ຊີວິດຄລິດສະຕຽນ

ຄວບຄຸມຄວາມຕ້ອງການຂອງໂຕເອງໃຫ້ໄດ້

ເປີດ

ເນື່ອງຈາກເຮົາບໍ່ສົມບູນແບບ ເຮົາຈຶ່ງຕ້ອງຄວບຄຸມຄວາມຕ້ອງການຂອງໂຕເອງຢູ່ສະເໝີ. ຖ້າເຮັດຕາມໃຈໂຕເອງໂດຍບໍ່ມີການຄວບຄຸມ ເຮົາອາດເຮັດໃຫ້ພະເຢໂຫວາບໍ່ພໍໃຈໄດ້. ຕົວຢ່າງເຊັ່ນ ບາງຄົນມັກຄິດຫາແຕ່ເລື່ອງຂອງກິນ ມີເຄື່ອງນຸ່ງໃໝ່ໆ ແລະເຮືອນງາມໆ ເຂົາເຈົ້າຮັກສິ່ງເຫຼົ່ານີ້ຫຼາຍກວ່າຮັກພະເຈົ້າ. ສ່ວນບາງຄົນປ່ອຍໂຕເຮັດຕາມຄວາມຕ້ອງການທາງເພດໂດຍບໍ່ສົນໃຈມາດຕະຖານຂອງພະເຈົ້າ. (ຣມ 1:26, 27) ແລະບາງຄົນຢາກໃຫ້ຄົນອ້ອມຂ້າງມັກແລະຍອມຮັບ ເຂົາເຈົ້າຈຶ່ງຍອມເຮັດຕາມຄຳຊັກຊວນຂອງໝູ່ເຖິງຈະຮູ້ວ່າສິ່ງນັ້ນບໍ່ຖືກຕ້ອງ.—ອົບ 23:2

ແລ້ວເຮົາຈະຄວບຄຸມຄວາມຕ້ອງການຂອງເຮົາໄດ້ແນວໃດ? ເຮົາຕ້ອງພະຍາຍາມເຕັມທີເພື່ອຈະເຮັດສິ່ງທີ່ພະເຢໂຫວາພໍໃຈ. (ມທ 4:4) ແລະຂໍພະເຢໂຫວາຊ່ວຍເຮົາໃຫ້ຄວບຄຸມຄວາມຕ້ອງການທີ່ບໍ່ຖືກຕ້ອງ ເພາະເພິ່ນຮູ້ວ່າອັນໃດດີທີ່ສຸດສຳລັບເຮົາແລະຮູ້ວິທີຊ່ວຍທີ່ເໝາະສົມທີ່ສຸດ.—ເພງ 145:16

ເບິ່ງວິດີໂອຢ່າໃຫ້ຊີວິດພັງເພາະຄວັນຢາສູບ ແລ້ວຕອບຄຳຖາມຕໍ່ໄປນີ້:

ເປັນຫຍັງບາງຄົນຈຶ່ງສູບຢາ?
ການສູບຢາສົ່ງຜົນຕໍ່ເຈົ້າແນວໃດ?
ເປັນຫຍັງການສູບຢາຫຼືຢາສູບໄຟຟ້າຈຶ່ງຜິດ?—2ກຣ 7:1
ການສູບຢາ ເຈົ້າເອົາຊະນະໄດ້!

ເຈົ້າຈະປະຕິເສດຕອນທີ່ມີຄົນມາຊວນສູບຢາຫຼືຈະເຊົາສູບຢາໄດ້ແນວໃດ?