ຊີວິດຄລິດສະຕຽນ
ປັບປຸງຄວາມສາມາດໃນວຽກຮັບໃຊ້ຂອງເຮົາໃຫ້ດີຂຶ້ນ—ຊ່ວຍຜູ້ຄົນທີ່ “ເຕັມໃຈຕອບຮັບຄວາມຈິງ” ໃຫ້ເຂົ້າມາເປັນລູກສິດ
ເປັນຫຍັງເລື່ອງນີ້ຈຶ່ງສຳຄັນ?: ພະເຢໂຫວາເຮັດໃຫ້ເມັດແຫ່ງຄວາມຈິງໃຫຍ່ຂຶ້ນໃນຫົວໃຈຂອງຄົນເຫຼົ່ານັ້ນທີ່ “ເຕັມໃຈຕອບຮັບຄວາມຈິງເຊິ່ງເຮັດໃຫ້ໄດ້ຊີວິດຕະຫຼອດໄປ.” (ກິດ. 13:48, ລ.ມ.; 1 ໂກ. 3:7) ໃນວຽກປະກາດເຮົາເຮັດວຽກຮ່ວມກັບພະອົງໂດຍພະຍາຍາມຢ່າງເຕັມທີເພື່ອຊ່ວຍຄົນທີ່ຕອບຮັບສິ່ງທີ່ເຂົາເຈົ້າຮຽນ. (1 ໂກ. 9:26) ນັກສຶກສາຄຳພີໄບເບິນຕ້ອງເຂົ້າໃຈວ່າການຮັບບັບເຕມາແມ່ນສິ່ງທີ່ຈຳເປັນເພື່ອຈະລອດຊີວິດ. (1 ເປ. 3:21) ເຮົາຊ່ວຍເຂົາເຈົ້າໃຫ້ເຂົ້າມາເປັນລູກສິດໂດຍສອນໃຫ້ຮູ້ວ່າຕ້ອງປ່ຽນແປງຊີວິດ ໄປປະກາດແລະສອນ ແລະອຸທິດຊີວິດໃຫ້ກັບພະເຢໂຫວາ.—ມັດ. 28:19, 20
ສິ່ງທີ່ຄວນເຮັດ:
-
ບອກນັກສຶກສາວ່າຈຸດປະສົງຂອງການສຶກສາແມ່ນເພື່ອ ‘ມາຮູ້ຈັກ’ ພະເຢໂຫວາ ແລະເຮັດໃນສິ່ງທີ່ພະອົງພໍໃຈ.—ໂຢ. 17:3
-
ເພື່ອກ້າວໜ້າດ້ານຄວາມເຊື່ອ ຊ່ວຍເຂົາເຈົ້າໃຫ້ເອົາຊະນະອຸປະສັກຕ່າງໆ ເຊັ່ນ ນິດໄສແລະການຄົບຫາທີ່ບໍ່ດີ.
-
ຊ່ວຍເຂົາເຈົ້າໃຫ້ເຂັ້ມແຂງແລະໃຫ້ກຳລັງໃຈກ່ອນແລະພາຍຫຼັງຮັບບັບເຕມາ.—ກິດ. 14:22
ເບິ່ງວິດີໂອພະເຢໂຫວາພະເຈົ້າຈະຊ່ວຍເຈົ້າ ແລ້ວຕອບຄຳຖາມຕໍ່ໄປນີ້:
-
ບາງຄົນບໍ່ກ້າອຸທິດຕົວແລະຮັບບັບເຕມາຍ້ອນຢ້ານຫຍັງ?
-
ຜູ້ເຖົ້າແກ່ຈະຊ່ວຍນັກສຶກສາຄຳພີໄບເບິນໃຫ້ກ້າວໜ້າໃນຄວາມເຊື່ອໄດ້ແນວໃດ?
-
ເອຊາອີ 41:10 ສອນຫຍັງເຮົາກ່ຽວກັບພະເຢໂຫວາ?
-
ເຖິງວ່າເຮົາບໍ່ສົມບູນແບບ ແຕ່ຄຸນລັກສະນະຫຍັງແດ່ທີ່ຊ່ວຍເຮົາໃຫ້ຮັບໃຊ້ພະເຢໂຫວາໃນແບບທີ່ພະອົງພໍໃຈ?