ສິ່ງທີ່ມີຄ່າຈາກພະຄຳຂອງພະເຈົ້າ | ມາລະໂກ 9-10
ນິມິດທີ່ເສີມຄວາມເຊື່ອ
ລອງນຶກພາບວ່າພະເຍຊູຈະຮູ້ສຶກແນວໃດເມື່ອໄດ້ຍິນສຽງພໍ່ຂອງເພິ່ນຈາກສະຫວັນປະກາດວ່າເພິ່ນເປັນທີ່ຊອບໃຈຂອງພະອົງໃນນິມິດການປ່ຽນຮູບກາຍ. ບໍ່ຕ້ອງສົງໄສເລີຍວ່າເລື່ອງນີ້ຈະເສີມກຳລັງພະເຍຊູໃຫ້ອົດທົນກັບຄວາມທຸກທີ່ກຳລັງຈະເຈິ. ນິມິດນີ້ເຮັດໃຫ້ເປໂຕ ຢາໂກໂບ ແລະໂຢຮັນປະທັບໃຈຫຼາຍ. ພະເຍຊູເປັນເມຊີແລະເຂົາເຈົ້າມີສິດທິພິເສດໄດ້ຟັງເພິ່ນ. ປະມານ 32 ປີຕໍ່ມາ ເປໂຕກໍຍັງຈື່ນິມິດນີ້ແລະນັ້ນເຮັດໃຫ້ລາວໝັ້ນໃຈໃນ “ຄຳທຳນວາຍ” ຫຼືຄຳພະຍາກອນຫຼາຍຂຶ້ນ.”—2 ເປ. 1:16-19
ເຖິງວ່າເຮົາຈະບໍ່ໄດ້ເຫັນນິມິດນີ້ດ້ວຍຕົວເອງ ແຕ່ເຮົາກໍກຳລັງເປັນພະຍານໃນການສຳເລັດເປັນຈິງຂອງນິມິດນີ້. ພະເຍຊູປົກຄອງເປັນກະສັດທີ່ມີອຳນາດ. ອີກບໍ່ດົນເພິ່ນຈະໄດ້ “ກຳເອົາໄຊຊະນະ” ເຊິ່ງເປີດທາງໄປສູ່ໂລກໃໝ່ທີ່ຊອບທຳ.—ຄຳປ. 6:2, ທ.ປ.
ການເຫັນຄວາມສຳເລັດເປັນຈິງຂອງຄຳພະຍາກອນເສີມຄວາມເຊື່ອຂອງເຈົ້າໃຫ້ເຂັ້ມແຂງຂຶ້ນໄດ້ແນວໃດ?
