JW Library ເປັນ​ແອັບ​ຟຣີ (software application) ທີ່​ອະນຸຍາດ​ໃຫ້​ເຈົ້າ​ດາວ​ໂຫຼດ​ຄຳພີ​ໄບເບິນ ສິ່ງ​ພິມ​ຕ່າງໆ ວິດີໂອ ແລະ​ໄຟ​ລ​ສຽງ​ລົງ​ໃນ​ໂທລະສັບ ແທັບເລັດ ຫຼື​ຄອມພິວເຕີ​ຂອງ​ເຈົ້າ.

ວິທີ​ທີ່​ຈະ​ໄດ້​ແອັບ​ນີ້: ເຂົ້າ​ອິນເຕີເນັດ ແລະ​ຕິດ​ຕັ້ງ JW Library ຈາກ app store. ແອັບ​ນີ້​ໃຊ້​ໄດ້​ກັບ​ອຸປະກອນ​ຫຼາຍໆຢ່າງ. ໃນ​ຂະນະ​ທີ່​ອອນລາຍ​ໃຫ້​ເປີດ​ແອັບ​ນີ້​ແລະ​ເລືອກ​ດາວ​ໂຫຼດ​ລາຍການ​ຕ່າງໆທີ່​ເຈົ້າ​ຕ້ອງການ​ໃສ່​ໃນ​ອຸປະກອນ​ຂອງ​ເຈົ້າ. ຖ້າ​ບໍ່​ມີ​ອິນເຕີເນັດ​ຢູ່​ບ້ານ ເຈົ້າ​ອາດ​ດາວ​ໂຫຼດ​ຢູ່​ທີ່​ຫໍ​ປະຊຸມ​ລາຊາ​ອານາຈັກ ຫ້ອງ​ສະ​ໝຸດ​ສາທາລະນະ ຫຼື​ຮ້ານ​ກາເຟ​ກໍ​ໄດ້​ທີ່​ມີ​ອິນເຕີເນັດ. ເມື່ອ​ດາວ​ໂຫຼດ​ສິ່ງ​ພິມ​ຕ່າງໆໃສ່​ໃນ​ອຸປະກອນ​ແລ້ວ ເຈົ້າ​ກໍ​ບໍ່​ຈຳເປັນ​ຕ້ອງ​ເຊື່ອມ​ຕໍ່​ອິນເຕີເນັດ​ເພື່ອ​ເປີດ​ສິ່ງ​ທີ່​ດາວ​ໂຫຼດ. ແຕ່​ໃນ JW Library ມີ​ສິ່ງ​ໃໝ່ໆເພີ່ມ​ເຂົ້າ​ມາ​ເປັນ​ປະຈຳ ດັ່ງ​ນັ້ນ ເຈົ້າ​ຈຶ່ງ​ຄວນ​ເຊື່ອມ​ຕໍ່​ອິນເຕີເນັດ​ເປັນ​ບາງ​ຄັ້ງ​ຄາວ​ແລະ​ອັບ​ເດດ​ແອັບ​ຖ້າ​ມີ.

ເປັນ​ຫຍັງ​ຈຶ່ງ​ຕ້ອງ​ມີ? ກໍ​ຍ້ອນ​ວ່າ​ແອັບ JW Library ເປັນ​ສິ່ງ​ທີ່​ສະດວກ​ຫຼາຍ​ແທ້ໆເມື່ອ​ໃຊ້​ສຶກສາ​ສ່ວນ​ຕົວ​ແລະ​ຕິດ​ຕາມ​ໄປ​ນຳ​ໃນ​ລະຫວ່າງ​ການ​ປະຊຸມ​ປະຈຳ​ປະຊາຄົມ. ແອັບ​ນີ້​ຍັງ​ເປັນ​ປະໂຫຍດ​ໃນ​ການ​ປະກາດ​ໂດຍ​ສະເພາະ​ເມື່ອ​ປະກາດ​ແບບ​ບໍ່​ເປັນ​ທາງ​ການ.