້າ. (ມທ 6:9, 10) ໃນ​ເດືອນ​ພະຈິກ ເຮົາ​ຈະ​ພະຍາຍາມ​ປະກາດ​ເລື່ອງ​ການ​ປົກຄອງ​ຂອງ​ພະເຈົ້າ​ເປັນ​ພິເສດ. (ມທ 24:14) ໃຫ້​ຈັດ​ເວລາ​ໄວ້​ເພື່ອ​ເຈົ້າ​ຈະ​ມີ​ສ່ວນ​ຮ່ວມ​ຢ່າງ​ເຕັມທີ​ໃນ​ໂຄງການ​ພິເສດ​ນີ້. ຜູ້​ທີ່​ສະໝັກ​ເປັນ​ໄພໂອເນຍ​ສົມທົບ​ໃນ​ເດືອນ​ນີ້​ເລືອກ​ໄດ້​ວ່າ​ຈະ​ເຮັດ 30 ຫຼື 50 ຊົ່ວ​ໂມງ​ກໍ​ໄດ້.

ຂໍ​ໃຫ້​ປະກາດ​ໂດຍ​ພະຍາຍາມ​ເປີດ​ຄຳພີ​ໄບເບິນ​ທີ່​ກ່ຽວ​ຂ້ອງ​ກັບ​ການ​ປົກຄອງ​ຂອງ​ພະເຈົ້າ​ໃຫ້​ຫຼາຍ​ຄົນ​ໃນ​ເຂດ​ຂອງ​ເຈົ້າ​ໄດ້​ອ່ານ. ໃຫ້​ເລືອກ​ຂໍ້​ພະ​ຄຳພີ​ທີ່​ເໝາະ​ກັບ​ພູມ​ຫຼັງ​ທາງ​ສາສະໜາ​ຂອງ​ຄົນ​ທີ່​ເຈົ້າ​ລົມ​ນຳ. ຖ້າ​ຜູ້​ຟັງ​ສົນ​ໃຈ​ໃນ​ເທື່ອ​ທຳອິດ​ທີ່​ເຈົ້າ​ປະກາດ​ກໍ​ໃຫ້​ເອົາ​ຫໍສັງເກດການ​ສະບັບ​ທີ 2 ປີ 2020 ໃຫ້. ແລ້ວ​ກັບ​ໄປ​ຢາມ​ໃຫ້​ໄວ​ທີ່​ສຸດ​ເທົ່າ​ທີ່​ຈະ​ໄວ​ໄດ້ ແລະ​ພະຍາຍາມ​ເລີ່ມ​ການ​ສຶກສາ​ໂດຍ​ໃຊ້​ສິ່ງ​ພິມ​ໃນ​ກ່ອງ​ເຄື່ອງ​ມື​ສຳລັບ​ການ​ສອນ. ອີກ​ບໍ່​ດົນ ການ​ປົກຄອງ​ຂອງ​ພະເຈົ້າ​ຈະ​ທຳລາຍ​ລັດຖະບານ​ທັງ​ໝົດ​ທີ່​ຕໍ່​ຕ້ານ​ການ​ປົກຄອງ​ຂອງ​ເພິ່ນ. (ດາ 2:44; 1​ກຣ 15:24, 25) ດັ່ງ​ນັ້ນ ໃຫ້​ເຮົາ​ໃຊ້​ໂອກາດ​ພິເສດ​ນີ້​ຢ່າງ​ເຕັມທີ​ເພື່ອ​ສະແດງ​ໃຫ້​ເຫັນ​ວ່າ​ເຮົາ​ພັກດີ​ຕໍ່​ພະ​ເຢໂຫວາ​ແລະ​ການ​ປົກຄອງ​ຂອງ​ເພິ່ນ!