ຊີວິດຄລິດສະຕຽນ
ໃຊ້ສະຖານະການປັດຈຸບັນໃນວຽກຮັບໃຊ້
ໃນວຽກຮັບໃຊ້ ພະເຢຊູສອນບົດຮຽນຜູ້ຄົນໂດຍເວົ້າເຖິງເຫດການທີ່ຫາກໍເກີດຂຶ້ນ. (ລກ 13:1-5) ເຈົ້າກໍໃຊ້ເຫດການທີ່ເກີດຂຶ້ນໃນປັດຈຸບັນເພື່ອຊ່ວຍໃຫ້ຜູ້ຄົນສົນໃຈຄວາມຈິງໄດ້ຄືກັນ. ຫຼັງຈາກທີ່ເວົ້າເຖິງບັນຫາ ເຊັ່ນ ເລື່ອງຄ່າໃຊ້ຈ່າຍ ໄພທຳມະຊາດ ຄວາມບໍ່ສະຫງົບທາງການເມືອງ ຢາເສບຕິດ ຫຼືເລື່ອງອື່ນໆ ເຈົ້າອາດໃຊ້ຄຳຖາມເພື່ອຊວນເຈົ້າຂອງເຮືອນໃຫ້ຄິດ. ເຈົ້າອາດຖາມວ່າ: “ເຈົ້າຄິດວ່າເປັນໄປໄດ້ບໍທີ່ບັນຫາ . . . ຈະໝົດໄປ?” ຫຼື “ເຈົ້າຄິດວ່າອັນໃດຈະຊ່ວຍແກ້ບັນຫາ . . . ໄດ້?” ຫຼັງຈາກນັ້ນ ອ່ານຂໍ້ຄຳພີທີ່ກ່ຽວກັບເລື່ອງນັ້ນໃຫ້ລາວຟັງ. ຖ້າລາວສົນໃຈ ເຈົ້າອາດໃຊ້ວິດີໂອຫຼືໜັງສືທີ່ຢູ່ໃນສ່ວນກ່ອງເຄື່ອງມືການສອນ. ເຮົາຢາກ “ເຮັດທຸກຢ່າງເພື່ອຂ່າວດີ” ເພື່ອໃຫ້ຜູ້ຄົນໃນເຂດສົນໃຈຄວາມຈິງ.—1ກຣ 9:22, 23
ຄົນໃນເຂດຂອງເຈົ້າສົນໃຈເລື່ອງຫຍັງ?
