ຊີວິດຄລິດສະຕຽນ

ໃຊ້ປຶ້ມຊີວິດທີ່ມີຄວາມສຸກຕະຫຼອດໄປ! ເພື່ອຊ່ວຍໃຫ້ມີຄວາມເຊື່ອໃນພະເຢໂຫວາແລະພະເຢຊູ

ເປີດ

ນັກສຶກສາຕ້ອງມີຄວາມເຊື່ອທີ່ເຂັ້ມແຂງຖ້າຢາກເຮັດໃຫ້ພະເຈົ້າພໍໃຈ. (ຮຣ 11:6) ເຮົາຊ່ວຍເຂົາເຈົ້າໄດ້ໂດຍໃຊ້ປຶ້ມຊີວິດທີ່ມີຄວາມສຸກຕະຫຼອດໄປ! ປຶ້ມຫົວນີ້ມີຂໍ້ຄຳພີຫຼາຍຂໍ້ ມີການຫາເຫດຜົນທີ່ຈະແຈ້ງ ມີຄຳຖາມຊວນໃຫ້ຄິດ ມີວິດີໂອຫຼາຍເລື່ອງທີ່ໜ້າປະທັບໃຈ ແລະມີຮູບປະກອບງາມໆ. ເມື່ອເຮົາຊ່ວຍນັກສຶກສາໃຫ້ມີຄຸນລັກສະນະແບບຄລິດສະຕຽນແລະສະໜິດກັບພະເຈົ້າຫຼາຍຂຶ້ນ ເຮົາກໍກຳລັງຊ່ວຍໃຫ້ເຂົາເຈົ້າສ້າງຮາກຖານຂອງຄວາມເຊື່ອທີ່ສາມາດທົນການທົດສອບທີ່ເປັນຄືກັບໄຟ.—1ກຣ 3:12-15

ບາງຄົນຮູ້ສຶກວ່າຍາກທີ່ຈະເປັນໝູ່ກັບພະເຈົ້າທີ່ເຂົາເຈົ້າເບິ່ງບໍ່ເຫັນ. ດັ່ງນັ້ນ ເຮົາຕ້ອງຊ່ວຍເຂົາເຈົ້າໃຫ້ມາຮູ້ຈັກພະເຢໂຫວາແລະໄວ້ໃຈເພິ່ນ.

ເບິ່ງວິດີໂອຊ່ວຍຄົນອື່ນໃຫ້ມີຄວາມເຊື່ອໃນພະເຢໂຫວາໂດຍໃຊ້ປຶ້ມ “ຊີວິດທີ່ມີຄວາມສຸກຕະຫຼອດໄປ!” ແລ້ວຕອບຄຳຖາມຕໍ່ໄປນີ້:

ເຮົາຮູ້ໄດ້ແນວໃດວ່າພີ່ນ້ອງຍິງກຽມການສຶກສາຢ່າງດີ?
ລາວໃຊ້ຄຳຖາມເສີມແນວໃດແດ່ເພື່ອຊ່ວຍໃຫ້ນັກສຶກສາອອກຄວາມຄິດເຫັນແລະບອກຄວາມຮູ້ສຶກກ່ຽວກັບເອຊາອີ 41:10, 13?
ວິດີໂອແລະຂໍ້ຄຳພີຕ່າງໆເຮັດໃຫ້ນັກສຶກສາຮູ້ສຶກແນວໃດ?

ຫຼາຍຄົນບໍ່ຮູ້ວ່າຄ່າໄຖ່ແມ່ນຫຍັງ ຫຼືບໍ່ໄດ້ຄິດວ່າຄ່າໄຖ່ເປັນຂອງຂວັນທີ່ພະເຈົ້າໃຫ້ກັບລາວ. (ຄລຕ 2:20) ດັ່ງນັ້ນ ເຮົາຕ້ອງຊ່ວຍລາວໃຫ້ມີຄວາມເຊື່ອໃນຄ່າໄຖ່ຂອງພະເຢຊູ.

ເບິ່ງວິດີໂອຊ່ວຍຄົນອື່ນໃຫ້ມີຄວາມເຊື່ອໃນພະເຢຊູໂດຍໃຊ້ປຶ້ມ “ຊີວິດທີ່ມີຄວາມສຸກຕະຫຼອດໄປ!” ແລ້ວຕອບຄຳຖາມຕໍ່ໄປນີ້:

ເຮົາຮູ້ໄດ້ແນວໃດວ່າພີ່ນ້ອງຊາຍກຽມການສຶກສາຢ່າງດີ?
ພີ່ນ້ອງຊາຍໃຊ້ສ່ວນ “ເບິ່ງເພີ່ມເຕີມ” ແນວໃດເພື່ອຊ່ວຍນັກສຶກສາ?
ເປັນຫຍັງການອະທິດຖານກັບນັກສຶກສາແລະເວົ້າເຖິງເລື່ອງຂອງລາວໃນຄຳອະທິດຖານຈຶ່ງສຳຄັນ?

ຄູ່ມືການປະຊຸມ