ສິ່ງທີ່ເຈົ້າຈະເອົາໄປໃຊ້ໃນວຽກປະກາດ | ເພີ່ມຄວາມສຸກໃນວຽກຮັບໃຊ້
ໃຊ້ຕົວຢ່າງປຽບທຽບສອນຈຸດສຳຄັນ
ເມື່ອກັບໄປຢາມຫຼືນຳການສຶກສາ ເຮົາຕ້ອງຊ່ວຍຜູ້ຟັງໃຫ້ເຂົ້າໃຈຈຸດສຳຄັນ. ເມື່ອເຮົາໃຊ້ຕົວຢ່າງປຽບທຽບເພື່ອສອນຈຸດສຳຄັນ ເຮົາກໍກະຕຸ້ນຄວາມສົນໃຈແລະເຮັດໃຫ້ເຂົາເຈົ້າຈື່ສິ່ງທີ່ເຮົາສອນໄດ້ງ່າຍຂຶ້ນ.
ເມື່ອເຈົ້າກຽມໂຕສຳລັບກັບໄປຢາມຫຼືນຳການສຶກສາຄຳພີໄບເບິນ ໃຫ້ເລືອກແຕ່ຈຸດທີ່ສຳຄັນທີ່ເຈົ້າຢາກເນັ້ນເທົ່ານັ້ນ ບໍ່ແມ່ນຈຸດທີ່ບໍ່ຄ່ອຍສຳຄັນ. ແລ້ວໃຫ້ເລືອກຕົວຢ່າງປຽບທຽບງ່າຍໆທີ່ກ່ຽວຂ້ອງກັບຊີວິດປະຈຳວັນ. (ມທ 5:14-16; ມຣກ 2:21; ລກ 14:7-11) ໃຫ້ຄິດເຖິງພູມຫຼັງຂອງຜູ້ຟັງແລະສິ່ງທີ່ເຂົາເຈົ້າເຮັດ. (ລກ 5:2-11; ຢຮ 4:7-15) ເມື່ອເຈົ້າເຫັນລາວມີຄວາມສຸກຍ້ອນເຂົ້າໃຈຈຸດສຳຄັນ ເຈົ້າກໍຈະມີຄວາມສຸກ.
ເບິ່ງວິດີໂອມີຄວາມສຸກໃນການສອນຄົນໃຫ້ເຂົ້າມາເປັນລູກສິດ—ປັບປຸງຄວາມສາມາດຂອງເຈົ້າ—ໃຊ້ຕົວຢ່າງປຽບທຽບສອນຈຸດສຳຄັນ ແລ້ວຕອບຄຳຖາມຕໍ່ໄປນີ້:
-
ເປັນຫຍັງນັກສຶກສາອາດຕ້ອງການຄວາມຊ່ວຍເຫຼືອເພື່ອຈະເຂົ້າໃຈຂໍ້ຄຳພີ?
-
ນີຕ້າໃຊ້ຕົວຢ່າງປຽບທຽບເພື່ອສອນຄວາມຈິງໃນໂຣມ 5:12 ແນວໃດ?
-
ຕົວຢ່າງປຽບທຽບທີ່ດີຈະມີຜົນຕໍ່ຜູ້ຟັງແນວໃດ?
-
ໃນວຽກຮັບໃຊ້ ເປັນຫຍັງເຮົາຄວນໃຊ້ວິດີໂອແລະເຄື່ອງມືການສອນອື່ນໆທີ່ອົງການຂອງພະເຢໂຫວາຈັດກຽມໃຫ້?