ຊີວິດຄລິດສະຕຽນ
ວິທີໃຊ້ປຶ້ມຮຽນຄຳພີໄບເບິນແລ້ວໄດ້ຫຍັງ?
ປຶ້ມຮຽນໄບເບິນ ຄ້າຍກັນກັບປຶ້ມໄບເບິນສອນ. ປຶ້ມທັງສອງຫົວນີ້ໃຊ້ໃນການສອນຄວາມຈິງແບບດຽວກັນແລະຈັດລຽງເນື້ອໃນແບບດຽວກັນ. ແຕ່ປຶ້ມຮຽນໄບເບິນ ໃຊ້ຄຳເວົ້າແລະການຫາເຫດຜົນທີ່ງ່າຍໆ. ປຶ້ມຫົວນີ້ອອກແບບສຳລັບຄົນທີ່ຄິດວ່າປຶ້ມໄບເບິນສອນ ເຂົ້າໃຈຍາກ. ປຶ້ມຮຽນໄບເບິນ ບໍ່ມີພາກຜະໜວກ ແຕ່ມີສ່ວນຄຳອະທິບາຍເພີ່ມເຕີມເຊິ່ງອະທິບາຍຄຳສັບແລະແນວຄິດທີ່ຢູ່ເນື້ອໃນຂອງບົດໃນແບບງ່າຍໆ. ໃນແຕ່ລະບົດບໍ່ມີຄຳຖາມນຳເລື່ອງຫຼືຂອບເພື່ອທົບທວນ ແຕ່ມີສ່ວນສະຫຼຸບເຊິ່ງສະຫຼຸບຄວາມຈິງຈາກຄຳພີໄບເບິນທີ່ໄດ້ອະທິບາຍຢູ່ໃນເນື້ອໃນຂອງບົດ. ປຶ້ມຫົວນີ້ກໍຄືກັບປຶ້ມໄບເບິນສອນ ເຮົາອາດສະເໜີໃນເວລາໃດກໍໄດ້ ເຖິງວ່າບໍ່ໄດ້ເປັນປຶ້ມຫຼັກທີ່ສະເໜີປະຈຳເດືອນກໍຕາມ. ເມື່ອນຳການສຶກສາຄຳພີໄບເບິນ ເຮົາຈະໃຊ້ລັກສະນະເດັ່ນຂອງປຶ້ມຮຽນໄບເບິນ ແນວໃດ?
ສ່ວນສະຫຼຸບ: ສຳລັບຄົນສ່ວນຫຼາຍ ວິທີປົກກະຕິທີ່ເຮົາສຶກສາປຶ້ມໄບເບິນສອນ ແມ່ນອ່ານແຕ່ລະຂໍ້ແລະຖາມຄຳຖາມ. ແຕ່ຖ້ານັກສຶກສາບໍ່ລຶ້ງຫຼາຍປານໃດກັບພາສາທີ່ກຳລັງໃຊ້ສຶກສາ ຫຼືອ່ານໜັງສືບໍ່ເກັ່ງ ໃນກໍລະນີນີ້ ເຈົ້າອາດເລືອກໃຊ້ປຶ້ມຮຽນໄບເບິນ ແລະອາດເລືອກໃຊ້ສ່ວນສະຫຼຸບຂອງແຕ່ລະບົດເພື່ອສຶກສາແລະສະໜັບສະໜູນລາວໃຫ້ອ່ານເນື້ອໃນດ້ວຍຕົວເອງ. ເຈົ້າສາມາດສອນຄວາມຈິງແຕ່ລະເລື່ອງໂດຍໃຊ້ເວລາປະມານ 15 ນາທີໃນການສຶກສາແຕ່ລະຄັ້ງ. ເນື່ອງຈາກບາງຄັ້ງຂໍ້ຄວາມໃນສ່ວນສະຫຼຸບອາດບໍ່ຄືກັບເນື້ອໃນຂອງບົດ ດັ່ງນັ້ນ ຜູ້ສອນຕ້ອງກຽມຕົວຢ່າງດີແລະຄິດເຖິງຄວາມຈຳເປັນຂອງນັກສຶກສາ. ຖ້າຜູ້ສອນນຳການສຶກສາໂດຍໃຊ້ເນື້ອໃນຂອງບົດ ກໍສາມາດໃຊ້ສ່ວນສະຫຼຸບເພື່ອທົບທວນ.
ສ່ວນຄຳອະທິບາຍເພີ່ມເຕີມ: ຄຳສັບແລະແນວຄິດທີ່ຢູ່ໃນສ່ວນອະທິບາຍເພີ່ມເຕີມແມ່ນລຽງຕາມລຳດັບທີ່ປາກົດຢູ່ເນື້ອໃນຂອງບົດ. ຜູ້ສອນອາດຕັດສິນໃຈວ່າຈະໃຊ້ສ່ວນຄຳອະທິບາຍເພີ່ມເຕີມໃນປຶ້ມຮຽນໄບເບິນ ໃນການສຶກສາຫຼືບໍ່.
