ສິ່ງທີ່ມີຄ່າຈາກພະຄຳຂອງພະເຈົ້າ | ກິດຈະການ 9-11

ຜູ້ຂົ່ມເຫງທີ່ໂຫດຮ້າຍເຂົ້າມາເປັນຜູ້ປະກາດທີ່ກະຕືລືລົ້ນ

ເປີດ

ໂຊໂລປ່ຽນແປງຕາມສິ່ງທີ່ລາວໄດ້ຮຽນຮູ້ທັນທີ. ເປັນຫຍັງໂຊໂລຈຶ່ງປ່ຽນແປງທັງໆທີ່ຄົນອື່ນບໍ່ປ່ຽນແປງ? ຍ້ອນລາວຢ້ານຢຳພະເຈົ້າຫຼາຍກວ່າມະນຸດແລະຮູ້ຄຸນຄ່າຫຼາຍແທ້ໆທີ່ພະຄລິດໄດ້ເມດຕາລາວ. ຖ້າເຈົ້າກຳລັງສຶກສາຄຳພີໄບເບິນແຕ່ຍັງບໍ່ທັນຮັບບັບເຕມາເທື່ອ ເຈົ້າຈະຮຽນແບບໂຊໂລໂດຍຕັດສິນໃຈເຮັດຕາມສິ່ງທີ່ເຈົ້າໄດ້ຮຽນບໍ?

ເຈົ້າຮູ້ບໍ?

ຈັກກະພັດໂລມອະນຸຍາດໃຫ້ຄົນຢິວດຳເນີນການຕັດສິນຄວາມດ້ວຍຕົວເອງ. ນອກຈາກນັ້ນ ສານຊັນເຮດຣິນແລະປະໂລຫິດໃຫຍ່ມີອຳນາດກຳນົດວ່າອັນໃດຖືກອັນໃດຜິດໃນເລື່ອງສິນລະທຳສຳລັບຄົນຢິວບໍ່ວ່າເຂົາເຈົ້າຈະຢູ່ໃສກໍຕາມ. ດັ່ງນັ້ນ ສານແລະປະໂລຫິດໃຫຍ່ຈຶ່ງສາມາດອະນຸຍາດໃຫ້ໂຊໂລໄປຈັບຊາວຢິວທີ່ປ່ຽນມາເປັນຄລິດສະຕຽນແມ່ນແຕ່ຜູ້ທີ່ຢູ່ບ່ອນທີ່ຫ່າງໄກເຊັ່ນເມືອງດາມາເຊ.

ຄູ່ມືການປະຊຸມ