ວັນທີ 6-12 ພຶດສະພາ
ເພງສັນລະເສີນ 36-37
ເພງທີ 87 ແລະຄຳອະທິດຖານ | ຄຳນຳເປີດການປະຊຸມ (1 ນາທີ)
1. “ຢ່າໃຈຮ້າຍຍ້ອນຄົນເຮັດຊົ່ວ”
(10 ນາທີ)
ຄົນຊົ່ວເຮັດໃຫ້ເຮົາຕ້ອງເຈັບປວດ ທຸກໃຈ ແລະຮູ້ສຶກຫົດຫູ່ (ພສ 36:1-4; ຫ17.04 ໜ້າ 11 ຂໍ້ 4)
ຖ້າເຮົາມີແຕ່ໃຈຮ້າຍໃຫ້ “ຄົນເຮັດຊົ່ວ” ເຮົາກໍທຳຮ້າຍໂຕເອງ (ພສ 37:1, 7, 8; ຫ22.06 ໜ້າ 10 ຂໍ້ 10)
ຖ້າເຮົາໄວ້ໃຈໃນຄຳສັນຍາຂອງພະເຢໂຫວາ ເຮົາກໍຈະຮູ້ສຶກສະຫງົບໃຈ (ພສ 37:10, 11; w03-SI 12/1 ໜ້າ 14 ຂໍ້ 20)
ໃຫ້ຖາມໂຕເອງວ່າ: ‘ຂ້ອຍສົນໃຈແລະຕິດຕາມຂ່າວເລື່ອງຄວາມຮຸນແຮງຫຼືຄວາມຊົ່ວໃນທຸກມື້ນີ້ຫຼາຍໂພດບໍ?’
2. ຄວາມຮູ້ທີ່ມີຄ່າຈາກພະເຈົ້າ
(10 ນາທີ)
-
ພສ 36:6—ຜູ້ຂຽນເພງສັນລະເສີນອາດໝາຍເຖິງຫຍັງຕອນທີ່ລາວປຽບທຽບຄວາມຍຸຕິທຳຂອງພະເຢໂຫວາວ່າເປັນຄືກັບ “ພູທີ່ໃຫຍ່ໆສູງໆ [ຫຼື “ຄືກັບພູຂອງພະເຈົ້າ,” ໄຂເງື່ອນ]”? (it-2-E ໜ້າ 445)
-
ເຈົ້າໄດ້ຮັບປະໂຫຍດຫຍັງຈາກການອ່ານຄຳພີໄບເບິນໃນອາທິດນີ້?
3. ການອ່ານຄຳພີໄບເບິນ
(4 ນາທີ) ພສ 37:1-26 (ອສ ບົດຮຽນທີ 10)
4. ເລີ່ມລົມ
(3 ນາທີ) ຕາມບ້ານເຮືອນ. (ສດຮ ບົດຮຽນທີ 1 ຈຸດທີ 5)
5. ຕິດຕາມ
(4 ນາທີ) ແບບບໍ່ເປັນທາງການ. ລົມກັບຄົນທີ່ເຈົ້າເຄີຍຊວນສຶກສາຄຳພີໄບເບິນແຕ່ລາວປະຕິເສດ ແລະຕອນນີ້ໃຫ້ລອງຊວນລາວອີກເທື່ອໜຶ່ງ. (ສດຮ ບົດຮຽນທີ 9 ຈຸດທີ 4)
6. ບັນລະຍາຍ
(5 ນາທີ) ijwbv-SI ບົດຄວາມ 45—ເລື່ອງ: ເພງສັນລະເສີນ 37:4 ໝາຍຄວາມວ່າແນວໃດ? (ອສ ບົດຮຽນທີ 13)
ເພງທີ 33
7. ເຈົ້າກຽມພ້ອມທີ່ຈະຮັບມື “ໃນຍາມທີ່ທຸກຍາກ” ແລ້ວບໍ?
(15 ນາທີ) ບັນລະຍາຍແລະຖາມຄວາມຄິດເຫັນ.
ເນື່ອງຈາກພີ່ນ້ອງທົ່ວໂລກຕ້ອງເຈິກັບໄພພິບັດທາງທຳມະຊາດແລະໄພພິບັດທີ່ເກີດຈາກມະນຸດ ນີ້ຈຶ່ງເຮັດໃຫ້ຫຼາຍຄົນສູນເສຍຊັບສິນເງິນຄຳແລະຄົນທີ່ຮັກໄປ. (ພສ 9:9, 10) ທີ່ຈິງ “ຍາມທີ່ທຸກຍາກ” ແບບນີ້ອາດເກີດຂຶ້ນຕອນໃດກໍໄດ້. ດັ່ງນັ້ນ ເຮົາທຸກຄົນຕ້ອງກຽມໂຕໃຫ້ພ້ອມທີ່ຈະຮັບມືຢູ່ສະເໝີ.
ນອກຈາກເຮົາຈະຕ້ອງກຽມສິ່ງຂອງຕ່າງໆທີ່ຈະຊ່ວຍເຮົາໃຫ້ລອດຕອນທີ່ເຈິໄພພິບັດແລ້ວ a ເຮົາຕ້ອງເຮັດຫຍັງອີກ?
-
ກຽມໃຈໃຫ້ພ້ອມ. ໃຫ້ຄິດວ່າໄພພິບັດອາດຈະເກີດຂຶ້ນກັບເຮົາໄດ້ ແລະໃຫ້ວາງແຜນໄວ້ລ່ວງໜ້າວ່າເຮົາຈະເຮັດແນວໃດຖ້າມັນເກີດຂຶ້ນແທ້. ນອກຈາກນັ້ນ ຢ່າເປັນຫ່ວງຫຼືຮັກສິ່ງຂອງທີ່ເຮົາມີຫຼາຍເກີນໄປ. ການເຮັດແບບນີ້ຈະຊ່ວຍເຮົາໃຫ້ຕັດສິນໃຈໄດ້ຢ່າງສະຫຼາດແລະຄິດເຖິງຄວາມປອດໄພຂອງໂຕເອງແລະຂອງຄົນອື່ນຫຼາຍກວ່າສິ່ງຂອງຂອງເຮົາ. (ປຖກ 19:16; ພສ 36:9) ການເຮັດແບບນີ້ຍັງຊ່ວຍເຮົາໃຫ້ເບິ່ງຕາມຄວາມເປັນຈິງ ແລະບໍ່ເຄັ່ງຕຶງຫຼືເສຍໃຈຫຼາຍໂພດຖ້າເຮົາຕ້ອງສູນເສຍສິ່ງຂອງທີ່ເຮົາມີ.—ພສ 37:19
-
ກຽມຄວາມເຊື່ອໃຫ້ເຂັ້ມແຂງ. ເຮັດສິ່ງຕ່າງໆທີ່ຈະຊ່ວຍເຮົາໃຫ້ໄວ້ໃຈໃນຄວາມສາມາດຂອງພະເຢໂຫວາວ່າເພິ່ນຈະເບິ່ງແຍງເຮົາໄດ້ ແລະໝັ້ນໃຈວ່າເພິ່ນຢາກຊ່ວຍເຮົາແທ້ໆ. (ພສ 37:18) ເຖິງວ່າຕອນນີ້ເຮົາຍັງບໍ່ທັນເຈິໄພພິບັດ ແຕ່ເຮົາກໍຄວນເຕືອນໂຕເອງເລື້ອຍໆວ່າພະເຢໂຫວາຈະເບິ່ງແຍງແລະຊີ້ນຳຜູ້ຮັບໃຊ້ຂອງເພິ່ນສະເໝີ ແລະຖ້າໄພພິບັດເກີດຂຶ້ນແທ້ໆ ແລ້ວເຮົາລອດຊີວິດແຕ່ສູນເສຍຊັບສົມບັດວັດຖຸ ພະເຢໂຫວາກໍຍັງຈະເບິ່ງແຍງເຮົາແນ່ນອນ.—ຢຣມ 45:5; ພສ 37:23, 24
ຖ້າເຮົາໝັ້ນໃຈວ່າພະເຢໂຫວາຈະເຮັດໃຫ້ຄຳສັນຍາຂອງເພິ່ນເກີດຂຶ້ນແທ້ ເຮົາກໍຈະມີເພິ່ນເປັນ ‘ບ່ອນລີ້ໄພໃນຍາມທີ່ທຸກລຳບາກ.’—ພສ 37:39
ເປີດວິດີໂອ ເຈົ້າໄດ້ກຽມໂຕຮັບມືກັບໄພພິບັດແລ້ວບໍ? ແລ້ວຖາມວ່າ:
-
ພະເຢໂຫວາຈະຊ່ວຍເຮົາແນວໃດຕອນທີ່ເຈິໄພພິບັດ?
-
ເຮົາຈະກຽມໂຕຮັບມືກັບໄພພິບັດໄດ້ແນວໃດ?
-
ເຮົາຈະຊ່ວຍຄົນອື່ນທີ່ເຈິໄພພິບັດໄດ້ແນວໃດ?
8. ການສຶກສາຄຳພີໄບເບິນປະຈຳປະຊາຄົມ
(30 ນາທີ) ຖຖ ບົດທີ 9 ຂໍ້ 8-16
ສະຫຼຸບແລະປິດການປະຊຸມ (3 ນາທີ) |
a ເບິ່ງຕື່ນເຖີດ! ສະບັບທີ 5 ປີ 2017 ໜ້າ 4-6 (ພາສາໄທ)
